ዬሱሲ ኪቴዳዋንቱ ኦሱዋ 13
13
ባርናባሲኔ ሳዖሊ ጌሻ ኣያናይ ዶሪና፥ ታማሪሳናው ኪቴቴዲኖ
1ኣንፆኪያን ዴዒያ ኣማኒያ ኣሳ ጊዶን ናባቱኔ ታማርሲያዋንቱ ዴዒኖ፤ ኡንቱንቱካ ባርናባሳ፥ ካሬ ጊያ ሲሞና፥ ቄሬናፔ ዬዳ ሉቂዮሳ፥ ጋዲያ ሞዲያ ሄሮዲሳና #13፡1 ሄሮዲሳ፡ ሄሮድ ኣንቲጳሳ ጌቴቲያ ዎጋ ሄሮዲሴ ናዓ። ሄዌኔካ ጋሊላ ጊያ ጋዲያ ሞዲያዋ። ሉቅ 3፡1 ፄሊቴ። ዲጬዳ ሚናሃኔ ሳዖላ። 2ኡንቱንቱ ጎዳሲ ጎዪኒሺናኔ ፆሚሺን፥ ጌሻ ኣያናይ፥ «ታኒ ፄሴዳ ኦሱዋሲ ባርናባሳኔ ሳዖላ ታው ዱማዪቴ» ያጌዳ።
3ኡንቱንቱ ፆሜዳዋፔኔ ዎሴዳዋፔ ጉዪያን፥ ባሬንቱ ኩሺያ ባርናባሳ ቦላኒኔ ሳዖላ ቦላን ዎዴ፥ ኡንቱንታ ዬዴዲኖ።
ባርናባሲኔ ሳዖሊ ቆጲሮሳ ቤዲኖ
4ሄዋ ዲራው፥ ጌሻ ኣያናይ ኡንቱንታ ኪቲና፥ ሴሉቂያ ዎዲኖ፤ ሄዋፔ ዎንጊሪያን ጌሊዴ፥ ቆጲሮሳ ሃኒ ዶዴቴዳሳ ቤዲኖ። 5ኡንቱንቱ ሲልማና ጋኪዴ፥ ኣዪሁዳ ዎሳ ጎሌቱዋን ፆሳ ቃላ ኦዴዲኖ፤ ኡንቱንታ ማዳናው ዮሃኒሲ #13፡5 ዮሃኒሳ፡ ሃራ ሱንይ ማርቆሳ። 12፡12፥25 ፄሊቴ። ኡንቱንቱና ዴዔ።
6ኡንቱንቱ ቆጲሮሳ ሃን ዶዴቴዳ ሳዓ ኡባ ጳፉ ጋካናው ዩዪዴ፥ ናቢያ ኢቲ ዎርዳንቻ፥ ኣዪሁዳ ኣሳ ባር-ዬሱሳ ጊያ ሻሬቹዋ ዴሜዲኖ። 7ሄ ሻሬቹ ጋዲያ ሞዲያ ሳርጊዮሳ ጳዉሎሳ ጊያ ኣኬካንቻ ቢታኒያና ዴዔ። ሳርጊዮሳ ጳዉሎሳ ባርናባሳኔ ሳዖላ ባሬኮ ፄሲዴ፥ ፆሳ ቃላ ሲሳናው ኮዬዳ። 8ሺን ሻሬቹዋ ኤሊማሲ (ጊሪኬ ቃላን ሄዌ ኣ ሱን) ጋዲያ ሞዲያዋ ኣማኑዋ ዲጋናው ኮዪዴ፥ ኡንቱንቱ ሃሳያ ጳልቄዳ።
9ሺን ጳዉሎሳ ጊያ ሳዖሊ ባሬናን ጌሻ ኣያናይ ኩሚና፥ ሻሬቹዋ ጫዲ ፄሊዴ፥ 10ኣ፥ «ላ ሃ ፃላሂያ ካፑዋ ናዓው፥ ጌኔቴይ ኡባይኔ ኢታቴይ ኡባይ ኩሜዳዎ፥ ፂሎቴ ኡባ ሞርኬው፥ ጎዳ ኦጊያ ሱሪያ ጌላዪያዋ ኣጊኪ? 11ቤዓ፤ ሃዒ ጎዳ ኩሺ ኔ ቦላ ዴዔ፤ ኔኒ ቆቃ ጊዳና፤ ኣማሬዳ ዎዲ ጋካናው፥ ኣዋ ፖዑዋ ቤዓካ» ያጌዳ።
ሄ ማንዒያንካ ሻኖቻይኔ ማይ ኣ ኣይፊያ ጎዚና፥ ባሬ ኩሺያ ኦይቂዴ፥ ካሌያ ኡራ ኮዪዴ ዩዬዳ። 12ሄ ዎዴ ጋዲያ ሞዲያዌ ሄዋ ቤዔዳ ዎዴ፥ ጎዳይ ታማሪሲያዋን ማላሌቲዴ ኣማኔዳ።
ባርናባሲኔ ጳዉሎሲ ጲሲዲያን ዴዒያ ኣንፆኪያ ቤዲኖ
13ጳዉሎሲኔ ኣናና ዴዒያዋንቱ ጳፉፔ ዴንዲዴ፥ ጲኒፊሊያን ዴዒያ ጴርጌ ዎንጊሪያን ቤዲኖ፤ ዮሃኒሲ ኡንቱንቱፔ ሻኬቲ፥ ዬሩሳላሜ ሲሜዳ። 14ሺን ኡንቱንቱ ጴርጌፔ ኣዴ፥ ጲሲዲያን ዴዒያ ኣንፆኪያ ጋኬዲኖ፤ ሳምባታ ጋላሳን ኣዪሁዳ ዎሳ ጎሌ ጌሊዴ ኡቴዲኖ። 15ሙሴ ሂጊኔ ናባቱዋ ማፃፋይ #13፡15 ሙሴ ሂጊያኔ ናባቱዋ ማፃፋ፡ ኣዪሁዳቱዋ ማፃፋ፥ ኤጫ ጫቁዋ ማፃፋ። ናባቤቴዳዋፔ ጉዪያን፥ ኣዪሁዳ ዎሳ ጎሌ ካፓቱ፥ «ኑ ኢሻቶ ኣሳ ሚኒሲያ ቃላይ ሂንቴንቶ ዴዖፔ፥ ኣሳው ሃሳዬሪኪቴ» ያጊዴ ኡንቱንቶ ኪቴዲኖ።
16ጳዉሎሲ ዴንዲ ኤቂዴ፥ ባሬ ኩሺያን ፆርሲዴ፥ ሃዋዳን ያጌዳ፤ «ኢስራዔሊያ ኣሳቶ፥ ፆሳሲ ያዪያዋንቶ ሲሲቴ። 17ሃ ኢስራዔሊያ ኣሳ ፆሳይ ኑ ኣዋቱዋ ዶሪዴ፥ ጊብፄ ጋዲያን ኢማቴን ኡንቱንቱ ዴዒሺን፥ ኡንቱንታ ጮሪሴዳ፤ ባሬ ዎልቃማ ዎልቃኒካ ጊብፄ ጋዲያፔ ኡንቱንታ ኬሴዳ። #ኬስ 1፡7፤ 12፡51 18ባዙዋን ኦይታሙ ላይ ኬና ኑ ኣዋቱዋ ኢ ዳንዳዬዳ። #ፓይ 14፡34፤ ዛር 1፡31 19ካናኔ ጊያ ጋዲያን ኣዪሁዳ ጊዴና ላፑ ካዉቴ ዪሲዴ፥ ኡንቱንቱ ጋዲያ ባሬ ኣሳ ላቲሴዳ። #ዛር 7፡1፤ ኢያ 14፡1 20ሄዋፔ ጉዪያን፥ ናቢያ ሳሜላ ዎዲያ ጋካናሲ፥ ኦይዱ ፄታኔ ኢሻታሙ ላይ ኬና ዳናቱዋ ኡንቱንቶ ኢሜዳ። #ዳት 2፡16፤ 1ሳም 3፡20 21ሄዋፔ ጉዪያን፥ ኡንቱንቱ ባሬንቶ ካቲያ ኢማና ማላ ዎሲና፥ ፆሳይ ቢኒያማ ዛሪያፔ ቂሳ ናዓ ሳዖላ ኦይታሙ ላይው ካዉታና ማላ፥ ኡንቱንቶ ኢሜዳ። #1ሳም 8፡5፤ 10፡21 22ፆሳይ ሳዖላ ሻሬዳዋፔ ጉዪያን፥ ኡንቱንቱ ቦላ ዳዊቴ ካዉታና ማላ፥ ኣ ዴንዳ፤ ዳዊቴባ ማርካቲዴ፥ ‹ታኒ ኮዪያ ኡባባ ታ ዎዛናዳን ኦያ ኢሴይ ናዓ ዳዊታ ዴማዲ› ያጌዳ። #1ሳም 13፡14፤ 16፡12፤ ማዝ 89፡20
23«ፆሳይ፥ ‹ታኒ ዳዊታ ዛሪያፔ ኢስራዔሊያ ኣሳ ኣሺያዋ ኣሃና› ቃላ ጌሌዳዋዳንካ፥ ዬሱሳ ኣሄዳ። 24ዬሱሲ ያናፔ ካሴ ኢስራዔሊያ ኣሳይ ኡባይ ባሬንቱ ናጋራፔ ሲሚዴ ፃማቄታና ማላ፥ ዮሃኒሲ ቃላ ኦዴዳ። #ማር 1፡4፤ ሉቅ 3፡3 25ቃሲ ዮሃኒሲ ባሬ ኦሱዋ ዉርሳና ሃኒዴ ኣሳ፥ ‹ታና ኦና ጊዴ ቆፒቴ? ታኒ ሂንቴ ናጊያዋ ጊዲኬ፤ ሺን ቤዒቴ፥ ኣ ጌዲያ ጫማ ቃሹዋካ ጌዲያፔ ቢላናው ታው ቤሴናዌ ታፔ ጉዬና ዬ› ያጌዳ።
26«ታናዳን ኣማኒያዋንቶ፥ ኣብራሃሜ ዜሬቶ፥ ቃሲ ሃዋን ኣዪሁዳ ጊዴናዋንቶ ፆሳሲ ያዪያዋንቶ፥ ሃ ኣቶቴ ቃላይ ኑሲ ኪቴቴዳ። 27ኣዪሲ ጎፔ፥ ዬሩሳላሜን ዴዒያ ኣሳይኔ ኡንቱንቱ ካፓቱ ዬሱሳኔ ሳምባታ ጋላሳ ኡባን ናባቤቲያ ናባቱዋ ቃላ ኣኬኪቤና ዲራው፥ ኣ ቦላ ፒርዲዴ፥ ናባቱዋ ቃላ ፖሌዲኖ። 28ዬሱሳ ዎሳናው ኢቲ ጋሱካ ኡንቱንቶ ቤቴናን ኢፂና፥ ጲላፆሲ ኣ ዎና ማላ ዎሴዲኖ።
29«ኡንቱንቱ ዬሱሳባይ ፆሳ ማፃፋን ፃፌቴዳዋ ኡባ ፖሌዳ ዎዴ፥ ማስቃሊያፔ ኣ ዎዴ ሞጌዲኖ። 30ሺን ፆሳይ ሃይቁዋፔ ዬሱሳ ዴንዳ። 31ሄዋፔ ጉዪያን ኢ ባሬናና ጋሊላፔ ዬሩሳላሜ ዬዳ ኣሳቶ ጮራ ጋላሳ ቤቴዳ ኡንቱንቱ ሃዒ ኣባ ኣሳሲ ማርካቲኖ።
32«ፆሳይ ኑ ኣዋቱዋሲ ኢማና ጌዳ ዎንጋላ ሚሺራቹዋ ኑኒ ሂንቴንቶ ኦዴቶ። 33ዳዊቴ ማዚሙሪያ ማፃፋን ላዔ ሼምፑዋን፥
‹ኔኒ ታ ናዓ።
ሃቼ ታኒ ኔ ኣዉዋ ጊዳዲ›
ጌቴቲዴ ፃፌቴዳዋዳን፥ ፆሳይ ዬሱሳ ዴንዴ፥ ኑ ኣዋቱዋሲ ኢማና ጌዳዋ ኑሲ ኡንቱንቱ ናናሲ ፖሌዳ። #ማዝ 2፡7 34ላዔንዋ ኢ ሃይቄና ማላ፥ ሃይቁዋፔ ኣ ዴንዳዋሲ ፆሳይ፥ ‹ታኒ ዳዊቴው ኢማና ጌዳ ኣማኔቴዳ ጌሻ ኣንጁዋ ሂንቴንቶ ኢማና› ያጊዴ ሃሳዬዳ። 35ሄዋ ዲራው፥ ማዚሙሪያ ማፃፋን ሃራሳን ቃሲ፥ ‹ኔ ጌሻ ናዓ ኣኃካ ሙሲሳካ› ያጌዳ። #ማዝ 16፡10 36ኣዪሲ ጎፔ፥ ዳዊቴ ባሬ ዎዲያን ፆሳ ቆፋ ኦዳዋፔ ጉዪያን ሃይቂዴ፥ ባሬ ኣዋቱዋና ሃይቂ ሙሴዳ። 37ሺን ፆሳይ ሃይቁዋፔ ዴንዳዌ ሙሲቤና።
38-39«ሄዋ ዲራው፥ ታናዳን ኣማኒያዋንቶ፥ ናጋራ ኣቶ ጌቴቴዳዌ ሂንቴንቶ ዬሱሳ ባጋና ኦዴቴዳዌኔ፥ ሙሴ ሂጊያን ፂላናው ሂንቴንቶ ዳንዳዬቴና ኡባባፔ ኣኒ ኣማኒያ ኡባይ ፂላናዌ ሂንቴንቶ ኤሬቶ። 40ሄዋ ዲራው፥ ናባቱ ጌዳዌ ሂንቴ ቦላ ጋኬና ማላ ናጌቲቴ፤
41‹ፆሳይ ጌዳባ ቂሊጪያዋንቶ፥ #ኢምብ 1፡5
ቤዒቴ፤ ሃራይ ኣቶ ኢቲ ኡራይ ሂንቴንቶ ኦዲንቶካ፥
ሂንቴ ኣማኔና ኦሱዋ ታኒ ሂንቴንቱ ዎዲያን
ኦያ ዲራው፥ ፖራ ጊቴ፤ ሃይቂቴ›
ጌዲኖ» ያጌዳ።
42ጳዉሎሲኔ ባርናባሲ ኣዪሁዳ ዎሳ ጎሊያፔ ኬሲሺን፥ ኣሳይ ኡንቱንታ ላዔንዋ ሳምባታንካ ሄዋ ጉጂዴ ኦዳና ማላ ዎሴዲኖ። 43ሺቁ ላሌቴዳዋፔ ጉዪያን፥ ጮራ ኣዪሁዳቱኔ ኣዪሁዳቱዋ ኣማኑዋን ጌሊዴ ፆሳው ያዪያ ጮራቱ፥ ጳዉሎሳኔ ባርናባሳ ካሌዲኖ፤ ዬሱሲ ኪቴዳዋንቱ ፆሳ ኣ ኬካቴን ሚኒ ዴዓና ማላ፥ ኡንቱንቶ ኦዲዴ ሚኒሴዲኖ።
44ላዔንዋ ሳምባታን ኣማሬዳ ኣሳቱዋፔ ኣቲን፥ ካታማ ኣሳይ ኡባይ ፆሳ ቃላ ሲሳናው ሺቄዳ። 45ሺን ኣዪሁዳቱ ጮራ ኣሳ ቤዔዳ ዎዴ፥ ጳዉሎሳ ቃናቴዲኖ፤ ኣ ሃሳያ ጳልቂዴ፥ ኣ ቦሬዲኖ።
46ጳዉሎሲኔ ባርናባሲ ፃሊዴ፥ «ፆሳ ቃላይ ካሴቲዴ ሂንቴንቶ ኦዴታናው ኮሼ፤ ሺን ቃላ ሂንቴ ኢፄዳ ዲራዉኔ ሜና ዴዑዋ ኣካናው ሂንቴንቶ ቤሴና ጊዴ፥ ሂንቴ ሂንቴንቱ ሁጲያን ፒርዴዳ ዲራው፥ ቤዒቴ፥ ኑኒ ኣዪሁዳ ጊዴናዋንቱኮ ሲሜቶ። 47ኣዪሲ ጎፔ፥ ጎዳይ ኑና፥ #ኢሳ 42፡6፤ 49፡6
« ‹ኣሳይ ኡባይ ሂንቴ ባጋና ኣታና ማላ፥
ሂንቴንታ ታኒ ኣዪሁዳ ጊዴናዋንቶ ፖዑዋ ኦዲ›
ያጊ ኣዛዜዳ»
ያጌዲኖ።
48ኣዪሁዳ ጊዴናዋንቱ ሄዋ ሲሴዳ ዎዴ፥ ናሼቲዴ ፆሳ ቃላ ቦንቼዲኖ፤ ቃሲ ሜና ዴዑዋሲ ዶሬቴዳ ኡባይ ኣማኔዲኖ።
49ጎዳ ቃላይ ሄ ጋዲያ ኡባ ጋኬዳ። 50ሺን ኣዪሁዳቱ ፆሳው ጎዪኒያ ቦንቼቴዳ ማጫዋንታኔ ካታማን ዴዒያ ዎልቃማ ኣሳቱዋ ጳዉሎሳ ቦላኒኔ ባርናባሳ ቦላ ዴንና፥ ኣሳቱ ኡንቱንታ ዬዴርሱዋ ዶሚዴ፥ ባሬንቱ ጋዲያፔ ኬሴዲኖ። 51ሺን ዬሱሲ ኪቴዳዋንቱ ኡንቱንታ ኢፂያዋንቱሲ ማላታ ጊዳና ማላ፥ ባሬንቱ ጌዲያፔ ባና ሾጪዴ፥ #13፡51 ባሬንቱ ጌዲያፔ ባና ሾጪዴ፡ ሃዌ ኣሳይ ኣኬናን ኢፆዋ ቤሲያ ኦጊያ። ኢቆኒዮኔ ካታማ ቤዲኖ። 52ቃሲ ኣንፆኪያን ዴዒያ ካሊያዋንቱኒካ ጌሻ ኣያናይኔ ናሼቻይ ኩሜዳ።
Currently Selected:
ዬሱሲ ኪቴዳዋንቱ ኦሱዋ 13: dwrENT
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
Learn More About Ooratha Caaquwaaዬሱሲ ኪቴዳዋንቱ ኦሱዋ 13
13
ባርናባሲኔ ሳዖሊ ጌሻ ኣያናይ ዶሪና፥ ታማሪሳናው ኪቴቴዲኖ
1ኣንፆኪያን ዴዒያ ኣማኒያ ኣሳ ጊዶን ናባቱኔ ታማርሲያዋንቱ ዴዒኖ፤ ኡንቱንቱካ ባርናባሳ፥ ካሬ ጊያ ሲሞና፥ ቄሬናፔ ዬዳ ሉቂዮሳ፥ ጋዲያ ሞዲያ ሄሮዲሳና #13፡1 ሄሮዲሳ፡ ሄሮድ ኣንቲጳሳ ጌቴቲያ ዎጋ ሄሮዲሴ ናዓ። ሄዌኔካ ጋሊላ ጊያ ጋዲያ ሞዲያዋ። ሉቅ 3፡1 ፄሊቴ። ዲጬዳ ሚናሃኔ ሳዖላ። 2ኡንቱንቱ ጎዳሲ ጎዪኒሺናኔ ፆሚሺን፥ ጌሻ ኣያናይ፥ «ታኒ ፄሴዳ ኦሱዋሲ ባርናባሳኔ ሳዖላ ታው ዱማዪቴ» ያጌዳ።
3ኡንቱንቱ ፆሜዳዋፔኔ ዎሴዳዋፔ ጉዪያን፥ ባሬንቱ ኩሺያ ባርናባሳ ቦላኒኔ ሳዖላ ቦላን ዎዴ፥ ኡንቱንታ ዬዴዲኖ።
ባርናባሲኔ ሳዖሊ ቆጲሮሳ ቤዲኖ
4ሄዋ ዲራው፥ ጌሻ ኣያናይ ኡንቱንታ ኪቲና፥ ሴሉቂያ ዎዲኖ፤ ሄዋፔ ዎንጊሪያን ጌሊዴ፥ ቆጲሮሳ ሃኒ ዶዴቴዳሳ ቤዲኖ። 5ኡንቱንቱ ሲልማና ጋኪዴ፥ ኣዪሁዳ ዎሳ ጎሌቱዋን ፆሳ ቃላ ኦዴዲኖ፤ ኡንቱንታ ማዳናው ዮሃኒሲ #13፡5 ዮሃኒሳ፡ ሃራ ሱንይ ማርቆሳ። 12፡12፥25 ፄሊቴ። ኡንቱንቱና ዴዔ።
6ኡንቱንቱ ቆጲሮሳ ሃን ዶዴቴዳ ሳዓ ኡባ ጳፉ ጋካናው ዩዪዴ፥ ናቢያ ኢቲ ዎርዳንቻ፥ ኣዪሁዳ ኣሳ ባር-ዬሱሳ ጊያ ሻሬቹዋ ዴሜዲኖ። 7ሄ ሻሬቹ ጋዲያ ሞዲያ ሳርጊዮሳ ጳዉሎሳ ጊያ ኣኬካንቻ ቢታኒያና ዴዔ። ሳርጊዮሳ ጳዉሎሳ ባርናባሳኔ ሳዖላ ባሬኮ ፄሲዴ፥ ፆሳ ቃላ ሲሳናው ኮዬዳ። 8ሺን ሻሬቹዋ ኤሊማሲ (ጊሪኬ ቃላን ሄዌ ኣ ሱን) ጋዲያ ሞዲያዋ ኣማኑዋ ዲጋናው ኮዪዴ፥ ኡንቱንቱ ሃሳያ ጳልቄዳ።
9ሺን ጳዉሎሳ ጊያ ሳዖሊ ባሬናን ጌሻ ኣያናይ ኩሚና፥ ሻሬቹዋ ጫዲ ፄሊዴ፥ 10ኣ፥ «ላ ሃ ፃላሂያ ካፑዋ ናዓው፥ ጌኔቴይ ኡባይኔ ኢታቴይ ኡባይ ኩሜዳዎ፥ ፂሎቴ ኡባ ሞርኬው፥ ጎዳ ኦጊያ ሱሪያ ጌላዪያዋ ኣጊኪ? 11ቤዓ፤ ሃዒ ጎዳ ኩሺ ኔ ቦላ ዴዔ፤ ኔኒ ቆቃ ጊዳና፤ ኣማሬዳ ዎዲ ጋካናው፥ ኣዋ ፖዑዋ ቤዓካ» ያጌዳ።
ሄ ማንዒያንካ ሻኖቻይኔ ማይ ኣ ኣይፊያ ጎዚና፥ ባሬ ኩሺያ ኦይቂዴ፥ ካሌያ ኡራ ኮዪዴ ዩዬዳ። 12ሄ ዎዴ ጋዲያ ሞዲያዌ ሄዋ ቤዔዳ ዎዴ፥ ጎዳይ ታማሪሲያዋን ማላሌቲዴ ኣማኔዳ።
ባርናባሲኔ ጳዉሎሲ ጲሲዲያን ዴዒያ ኣንፆኪያ ቤዲኖ
13ጳዉሎሲኔ ኣናና ዴዒያዋንቱ ጳፉፔ ዴንዲዴ፥ ጲኒፊሊያን ዴዒያ ጴርጌ ዎንጊሪያን ቤዲኖ፤ ዮሃኒሲ ኡንቱንቱፔ ሻኬቲ፥ ዬሩሳላሜ ሲሜዳ። 14ሺን ኡንቱንቱ ጴርጌፔ ኣዴ፥ ጲሲዲያን ዴዒያ ኣንፆኪያ ጋኬዲኖ፤ ሳምባታ ጋላሳን ኣዪሁዳ ዎሳ ጎሌ ጌሊዴ ኡቴዲኖ። 15ሙሴ ሂጊኔ ናባቱዋ ማፃፋይ #13፡15 ሙሴ ሂጊያኔ ናባቱዋ ማፃፋ፡ ኣዪሁዳቱዋ ማፃፋ፥ ኤጫ ጫቁዋ ማፃፋ። ናባቤቴዳዋፔ ጉዪያን፥ ኣዪሁዳ ዎሳ ጎሌ ካፓቱ፥ «ኑ ኢሻቶ ኣሳ ሚኒሲያ ቃላይ ሂንቴንቶ ዴዖፔ፥ ኣሳው ሃሳዬሪኪቴ» ያጊዴ ኡንቱንቶ ኪቴዲኖ።
16ጳዉሎሲ ዴንዲ ኤቂዴ፥ ባሬ ኩሺያን ፆርሲዴ፥ ሃዋዳን ያጌዳ፤ «ኢስራዔሊያ ኣሳቶ፥ ፆሳሲ ያዪያዋንቶ ሲሲቴ። 17ሃ ኢስራዔሊያ ኣሳ ፆሳይ ኑ ኣዋቱዋ ዶሪዴ፥ ጊብፄ ጋዲያን ኢማቴን ኡንቱንቱ ዴዒሺን፥ ኡንቱንታ ጮሪሴዳ፤ ባሬ ዎልቃማ ዎልቃኒካ ጊብፄ ጋዲያፔ ኡንቱንታ ኬሴዳ። #ኬስ 1፡7፤ 12፡51 18ባዙዋን ኦይታሙ ላይ ኬና ኑ ኣዋቱዋ ኢ ዳንዳዬዳ። #ፓይ 14፡34፤ ዛር 1፡31 19ካናኔ ጊያ ጋዲያን ኣዪሁዳ ጊዴና ላፑ ካዉቴ ዪሲዴ፥ ኡንቱንቱ ጋዲያ ባሬ ኣሳ ላቲሴዳ። #ዛር 7፡1፤ ኢያ 14፡1 20ሄዋፔ ጉዪያን፥ ናቢያ ሳሜላ ዎዲያ ጋካናሲ፥ ኦይዱ ፄታኔ ኢሻታሙ ላይ ኬና ዳናቱዋ ኡንቱንቶ ኢሜዳ። #ዳት 2፡16፤ 1ሳም 3፡20 21ሄዋፔ ጉዪያን፥ ኡንቱንቱ ባሬንቶ ካቲያ ኢማና ማላ ዎሲና፥ ፆሳይ ቢኒያማ ዛሪያፔ ቂሳ ናዓ ሳዖላ ኦይታሙ ላይው ካዉታና ማላ፥ ኡንቱንቶ ኢሜዳ። #1ሳም 8፡5፤ 10፡21 22ፆሳይ ሳዖላ ሻሬዳዋፔ ጉዪያን፥ ኡንቱንቱ ቦላ ዳዊቴ ካዉታና ማላ፥ ኣ ዴንዳ፤ ዳዊቴባ ማርካቲዴ፥ ‹ታኒ ኮዪያ ኡባባ ታ ዎዛናዳን ኦያ ኢሴይ ናዓ ዳዊታ ዴማዲ› ያጌዳ። #1ሳም 13፡14፤ 16፡12፤ ማዝ 89፡20
23«ፆሳይ፥ ‹ታኒ ዳዊታ ዛሪያፔ ኢስራዔሊያ ኣሳ ኣሺያዋ ኣሃና› ቃላ ጌሌዳዋዳንካ፥ ዬሱሳ ኣሄዳ። 24ዬሱሲ ያናፔ ካሴ ኢስራዔሊያ ኣሳይ ኡባይ ባሬንቱ ናጋራፔ ሲሚዴ ፃማቄታና ማላ፥ ዮሃኒሲ ቃላ ኦዴዳ። #ማር 1፡4፤ ሉቅ 3፡3 25ቃሲ ዮሃኒሲ ባሬ ኦሱዋ ዉርሳና ሃኒዴ ኣሳ፥ ‹ታና ኦና ጊዴ ቆፒቴ? ታኒ ሂንቴ ናጊያዋ ጊዲኬ፤ ሺን ቤዒቴ፥ ኣ ጌዲያ ጫማ ቃሹዋካ ጌዲያፔ ቢላናው ታው ቤሴናዌ ታፔ ጉዬና ዬ› ያጌዳ።
26«ታናዳን ኣማኒያዋንቶ፥ ኣብራሃሜ ዜሬቶ፥ ቃሲ ሃዋን ኣዪሁዳ ጊዴናዋንቶ ፆሳሲ ያዪያዋንቶ፥ ሃ ኣቶቴ ቃላይ ኑሲ ኪቴቴዳ። 27ኣዪሲ ጎፔ፥ ዬሩሳላሜን ዴዒያ ኣሳይኔ ኡንቱንቱ ካፓቱ ዬሱሳኔ ሳምባታ ጋላሳ ኡባን ናባቤቲያ ናባቱዋ ቃላ ኣኬኪቤና ዲራው፥ ኣ ቦላ ፒርዲዴ፥ ናባቱዋ ቃላ ፖሌዲኖ። 28ዬሱሳ ዎሳናው ኢቲ ጋሱካ ኡንቱንቶ ቤቴናን ኢፂና፥ ጲላፆሲ ኣ ዎና ማላ ዎሴዲኖ።
29«ኡንቱንቱ ዬሱሳባይ ፆሳ ማፃፋን ፃፌቴዳዋ ኡባ ፖሌዳ ዎዴ፥ ማስቃሊያፔ ኣ ዎዴ ሞጌዲኖ። 30ሺን ፆሳይ ሃይቁዋፔ ዬሱሳ ዴንዳ። 31ሄዋፔ ጉዪያን ኢ ባሬናና ጋሊላፔ ዬሩሳላሜ ዬዳ ኣሳቶ ጮራ ጋላሳ ቤቴዳ ኡንቱንቱ ሃዒ ኣባ ኣሳሲ ማርካቲኖ።
32«ፆሳይ ኑ ኣዋቱዋሲ ኢማና ጌዳ ዎንጋላ ሚሺራቹዋ ኑኒ ሂንቴንቶ ኦዴቶ። 33ዳዊቴ ማዚሙሪያ ማፃፋን ላዔ ሼምፑዋን፥
‹ኔኒ ታ ናዓ።
ሃቼ ታኒ ኔ ኣዉዋ ጊዳዲ›
ጌቴቲዴ ፃፌቴዳዋዳን፥ ፆሳይ ዬሱሳ ዴንዴ፥ ኑ ኣዋቱዋሲ ኢማና ጌዳዋ ኑሲ ኡንቱንቱ ናናሲ ፖሌዳ። #ማዝ 2፡7 34ላዔንዋ ኢ ሃይቄና ማላ፥ ሃይቁዋፔ ኣ ዴንዳዋሲ ፆሳይ፥ ‹ታኒ ዳዊቴው ኢማና ጌዳ ኣማኔቴዳ ጌሻ ኣንጁዋ ሂንቴንቶ ኢማና› ያጊዴ ሃሳዬዳ። 35ሄዋ ዲራው፥ ማዚሙሪያ ማፃፋን ሃራሳን ቃሲ፥ ‹ኔ ጌሻ ናዓ ኣኃካ ሙሲሳካ› ያጌዳ። #ማዝ 16፡10 36ኣዪሲ ጎፔ፥ ዳዊቴ ባሬ ዎዲያን ፆሳ ቆፋ ኦዳዋፔ ጉዪያን ሃይቂዴ፥ ባሬ ኣዋቱዋና ሃይቂ ሙሴዳ። 37ሺን ፆሳይ ሃይቁዋፔ ዴንዳዌ ሙሲቤና።
38-39«ሄዋ ዲራው፥ ታናዳን ኣማኒያዋንቶ፥ ናጋራ ኣቶ ጌቴቴዳዌ ሂንቴንቶ ዬሱሳ ባጋና ኦዴቴዳዌኔ፥ ሙሴ ሂጊያን ፂላናው ሂንቴንቶ ዳንዳዬቴና ኡባባፔ ኣኒ ኣማኒያ ኡባይ ፂላናዌ ሂንቴንቶ ኤሬቶ። 40ሄዋ ዲራው፥ ናባቱ ጌዳዌ ሂንቴ ቦላ ጋኬና ማላ ናጌቲቴ፤
41‹ፆሳይ ጌዳባ ቂሊጪያዋንቶ፥ #ኢምብ 1፡5
ቤዒቴ፤ ሃራይ ኣቶ ኢቲ ኡራይ ሂንቴንቶ ኦዲንቶካ፥
ሂንቴ ኣማኔና ኦሱዋ ታኒ ሂንቴንቱ ዎዲያን
ኦያ ዲራው፥ ፖራ ጊቴ፤ ሃይቂቴ›
ጌዲኖ» ያጌዳ።
42ጳዉሎሲኔ ባርናባሲ ኣዪሁዳ ዎሳ ጎሊያፔ ኬሲሺን፥ ኣሳይ ኡንቱንታ ላዔንዋ ሳምባታንካ ሄዋ ጉጂዴ ኦዳና ማላ ዎሴዲኖ። 43ሺቁ ላሌቴዳዋፔ ጉዪያን፥ ጮራ ኣዪሁዳቱኔ ኣዪሁዳቱዋ ኣማኑዋን ጌሊዴ ፆሳው ያዪያ ጮራቱ፥ ጳዉሎሳኔ ባርናባሳ ካሌዲኖ፤ ዬሱሲ ኪቴዳዋንቱ ፆሳ ኣ ኬካቴን ሚኒ ዴዓና ማላ፥ ኡንቱንቶ ኦዲዴ ሚኒሴዲኖ።
44ላዔንዋ ሳምባታን ኣማሬዳ ኣሳቱዋፔ ኣቲን፥ ካታማ ኣሳይ ኡባይ ፆሳ ቃላ ሲሳናው ሺቄዳ። 45ሺን ኣዪሁዳቱ ጮራ ኣሳ ቤዔዳ ዎዴ፥ ጳዉሎሳ ቃናቴዲኖ፤ ኣ ሃሳያ ጳልቂዴ፥ ኣ ቦሬዲኖ።
46ጳዉሎሲኔ ባርናባሲ ፃሊዴ፥ «ፆሳ ቃላይ ካሴቲዴ ሂንቴንቶ ኦዴታናው ኮሼ፤ ሺን ቃላ ሂንቴ ኢፄዳ ዲራዉኔ ሜና ዴዑዋ ኣካናው ሂንቴንቶ ቤሴና ጊዴ፥ ሂንቴ ሂንቴንቱ ሁጲያን ፒርዴዳ ዲራው፥ ቤዒቴ፥ ኑኒ ኣዪሁዳ ጊዴናዋንቱኮ ሲሜቶ። 47ኣዪሲ ጎፔ፥ ጎዳይ ኑና፥ #ኢሳ 42፡6፤ 49፡6
« ‹ኣሳይ ኡባይ ሂንቴ ባጋና ኣታና ማላ፥
ሂንቴንታ ታኒ ኣዪሁዳ ጊዴናዋንቶ ፖዑዋ ኦዲ›
ያጊ ኣዛዜዳ»
ያጌዲኖ።
48ኣዪሁዳ ጊዴናዋንቱ ሄዋ ሲሴዳ ዎዴ፥ ናሼቲዴ ፆሳ ቃላ ቦንቼዲኖ፤ ቃሲ ሜና ዴዑዋሲ ዶሬቴዳ ኡባይ ኣማኔዲኖ።
49ጎዳ ቃላይ ሄ ጋዲያ ኡባ ጋኬዳ። 50ሺን ኣዪሁዳቱ ፆሳው ጎዪኒያ ቦንቼቴዳ ማጫዋንታኔ ካታማን ዴዒያ ዎልቃማ ኣሳቱዋ ጳዉሎሳ ቦላኒኔ ባርናባሳ ቦላ ዴንና፥ ኣሳቱ ኡንቱንታ ዬዴርሱዋ ዶሚዴ፥ ባሬንቱ ጋዲያፔ ኬሴዲኖ። 51ሺን ዬሱሲ ኪቴዳዋንቱ ኡንቱንታ ኢፂያዋንቱሲ ማላታ ጊዳና ማላ፥ ባሬንቱ ጌዲያፔ ባና ሾጪዴ፥ #13፡51 ባሬንቱ ጌዲያፔ ባና ሾጪዴ፡ ሃዌ ኣሳይ ኣኬናን ኢፆዋ ቤሲያ ኦጊያ። ኢቆኒዮኔ ካታማ ቤዲኖ። 52ቃሲ ኣንፆኪያን ዴዒያ ካሊያዋንቱኒካ ጌሻ ኣያናይኔ ናሼቻይ ኩሜዳ።
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
Learn More About Ooratha Caaquwaa