1 Tesalonicenses 2
2
Ruchac ri Pablo chupa ri tinamit Tesalónica
1Hermanos, eta'am alak lic c'o xutikoj janipa k'ij xojc'oji' chila' uc' alak. 2Yey eta'am ne alak ri xkic'owibej echiri' c'amaja' cojopon uc' alak; lic xc'ak bi kak'ij ruc' c'axlaj ch'a'tem y lic x'an c'ax chike chupa ri tinamit Filipos.#Hch. 16:19-24 Ec'uchiri' xojopon uc' alak, ri Dios lic xuya kachuk'ab che utzijoxic ri Utzilaj Tzij chixo'l alak, tob e c'o ri lic xcaj cojquik'atej. 3Ec'u ri tzijonic xka'an chiwach alak na xka'an ta ruc' sachibal na'oj, na xka'an ta ruc' rayibal na ube taj yey na xka'an tane re cakasoc alak. 4Ma ri tzijonic xka'ano e chirij ri caraj ri Dios, ri xcha'w ke'oj y xuya pakak'ab rutzijoxic ri Utzilaj Tzij. Na e ta c'u caka'an janipa ri cacaj rachijab, ma e caka'an janipa ri caraj ri Dios, ri carilo we utz o na utz taj sa' ri c'o chupa ri kanima'.
5Eta'am alak hermanos, ri'oj na xkayac ta k'ij alak xa ruma c'o cakaj che alak y na jinta xka'ano xa re cakesaj puak che alak. Ri Dios reta'am lic katzij wa cakabi'ij. 6Yey na e ta cakatzucuj cayac kak'ij uma ralak o cuma jujun chic. Tob ne pakak'ab c'o wi cojtakan pawi' alak ruma oj utako'n ri Cristo, pero na xka'an ta wa'. 7Ri xka'an uc' alak e pacha' cu'an juna ixok cuc' ri ralc'o'al echiri' quebuq'uiyisaj y quebuchajij ruc' ch'u'ch'uj uc'u'x. 8Ruma c'u ri c'axna'bal kac'u'x che alak, na xew ta lic xkaj cakatzijoj ri Utzilaj Tzij re ri Dios che alak, ma lic ne xkaya kanima' che to'ic alak, tob ne ruc' wa' cojcamic, ma lic c'ax cakana' alak.
9Hermanos, cac'un chic'u'x alak ri kachac y ri kacosic xkic'owibej chila' uc' alak; ma ri'oj xojchacun chipak'ij chichak'ab cha' jela' na xka'an ta oj eka'n chukul junok che alak#2:9 Ri Pablo cuc' ri rachbi'il caqui'an carpa y ruc' wa' caquich'ac quirajil. Hch. 18:3 echiri' xkatzijoj ri Utzilaj Tzij re ri Dios chixo'l alak. 10Ilom c'u ralak y rilom ne ri Dios sa' ri kabinic kasilabic chixo'l alak ri cojom alak rubi' ri Cristo. Ma ri kabinic lic chom, lic jusuc' y na jinta c'o cach'a'tiben re.
11Lic eta'am c'u alak, ri xka'ano e pacha' cu'an juna achi cuc' ri ralc'o'al. Ma xkapixabaj alak, xkanimarisaj c'u'x alak chijujunal alak 12y lic xkatz'onoj che alak cha' cabin alak jusuc' jela' pacha' ri lic takal che alak ri alak re ri Dios, ri cusiq'uij alak cha' cac'oji' alak chupa ri chomilaj utakanic.
13E uwari'che, ri'oj xaki cojtioxin chwach ri Dios, ma echiri' xkatzijoj ri Utzilaj Tzij re ri Dios che alak, na xc'ul ta alak wa' xa pacha' uch'a'tem ticawex; ma xmaj alak usuc' pakatzij wi wa' e Uch'a'tem ri Dios yey wa' e ri cujalc'atij ri binic silabic alak, ri cojom alak rubi' ri Cristo.
14Ralak hermanos, xtij alak c'ax paquik'ab ri e re ri tinamit alak, jela' pacha' ri xquic'ulumaj rutinamit ri Dios, ri quicojom rubi' ri Kanimajawal Jesucristo pa tak ri luwar re Judea, ma rique xeternabex ruc' c'ax cuma ri cach e aj judi'ab. 15Yey wa' wa aj judi'ab e xecamisan re ri Kanimajawal Jesucristo y e xecamisan que ri k'alajisanelab xetak lo cuc', yey xojquesaj lo ri'oj chupa tak ri quitinamit. Rique na caqui'an ta ri cuc'ul uc'u'x ri Dios y na caquiya tane luwar chique jujun chic caqui'an ri utz chwach ri Dios. 16Ma echiri' cakatzijoj ri Utzilaj Tzij chiquiwach ri na e ta aj judi'ab cha' quecolobetajic, rique caquitij uk'ij cojquik'atej. Ruc' wa' lic catajin uq'uiyaric ri quimac y jec'ula' ri' ri nimalaj k'atbal tzij re ri Dios c'o chi paquiwi'.
Ri Pablo caraj copon tanchi cuc' ri hermanos e c'o Tesalónica
17Ec'u ri'oj hermanos, tob naj oj c'o wi che alak yey c'o tan k'ij na kilom ta wach alak; na ruc' ta c'u ri' xaki c'o alak pa kanima' y lic curayij pan kac'u'x que'kila tanchi wach alak. 18Lic c'u xkarayij coje'bina uc' alak. Ri'in, in Pablo, na xa ta julaj lic xintij uk'ij qui'nwila alak, pero e ri Satanás xucoj k'atbal chikawach.
19¿China ri cuya qui'cotemal chike ri'oj? E ralak, ma lic cubul pan kac'u'x uc' alak yey e ralak ri tojbal re ri kachac. Yey echiri' cac'un lo ri Kanimajawal Jesucristo, lic cojqui'cot c'u ri' ma lic c'o xutikoj ri chac ka'anom uc' alak. 20Uma c'u ri' ralak, ri'oj cakana'o lic c'o xe'ela wi ri chac ka'anom y lic cojqui'cot che.
Currently Selected:
1 Tesalonicenses 2: acrT
Highlight
Copy
Compare
Share
Want to have your highlights saved across all your devices? Sign up or sign in
© 2009, Wycliffe Bible Translators, Inc. All rights reserved.
1 Tesalonicenses 2
2
Ruchac ri Pablo chupa ri tinamit Tesalónica
1Hermanos, eta'am alak lic c'o xutikoj janipa k'ij xojc'oji' chila' uc' alak. 2Yey eta'am ne alak ri xkic'owibej echiri' c'amaja' cojopon uc' alak; lic xc'ak bi kak'ij ruc' c'axlaj ch'a'tem y lic x'an c'ax chike chupa ri tinamit Filipos.#Hch. 16:19-24 Ec'uchiri' xojopon uc' alak, ri Dios lic xuya kachuk'ab che utzijoxic ri Utzilaj Tzij chixo'l alak, tob e c'o ri lic xcaj cojquik'atej. 3Ec'u ri tzijonic xka'an chiwach alak na xka'an ta ruc' sachibal na'oj, na xka'an ta ruc' rayibal na ube taj yey na xka'an tane re cakasoc alak. 4Ma ri tzijonic xka'ano e chirij ri caraj ri Dios, ri xcha'w ke'oj y xuya pakak'ab rutzijoxic ri Utzilaj Tzij. Na e ta c'u caka'an janipa ri cacaj rachijab, ma e caka'an janipa ri caraj ri Dios, ri carilo we utz o na utz taj sa' ri c'o chupa ri kanima'.
5Eta'am alak hermanos, ri'oj na xkayac ta k'ij alak xa ruma c'o cakaj che alak y na jinta xka'ano xa re cakesaj puak che alak. Ri Dios reta'am lic katzij wa cakabi'ij. 6Yey na e ta cakatzucuj cayac kak'ij uma ralak o cuma jujun chic. Tob ne pakak'ab c'o wi cojtakan pawi' alak ruma oj utako'n ri Cristo, pero na xka'an ta wa'. 7Ri xka'an uc' alak e pacha' cu'an juna ixok cuc' ri ralc'o'al echiri' quebuq'uiyisaj y quebuchajij ruc' ch'u'ch'uj uc'u'x. 8Ruma c'u ri c'axna'bal kac'u'x che alak, na xew ta lic xkaj cakatzijoj ri Utzilaj Tzij re ri Dios che alak, ma lic ne xkaya kanima' che to'ic alak, tob ne ruc' wa' cojcamic, ma lic c'ax cakana' alak.
9Hermanos, cac'un chic'u'x alak ri kachac y ri kacosic xkic'owibej chila' uc' alak; ma ri'oj xojchacun chipak'ij chichak'ab cha' jela' na xka'an ta oj eka'n chukul junok che alak#2:9 Ri Pablo cuc' ri rachbi'il caqui'an carpa y ruc' wa' caquich'ac quirajil. Hch. 18:3 echiri' xkatzijoj ri Utzilaj Tzij re ri Dios chixo'l alak. 10Ilom c'u ralak y rilom ne ri Dios sa' ri kabinic kasilabic chixo'l alak ri cojom alak rubi' ri Cristo. Ma ri kabinic lic chom, lic jusuc' y na jinta c'o cach'a'tiben re.
11Lic eta'am c'u alak, ri xka'ano e pacha' cu'an juna achi cuc' ri ralc'o'al. Ma xkapixabaj alak, xkanimarisaj c'u'x alak chijujunal alak 12y lic xkatz'onoj che alak cha' cabin alak jusuc' jela' pacha' ri lic takal che alak ri alak re ri Dios, ri cusiq'uij alak cha' cac'oji' alak chupa ri chomilaj utakanic.
13E uwari'che, ri'oj xaki cojtioxin chwach ri Dios, ma echiri' xkatzijoj ri Utzilaj Tzij re ri Dios che alak, na xc'ul ta alak wa' xa pacha' uch'a'tem ticawex; ma xmaj alak usuc' pakatzij wi wa' e Uch'a'tem ri Dios yey wa' e ri cujalc'atij ri binic silabic alak, ri cojom alak rubi' ri Cristo.
14Ralak hermanos, xtij alak c'ax paquik'ab ri e re ri tinamit alak, jela' pacha' ri xquic'ulumaj rutinamit ri Dios, ri quicojom rubi' ri Kanimajawal Jesucristo pa tak ri luwar re Judea, ma rique xeternabex ruc' c'ax cuma ri cach e aj judi'ab. 15Yey wa' wa aj judi'ab e xecamisan re ri Kanimajawal Jesucristo y e xecamisan que ri k'alajisanelab xetak lo cuc', yey xojquesaj lo ri'oj chupa tak ri quitinamit. Rique na caqui'an ta ri cuc'ul uc'u'x ri Dios y na caquiya tane luwar chique jujun chic caqui'an ri utz chwach ri Dios. 16Ma echiri' cakatzijoj ri Utzilaj Tzij chiquiwach ri na e ta aj judi'ab cha' quecolobetajic, rique caquitij uk'ij cojquik'atej. Ruc' wa' lic catajin uq'uiyaric ri quimac y jec'ula' ri' ri nimalaj k'atbal tzij re ri Dios c'o chi paquiwi'.
Ri Pablo caraj copon tanchi cuc' ri hermanos e c'o Tesalónica
17Ec'u ri'oj hermanos, tob naj oj c'o wi che alak yey c'o tan k'ij na kilom ta wach alak; na ruc' ta c'u ri' xaki c'o alak pa kanima' y lic curayij pan kac'u'x que'kila tanchi wach alak. 18Lic c'u xkarayij coje'bina uc' alak. Ri'in, in Pablo, na xa ta julaj lic xintij uk'ij qui'nwila alak, pero e ri Satanás xucoj k'atbal chikawach.
19¿China ri cuya qui'cotemal chike ri'oj? E ralak, ma lic cubul pan kac'u'x uc' alak yey e ralak ri tojbal re ri kachac. Yey echiri' cac'un lo ri Kanimajawal Jesucristo, lic cojqui'cot c'u ri' ma lic c'o xutikoj ri chac ka'anom uc' alak. 20Uma c'u ri' ralak, ri'oj cakana'o lic c'o xe'ela wi ri chac ka'anom y lic cojqui'cot che.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2009, Wycliffe Bible Translators, Inc. All rights reserved.