1 Timoteo 2
2
Pixabanic chwi ri oración
1Cantz'onoj c'u chawe chabi'ij wa' che rutinamit ri Dios: Lic chirajawaxic wi caka'an orar chwach ri Dios. Echiri' cojch'a't ruc', e chojelaj chwach Rire paquiwi conoje ri ticawex cha' cuya chique ri lic cajawax che ri quibinic quisilabic, yey katioxij ronoje che. 2Ka'ana orar paquiwi tak ri e takanelab y paquiwi conoje tak ri e aj wach che ruwachulew cha' jela' utz coj-jeki' chi utzil chomal y cojbin jusuc' ruc' jun sakil binic silabic chwach ri Dios. 3Lic c'u ka'ana orar ma wa' e lic utz y e cuc'ul uc'u'x ri Dios Kacolobenel, 4ma ri caraj Rire e quecolobetaj conoje ri ticawex y caqueta'maj chi utz ri K'ijsak. 5Ma xa jun ri Dios c'olic yey xa jun ri c'o puk'ab cach'aw pakawi' chwach ri Dios; wa' e ri Kanimajawal Jesucristo, Ralaxel Chiquixo'l Ticawex. 6Rire xuya rib pa camic kuma ri'oj oj ticawex cha' cutoj ri kamac y cojresaj puk'ab Ritzel; yey wa' xk'alajisax pa ruk'ijol uch'obom chi lo ri Dios. 7E ruma wa', ri'in in cha'tal lo ruma ri Dios re cantzijoj ri Utzilaj Tzij y quinu'an c'u in tako'n yey in c'utunel chiquiwach ri na e ta aj Israel cha' jela' cacubi' quic'u'x rique ruc' ri Cristo y caquicoj ri K'ijsak. Lic katzij wa cambi'ij che alak, ma in re ri Cristo y na can'an ta rak'ubal.
8Ri cuaj ri'in e conoje tak rachijab, tob pa e c'o wi, xaki qui'ana orar chwach ri Dios. Yey echiri' caquiyac c'u ri quik'ab re caqui'an orar, ri lic chirajawaxic wi e jusuc' ri quibinic quisilabic, na jinta oyowal pa canima' y na quech'o'jin ta chiquiwach.
Pixabanic chwi ri sakil quibinic rixokib
9Ri nupixabanic chique tak rixokib e quiwika quib chi usuc'liquil. Maquic'ut c'u ri quicuerpo yey maquiwik quib xa re yacbal quik'ij. Ma ¿sa' ri cu'an chom che rixok? ¿E nawi ri wikital ruc' oro y ruc' perlas? ¿E nawi uchomalil la' ri quiwikibal? Na e taj, 10ma ri quichomalil e ri chomilaj chac caqui'an chwach ri Dios, jela' pacha' ri takal chique rixokib caquilok'nimaj uk'ij Rire.
11Echiri' cac'ut Rutzij Upixab ri Dios chiquiwach rixokib, lic chirajawaxic rique xew caquito y maquic'ul uwach. 12Ri'in na canya ta luwar chique rixokib quebu'an e aj c'utunel chiquiwach rachijab o quetakan paquiwi'; ma ri lic ube e xa caquito. 13Ma ri Dios nabe e xu'an ri Adán, tec'uchiri' xu'an ri Eva. 14Yey na e ta ri Adán ri xsocotaj nabe ruma ritzel, e ri Eva; y echiri' xsocotajic, e xupalajij rutzij ri Dios. 15Na ruc' ta c'u ri', ri Dios quebucolobej rixokib y cuya calc'o'al cha' quequiq'uiyisaj. Quecolobetaj c'u ri' we quetiqui' chi utz ruc' ri cubulibal quic'u'x, ri rutzil quic'u'x y ri santowilaj quibinic.
Currently Selected:
1 Timoteo 2: acrT
Highlight
Share
Copy
Want to have your highlights saved across all your devices? Sign up or sign in
© 2009, Wycliffe Bible Translators, Inc. All rights reserved.
1 Timoteo 2
2
Pixabanic chwi ri oración
1Cantz'onoj c'u chawe chabi'ij wa' che rutinamit ri Dios: Lic chirajawaxic wi caka'an orar chwach ri Dios. Echiri' cojch'a't ruc', e chojelaj chwach Rire paquiwi conoje ri ticawex cha' cuya chique ri lic cajawax che ri quibinic quisilabic, yey katioxij ronoje che. 2Ka'ana orar paquiwi tak ri e takanelab y paquiwi conoje tak ri e aj wach che ruwachulew cha' jela' utz coj-jeki' chi utzil chomal y cojbin jusuc' ruc' jun sakil binic silabic chwach ri Dios. 3Lic c'u ka'ana orar ma wa' e lic utz y e cuc'ul uc'u'x ri Dios Kacolobenel, 4ma ri caraj Rire e quecolobetaj conoje ri ticawex y caqueta'maj chi utz ri K'ijsak. 5Ma xa jun ri Dios c'olic yey xa jun ri c'o puk'ab cach'aw pakawi' chwach ri Dios; wa' e ri Kanimajawal Jesucristo, Ralaxel Chiquixo'l Ticawex. 6Rire xuya rib pa camic kuma ri'oj oj ticawex cha' cutoj ri kamac y cojresaj puk'ab Ritzel; yey wa' xk'alajisax pa ruk'ijol uch'obom chi lo ri Dios. 7E ruma wa', ri'in in cha'tal lo ruma ri Dios re cantzijoj ri Utzilaj Tzij y quinu'an c'u in tako'n yey in c'utunel chiquiwach ri na e ta aj Israel cha' jela' cacubi' quic'u'x rique ruc' ri Cristo y caquicoj ri K'ijsak. Lic katzij wa cambi'ij che alak, ma in re ri Cristo y na can'an ta rak'ubal.
8Ri cuaj ri'in e conoje tak rachijab, tob pa e c'o wi, xaki qui'ana orar chwach ri Dios. Yey echiri' caquiyac c'u ri quik'ab re caqui'an orar, ri lic chirajawaxic wi e jusuc' ri quibinic quisilabic, na jinta oyowal pa canima' y na quech'o'jin ta chiquiwach.
Pixabanic chwi ri sakil quibinic rixokib
9Ri nupixabanic chique tak rixokib e quiwika quib chi usuc'liquil. Maquic'ut c'u ri quicuerpo yey maquiwik quib xa re yacbal quik'ij. Ma ¿sa' ri cu'an chom che rixok? ¿E nawi ri wikital ruc' oro y ruc' perlas? ¿E nawi uchomalil la' ri quiwikibal? Na e taj, 10ma ri quichomalil e ri chomilaj chac caqui'an chwach ri Dios, jela' pacha' ri takal chique rixokib caquilok'nimaj uk'ij Rire.
11Echiri' cac'ut Rutzij Upixab ri Dios chiquiwach rixokib, lic chirajawaxic rique xew caquito y maquic'ul uwach. 12Ri'in na canya ta luwar chique rixokib quebu'an e aj c'utunel chiquiwach rachijab o quetakan paquiwi'; ma ri lic ube e xa caquito. 13Ma ri Dios nabe e xu'an ri Adán, tec'uchiri' xu'an ri Eva. 14Yey na e ta ri Adán ri xsocotaj nabe ruma ritzel, e ri Eva; y echiri' xsocotajic, e xupalajij rutzij ri Dios. 15Na ruc' ta c'u ri', ri Dios quebucolobej rixokib y cuya calc'o'al cha' quequiq'uiyisaj. Quecolobetaj c'u ri' we quetiqui' chi utz ruc' ri cubulibal quic'u'x, ri rutzil quic'u'x y ri santowilaj quibinic.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2009, Wycliffe Bible Translators, Inc. All rights reserved.