ሮሚያ 5
5
ኣማኑዋን ቤቲያ ሳሮቴኔ ሲጋቴ
1ሄዋ ዲራው፥ ኑኒ ኣማኑዋን ፂሌዳዋን፥ ኑ ጎዳ ዬሱሲ ኪሪስቶሳ ባጋና ኑሲ ፆሳና ሳሮቴይ ዴዔ፤ 2ቃሲ ኢ ኑና ሃዒ ኑኒ ዴዒያ ፆሳ ኣ ኬካቴ ጊዶ ኣማኑዋን ኣሄዳ፤ ያቲና፥ ኑኒ ፆሳ ቦንቹዋ ሻካናው ኑሲ ዴዒያ ሂዶታን ጬቄቴቶ።
3-4ሄዋ ፃላላ ጊዴና፤ ኑኒ ኑ ዋዪያንካ ናሼቴቶ፤ ኣዪሲ ጎፔ፥ ዋዪያፔ ዳንዳያይ፥ ቃሲ ዳንዳያፔ ፓጪያን ሚኒያዌ፥ ፓጪያን ሚኖታፔ ሂዶታይ ዪያዋ ኑኒ ኤሬቶ። 5ፆሳይ ኑሲ ኢሜዳ ጌሻ ኣያና ባጋና ባሬ ሲቁዋ ኑ ዎዛናን ጉሴዳ ዲራው፥ ሄ ኑኒ ዴማናው ናሼቻን ናጊ ኡቴዳዌ ኑና ዬላዬና።
6ኣዪሲ ጎፔ፥ ኑኒ ቢሮ ዎልቃይ ባይናዋንታ ጊዲዴ ዴዒሺን፥ ፆሳይ ዶሬዳ ዎዲ ጋኪና፥ ኪሪስቶሲ ናጋራንቻቱዋ ዲራው ሃይቄዳ። 7ፂሎ ኡራ ዲራው፥ ኢቲ ኡራይ ሃይቃናዌ ዳሮ ሜቶባ፤ ሺን ሎዖ ኣሳ ዲራው ሃይቃናው፥ «ኤኖ» ጊያ ኡራይ ኦኒ ኤሪ ቤቴናን ኣጌና። 8ሺን ኑኒ ቢሮ ናጋራንቻ ጊዲዴ ዴዒሺን፥ ኪሪስቶሲ ኑ ዲራው ሃይቄዳ፤ ሄዌ ፆሳይ ኑና ኣይ ኬና ሲቂንቶኔ ኣ ሲቁዋ ኤሪሴ። 9ሲሚ ኑኒ ሃዒ ኣ ሱን ፂሌዳዋ ጊዶፔ፥ ኣ ባጋና ፆሳ ሃንቁዋፔ ኣታና። 10ኣዪሲ ጎፔ፥ ኑኒ ፆሳና ካሴ ሞርኬ፤ ሺን ኣ ናዓ ሃይቁዋን ኣናና ሲጌቴዶ። ሄዋፔ ኣዴ፥ ሃዒ ኑኒ ፆሳና ሲጌቴዳዋፔ ጉዪያን፥ ኢ ፓፃ ጊዲያ ዲራው ኑና ኣሻና። 11ሺን ሄዋ ፃላላ ጊዴና፤ ሃዒ ኑና ፆሳና ሲጌዳ ኑ ጎዳ ዬሱሲ ኪሪስቶሳ ባጋና ኑና ፆሳባይ ናሼቼ።
ሃይቁ ኣዳማን ዪና፥ ዴዑ ኪሪስቶሳን ዬዳ
12ሄዋ ዲራው፥ ናጋራይ ሃ ሳዓ ኢቲ ኣሳ ባጋና ጌሌዳ፤ ሄ ናጋራይ ባሬናና ሃይቁዋ ኣሄዳ፤ ሄዋ ጋሱዋን፥ ኣሳይ ኡባይ ኣዳማ ባጋና ናጋራ ኦዳ ዲራው፥ ሃይቁ ኣሳ ዛሪያ ኡባ ጋኬዳ። #ዶም 3፡6 13ሂጊ ኢሜታናፔ ካሴ፥ ሃ ኣላሚያን ናጋራይ ዴዔ፤ ሺን ሂጊ ባይና ዎዴ ናጋራይ ፓይዴቴና። 14ሺን ኣዳማ ዎዲያፔ፥ ሙሴ ዎዲያ ጋካናሲ፥ ሃይቁ ኣሳ ኡባ ሞዴዳ፤ ሃራይ ኣቶ ኣዳሚ ፆሳ ሂጌው ኣዛዜቴናን ኢፄዳዋዳን፥ ናጋራ ኦቤናዋንታካ ሃይቁ ሞዴዳ።
ኣዪሲ ጎፔ፥ ኣዳሚ ያናዎ ሌሚሱዋ። 15ሺን ፆሳ ኢሞታይ ኣዳማ ናጋራ ኬና ጊዴና ዲራው፥ ኡንቱንቱ ኢቲ ማላ ጊዲኪኖ፤ ኢቲ ቢታኒያ ናጋራ ዲራው፥ ጮራ ኣሳይ ሃይቄዳዌ ቱማ፤ ሺን ፆሳ ኣ ኬካቴይኔ ኣ ኢሞታይ ኢቲ ኣሳ ኣ ኬካቴ ባጋና፥ ዬሱሲ ኪሪስቶሳ ኣ ኬካቴ ባጋና ጮራ ኣሳው ዳሬዳ። 16ፆሳ ኢሞታይ ናጋራ ኦዳ ቢታኒያ ባጋና ዬዳዋ ማላ ጊዴና፤ ኣዪሲ ጎፔ፥ ኣዳሚ ኢቲ ናጋራ ኦዳዋፔ ጉዪያን፥ ፆሳይ ኣ ባዪዜዳዋዳን ፒርዴዳ፤ ሺን ኣሳይ ዳሮ ናጋራ ኦዳዋፔ ጉዪያን ፆሳይ፥ «ሂንቴንቱ ባዪዚቤይኪታ» ጊዴ፥ ባሬ ኣ ኬካቴ ኡንቱንታ ቤሴ። 17ኣዪሲ ጎፔ፥ ኢቲ ቢታኒያ ናጋራ ጋሱዋን፥ ኣ ናጋራ ባጋና፥ ሃይቁ ካዉቴዳዌ ቱማ፤ ሺን ኢቲ ኡራይ፥ ዬሱሲ ኪሪስቶሲ ኦዳባይ ኣይ ኬና ዳሬ፤ ፆሳ ዳሮ ኣ ኬካቴኔ ፂሎቴ ኢሞታ ኣኪያ ኡባይ ኪሪስቶሳ ባጋና ፆኒዴ ዴዓና።
18ሲሚ ኢቲ ኡራይ ናጋራ ኦዳ ጋሱዋን ኣሳ ኡባ ቦላ ባዪዜዳዋዳን ፒርዳይ ዬዳ። ሄዋዳንካ ኢቲ ኡራይ ፂሎባ ኦዳ ጋሱዋን፥ ፆሳይ ኣሳ ኡባ፥ «ባይዚቤይኪታ» ጊዴ ኡንቱንቶ ዴዑዋ ኢሜዳ። 19ኣዪሲ ጎፔ፥ ኢቲ ኡራይ ኣዛዜቴናን ኢፄዳ ጋሱዋን፥ ዳሮ ኣሳይ ናጋራንቻ ጊዴዳ፥ ሃዋዳንካ ቃሲ ኢቱ ኤኖ ጌዳዋን ጮራ ኣሳይ ፂላና።
20ናጋራ ዳሪሳናው፥ ሂጊ ዬዳ፤ ሺን ናጋራይ ዳሪያ ዎዴ ፆሳ ኣ ኬካቴይ ሎይ ዳሬዳ። 21ናጋራይ ሃይቁዋ ዎልቃን ካዉቴዳዋዳን፥ ሃዋዳንካ ቃሲ ፆሳ ኣ ኬካቴይ ፂሎቴ ዎልቃን ካዉቲዴ፥ ኑ ጎዳ ዬሱሲ ኪሪስቶሳ ባጋና፥ ኑና ሜና ዴዖ ካሌ።
Currently Selected:
ሮሚያ 5: dwrENT
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
Learn More About Ooratha Caaquwaaሮሚያ 5
5
ኣማኑዋን ቤቲያ ሳሮቴኔ ሲጋቴ
1ሄዋ ዲራው፥ ኑኒ ኣማኑዋን ፂሌዳዋን፥ ኑ ጎዳ ዬሱሲ ኪሪስቶሳ ባጋና ኑሲ ፆሳና ሳሮቴይ ዴዔ፤ 2ቃሲ ኢ ኑና ሃዒ ኑኒ ዴዒያ ፆሳ ኣ ኬካቴ ጊዶ ኣማኑዋን ኣሄዳ፤ ያቲና፥ ኑኒ ፆሳ ቦንቹዋ ሻካናው ኑሲ ዴዒያ ሂዶታን ጬቄቴቶ።
3-4ሄዋ ፃላላ ጊዴና፤ ኑኒ ኑ ዋዪያንካ ናሼቴቶ፤ ኣዪሲ ጎፔ፥ ዋዪያፔ ዳንዳያይ፥ ቃሲ ዳንዳያፔ ፓጪያን ሚኒያዌ፥ ፓጪያን ሚኖታፔ ሂዶታይ ዪያዋ ኑኒ ኤሬቶ። 5ፆሳይ ኑሲ ኢሜዳ ጌሻ ኣያና ባጋና ባሬ ሲቁዋ ኑ ዎዛናን ጉሴዳ ዲራው፥ ሄ ኑኒ ዴማናው ናሼቻን ናጊ ኡቴዳዌ ኑና ዬላዬና።
6ኣዪሲ ጎፔ፥ ኑኒ ቢሮ ዎልቃይ ባይናዋንታ ጊዲዴ ዴዒሺን፥ ፆሳይ ዶሬዳ ዎዲ ጋኪና፥ ኪሪስቶሲ ናጋራንቻቱዋ ዲራው ሃይቄዳ። 7ፂሎ ኡራ ዲራው፥ ኢቲ ኡራይ ሃይቃናዌ ዳሮ ሜቶባ፤ ሺን ሎዖ ኣሳ ዲራው ሃይቃናው፥ «ኤኖ» ጊያ ኡራይ ኦኒ ኤሪ ቤቴናን ኣጌና። 8ሺን ኑኒ ቢሮ ናጋራንቻ ጊዲዴ ዴዒሺን፥ ኪሪስቶሲ ኑ ዲራው ሃይቄዳ፤ ሄዌ ፆሳይ ኑና ኣይ ኬና ሲቂንቶኔ ኣ ሲቁዋ ኤሪሴ። 9ሲሚ ኑኒ ሃዒ ኣ ሱን ፂሌዳዋ ጊዶፔ፥ ኣ ባጋና ፆሳ ሃንቁዋፔ ኣታና። 10ኣዪሲ ጎፔ፥ ኑኒ ፆሳና ካሴ ሞርኬ፤ ሺን ኣ ናዓ ሃይቁዋን ኣናና ሲጌቴዶ። ሄዋፔ ኣዴ፥ ሃዒ ኑኒ ፆሳና ሲጌቴዳዋፔ ጉዪያን፥ ኢ ፓፃ ጊዲያ ዲራው ኑና ኣሻና። 11ሺን ሄዋ ፃላላ ጊዴና፤ ሃዒ ኑና ፆሳና ሲጌዳ ኑ ጎዳ ዬሱሲ ኪሪስቶሳ ባጋና ኑና ፆሳባይ ናሼቼ።
ሃይቁ ኣዳማን ዪና፥ ዴዑ ኪሪስቶሳን ዬዳ
12ሄዋ ዲራው፥ ናጋራይ ሃ ሳዓ ኢቲ ኣሳ ባጋና ጌሌዳ፤ ሄ ናጋራይ ባሬናና ሃይቁዋ ኣሄዳ፤ ሄዋ ጋሱዋን፥ ኣሳይ ኡባይ ኣዳማ ባጋና ናጋራ ኦዳ ዲራው፥ ሃይቁ ኣሳ ዛሪያ ኡባ ጋኬዳ። #ዶም 3፡6 13ሂጊ ኢሜታናፔ ካሴ፥ ሃ ኣላሚያን ናጋራይ ዴዔ፤ ሺን ሂጊ ባይና ዎዴ ናጋራይ ፓይዴቴና። 14ሺን ኣዳማ ዎዲያፔ፥ ሙሴ ዎዲያ ጋካናሲ፥ ሃይቁ ኣሳ ኡባ ሞዴዳ፤ ሃራይ ኣቶ ኣዳሚ ፆሳ ሂጌው ኣዛዜቴናን ኢፄዳዋዳን፥ ናጋራ ኦቤናዋንታካ ሃይቁ ሞዴዳ።
ኣዪሲ ጎፔ፥ ኣዳሚ ያናዎ ሌሚሱዋ። 15ሺን ፆሳ ኢሞታይ ኣዳማ ናጋራ ኬና ጊዴና ዲራው፥ ኡንቱንቱ ኢቲ ማላ ጊዲኪኖ፤ ኢቲ ቢታኒያ ናጋራ ዲራው፥ ጮራ ኣሳይ ሃይቄዳዌ ቱማ፤ ሺን ፆሳ ኣ ኬካቴይኔ ኣ ኢሞታይ ኢቲ ኣሳ ኣ ኬካቴ ባጋና፥ ዬሱሲ ኪሪስቶሳ ኣ ኬካቴ ባጋና ጮራ ኣሳው ዳሬዳ። 16ፆሳ ኢሞታይ ናጋራ ኦዳ ቢታኒያ ባጋና ዬዳዋ ማላ ጊዴና፤ ኣዪሲ ጎፔ፥ ኣዳሚ ኢቲ ናጋራ ኦዳዋፔ ጉዪያን፥ ፆሳይ ኣ ባዪዜዳዋዳን ፒርዴዳ፤ ሺን ኣሳይ ዳሮ ናጋራ ኦዳዋፔ ጉዪያን ፆሳይ፥ «ሂንቴንቱ ባዪዚቤይኪታ» ጊዴ፥ ባሬ ኣ ኬካቴ ኡንቱንታ ቤሴ። 17ኣዪሲ ጎፔ፥ ኢቲ ቢታኒያ ናጋራ ጋሱዋን፥ ኣ ናጋራ ባጋና፥ ሃይቁ ካዉቴዳዌ ቱማ፤ ሺን ኢቲ ኡራይ፥ ዬሱሲ ኪሪስቶሲ ኦዳባይ ኣይ ኬና ዳሬ፤ ፆሳ ዳሮ ኣ ኬካቴኔ ፂሎቴ ኢሞታ ኣኪያ ኡባይ ኪሪስቶሳ ባጋና ፆኒዴ ዴዓና።
18ሲሚ ኢቲ ኡራይ ናጋራ ኦዳ ጋሱዋን ኣሳ ኡባ ቦላ ባዪዜዳዋዳን ፒርዳይ ዬዳ። ሄዋዳንካ ኢቲ ኡራይ ፂሎባ ኦዳ ጋሱዋን፥ ፆሳይ ኣሳ ኡባ፥ «ባይዚቤይኪታ» ጊዴ ኡንቱንቶ ዴዑዋ ኢሜዳ። 19ኣዪሲ ጎፔ፥ ኢቲ ኡራይ ኣዛዜቴናን ኢፄዳ ጋሱዋን፥ ዳሮ ኣሳይ ናጋራንቻ ጊዴዳ፥ ሃዋዳንካ ቃሲ ኢቱ ኤኖ ጌዳዋን ጮራ ኣሳይ ፂላና።
20ናጋራ ዳሪሳናው፥ ሂጊ ዬዳ፤ ሺን ናጋራይ ዳሪያ ዎዴ ፆሳ ኣ ኬካቴይ ሎይ ዳሬዳ። 21ናጋራይ ሃይቁዋ ዎልቃን ካዉቴዳዋዳን፥ ሃዋዳንካ ቃሲ ፆሳ ኣ ኬካቴይ ፂሎቴ ዎልቃን ካዉቲዴ፥ ኑ ጎዳ ዬሱሲ ኪሪስቶሳ ባጋና፥ ኑና ሜና ዴዖ ካሌ።
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
Learn More About Ooratha Caaquwaa