OSEA 4
4
Ai valavala ca sa ra cudruvi kina na lewe ni vanua, 1-5, kei ira na bete, 6-10. Sa ka ni veivakalialiai sara na qarava na kalou lasu, 11-14. Sa ra vakasalataki kina na Juta, ni ra sa kunea na nodra cudruvi na Isireli, 15-19.
1Dou rogoca na vosa i Jiova, koi kemudou na Isireli: ni sa dua na veileti i Jiova kei ira na lewe ni vanua, ni sa sega na vosa dina, se na loloma, ka sa sega ni kilai na Kalou e na vanua. 2A ruru, kei na vosa lasu, kei na laba, kei na butako, kei na veibutakoci, sa ia tiko, ia na vakadave dra sa veitaravi tiko. 3O koya oqo ena tagi kina na vanua, a ra na dui ceguoca kecega ko ira era tiko kina, kei na manumanu ni vanua, kei na manumanu vuka; io, na ika talega ni waitui ena kau tani. 4Ia me kakua e dua vei kemudou me ia na veileti, se me ia na veivunauci kaya e dua; ko ira na kai nomu era vakataki ira era sa ia na veileti kei na bete. 5O koya oqo ko na toqi kina e na siga, ia drau na toqi vata talega kei na parofita e na bogi, ia ka'u na vakarusai koya talega na tinamu.
6Era sa rusa ko ira na noqu tamata ni sa yali vei ira na vuku: ni ko sa biuta na vuku, au na biuti iko talega, mo kakua ni bete tiko vei au: ni ko sa guilecava na vunau ni nomu Kalou, koi au talega, ka'u na guilecavi ira na luvemu. 7Ni ra sa tubu me lewe levu, sa tubu talega na nodra i valavala ca vei au: ka'u na vukica me ka ni madua na nodra lagilagi. 8Era sa kania nai soro ni nodra i valavala ca na noqu tamata ka ra sa gadreva e na vu ni yalodra na nodra caka cala. 9Ia, me vakataki ira na tamata, ena vaka talega kina ko koya na bete: ia ka'u na cudruvi ira e na vuku ni nodra i valavala, ka'u na sauma vei ira na nodra i valavala. 10Ni ra na kana, ka sega ni mamau; era na ia na veibutakoci, ka sega ni tubu: ni ra sa mudu ni qaravi Jiova.
11A dauyalewa kei na waini kei na waini vou sa kauta vakatani na loma ni tamata. 12A noqu tamata era sa taroga na nodra kau, ia na nodra i titoko sa tukuna vei ira: ni sa vakacalai ira na yalo ni veibutakoci, ia na nodra dauyalewa, sa ra vuki tani kina mai na lewa ni nodra Kalou. 13Era sa daucakai soro e dela ni veiulu-ni-vanua, ka ra sa dauvakama nai madrali boi vinaka e na veiulu-ni-koro kei na ruku ni oki kei na ivi kei na paini, ni sa vinaka na kena rugurugua: o koya oqo era na ia kina na dautagane ko ira na luvemudou yalewa, kei ira na vugomudou na veibutakoci. 14Au na sega ni cudruvi ira na luvemudou yalewa ni ra ia na dautagane, se na vugomudou ni ra ia na veibutakoci: ni ra sa tawase dina vata kei ira na dautagane, ka ra cakai soro vata kei ira talega na dauveitau; ia ko ira sa sega ni yalomatua era na bale sobu.
15Kevaka dou sa ia na veibutakoci, na Isireli, me kakua ga ni caka cala ko ira na Juta; ia kakua ni dou cabe cake ki Kilikali, se lako cake ki Peci-aveni, se bubului, ka kaya, Me vaka sa bula ko Jiova. 16Me vaka sa daubese na pulumokau, sa ra daubese vakakina na Isireli: Ia oqo ena vakani ira ko Jiova me vaka na lami e na yasana rabailevu. 17Sa veikabiti vata kei na matakau ko ira na Ifireimi: laivi ira ga. 18Ni sa gunuvi na medra, era sa qai dauia na veibutakoci: ko ira na nodra turaga era sa vinakata na ka e veivakamaduataki. 19Sa vauci ira na cagi e na tabana, ka ra na madua e na vuku ni nodra vakacaboi soro.
Currently Selected:
OSEA 4: FOV
Highlight
Copy
Compare
Share
Want to have your highlights saved across all your devices? Sign up or sign in
Vakavakadewa Makawa (Fijian Old Version) © Bible Society of the South Pacific
OSEA 4
4
Ai valavala ca sa ra cudruvi kina na lewe ni vanua, 1-5, kei ira na bete, 6-10. Sa ka ni veivakalialiai sara na qarava na kalou lasu, 11-14. Sa ra vakasalataki kina na Juta, ni ra sa kunea na nodra cudruvi na Isireli, 15-19.
1Dou rogoca na vosa i Jiova, koi kemudou na Isireli: ni sa dua na veileti i Jiova kei ira na lewe ni vanua, ni sa sega na vosa dina, se na loloma, ka sa sega ni kilai na Kalou e na vanua. 2A ruru, kei na vosa lasu, kei na laba, kei na butako, kei na veibutakoci, sa ia tiko, ia na vakadave dra sa veitaravi tiko. 3O koya oqo ena tagi kina na vanua, a ra na dui ceguoca kecega ko ira era tiko kina, kei na manumanu ni vanua, kei na manumanu vuka; io, na ika talega ni waitui ena kau tani. 4Ia me kakua e dua vei kemudou me ia na veileti, se me ia na veivunauci kaya e dua; ko ira na kai nomu era vakataki ira era sa ia na veileti kei na bete. 5O koya oqo ko na toqi kina e na siga, ia drau na toqi vata talega kei na parofita e na bogi, ia ka'u na vakarusai koya talega na tinamu.
6Era sa rusa ko ira na noqu tamata ni sa yali vei ira na vuku: ni ko sa biuta na vuku, au na biuti iko talega, mo kakua ni bete tiko vei au: ni ko sa guilecava na vunau ni nomu Kalou, koi au talega, ka'u na guilecavi ira na luvemu. 7Ni ra sa tubu me lewe levu, sa tubu talega na nodra i valavala ca vei au: ka'u na vukica me ka ni madua na nodra lagilagi. 8Era sa kania nai soro ni nodra i valavala ca na noqu tamata ka ra sa gadreva e na vu ni yalodra na nodra caka cala. 9Ia, me vakataki ira na tamata, ena vaka talega kina ko koya na bete: ia ka'u na cudruvi ira e na vuku ni nodra i valavala, ka'u na sauma vei ira na nodra i valavala. 10Ni ra na kana, ka sega ni mamau; era na ia na veibutakoci, ka sega ni tubu: ni ra sa mudu ni qaravi Jiova.
11A dauyalewa kei na waini kei na waini vou sa kauta vakatani na loma ni tamata. 12A noqu tamata era sa taroga na nodra kau, ia na nodra i titoko sa tukuna vei ira: ni sa vakacalai ira na yalo ni veibutakoci, ia na nodra dauyalewa, sa ra vuki tani kina mai na lewa ni nodra Kalou. 13Era sa daucakai soro e dela ni veiulu-ni-vanua, ka ra sa dauvakama nai madrali boi vinaka e na veiulu-ni-koro kei na ruku ni oki kei na ivi kei na paini, ni sa vinaka na kena rugurugua: o koya oqo era na ia kina na dautagane ko ira na luvemudou yalewa, kei ira na vugomudou na veibutakoci. 14Au na sega ni cudruvi ira na luvemudou yalewa ni ra ia na dautagane, se na vugomudou ni ra ia na veibutakoci: ni ra sa tawase dina vata kei ira na dautagane, ka ra cakai soro vata kei ira talega na dauveitau; ia ko ira sa sega ni yalomatua era na bale sobu.
15Kevaka dou sa ia na veibutakoci, na Isireli, me kakua ga ni caka cala ko ira na Juta; ia kakua ni dou cabe cake ki Kilikali, se lako cake ki Peci-aveni, se bubului, ka kaya, Me vaka sa bula ko Jiova. 16Me vaka sa daubese na pulumokau, sa ra daubese vakakina na Isireli: Ia oqo ena vakani ira ko Jiova me vaka na lami e na yasana rabailevu. 17Sa veikabiti vata kei na matakau ko ira na Ifireimi: laivi ira ga. 18Ni sa gunuvi na medra, era sa qai dauia na veibutakoci: ko ira na nodra turaga era sa vinakata na ka e veivakamaduataki. 19Sa vauci ira na cagi e na tabana, ka ra na madua e na vuku ni nodra vakacaboi soro.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Vakavakadewa Makawa (Fijian Old Version) © Bible Society of the South Pacific