OSEA 7
7
Sa tukuna tiko ko Osea na nodra i valavala ca na Isireli, kei na nodra cudruvi kina, 1-16.
1Ni'u a via vakabulai ira na Isireli, sa qai vakavotui mai na caka cala i Ifireimi, kei na ca i Samaria: ni ra sa cakacaka vakailasu; ia sa curu mai na daubutako, ka ra ia na veivakacacani mai tautuba na matadaubutako. 2A ra sa sega ni kaya e lomadra ni ka'u sa nanuma tiko na nodra ca kece: sa qai vakavolivoliti ira na nodra i valavala: sa tu ga e mataqu. 3Era sa vakamarautaki koya na tui e na nodra ca, kei ira na turaga e na nodra vosa lasu. 4O ira kece era sa ia na veibutakoci, era sa vaka na lovo sa vakatakatataka na dauvavi madrai, o koya sa cegu ni vakatakatataka ni sa natuka oti na madrai, ka me vakalevenitaki mada. 5E na siga ni noda tui era sa tauvi mate kina na turaga ni ra katakata e na waini; sa dodoka na ligana ko koya kei ira na dauveivakalialiai. 6Ni ra sa vakarautaka na lomadra me vaka na lovo, ni ra sa lawavaka tiko: sa moce na nodra dauvavi madrai ka sigavaka; e na mataka sa waqa mai ko koya me vaka na bukawaqa caucaudre. 7Era sa katakata kece me vaka na lovo, a ra sa kani ira na nodra turaga ni lewa; sa bale ko ira kece na nodra tui: sa sega e dua vei ira e masu vei au.
8O ira na Ifireimi, sa ra vakaduavatataki ira kei ira na veimataqali; ko ira na Ifireimi, sa ra keki e sega ni vukici. 9O ira na kai tani era sa kania na nodra kaukauwa, ka ra sa sega ni kila ko ira: io, sa sikasika mai eso na drau ni uludra, a ra sa sega ni kila ko ira. 10Ia na nodra viavialevu na Isireli sa tukuni ira e na matanavotu: a ra sa sega ni lesu vei Jiova na nodra Kalou, se vakasaqarai koya e na vuku ni ka kecega oqo. 11Ia ko ira na Ifireimi era sa vaka na ruve sesewa e sega ni vakayalo: era tagi ga ki Ijipita, era lakovi Asiria. 12Ni ra lako, au na tevuka na noqu lawa me rawai ira; au na kauti ira sobu me vaka na manumanu vuka; au na vakanakuitataki ira, me vaka ni sa rogoci e na nodra i soqosoqo.
13E ca vei ira! ni ra sa dro tani vei au: na ca ga ena rawai ira! ni ra sa talaidredre vei au: e dina, ka'u a vakabulai ira, ia era sa lasutaki au ga. 14Ka ra sa sega ni tagi vei au mai na vu ni lomadra, ni ra qoqolou koto e na nodra i davodavo: e na vuku ga ni sila kei na waini era sa soqoni vata kina, ka ra sa vuki tani vei au. 15Ia koi au, ka'u a vakavulici ira ka vakaukauwataka na ligadra, ia era sa vakananuma na vere ca vei au. 16Era lesu, ka segai vua sa Cecere sara: era sa vaka na dakai daulasu: ena bale e nai seleiwau ko ira na nodra turaga e na vuku ni cudru ni yamedra: a ka oqo era na vakalialiai kina e na vanua ko Ijipita.
Currently Selected:
OSEA 7: FOV
Highlight
Copy
Compare
Share
Want to have your highlights saved across all your devices? Sign up or sign in
Vakavakadewa Makawa (Fijian Old Version) © Bible Society of the South Pacific
OSEA 7
7
Sa tukuna tiko ko Osea na nodra i valavala ca na Isireli, kei na nodra cudruvi kina, 1-16.
1Ni'u a via vakabulai ira na Isireli, sa qai vakavotui mai na caka cala i Ifireimi, kei na ca i Samaria: ni ra sa cakacaka vakailasu; ia sa curu mai na daubutako, ka ra ia na veivakacacani mai tautuba na matadaubutako. 2A ra sa sega ni kaya e lomadra ni ka'u sa nanuma tiko na nodra ca kece: sa qai vakavolivoliti ira na nodra i valavala: sa tu ga e mataqu. 3Era sa vakamarautaki koya na tui e na nodra ca, kei ira na turaga e na nodra vosa lasu. 4O ira kece era sa ia na veibutakoci, era sa vaka na lovo sa vakatakatataka na dauvavi madrai, o koya sa cegu ni vakatakatataka ni sa natuka oti na madrai, ka me vakalevenitaki mada. 5E na siga ni noda tui era sa tauvi mate kina na turaga ni ra katakata e na waini; sa dodoka na ligana ko koya kei ira na dauveivakalialiai. 6Ni ra sa vakarautaka na lomadra me vaka na lovo, ni ra sa lawavaka tiko: sa moce na nodra dauvavi madrai ka sigavaka; e na mataka sa waqa mai ko koya me vaka na bukawaqa caucaudre. 7Era sa katakata kece me vaka na lovo, a ra sa kani ira na nodra turaga ni lewa; sa bale ko ira kece na nodra tui: sa sega e dua vei ira e masu vei au.
8O ira na Ifireimi, sa ra vakaduavatataki ira kei ira na veimataqali; ko ira na Ifireimi, sa ra keki e sega ni vukici. 9O ira na kai tani era sa kania na nodra kaukauwa, ka ra sa sega ni kila ko ira: io, sa sikasika mai eso na drau ni uludra, a ra sa sega ni kila ko ira. 10Ia na nodra viavialevu na Isireli sa tukuni ira e na matanavotu: a ra sa sega ni lesu vei Jiova na nodra Kalou, se vakasaqarai koya e na vuku ni ka kecega oqo. 11Ia ko ira na Ifireimi era sa vaka na ruve sesewa e sega ni vakayalo: era tagi ga ki Ijipita, era lakovi Asiria. 12Ni ra lako, au na tevuka na noqu lawa me rawai ira; au na kauti ira sobu me vaka na manumanu vuka; au na vakanakuitataki ira, me vaka ni sa rogoci e na nodra i soqosoqo.
13E ca vei ira! ni ra sa dro tani vei au: na ca ga ena rawai ira! ni ra sa talaidredre vei au: e dina, ka'u a vakabulai ira, ia era sa lasutaki au ga. 14Ka ra sa sega ni tagi vei au mai na vu ni lomadra, ni ra qoqolou koto e na nodra i davodavo: e na vuku ga ni sila kei na waini era sa soqoni vata kina, ka ra sa vuki tani vei au. 15Ia koi au, ka'u a vakavulici ira ka vakaukauwataka na ligadra, ia era sa vakananuma na vere ca vei au. 16Era lesu, ka segai vua sa Cecere sara: era sa vaka na dakai daulasu: ena bale e nai seleiwau ko ira na nodra turaga e na vuku ni cudru ni yamedra: a ka oqo era na vakalialiai kina e na vanua ko Ijipita.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Vakavakadewa Makawa (Fijian Old Version) © Bible Society of the South Pacific