ቆላሲያሳ 4
4
1ጎዳቶ፥ ሂንቴዉካ ሳሉዋን ጎዳይ ዴዒያዋ ኤሪዴ፥ ሂንቴንቱ ኣዪሌቶ ፂሎቴኒኔ ሱሬቴን ኮሺያዋ ኦቴ።
ዞሪያ
2ፆሳ ኣጌናን ዎሲቴ፤ ቃሲ ዎሲዴ ኣዛሌናን፥ ኣ ጋላቲዴ ዎሲቴ። 3ቃሲ ሂንቴንቱ ዎሲያ ዎዴ ኡባን፥ ካሴዴፔ ኣሳው ቆንጪቤናዋ፥ ኪሪስቶሳዋ ኑኒ ኦዳና ማላ፥ ፆሳይ ኑሲ ኢንጄያናዳን፥ ኑሲካ ፆሳ ዎሲቴ፤ ኣዪሲ ጎፔ፥ ሃዒ ታኒ ቃሾ ጎሊያን ዴዒያዌ ሄዋሳ። 4ቃሲካ ታኒ ቤሲያዋ ኬና ቆንጪሳዴ ሃ ዬዉዋ ኦዳና ማላ፥ ታው ፆሳ ዎሲቴ።
5ሂንቴው ዴዒያ ዎዲያ ጎዒ ባዪናሳን ዪሴናን፥ ኣማኔናዋንቱ ማታን ጪንጫቴን ዴዒቴ። 6ሂንቴንቱ ኣሳ ኡባው ዎቲ ዛራናው ቤሲንቶ ኤራና ማላ፥ ሂንቴንቱ ሃሳያይ ኡባ ዎዴ፥ ሲሳናው ሎዒያዋኔ ናሼቺያዋ ጊዳናው ቤሴ።
ዉርሴ ሳሮታ
7ኑ ሲቆ ኢሻይ ቲኪቆሲ፥ ታናና ኢቲፔ ጎዳ ኦሱዋን ቆማ ጊዴዳ ኣማኔቲያ ኦሳንቻይ፥ ታ ዴዑዋባ ሂንቴንታ ኤሪሳና። 8ታኒ ኣ ሂንቴኮ ኪቲያዌ፥ ኑኒ ዋኒ ዴዒንቶ ሂንቴንቶ ኢ ኦዲዴ፥ ሂንቴንታ ሜንና ዲራሳ። 9ኣናሲሞሲ፥ ኣማኔቲያ ሲቆ ኢሻይ፥ ሂንቴንቱ ጋዴዌ፥ ኣናና ኢቲፔ ሂንቴኮ ቤ፤ ኡንቱንቱ ሃዋን ሃኒያ ኡባባ ሂንቴንታ ኤሪሳና። #ፒም 10-12
10ታናና ቃሹዋን ዴዒያ ኣሪስፂሮኮሲኔ ባርናባሳው ኣዉዋ ጊዴዳ ማርቆሲ ሂንቴንታ ሳሮቲኖ፤ ታኒ ሂንቴንታ ካሴ ኣዛዜዳዋዳን፥ ማርቆሲ ሂንቴኮ ቦፔ፥ ዎዛናፔ ኣ ሞኪቴ። #ኪት 19፡29፤ 27፡2፤ ፒም 24፤ ኪት 12፡12፣ 25፤ 13፡13፤ 15፡37-39 11ዮስፆሳ ጊያ ዬሱሲካ ሂንቴንታ ሳሮ ሳሮ ጌ፤ ኣዪሁዳ ኣሳቱዋፔ ታናና ፆሳ ካዉቴው ኦያዌ፥ ሃ ሄዙ ኣሳቱዋፔ ሃራይ ባዋ፤ ሃዋንቱ ታና ዳሮ ማዴዲኖ።
12ኤፓፊሪ፥ ሂንቴንቱ ጋዴዌ፥ ኪሪስቶሲ ዬሱሳ ቆማይ፥ ሂንቴንታ ሳሮ ሳሮ ጌ። ኢ ሂንቴንቱ ፆሳን ሚኒዴ ኤቃናዳኒኔ ፆሳይ ኮዪያዌ ኡባይ ኣዬንቶ ኤሪዴ፥ ፖሊ ኣማናናዳን፥ ኡባ ዎዴ ፆሳ ሚኒሲ ዎሴ። #ቆል 1፡7፤ ፒም 23 13ኣዪሲ ጎፔ፥ ኢ ሂንቴንቶ፥ ሎዶቂያ ኣሳዉኔ ሂራፖሊሳ ጊያ ካታማ ኣሳው ዳሮ ዳቡሪያዋ ታኒ ማርካታይ።
14ኑ ሲቆ ዶቶሪ ሉቃሲኔ ዴማሲ ሂንቴንታ ሳሮ ዴዒቴ ያጊኖ። 15ሎዶቂያን ዴዒያ ኑ ኢሻቶኔ ኒምፒው ቃሲ ኢዚ ጎሊያን ሺቂያ ኣማኒያ ኣሳቶ ኑ ሳሮታ ኦዲቴ።
16ሃ ዳቢዳቢያ ሂንቴንቱ ናባቤዳዋፔ ጉዪያን፥ ሎዶቂያ ኣማኒያዋንቶካ ናባቢሲቴ፤ ሂንቴካ ሎዶቂያ ኣማኒያዋንቱካ ሂንቴንቶ ዬዲያ ዳቢዳቢያ ናባቢቴ። 17ቃሲ ኣርኪፖሳው፥ «ጎዳይ ኔው ኢሜዳ ኦሱዋ ፖላናዋ ዶጎፓ» ያጊዴ ኦዲቴ። #ፒም 2
18ታኒ ጳዉሎሲ፥ ታ ኩሺያን ሳሮታ ፃፌዳዋ ሃዋ ቤዒቴ፤ ታኒ ቃሹዋን ዴዒያዋ ዶጎፒቴ።
ፆሳ ኣ ኬካቴይ ሂንቴንቱና ጊዶ።
Currently Selected:
ቆላሲያሳ 4: dwrENT
Highlight
Share
Copy
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
Learn More About Ooratha Caaquwaa