MACIU 14
14
Ni sa rogoca ko Eroti nai rogorogo kei Jisu, sa kaya sai Joni na dauveipapitaiso, 1,2. A ka ka vakamatei Joni kina ko Eroti, 312. Sa lako ko Jisu ki na dua na vanua lala, a sa vakani ira na lewe vuqa, 1321. Sa lako ko Jisu e dela ni wai vei ira na nona tisaipeli, 2233. Ni sa udu ki Kenisareti, sa vakabulai ira era tauvimate, 3436.
1E na gauna ko ya sa rogoca ko Eroti na turaga nai rogorogo kei Jisu; 2a sa kaya vei ira na nona tamata, Oqo ko Joni na dauveipapitaiso; sa tu cake tale mai na mate ko koya; o koya sa vu kina vei koya na kaukauwa mana.
3Ni sa tauri Joni eliu ko Eroti, a sa vesuka, ka biuta ki na vale ni veivesu e na vuku i Erotiasa, na wati i Filipi na tacina: 4ni sa kaya vua ko Joni, E sega ni tara mo drau veiwatini kaya. 5Ia ni sa via vakamatea ko koya, sa rerevaki ira na lewe vuqa, ni ra sa vakasama sa parofita ko koya. 6Ia ni sa ia na magiti ni siga ni sucu i Eroti, sa meke e matadra na goneyalewa na luve i Erotiasa, a sa rekitaka ko Eroti. 7O koya oqo sa yalataka vua ko koya ka bubului kina me solia vua na ka kecega ena kerea. 8Ia ni sa vakavulici koya mada eliu ko tinana, sa kaya ko koya, Solia mai vei au eke e na dua na dari na ulu i Joni na dauveipapitaiso. 9Sa qai rarawa na tui: ia sa kaya ga me soli, e na vuku ni nona bubului, e na vukudra talega era sa kana vata kaya. 10A sa talaki ko koya ka sa tamusuki na ulu i Joni e na vale ni veivesu. 11A sa kau mai na uluna e na dua na dari, a sa soli vua na goneyalewa: ka sa kauta ko koya vei tinana. 12Sa qai lako mai ko iratou na nona tisaipeli, a ratou sa kauta na yagona, ka buluta; a ratou sa qai laki tukuna vei Jisu.
13Ia ni sa rogoca ko Jisu, sa soko vakatikitiki tani e na waqa ki na dua na vanua lala: ia ni ra sa rogoca ko ira na lewe vuqa, era sa taubale e vanua mai na veikoro ka muri koya. 14A sa lako mai ko Jisu, ka raici ira era sa lewe vuqa sara a sa lomani ira, a sa vakabulai ira na nodra era tauvimate.
15Ia ni sa yakavi mai, sa lako mai vei koya ko ira na nona tisaipeli, ka kaya, Oqo na vanua lala, a sa kala na siga; mo vakatalai ira yani na le vuqa, me ra lako ki na veikoro lalai, me ra volia kina na kedra. 16A sa kaya vei ira ko Jisu, E sega ni yaga me ra lako; mo dou solia mada e dua na kedra. 17Era sa qai kaya vua, E sega ga vei keitou eke, e lima walega nai buli madrai, ka rua na ika. 18A sa kaya ko koya, Dou kauta mai vei au. 19Sa qai vosa ko koya vei ira na lewe vuqa me ra tiko sobu e na co, a sa taura nai buli madrai e lima, kei na ika e rua, a sa ta cake ki lomalagi, ka lotutaka, a sa dovia na veibuli madrai, ka solia vei ira na tisaipeli, ia ko ira na tisaipeli era sa solia vei ira na lewe vuqa. 20A ra sa kana kecega, a ra sa mamau: a ra sa tomika vata na vo ni ka sa dovi, a sa tinikarua nai su sa sinai kina. 21Ia ko ira sa kana era sa lewe lima beka na udolu na tagane, ia ko ira na yalewa kei na gone era sa sega ni wili.
22A sa qai vakarota sara ko Jisu vei ira na nona tisaipeli me ra vodoka na waqa, me ra liutaki koya ki tai kadua, me sa vakatalai ira mada yani na lewe vuqa ko koya. 23Ia ni sa vakatalai ira oti yani na lewe vuqa, sa cabe taudua ko koya ki na ulu-ni-vanua, me masu; ia ni sa yakavi mai, sa tiko duaduaga kina ko koya. 24A sa qai tiko eloma ni wasawasa na waqa, a suaigelegele e na ua: ni sa cagi leca.
25Ia e nai kava ni wase ni bogi sa lako vei ira ko Jisu, a sa lako voli e dela ni wai. 26Ia ni ra sa raica ko ira na tisaipeli, ni sa lako voli ko koya e dela ni wai, era sa kidroa, ka kaya, Sa dua na yalo; a ra sa qoqolou, ni ra sa rere. 27A sa vosa sara vei ira ko Jisu, ka kaya, Dou vakacegu; koi au ga; dou kakua ni rere. 28A sa vosa vei koya ko Pita, ka kaya, na Turaga, kevaka sai kemuni, kacivi au meu bau yani vei kemuni e dela ni wai. 29A sa kaya ko koya, Lako ga mai. Ia ni sa sobu mai waqa ko Pita, sa lako e na dela ni wai, me lako vei Jisu. 30Ia ni sa raica sa kaukauwa na cagi, sa qai rere; ia ni sa vakatekivu me lutu dromu, sa kaci sara, ka kaya, Na Turaga, ni vakabulai au. 31Sa qai dodoka sara na ligana ko Jisu, a sa taura, ka kaya vua, O iko sa lailai na nomu vakabauta, o sa vakatitiqa e na vuku ni cava? 32Ia ni rau sa vodo ki waqa, sa ruru na cagi. 33Ia ko ira sa tiko mai waqa, era sa lako mai ka cuva vua, ka kaya, Sa dina sara kemuni sa Luve ni Kalou.
34A ra sa lako ki tai kadua, a ra sa yaco ki na vanua ko Kenisareti. 35Ia ni ra sa kilai koya ko ira na tamata mai na yasana ko ya, era sa talatala ki na yasana kecega sa vakavolivolita, a ra sa kauti ira kecega mai vua era sa tauvi-mate; 36a ra sa masuti koya me ra tara walega na tutu ni nonai sulu; a ra sa bula sara ko ira kecega sa tara.
Currently Selected:
MACIU 14: FOV
Highlight
Share
Compare
Copy
Want to have your highlights saved across all your devices? Sign up or sign in
Vakavakadewa Makawa (Fijian Old Version) © Bible Society of the South Pacific
MACIU 14
14
Ni sa rogoca ko Eroti nai rogorogo kei Jisu, sa kaya sai Joni na dauveipapitaiso, 1,2. A ka ka vakamatei Joni kina ko Eroti, 312. Sa lako ko Jisu ki na dua na vanua lala, a sa vakani ira na lewe vuqa, 1321. Sa lako ko Jisu e dela ni wai vei ira na nona tisaipeli, 2233. Ni sa udu ki Kenisareti, sa vakabulai ira era tauvimate, 3436.
1E na gauna ko ya sa rogoca ko Eroti na turaga nai rogorogo kei Jisu; 2a sa kaya vei ira na nona tamata, Oqo ko Joni na dauveipapitaiso; sa tu cake tale mai na mate ko koya; o koya sa vu kina vei koya na kaukauwa mana.
3Ni sa tauri Joni eliu ko Eroti, a sa vesuka, ka biuta ki na vale ni veivesu e na vuku i Erotiasa, na wati i Filipi na tacina: 4ni sa kaya vua ko Joni, E sega ni tara mo drau veiwatini kaya. 5Ia ni sa via vakamatea ko koya, sa rerevaki ira na lewe vuqa, ni ra sa vakasama sa parofita ko koya. 6Ia ni sa ia na magiti ni siga ni sucu i Eroti, sa meke e matadra na goneyalewa na luve i Erotiasa, a sa rekitaka ko Eroti. 7O koya oqo sa yalataka vua ko koya ka bubului kina me solia vua na ka kecega ena kerea. 8Ia ni sa vakavulici koya mada eliu ko tinana, sa kaya ko koya, Solia mai vei au eke e na dua na dari na ulu i Joni na dauveipapitaiso. 9Sa qai rarawa na tui: ia sa kaya ga me soli, e na vuku ni nona bubului, e na vukudra talega era sa kana vata kaya. 10A sa talaki ko koya ka sa tamusuki na ulu i Joni e na vale ni veivesu. 11A sa kau mai na uluna e na dua na dari, a sa soli vua na goneyalewa: ka sa kauta ko koya vei tinana. 12Sa qai lako mai ko iratou na nona tisaipeli, a ratou sa kauta na yagona, ka buluta; a ratou sa qai laki tukuna vei Jisu.
13Ia ni sa rogoca ko Jisu, sa soko vakatikitiki tani e na waqa ki na dua na vanua lala: ia ni ra sa rogoca ko ira na lewe vuqa, era sa taubale e vanua mai na veikoro ka muri koya. 14A sa lako mai ko Jisu, ka raici ira era sa lewe vuqa sara a sa lomani ira, a sa vakabulai ira na nodra era tauvimate.
15Ia ni sa yakavi mai, sa lako mai vei koya ko ira na nona tisaipeli, ka kaya, Oqo na vanua lala, a sa kala na siga; mo vakatalai ira yani na le vuqa, me ra lako ki na veikoro lalai, me ra volia kina na kedra. 16A sa kaya vei ira ko Jisu, E sega ni yaga me ra lako; mo dou solia mada e dua na kedra. 17Era sa qai kaya vua, E sega ga vei keitou eke, e lima walega nai buli madrai, ka rua na ika. 18A sa kaya ko koya, Dou kauta mai vei au. 19Sa qai vosa ko koya vei ira na lewe vuqa me ra tiko sobu e na co, a sa taura nai buli madrai e lima, kei na ika e rua, a sa ta cake ki lomalagi, ka lotutaka, a sa dovia na veibuli madrai, ka solia vei ira na tisaipeli, ia ko ira na tisaipeli era sa solia vei ira na lewe vuqa. 20A ra sa kana kecega, a ra sa mamau: a ra sa tomika vata na vo ni ka sa dovi, a sa tinikarua nai su sa sinai kina. 21Ia ko ira sa kana era sa lewe lima beka na udolu na tagane, ia ko ira na yalewa kei na gone era sa sega ni wili.
22A sa qai vakarota sara ko Jisu vei ira na nona tisaipeli me ra vodoka na waqa, me ra liutaki koya ki tai kadua, me sa vakatalai ira mada yani na lewe vuqa ko koya. 23Ia ni sa vakatalai ira oti yani na lewe vuqa, sa cabe taudua ko koya ki na ulu-ni-vanua, me masu; ia ni sa yakavi mai, sa tiko duaduaga kina ko koya. 24A sa qai tiko eloma ni wasawasa na waqa, a suaigelegele e na ua: ni sa cagi leca.
25Ia e nai kava ni wase ni bogi sa lako vei ira ko Jisu, a sa lako voli e dela ni wai. 26Ia ni ra sa raica ko ira na tisaipeli, ni sa lako voli ko koya e dela ni wai, era sa kidroa, ka kaya, Sa dua na yalo; a ra sa qoqolou, ni ra sa rere. 27A sa vosa sara vei ira ko Jisu, ka kaya, Dou vakacegu; koi au ga; dou kakua ni rere. 28A sa vosa vei koya ko Pita, ka kaya, na Turaga, kevaka sai kemuni, kacivi au meu bau yani vei kemuni e dela ni wai. 29A sa kaya ko koya, Lako ga mai. Ia ni sa sobu mai waqa ko Pita, sa lako e na dela ni wai, me lako vei Jisu. 30Ia ni sa raica sa kaukauwa na cagi, sa qai rere; ia ni sa vakatekivu me lutu dromu, sa kaci sara, ka kaya, Na Turaga, ni vakabulai au. 31Sa qai dodoka sara na ligana ko Jisu, a sa taura, ka kaya vua, O iko sa lailai na nomu vakabauta, o sa vakatitiqa e na vuku ni cava? 32Ia ni rau sa vodo ki waqa, sa ruru na cagi. 33Ia ko ira sa tiko mai waqa, era sa lako mai ka cuva vua, ka kaya, Sa dina sara kemuni sa Luve ni Kalou.
34A ra sa lako ki tai kadua, a ra sa yaco ki na vanua ko Kenisareti. 35Ia ni ra sa kilai koya ko ira na tamata mai na yasana ko ya, era sa talatala ki na yasana kecega sa vakavolivolita, a ra sa kauti ira kecega mai vua era sa tauvi-mate; 36a ra sa masuti koya me ra tara walega na tutu ni nonai sulu; a ra sa bula sara ko ira kecega sa tara.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Vakavakadewa Makawa (Fijian Old Version) © Bible Society of the South Pacific