ROMA 8
8
A veika vinaka sa yaco vei ira sa vakabauti Jisu, 1-25. Sa vukei ira tiko na Yalo Tabu; sa veivuke na ka kecega me ra vinaka kina; ena sega e dua na ka me tawasei ira rawa mai na Kalou, 26-39.
1O koya oqo era sa sega kina ni lewai me cudruvi ko ira era sa tu vata kei Karisito Jisu, era sa sega ni muria tiko nai tovo vakayago, era sa muria ga na Yalo Tabu. 2Ni sa sereki au mai na vunau ni ca kei na mate, na vunau ni Yalo ni bula vei Karisito Jisu. 3Ia ni sa sega ni rawarawa ki na vunau, ni sa malumalumu e na vuku ni tovo vakayago, sa qai lewa na Kalou me mate na ca e na yago, ni sa tala na Luvena e nai tovo ni yago sa tu kina na ca, ka mei soro ni valavala ca: 4me da cakava rawa kina nai valavala dodonu ni vunau, ni da sa sega ni muria tiko nai tovo vakayago eda sa muria ga na Yalo: 5ni ra sa gadreva na veika vakayago ko ira era sai tovo vakayago; ia na veika vakayalo ko ira era sai tovo vakayalo. 6Ni sa vu ni mate na gadreva ni tovo vakayago; ia sa vu ni bula kei na vakacegu na gadreva ni tovo vakayalo. 7Ni sa veimecaki nai tovo vakayago kei na Kalou: ni sa sega ni vakarogoca na vunau ni Kalou, ia sa dredre sara me vakakina. 8Ia ko ira era sai tovo vakayago, era sa sega ni cakava rawa na ka e vinaka vua na Kalou.
9Ia sa sega ni vakayago na nomudou i tovo, sa vakayalo ga, kevaka sa dina ni tiko e na lomamudou na Yalo ni Kalou. Ia kevaka sa dua na tamata sa sega ni tiko e lomana na Yalo i Karisito, sa sega ni nona ko koya oqo. 10Ia kevaka sa tiko e na lomamudou na Karisito, sa dina ga sa mate na yago e na vuku ni valavala ca; ia na yalo sa bula e na vuku ni veivakadonui. 11Ia kevaka sa tiko vakadua e na lomamudou na Yalo i koya sa vakaturi Jisu cake tale mai na mate, o koya sa vakaturi Karisito tale mai na mate, ena vakabula tale na yagomudou sa mate rawa, e na Yalona sa tiko vakadua e na lomamudou. 12O koya, kemudou na veiwekani, eda sa sega kina ni vauci ki nai tovo vakayago, me da muria nai tovo vakayago: 13ni dou na mate kevaka dou sa muria nai tovo vakayago; ia kevaka sa veivuke kei kemudou na Yalo Tabu me vakaotia nai valavala vakayago, dou na bula kina. 14Ia ko ira ga sa tuberi ira na Yalo ni Kalou era sa luve ni Kalou. 15Ni dou sa sega ni rawata tale na yalo ni bobula mo dou rere; ia dou sa rawata na Yalo Tabu dou sa vakabauti kina me gone, o koya eda sa kaci kina, Apa, Tamada. 16A Yalo oqo sa tukuna mai ki na yaloda, ni da sa luve ni Kalou: 17ia kevaka eda sa gone, eda na qai taukei; eda na taukena na veika ni Kalou, eda sai taukei vata kei Karisito; kevaka eda sa vosota vata kaya na ca, eda na vakalougatataki vata kaya talega.
18Ni'u sa vaka sa sega ni yaga me rau vakatauvatani na ka ca sa vosoti e na bula oqo kei na kalougata ena vakarairaitaka vei keda emuri. 19Ni sa gadreva vakalevu ko vuravura ka wawa tikoga me ra vakarairaitaki ko ira na luve ni Kalou. 20Ni sa vakamalumalumutaki ko vuravura me ca, a sa sega ni vinakata, e na vuku i koya ga sa vakamalumalumutaka, ni sa vakanuinui tiko 21ni na sereki talega ko vuravura mai na kena vakabobulataki ki na rusa, ka me lalaga tu ka vakaiukuukutaki vata kei ira na luve ni Kalou. 22Ni da sa kila, sa vutugu vata ko vuravura taucoko, ka sa yaluma e na rarawa, ka yacova na siga oqo. 23A sa sega ni koya walega, oi keda talega, eda sa rawata nai sevu ni Yalo Tabu, eda sa vutugu tiko e lomada ni da sa waraka me da vakabauti me gone, ni na vakabulai na yagoda. 24Ni da sa bula e nai nuinui: ia nai nuinui sa bale ki na ka sa qai raici sa sega ni nuinui dina: ni sa nuitaka vakacava na tamata na ka sa qai raica? 25Ia kevaka eda sa nuitaka na ka eda sa sega ni raica, eda sa vosota ga me waraka tiko.
26Ia na Yalo Tabu talega sa vukea na noda malumalumu: ni da sa sega ni kila na ka e kilikili kei keda me da kerea: a sa masulaki keda na Yalo Tabu e na vutugu e sega ni cavuti rawa. 27Ia ko koya sa daudikeva na yaloda sa kila na loma ni Yalo Tabu, ni sa masulaki ira na tamata lotu me vaka na loma ni Kalou.
28Ni da sa kila sa veivuke na ka kecega me ra vinaka kina era sa lomana na Kalou, ko ira era sa kacivi me vaka na ka sa nakiti oti. 29Ia ko ira kece sa kilai ira eliu ko koya, sa lesi ira eliu me ra tautauvata kei na Luvena, me ulumatua kina ko koya vei ira na tacina era lewe vuqa: 30ia ko ira sa lesi ira eliu ko koya, sa qai kacivi ira: ia ko ira sa kacivi ira ko koya, sa vakadonui ira: ia ko ira sa vakadonui ira ko koya, sa vakaiukuukutaki ira.
31A cava me da qai kaya e na veika oqo? Kevaka sa totaki keda na Kalou, o cei me noda meca? 32Ena vakaevei ko koya sa sega ni bureitaka na Luvena dina, ia sa soli koya yani me kedai sosomi kecega, ena dredre vakacava vua me solia walega vei keda na ka kecega vata kaya? 33O cei me beitaki ira sa digitaki ira na Kalou? Na Kalou sa vakadonuya. 34O cei ena lewa me ra cudruvi? O Karisito Jisu ga sa mate, io, sa bula cake tale, a sa tiko talega e na liga i matau ni Kalou, ka sa masulaki keda. 35O cei me na tawasei keda mai na loloma i Karisito? a ka rarawa li, se na yaluma, se na dauveivakacacani, se na dausiga, se na luvawale, se na dauveivakarerei, se nai seleiwau? 36Me vaka na ka sa volai, E na vukumuni keitou sa vakamatei kina e na siga taucoko ka bogi: Keitou sa vakatauvatani kei na sipi ena vakamatei.
37E segai, e na ka kecega oqo eda sa gumatua sara kina, e na vuku i koya sa lomani keda. 38Ni'u sa kila vakaidina, ni na sega ni rawata na mate, se na bula, se ko ira na agilose, se ko ira sa liu, se ko ira sa kaukauwa, se na veika sa yaco edaidai, se na veika ena yaco emuri, 39se na ka cecere, se na ka titobu, se dua tani na ka, me tawasei keda mai na loloma ni Kalou, sa yaco e na vuku i Karisito Jisu na noda Turaga.
Currently Selected:
ROMA 8: FOV
Highlight
Share
Copy
Want to have your highlights saved across all your devices? Sign up or sign in
Vakavakadewa Makawa (Fijian Old Version) © Bible Society of the South Pacific
ROMA 8
8
A veika vinaka sa yaco vei ira sa vakabauti Jisu, 1-25. Sa vukei ira tiko na Yalo Tabu; sa veivuke na ka kecega me ra vinaka kina; ena sega e dua na ka me tawasei ira rawa mai na Kalou, 26-39.
1O koya oqo era sa sega kina ni lewai me cudruvi ko ira era sa tu vata kei Karisito Jisu, era sa sega ni muria tiko nai tovo vakayago, era sa muria ga na Yalo Tabu. 2Ni sa sereki au mai na vunau ni ca kei na mate, na vunau ni Yalo ni bula vei Karisito Jisu. 3Ia ni sa sega ni rawarawa ki na vunau, ni sa malumalumu e na vuku ni tovo vakayago, sa qai lewa na Kalou me mate na ca e na yago, ni sa tala na Luvena e nai tovo ni yago sa tu kina na ca, ka mei soro ni valavala ca: 4me da cakava rawa kina nai valavala dodonu ni vunau, ni da sa sega ni muria tiko nai tovo vakayago eda sa muria ga na Yalo: 5ni ra sa gadreva na veika vakayago ko ira era sai tovo vakayago; ia na veika vakayalo ko ira era sai tovo vakayalo. 6Ni sa vu ni mate na gadreva ni tovo vakayago; ia sa vu ni bula kei na vakacegu na gadreva ni tovo vakayalo. 7Ni sa veimecaki nai tovo vakayago kei na Kalou: ni sa sega ni vakarogoca na vunau ni Kalou, ia sa dredre sara me vakakina. 8Ia ko ira era sai tovo vakayago, era sa sega ni cakava rawa na ka e vinaka vua na Kalou.
9Ia sa sega ni vakayago na nomudou i tovo, sa vakayalo ga, kevaka sa dina ni tiko e na lomamudou na Yalo ni Kalou. Ia kevaka sa dua na tamata sa sega ni tiko e lomana na Yalo i Karisito, sa sega ni nona ko koya oqo. 10Ia kevaka sa tiko e na lomamudou na Karisito, sa dina ga sa mate na yago e na vuku ni valavala ca; ia na yalo sa bula e na vuku ni veivakadonui. 11Ia kevaka sa tiko vakadua e na lomamudou na Yalo i koya sa vakaturi Jisu cake tale mai na mate, o koya sa vakaturi Karisito tale mai na mate, ena vakabula tale na yagomudou sa mate rawa, e na Yalona sa tiko vakadua e na lomamudou. 12O koya, kemudou na veiwekani, eda sa sega kina ni vauci ki nai tovo vakayago, me da muria nai tovo vakayago: 13ni dou na mate kevaka dou sa muria nai tovo vakayago; ia kevaka sa veivuke kei kemudou na Yalo Tabu me vakaotia nai valavala vakayago, dou na bula kina. 14Ia ko ira ga sa tuberi ira na Yalo ni Kalou era sa luve ni Kalou. 15Ni dou sa sega ni rawata tale na yalo ni bobula mo dou rere; ia dou sa rawata na Yalo Tabu dou sa vakabauti kina me gone, o koya eda sa kaci kina, Apa, Tamada. 16A Yalo oqo sa tukuna mai ki na yaloda, ni da sa luve ni Kalou: 17ia kevaka eda sa gone, eda na qai taukei; eda na taukena na veika ni Kalou, eda sai taukei vata kei Karisito; kevaka eda sa vosota vata kaya na ca, eda na vakalougatataki vata kaya talega.
18Ni'u sa vaka sa sega ni yaga me rau vakatauvatani na ka ca sa vosoti e na bula oqo kei na kalougata ena vakarairaitaka vei keda emuri. 19Ni sa gadreva vakalevu ko vuravura ka wawa tikoga me ra vakarairaitaki ko ira na luve ni Kalou. 20Ni sa vakamalumalumutaki ko vuravura me ca, a sa sega ni vinakata, e na vuku i koya ga sa vakamalumalumutaka, ni sa vakanuinui tiko 21ni na sereki talega ko vuravura mai na kena vakabobulataki ki na rusa, ka me lalaga tu ka vakaiukuukutaki vata kei ira na luve ni Kalou. 22Ni da sa kila, sa vutugu vata ko vuravura taucoko, ka sa yaluma e na rarawa, ka yacova na siga oqo. 23A sa sega ni koya walega, oi keda talega, eda sa rawata nai sevu ni Yalo Tabu, eda sa vutugu tiko e lomada ni da sa waraka me da vakabauti me gone, ni na vakabulai na yagoda. 24Ni da sa bula e nai nuinui: ia nai nuinui sa bale ki na ka sa qai raici sa sega ni nuinui dina: ni sa nuitaka vakacava na tamata na ka sa qai raica? 25Ia kevaka eda sa nuitaka na ka eda sa sega ni raica, eda sa vosota ga me waraka tiko.
26Ia na Yalo Tabu talega sa vukea na noda malumalumu: ni da sa sega ni kila na ka e kilikili kei keda me da kerea: a sa masulaki keda na Yalo Tabu e na vutugu e sega ni cavuti rawa. 27Ia ko koya sa daudikeva na yaloda sa kila na loma ni Yalo Tabu, ni sa masulaki ira na tamata lotu me vaka na loma ni Kalou.
28Ni da sa kila sa veivuke na ka kecega me ra vinaka kina era sa lomana na Kalou, ko ira era sa kacivi me vaka na ka sa nakiti oti. 29Ia ko ira kece sa kilai ira eliu ko koya, sa lesi ira eliu me ra tautauvata kei na Luvena, me ulumatua kina ko koya vei ira na tacina era lewe vuqa: 30ia ko ira sa lesi ira eliu ko koya, sa qai kacivi ira: ia ko ira sa kacivi ira ko koya, sa vakadonui ira: ia ko ira sa vakadonui ira ko koya, sa vakaiukuukutaki ira.
31A cava me da qai kaya e na veika oqo? Kevaka sa totaki keda na Kalou, o cei me noda meca? 32Ena vakaevei ko koya sa sega ni bureitaka na Luvena dina, ia sa soli koya yani me kedai sosomi kecega, ena dredre vakacava vua me solia walega vei keda na ka kecega vata kaya? 33O cei me beitaki ira sa digitaki ira na Kalou? Na Kalou sa vakadonuya. 34O cei ena lewa me ra cudruvi? O Karisito Jisu ga sa mate, io, sa bula cake tale, a sa tiko talega e na liga i matau ni Kalou, ka sa masulaki keda. 35O cei me na tawasei keda mai na loloma i Karisito? a ka rarawa li, se na yaluma, se na dauveivakacacani, se na dausiga, se na luvawale, se na dauveivakarerei, se nai seleiwau? 36Me vaka na ka sa volai, E na vukumuni keitou sa vakamatei kina e na siga taucoko ka bogi: Keitou sa vakatauvatani kei na sipi ena vakamatei.
37E segai, e na ka kecega oqo eda sa gumatua sara kina, e na vuku i koya sa lomani keda. 38Ni'u sa kila vakaidina, ni na sega ni rawata na mate, se na bula, se ko ira na agilose, se ko ira sa liu, se ko ira sa kaukauwa, se na veika sa yaco edaidai, se na veika ena yaco emuri, 39se na ka cecere, se na ka titobu, se dua tani na ka, me tawasei keda mai na loloma ni Kalou, sa yaco e na vuku i Karisito Jisu na noda Turaga.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Vakavakadewa Makawa (Fijian Old Version) © Bible Society of the South Pacific