1 SAMUELA 3
3
Sa vosa vei Samuela ko Jiova, 1-14. Sa tukuna vei Ilai na vosa i Jiova ko Samuela, 15-21.
1Ia na gone ko Samuela, sa qaravi Jiova e na mata i Ilai. Ia sa ka talei na vosa i Jiova e na gauna ko ya; sa sega so na raivotu. 2Ia e na siga ko ya ni sa davo koto ko Ilai e na nona tikina, ia sa matabuawa mai, me sega ni rai rawa; 3ia sa sega ni boko na cina ni Kalou, a sa davo koto ko Samuela e na vale i Jiova sa tu kina na kato ni Kalou; 4sa qai kacivi Samuela ko Jiova. A sa kaya ko koya; Koi au ga. 5Sa cici talega ko koya vei Ilai, ka kaya, Koi au ga oqo: ni ko a kacivi au. A sa kaya ko koya, Au a sega ni kaci; mo la'ki davo tale. A sa lako ka davo koto. 6A sa kaci tale ko Jiova, I Samuela. A sa tu cake ko Samuela, ka lako vei Ilai, ka kaya, Koi au ga oqo; ni ko a kacivi au. A sa kaya ko koya, Au a sega ni kaci, na luvequ; mo la'ki davo tale. 7Ia sa sega mada ni kilai Jiova ko Samuela, ka sa sega mada ni vakatakilai vua na vosa i Jiova. 8A sa kacivi Samuela vakatolu ko Jiova. A sa tu cake ko koya, ka lako vei Ilai, ka kaya, Koi au ga oqo; ni ko a kacivi au. Sa qai kila ko Ilai ni sai Jiova sa kaci vua na gone. 9A sa kaya kina vei Samuela ko Ilai, Mo la'ki davo; ia kevaka sa na kacivi iko ko koya, mo kaya, Mo ni vosa mai, Jiova; ni sa vakarorogo na nomuni tamata. A sa lako ko Samuela, ka davo e na nona tikina. 10A sa lako mai ko Jiova, ka tu, ka kaci me vaka eliu, I Samuela, i Samuela. A sa kaya ko Samuela, Mo ni vosa mai; ni'u sa vakarorogo na nomuni tamata.
11A sa kaya vei Samuela ko Jiova, Raica, ka'u na cakava e dua na ka e Isireli ena qasikanunu kina ruarua na daligadra na tamata yadua era na rogoca. 12E na siga ko ya, ka'u na vakayacora vei Ilai na ka kecega ka'u sa vosataka oti e na vukudra na nona lewe-ni-vale: ia ni'u sa vakatekivuna ka'u na vakaotia talega. 13Ni'u sa tukuna oti vua ni'u na lewai ira na nona lewe-ni-vale ka sega ni mudu, e na vuku ni valavala ca sa kila ko koya; ni sa vakasisilataki rau koi rau na luvena, ka sa sega ni tarovi rau ko koya. 14O koya oqo ka'u sa bubului kina e na vukudra na lewe-ni-vale i Ilai, ni na sega ni buluti na nodra i valavala ca na lewe-ni-vale i Ilai, ka sega ni mudu, sa segai e nai soro se nai madrali.
15A sa davo koto ko Samuela, ka mataka mai, a sa dolava nai sogo ni vale i Jiova. A sa rere ko Samuela ni vakatakila na raivotu vei Ilai. 16A sa kacivi Samuela ko Ilai, ka kaya, I Samuela, na luvequ. A sa kaya ko koya, Koi au ga oqo. 17A sa kaya ko koya, A cava na vosa ka vosataka vei iko ko JIOVA? mo kakua mada ni vunia vei au; me cakacaka vakakina vei iko na Kalou, ka vakaikuritaka, kevaka ko sa vunia vei au e dua na ka e na ka kecega ka vosataka vei iko ko koya. 18A sa tukuna vua ko Samuela na ka kecega, ka sega na ka e vunia vua. A sa kaya ko koya, Sai koya oqo ko Jiova: me cakava ko koya na ka e vinaka vua.
19A sa tubu ko Samuela, a sa tiko vata kaya ko Jiova, ka sega ni laiva e dua na nona vosa me lutu ki na qele. 20A sa kila ko ira kecega na Isireli, mai Tani ka yacovi Pieri-sepa, ni sa vakadinadinataki tu ko Samuela me parofita i Jiova.
21A sa rairai tale mai Sailo ko Jiova: ni sa vakatakilai koya ko Jiova vei Samuela mai Sailo e na vosa i Jiova. A sa yaco vei ira kecega na Isireli na vosa i Samuela.
Currently Selected:
1 SAMUELA 3: FOV
Highlight
Share
Compare
Copy
Want to have your highlights saved across all your devices? Sign up or sign in
Vakavakadewa Makawa (Fijian Old Version) © Bible Society of the South Pacific
1 SAMUELA 3
3
Sa vosa vei Samuela ko Jiova, 1-14. Sa tukuna vei Ilai na vosa i Jiova ko Samuela, 15-21.
1Ia na gone ko Samuela, sa qaravi Jiova e na mata i Ilai. Ia sa ka talei na vosa i Jiova e na gauna ko ya; sa sega so na raivotu. 2Ia e na siga ko ya ni sa davo koto ko Ilai e na nona tikina, ia sa matabuawa mai, me sega ni rai rawa; 3ia sa sega ni boko na cina ni Kalou, a sa davo koto ko Samuela e na vale i Jiova sa tu kina na kato ni Kalou; 4sa qai kacivi Samuela ko Jiova. A sa kaya ko koya; Koi au ga. 5Sa cici talega ko koya vei Ilai, ka kaya, Koi au ga oqo: ni ko a kacivi au. A sa kaya ko koya, Au a sega ni kaci; mo la'ki davo tale. A sa lako ka davo koto. 6A sa kaci tale ko Jiova, I Samuela. A sa tu cake ko Samuela, ka lako vei Ilai, ka kaya, Koi au ga oqo; ni ko a kacivi au. A sa kaya ko koya, Au a sega ni kaci, na luvequ; mo la'ki davo tale. 7Ia sa sega mada ni kilai Jiova ko Samuela, ka sa sega mada ni vakatakilai vua na vosa i Jiova. 8A sa kacivi Samuela vakatolu ko Jiova. A sa tu cake ko koya, ka lako vei Ilai, ka kaya, Koi au ga oqo; ni ko a kacivi au. Sa qai kila ko Ilai ni sai Jiova sa kaci vua na gone. 9A sa kaya kina vei Samuela ko Ilai, Mo la'ki davo; ia kevaka sa na kacivi iko ko koya, mo kaya, Mo ni vosa mai, Jiova; ni sa vakarorogo na nomuni tamata. A sa lako ko Samuela, ka davo e na nona tikina. 10A sa lako mai ko Jiova, ka tu, ka kaci me vaka eliu, I Samuela, i Samuela. A sa kaya ko Samuela, Mo ni vosa mai; ni'u sa vakarorogo na nomuni tamata.
11A sa kaya vei Samuela ko Jiova, Raica, ka'u na cakava e dua na ka e Isireli ena qasikanunu kina ruarua na daligadra na tamata yadua era na rogoca. 12E na siga ko ya, ka'u na vakayacora vei Ilai na ka kecega ka'u sa vosataka oti e na vukudra na nona lewe-ni-vale: ia ni'u sa vakatekivuna ka'u na vakaotia talega. 13Ni'u sa tukuna oti vua ni'u na lewai ira na nona lewe-ni-vale ka sega ni mudu, e na vuku ni valavala ca sa kila ko koya; ni sa vakasisilataki rau koi rau na luvena, ka sa sega ni tarovi rau ko koya. 14O koya oqo ka'u sa bubului kina e na vukudra na lewe-ni-vale i Ilai, ni na sega ni buluti na nodra i valavala ca na lewe-ni-vale i Ilai, ka sega ni mudu, sa segai e nai soro se nai madrali.
15A sa davo koto ko Samuela, ka mataka mai, a sa dolava nai sogo ni vale i Jiova. A sa rere ko Samuela ni vakatakila na raivotu vei Ilai. 16A sa kacivi Samuela ko Ilai, ka kaya, I Samuela, na luvequ. A sa kaya ko koya, Koi au ga oqo. 17A sa kaya ko koya, A cava na vosa ka vosataka vei iko ko JIOVA? mo kakua mada ni vunia vei au; me cakacaka vakakina vei iko na Kalou, ka vakaikuritaka, kevaka ko sa vunia vei au e dua na ka e na ka kecega ka vosataka vei iko ko koya. 18A sa tukuna vua ko Samuela na ka kecega, ka sega na ka e vunia vua. A sa kaya ko koya, Sai koya oqo ko Jiova: me cakava ko koya na ka e vinaka vua.
19A sa tubu ko Samuela, a sa tiko vata kaya ko Jiova, ka sega ni laiva e dua na nona vosa me lutu ki na qele. 20A sa kila ko ira kecega na Isireli, mai Tani ka yacovi Pieri-sepa, ni sa vakadinadinataki tu ko Samuela me parofita i Jiova.
21A sa rairai tale mai Sailo ko Jiova: ni sa vakatakilai koya ko Jiova vei Samuela mai Sailo e na vosa i Jiova. A sa yaco vei ira kecega na Isireli na vosa i Samuela.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Vakavakadewa Makawa (Fijian Old Version) © Bible Society of the South Pacific