LUKE 24
24
Sa tukuna vei ira na yalewa e le rua na agilose ni sa tu cake tale mai ko Jisu, 1—12. Sa rairai ko Jisu vei rau na tamata e lewe rua, ka rairai emuri vei ira kecega, ka vakavulici ira, 13—49. Sa qai lako cake ki lomalagi ni ra sa raica tiko, 50—53.
1Ia e nai matai ni siga ni wiki, e na mataka caca sara, eratou sa lako mai ki nai bulubulu, a ratou sa kauta mai na ka boivinaka eratou a vakarautaka, ka so tale eratou lako vata mai kei iratou. 2A ratou sa kunea ni sa vaqiqici tani na vatu mai nai bulubulu. 3Ia ni ratou sa curu, eratou sa sega ni kunea na yago ni Turaga ko Jisu. 4A sa yaco ni ratou sa kurabui vakalevu kina, raica, e lewe rua na tamata sa tu voleka vei iratou e nai sulu lumilumisa: 5ia ni ratou sa rere, ka vakacuva sobu na matadratou ki na qele, erau sa kaya vei iratou, E na cava dou sa mai vakasaqarai koya sa bula e na kedra maliwa na mate? 6Sa sega eke ko koya, sa tu cake tale: nanuma na nona vosa vei kemudou ni sa tiko kei kemudou mai Kalili, 7ni sa kaya, Ena soli yani na Luve ni tamata ki na ligadra na tamata ca, ka na vakoti ki na kauveilatai, ka na tu cake tale e nai katolu ni siga.
8A ratou sa qai nanuma na nona vosa, 9ka suka tani e nai bulubulu, ka tukuna na ka kecega oqo vei ira na le tinikadua, vei ira kece talega sa vo. 10O iratou ka mai tukuna na ka oqo vei ira nai apositolo, ko Meri na yalewa ni Makitala, kei Joana, kei Meri na tina i Jemesa, kei ira eso na yalewa tani. 11A sa vaka nai tukutuku wale vei ira na nodratou vosa, a ra sa sega ni vakadinata. 12Sa qai cavu tu ko Pita, ka cici ki nai bulubulu; ia ni sa cuva sobu, sa raica nai sole lineni ni sa no wale, a sa qai lako tani, a sa kurabui e lomana e na vuku ni ka sa yaco.
13Ka raica, sa lewe rua vei ira sa lako e na siga dina ko ya ki na dua na koro lailai ko Emeo na yacana, e vitu beka na maili ka savu na kedrau veiyawaki kei Jerusalemi. 14A rau sa veivosakitaka na ka kecega oqo sa qai yaco. 15Ia ni rau sa veivosaki tiko ka veitarogi, sa toro voleka ko Jisu, ka lako vata kei rau. 16A sa matabuawataki na matadrau me rau kakua ni kilai koya.
17A sa kaya vei rau ko koya, Ai tukutuku cava oqo drau sa veivosakitaka, ni drau sa lako tu? Ka rau sa tu vakadua ka vakaveveku mata. 18A sa dua vei rau, na yacana ko Kaliopasa, sa vosa ka kaya vua, O iko duadua beka na vulagi mai Jerusalemi, ka sega kina kila na veika sa qai yaco kina e na gauna oqo?
19A sa tarogi rau ko koya, A ka cava? A rau sa kaya vua, Na ka sa baleti Jisu na kai Nasareci, a parofita sa levu e na cakacaka kei na vosa e na mata ni Kalou kei na matadra kecega na tamata: 20a sa soli koya ko ira na bete levu kei ira na neimami turaga me lewai me mate, a ra sa vakota ki na kauveilatai. 21Ia keimami a nuitaka ni sai koya ga oqo ena vakabulai ira na Isireli: ia oqo talega, sa kenai katolu ni siga edaidai ni sa caka oti na ka oqo. 22Ia ka so talega na neimami yalewa, eratou sa vakurabuitaki keimami, ni ratou sa lako ki nai bulubulu e na mataka caca; 23ia ni ratou sa sega ni kunea na yagona, eratou sa lako mai ka tukuna, ni ratou a raica eso na agilose sa sikavotu vei iratou, ka kaya sa bula ko koya. 24O iratou talega eso eratou sa dautiko vata kei keimami, eratou sa lako ki nai bulubulu, a ratou sa kunea ni sa vaka na ka eratou a kaya na yalewa: ia eratou sa sega ni kunei koya.
25A sa kaya vei rau ko koya, Drau sa sesewa, ka sega ni via vakabauta na ka kecega sa tukuna ko ira na parofita! 26E sega beka ni kilikili kei koya na Karisito me vosota mada na veika oqo, me qai curu ki na nonai ukuuku? 27Ka sa vakatekivu e nai vola i Mosese ka yacovi ira kecega na parofita, ka sereka vei rau mai nai Vola Tabu kecega na vosa ka tukuni kina ko koya.
28A ratou sa torova na koro lailai erau sa lako kina: a sa lako ko koya me vaka sa via lako kiliu. 29A rau sa cikeva matua, ka kaya, Ni tiko ga vei keirau, ni sa qai yakavi, a sa kala na siga. A sa curu ko koya me tiko vata kei rau.
30Ia ni ratou sa tiko sobu me ratou kana, sa taura na madrai ko koya, ka lotutaka, ka dovia, ka solia vei rau. 31A sa qai lau na matadrau, a rau sa kilai koya: a sa takali ko koya mai na matadrau. 32A rau sa veikayaka vakai rau, Sa sega li ni katakata sara na yalodaru, ni datou sa veivosaki kaya e na gau-ni-sala, ni sa vakamacalataka talega vei kedrau nai Vola Tabu ko koya?
33A rau sa cavu tu e na tiki ni yakavi ga ko ya, ka lesu tale ki Jerusalemi, a rau sa kunei ira na lewe tinikadua ni ra sa soqoni vata mai, kei ira era dautiko vata kei ira; 34a ra sa kaya, Sa dina sa tu cake tale na Turaga, ka sa rairai vei Saimoni. 35A rau sa tukuna talega na veika sa ia e na gau-ni-sala, ka ni rau sa kilai koya talega ni sa dovia tiko na madrai.
36Ia ni ra sa vosa tiko vakaoqo, sa tu sara e na kedra maliwa ko Jisu, ka kaya vei ira, Dou vakacegu ga. 37A ra sa kidroa ka rere sara, a ra sa vakasama ni ra sa raica e dua na yalo. 38A sa kaya vei ira ko koya, Dou sa kidroa e na vuku ni cava? ka sa tubu na vakanananu e na lomamudou e na vuku ni cava? 39raica na ligaqu kei na yavaqu, sai au dina ga: tarai au, ka raica; ni sa sega ni vakalewena se vakasuina na yalo, me vaka dou sa raica vei au. 40Ia ni sa vosa oti vakaoqo ko koya, sa vakaraitaka vei ira na ligana kei na yavana. 41Ia ni ra sa sega ni vakabauta e na vuku ni ra sa reki, ka kurabui, sa tarogi ira ko koya, Sa dua na kakana eke vei kemudou, se segai? 42A ra sa solia vua e dua na tiki ni ika tavu, ka so mai na qa-ni-oni sa tawa. 43A sa taura ko koya, ka kana e matadra.
44A sa kaya vei ira ko koya, Oqo na vosa ka’u a daukaya vei kemudou ni’u a tiko kei kemudou, ni na yaco kecega na vosa sa tukuni au, sa volai e na vunau i Mosese, kei na nodrai vola na parofita, kei na Same. 45Sa qai vakararamataka na lomadra ko koya, me ra kila rawa nai Vola Tabu, 46a sa kaya vei ira, Sa volai vakaoqo, ni sa kilikili kei koya na Karisito me vosota vakakina, me tu cake talega mai na mate e nai katolu ni siga; 47me vunautaki talega na veivutuni, kei na vakabokoci ni valavala ca, e na vuku ni yacana, vei ira na lewe ni veivanua kecega, me vakatekivu e Jerusalemi. 48Ia koi kemudou, dou na dautukutuku e na veika oqo. 49Ia ka raica, au sa tala vei kemudou na ka sa yalataka ko Tamaqu: ia dou tiko ga e na koro ko Jerusalemi, me yaco mada vei kemudou na kaukauwa mai-cake.
50A sa kauti ira ki nai bili ki Pecani, a sa qai dodoka cake na ligana, ka vosavakalougatataki ira. 51A sa yaco, ni sa vosavakalougatataki ira tiko, sa kau tani vei ira, a sa kau cake ki lomalagi. 52A ra sa vakarokoroko vua, ka lesu tale ki Jerusalemi, ka reki vakalevu: 53a ra sa dautiko e na vale ni soro, a ra sa vakarokorokotaka tiko na Kalou, ka vakavinavinaka vua. Emeni.
Currently Selected:
LUKE 24: FOV
Highlight
Share
Copy
Want to have your highlights saved across all your devices? Sign up or sign in
Vakavakadewa Makawa (Fijian Old Version) © Bible Society of the South Pacific
LUKE 24
24
Sa tukuna vei ira na yalewa e le rua na agilose ni sa tu cake tale mai ko Jisu, 1—12. Sa rairai ko Jisu vei rau na tamata e lewe rua, ka rairai emuri vei ira kecega, ka vakavulici ira, 13—49. Sa qai lako cake ki lomalagi ni ra sa raica tiko, 50—53.
1Ia e nai matai ni siga ni wiki, e na mataka caca sara, eratou sa lako mai ki nai bulubulu, a ratou sa kauta mai na ka boivinaka eratou a vakarautaka, ka so tale eratou lako vata mai kei iratou. 2A ratou sa kunea ni sa vaqiqici tani na vatu mai nai bulubulu. 3Ia ni ratou sa curu, eratou sa sega ni kunea na yago ni Turaga ko Jisu. 4A sa yaco ni ratou sa kurabui vakalevu kina, raica, e lewe rua na tamata sa tu voleka vei iratou e nai sulu lumilumisa: 5ia ni ratou sa rere, ka vakacuva sobu na matadratou ki na qele, erau sa kaya vei iratou, E na cava dou sa mai vakasaqarai koya sa bula e na kedra maliwa na mate? 6Sa sega eke ko koya, sa tu cake tale: nanuma na nona vosa vei kemudou ni sa tiko kei kemudou mai Kalili, 7ni sa kaya, Ena soli yani na Luve ni tamata ki na ligadra na tamata ca, ka na vakoti ki na kauveilatai, ka na tu cake tale e nai katolu ni siga.
8A ratou sa qai nanuma na nona vosa, 9ka suka tani e nai bulubulu, ka tukuna na ka kecega oqo vei ira na le tinikadua, vei ira kece talega sa vo. 10O iratou ka mai tukuna na ka oqo vei ira nai apositolo, ko Meri na yalewa ni Makitala, kei Joana, kei Meri na tina i Jemesa, kei ira eso na yalewa tani. 11A sa vaka nai tukutuku wale vei ira na nodratou vosa, a ra sa sega ni vakadinata. 12Sa qai cavu tu ko Pita, ka cici ki nai bulubulu; ia ni sa cuva sobu, sa raica nai sole lineni ni sa no wale, a sa qai lako tani, a sa kurabui e lomana e na vuku ni ka sa yaco.
13Ka raica, sa lewe rua vei ira sa lako e na siga dina ko ya ki na dua na koro lailai ko Emeo na yacana, e vitu beka na maili ka savu na kedrau veiyawaki kei Jerusalemi. 14A rau sa veivosakitaka na ka kecega oqo sa qai yaco. 15Ia ni rau sa veivosaki tiko ka veitarogi, sa toro voleka ko Jisu, ka lako vata kei rau. 16A sa matabuawataki na matadrau me rau kakua ni kilai koya.
17A sa kaya vei rau ko koya, Ai tukutuku cava oqo drau sa veivosakitaka, ni drau sa lako tu? Ka rau sa tu vakadua ka vakaveveku mata. 18A sa dua vei rau, na yacana ko Kaliopasa, sa vosa ka kaya vua, O iko duadua beka na vulagi mai Jerusalemi, ka sega kina kila na veika sa qai yaco kina e na gauna oqo?
19A sa tarogi rau ko koya, A ka cava? A rau sa kaya vua, Na ka sa baleti Jisu na kai Nasareci, a parofita sa levu e na cakacaka kei na vosa e na mata ni Kalou kei na matadra kecega na tamata: 20a sa soli koya ko ira na bete levu kei ira na neimami turaga me lewai me mate, a ra sa vakota ki na kauveilatai. 21Ia keimami a nuitaka ni sai koya ga oqo ena vakabulai ira na Isireli: ia oqo talega, sa kenai katolu ni siga edaidai ni sa caka oti na ka oqo. 22Ia ka so talega na neimami yalewa, eratou sa vakurabuitaki keimami, ni ratou sa lako ki nai bulubulu e na mataka caca; 23ia ni ratou sa sega ni kunea na yagona, eratou sa lako mai ka tukuna, ni ratou a raica eso na agilose sa sikavotu vei iratou, ka kaya sa bula ko koya. 24O iratou talega eso eratou sa dautiko vata kei keimami, eratou sa lako ki nai bulubulu, a ratou sa kunea ni sa vaka na ka eratou a kaya na yalewa: ia eratou sa sega ni kunei koya.
25A sa kaya vei rau ko koya, Drau sa sesewa, ka sega ni via vakabauta na ka kecega sa tukuna ko ira na parofita! 26E sega beka ni kilikili kei koya na Karisito me vosota mada na veika oqo, me qai curu ki na nonai ukuuku? 27Ka sa vakatekivu e nai vola i Mosese ka yacovi ira kecega na parofita, ka sereka vei rau mai nai Vola Tabu kecega na vosa ka tukuni kina ko koya.
28A ratou sa torova na koro lailai erau sa lako kina: a sa lako ko koya me vaka sa via lako kiliu. 29A rau sa cikeva matua, ka kaya, Ni tiko ga vei keirau, ni sa qai yakavi, a sa kala na siga. A sa curu ko koya me tiko vata kei rau.
30Ia ni ratou sa tiko sobu me ratou kana, sa taura na madrai ko koya, ka lotutaka, ka dovia, ka solia vei rau. 31A sa qai lau na matadrau, a rau sa kilai koya: a sa takali ko koya mai na matadrau. 32A rau sa veikayaka vakai rau, Sa sega li ni katakata sara na yalodaru, ni datou sa veivosaki kaya e na gau-ni-sala, ni sa vakamacalataka talega vei kedrau nai Vola Tabu ko koya?
33A rau sa cavu tu e na tiki ni yakavi ga ko ya, ka lesu tale ki Jerusalemi, a rau sa kunei ira na lewe tinikadua ni ra sa soqoni vata mai, kei ira era dautiko vata kei ira; 34a ra sa kaya, Sa dina sa tu cake tale na Turaga, ka sa rairai vei Saimoni. 35A rau sa tukuna talega na veika sa ia e na gau-ni-sala, ka ni rau sa kilai koya talega ni sa dovia tiko na madrai.
36Ia ni ra sa vosa tiko vakaoqo, sa tu sara e na kedra maliwa ko Jisu, ka kaya vei ira, Dou vakacegu ga. 37A ra sa kidroa ka rere sara, a ra sa vakasama ni ra sa raica e dua na yalo. 38A sa kaya vei ira ko koya, Dou sa kidroa e na vuku ni cava? ka sa tubu na vakanananu e na lomamudou e na vuku ni cava? 39raica na ligaqu kei na yavaqu, sai au dina ga: tarai au, ka raica; ni sa sega ni vakalewena se vakasuina na yalo, me vaka dou sa raica vei au. 40Ia ni sa vosa oti vakaoqo ko koya, sa vakaraitaka vei ira na ligana kei na yavana. 41Ia ni ra sa sega ni vakabauta e na vuku ni ra sa reki, ka kurabui, sa tarogi ira ko koya, Sa dua na kakana eke vei kemudou, se segai? 42A ra sa solia vua e dua na tiki ni ika tavu, ka so mai na qa-ni-oni sa tawa. 43A sa taura ko koya, ka kana e matadra.
44A sa kaya vei ira ko koya, Oqo na vosa ka’u a daukaya vei kemudou ni’u a tiko kei kemudou, ni na yaco kecega na vosa sa tukuni au, sa volai e na vunau i Mosese, kei na nodrai vola na parofita, kei na Same. 45Sa qai vakararamataka na lomadra ko koya, me ra kila rawa nai Vola Tabu, 46a sa kaya vei ira, Sa volai vakaoqo, ni sa kilikili kei koya na Karisito me vosota vakakina, me tu cake talega mai na mate e nai katolu ni siga; 47me vunautaki talega na veivutuni, kei na vakabokoci ni valavala ca, e na vuku ni yacana, vei ira na lewe ni veivanua kecega, me vakatekivu e Jerusalemi. 48Ia koi kemudou, dou na dautukutuku e na veika oqo. 49Ia ka raica, au sa tala vei kemudou na ka sa yalataka ko Tamaqu: ia dou tiko ga e na koro ko Jerusalemi, me yaco mada vei kemudou na kaukauwa mai-cake.
50A sa kauti ira ki nai bili ki Pecani, a sa qai dodoka cake na ligana, ka vosavakalougatataki ira. 51A sa yaco, ni sa vosavakalougatataki ira tiko, sa kau tani vei ira, a sa kau cake ki lomalagi. 52A ra sa vakarokoroko vua, ka lesu tale ki Jerusalemi, ka reki vakalevu: 53a ra sa dautiko e na vale ni soro, a ra sa vakarokorokotaka tiko na Kalou, ka vakavinavinaka vua. Emeni.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Vakavakadewa Makawa (Fijian Old Version) © Bible Society of the South Pacific