عَدد 26
26
الحسابة في كدادة مُوَاب
1 # 26:1 الكلِمات الأوّلانيّين هنا الفصُل 26 آية 1 بالعربي، همن من الفصُل 25 آية 19 بالفرنساوي. لاكن ما زاد و لا نقص شيّء إلّا النِمر بس ألبدّلوا. وَ بَعَدْ الْوَبَاءْ دَا، اللّٰهْ قَالْ لِمُوسَى وَ لِأَلِعَازَرْ وِلَيْد هَارُونْ رَاجِلْ الدِّينْ: 2«مِنْ كُلَّ مُجْتَمَعْ بَنِي إِسْرَائِيلْ، أَحْسُبُوا كُلَّ الرُّجَالْ الْعُمُرْهُمْ مِنْ 20 سَنَةْ وَ فَوْق الْيَقْدَرَوْا لِخِدْمَةْ الْعَسْكَرِيَّةْ حَسَبْ عَايِلَاتْهُمْ.»
3وَ فِي كَدَادَةْ مُوَابْ فِي خَشُمْ بَحَرْ الْأُرْدُنْ الْمُقَابِلْ حِلَّةْ أَرِيحَا، مُوسَى وَ رَاجِلْ الدِّينْ أَلِعَازَرْ قَالَوْا لِلشَّعَبْ: 4«أَنِحْنَ نَحْسُبُوكُو إِنْتُو الرُّجَالْ الْعُمُرْكُو مِنْ 20 سَنَةْ وَ فَوْق مِثِلْ اللّٰهْ أَمَرْ بَيَّهْ مُوسَى.»
وَ دَاهُو قَبَايِلْ بَنِي إِسْرَائِيلْ الْمَرَقَوْا مِنْ بَلَدْ مَصِرْ.
قبيلة رَأُوبِين
5وَ رَأُوبِينْ هُو بِكِرْ إِسْرَائِيلْ وَ دَوْل ذُرِّيّتَهْ حَسَبْ خُشُومْ بُيُوتْهُمْ.
حَنُوكْ جَابْ الْحَنُوكِيِّينْ
وَ فَلُّو جَابْ الْفَلُّوِيِّينْ
6وَ حَصْرُونْ جَابْ الْحَصْرُونِيِّينْ
وَ كَرْمِي جَابْ الْكَرْمِيِّينْ.
7وَ خُشُومْ بُيُوتْ قَبِيلَةْ رَأُوبِينْ عَدَدْهُمْ 43 730 نَاسْ.
8وَ فَلُّو جَابْ أَلِيَابْ 9وَ أَلِيَابْ جَابْ نَمُوِيلْ وَ دَتَانْ وَ أَبِرَامْ. وَ دَتَانْ وَ أَبِرَامْ دَوْل كُبَارَاتْ مُجْتَمَعْ بَنِي إِسْرَائِيلْ الْقَمَّوْا ضِدّ مُوسَى وَ هَارُونْ. هُمَّنْ مَعَ نَاسْ قُورَحْ وَكِتْ قَمَّوْا ضِدّ اللّٰهْ. 10وَ الْأَرْض أَنْفَتَحَتْ وَ زَرَطَتْهُمْ هُمَّنْ وَ قُورَحْ وَ النَّاسْ الْمَعَاهُمْ وَ النَّارْ حَرَقَتْ 250 نَادُمْ وَ بِقَوْا مَثَلْ لِلْآخَرِينْ. 11وَ لَاكِنْ عِيَالْ قُورَحْ مَا مَاتَوْا فِي الْيَوْم دَاكْ.
قبيلة شِمْعُون
12وَ دَوْل ذُرِّيَّةْ شِمْعُونْ حَسَبْ خُشُومْ بُيُوتْهُمْ.
نَمُوِيلْ جَابْ النَّمُوِيلِيِّينْ
وَ يَامِينْ جَابْ الْيَامِينِيِّينْ
وَ يَاكِينْ جَابْ الْيَاكِينِيِّينْ
13وَ زَارَحْ جَابْ الزَّارَحِيِّينْ
وَ شَاوُولْ جَابْ الشَّاوُولِيِّينْ.
14وَ خُشُومْ بُيُوتْ قَبِيلَةْ شِمْعُونْ عَدَدْهُمْ 22 200 نَاسْ.
قبيلة قَاد
15وَ دَوْل ذُرِّيَّةْ قَادْ حَسَبْ خُشُومْ بُيُوتْهُمْ.
صَفُونْ جَابْ الصَّفُونِيِّينْ
وَ حَقِّي جَابْ الْحَقِّيِّينْ
وَ شُونِي جَابْ الشُّونِيِّينْ
16وَ أُزْنِي جَابْ الْأُزْنِيِّينْ
وَ عِيرِي جَابْ الْعِيرِيِّينْ
17وَ أَرُودِي جَابْ الْأَرُودِيِّينْ
وَ أَرِيلِي جَابْ الْأَرِيلِيِّينْ.
18وَ خُشُومْ بُيُوتْ قَبِيلَةْ قَادْ عَدَدْهُمْ 40 500 نَاسْ.
قبيلة يَهُوذَا
19وَ عِيَالْ يَهُوذَا هُمَّنْ عِيرْ وَ أُنَانْ#26:19 عِيرْ وَ أُنَانْ مَاتَوْا فِي بَلَدْ كَنْعَانْ: التاريخ دا تلقوه في تكوين 38:1-11. وَ هُمَّنْ دَوْل مَاتَوْا فِي بَلَدْ كَنْعَانْ. 20وَ دَوْل ذُرِّيَّةْ يَهُوذَا حَسَبْ خُشُومْ بُيُوتْهُمْ.
شِيلَى جَابْ الشِّيلَيِّينْ
وَ فَارِصْ جَابْ الْفَارِصِيِّينْ
وَ زَارَحْ جَابْ الزَّارَحِيِّينْ.
21وَ مِنْ الْفَارِصِيِّينْ مَرَقَوْا حَصْرُونْ وَ حَامُلْ.
وَ حَصْرُونْ جَابْ الْحَصْرُونِيِّينْ
وَ حَامُلْ جَابْ الْحَامُلِيِّينْ.
22وَ خُشُومْ بُيُوتْ قَبِيلَةْ يَهُوذَا عَدَدْهُمْ 76 500 نَاسْ.
قبيلة يَسَّاكَر
23وَ دَوْل ذُرِّيَّةْ يَسَّاكَرْ حَسَبْ خُشُومْ بُيُوتْهُمْ.
تُولَعْ جَابْ التُّولَعِيِّينْ
وَ فُوَّى جَابْ الْفُوِّيِّينْ.
24وَ يَشُوبْ جَابْ الْيَشُوبِيِّينْ
وَ شِمْرُونْ جَابْ الشِّمْرُونِيِّينْ.
25وَ خُشُومْ بُيُوتْ قَبِيلَةْ يَسَّاكَرْ عَدَدْهُمْ 64 300 نَاسْ.
قبيلة زَبُلُون
26وَ دَوْل ذُرِّيَّةْ قَبِيلَةْ زَبُلُونْ حَسَبْ خُشُومْ بُيُوتْهُمْ.
سَارَدْ جَابْ السَّارَدِيِّينْ
وَ إِيلُونْ جَابْ الْإِيلُونِيِّينْ
وَ يَحَلِيلْ جَابْ الْيَحَلِيلِيِّينْ.
27وَ خُشُومْ بُيُوتْ قَبِيلَةْ زَبُلُونْ عَدَدْهُمْ 60 500 نَاسْ.
قبايِل مَنَسَّى و أَفْرَايِم
28وَ دَوْل ذُرِّيَّةْ يُوسُفْ، قَبَايِلْ مَنَسَّى وَ أَفْرَايِمْ حَسَبْ خُشُومْ بُيُوتْهُمْ.
29مَنَسَّى جَابْ مَكِيرْ
وَ مَكِيرْ جَابْ الْمَكِيرِيِّينْ
وَ مِنْ الْمَكِيرِيِّينْ مَرَقْ قِلْعَادْ
وَ قِلْعَادْ جَابْ الْقِلْعَادِيِّينْ.
30وَ مِنْ الْقِلْعَادِيِّينْ مَرَقَوْا إِيَعْزَرْ الْجَابْ الْإِيَعْزَرِيِّينْ
وَ حِلَقْ الْجَابْ الْحِلَقِيِّينْ.
31وَ أَسْرِيِيلْ الْجَابْ الْأَسْرِيِيلِيِّينْ
وَ شَكِيمْ الْجَابْ الشَّكِيمِيِّينْ.
32وَ شَمِيدَعْ الْجَابْ الشَّمِيدَعِيِّينْ
وَ حِيفَرْ الْجَابْ الْحِيفَرِيِّينْ.
33وَ صَلُوفْحَدْ وِلَيْد حِيفَرْ مَا جَابْ أَوْلَادْ وَ لَاكِنْ جَابْ بَنَاتْ بَسْ. وَ بَنَاتَهْ أَسَامَيْهُمْ مَحْلَةْ وَ نُوعَةْ وَ حُقْلَةْ وَ مِلْكَةْ وَ تِرْصَةْ.
34وَ خُشُومْ بُيُوتْ قَبِيلَةْ مَنَسَّى عَدَدْهُمْ 52 700 نَاسْ.
35وَ دَوْل ذُرِّيَّةْ أَفْرَايِمْ حَسَبْ خُشُومْ بُيُوتْهُمْ.
شُتَالَحْ جَابْ الشُّتَالَحِيِّينْ
وَ بَاكَرْ جَابْ الْبَاكَرِيِّينْ
وَ تَاحَنْ جَابْ التَّاحَنِيِّينْ.
36وَ مِنْ الشُّتَالَحِيِّينْ مَرَقْ أَرَانْ.
وَ أَرَانْ جَابْ الْأَرَانِيِّينْ.
37وَ خُشُومْ بُيُوتْ قَبِيلَةْ أَفْرَايِمْ عَدَدْهُمْ 32 500 نَاسْ.
وَ دَوْل قَبَايِلْ مَنَسَّى وَ أَفْرَايِمْ عِيَالْ يُوسُفْ حَسَبْ خُشُومْ بُيُوتْهُمْ.
قبيلة بَنْيَامِين
38وَ دَوْل ذُرِّيَّةْ بَنْيَامِينْ حَسَبْ خُشُومْ بُيُوتْهُمْ.
بَالَعْ جَابْ الْبَالَعِيِّينْ
وَ أَشْبِيلْ جَابْ الْأَشْبِيلِيِّينْ
وَ أَحِرَامْ جَابْ الْأَحِرَامِيِّينْ
39وَ شَفُوفَمْ جَابْ الشَّفُوفَمِيِّينْ
وَ حُوفَمْ جَابْ الْحُوفَمِيِّينْ.
40وَ مِنْ الْبَالَعِيِّينْ مَرَقَوْا أَرَدْ وَ نَعَمَانْ.
وَ أَرَدْ جَابْ الْأَرَدِيِّينْ
وَ نَعَمَانْ جَابْ النَّعَمَانِيِّينْ.
41وَ خُشُومْ بُيُوتْ قَبِيلَةْ بَنْيَامِينْ عَدَدْهُمْ 45 600 نَاسْ.
قبيلة دَان
42وَ دَوْل ذُرِّيَّةْ دَانْ حَسَبْ خُشُومْ بُيُوتْهُمْ.
شُحَامْ جَابْ الشُّحَامِيِّينْ.
وَ دَوْل ذُرِّيَّةْ قَبِيلَةْ دَانْ حَسَبْ خَشُمْ بَيْتهُمْ. 43وَ خَشُمْ بَيْت الشُّحَامِيِّينْ عَدَدَهْ 64 400 نَاسْ.
قبيلة أَشِير
44وَ دَوْل ذُرِّيَّةْ أَشِيرْ حَسَبْ خُشُومْ بُيُوتْهُمْ.
يِمْنَى جَابْ الْيِمْنِيِّينْ
وَ يِشْوِي جَابْ الْيِشْوِيِّينْ
وَ بَرِيعَا جَابْ الْبَرِيعِيِّينْ.
45وَ مِنْ الْبَرِيعِيِّينْ مَرَقَوْا حَابَرْ وَ مَلْكِيِيلْ.
وَ حَابَرْ جَابْ الْحَابَرِيِّينْ
وَ مَلْكِيِيلْ جَابْ الْمَلْكِيِيلِيِّينْ.
46وَ أَشِيرْ جَابْ بِنَيَّةْ أُسُمْهَا سَارَحْ. 47وَ خُشُومْ بُيُوتْ قَبِيلَةْ أَشِيرْ عَدَدْهُمْ 53 400 نَاسْ.
قبيلة نَفْتَالِي
48وَ دَوْل ذُرِّيَّةْ نَفْتَالِي حَسَبْ خُشُومْ بُيُوتْهُمْ.
يَحْصِيلْ جَابْ الْيَحْصِيلِيِّينْ
وَ قُونِي جَابْ الْقُونِيِّينْ
49وَ يِصَرْ جَابْ الْيِصْرِيِّينْ
وَ شِلِّيمْ جَابْ الشِّلِّيمِيِّينْ.
50وَ خُشُومْ بُيُوتْ قَبِيلَةْ نَفْتَالِي عَدَدْهُمْ 45 400 نَاسْ.
51وَ بَنِي إِسْرَائِيلْ عَدَدْهُمْ بِقِي 601 730 نَاسْ.
قسِّمين البلد
52وَ اللّٰهْ حَجَّى لِمُوسَى وَ قَالْ: 53«قَسِّمْ الْبَلَدْ دِي وَرَثَةْ أَمْبَيْنَاتْ الْقَبَايِلْ دَوْل وَ قَسِّمْهَا لَيْهُمْ حَسَبْ عَدَدْ النَّاسْ. 54الْقَبِيلَةْ الْكَبِيرَةْ أَنْطِيهَا أَرْض وَرَثَةْ كَبِيرَةْ وَ الْقَبِيلَةْ الصَّغَيْرَةْ أَنْطِيهَا أَرْض وَرَثَةْ صَغَيْرَةْ. أَيِّ قَبِيلَةْ، أَنْطِيهَا وَرَثَةْ حَسَبْ عَدَدْ نَاسْهَا. 55وَ قَسِّمِينْ الْبَلَدْ دِي يَبْقَى بِأَمْ عِيَيْدَاتْ. وَ أَيِّ قَبِيلَةْ تَلْقَى وَرَثَتْهَا حَسَبْ عَدَدْ نَاسْهَا. 56وَ بِأَمْ عِيَيْدَاتْ أَمْبَيْنَاتْ الْقَبَايِلْ الْكُبَارْ وَ الدُّقَاقْ، أَيِّ قَبِيلَةْ تَلْقَى وَرَثَتْهَا.»
الحسابة التانية هنا اللاوِيِّين
57وَ دَوْل ذُرِّيَّةْ لَاوِي حَسَبْ خُشُومْ بُيُوتْهُمْ.
قِرْشُونْ جَابْ الْقِرْشُونِيِّينْ
وَ قَهَاتْ جَابْ الْقَهَاتِيِّينْ
وَ مَرَارِي جَابْ الْمَرَارِيِّينْ.
58وَ مِنْ خُشُومْ الْبُيُوتْ التَّلَاتَةْ دَوْل مَرَقَوْا خُشُومْ بُيُوتْ لِبْنِي وَ حَبْرُونْ وَ مَحْلِي وَ مُوشِي وَ قُورَحْ.
وَ مِنْ خَشُمْ بَيْت قَهَاتْ مَرَقْ الرَّاجِلْ الْبِسَمُّوهْ عَمْرَامْ. 59وَ مَرِةْ عَمْرَامْ أُسُمْهَا يُوكَابَدْ بِنَيَّةْ لَاوِي الْوِلْدَوْهَا فِي مَصِرْ. وَ يُوكَابَدْ جَابَتْ لِعَمْرَامْ، هَارُونْ وَ مُوسَى وَ أَخُتْهُمْ مَرْيَمْ. 60وَ هَارُونْ جَابْ نَدَابْ وَ أَبِيهُو وَ أَلِعَازَرْ وَ إِتَمَارْ. 61وَ نَدَابْ وَ أَبِيهُو مَاتَوْا أَشَانْ هُمَّنْ قَدَّمَوْا لِلّٰهْ فِي لُبّ خَيْمَةْ الْإِجْتِمَاعْ بَخُورْ فِي نَارْ الْهُو مَا أَذَنْ بَيْهَا.
62وَ اللَّاوِيِّينْ الدُّكُورْ مِنْ وِلَيْد شَهَرْ وَ فَوْق، عَدَدْهُمْ 23 000 نَاسْ. وَ مَا حَسَبَوْهُمْ مَعَ بَنِي إِسْرَائِيلْ الْآخَرِينْ أَشَانْ مَا عِنْدُهُمْ وَرَثَةْ مِنْ الْبَلَدْ مَعَ بَنِي إِسْرَائِيلْ.
63وَ دَوْل النَّاسْ الْحَسَبَوْهُمْ مُوسَى وَ رَاجِلْ الدِّينْ أَلِعَازَرْ وَكِتْ حَسَبَوْا بَنِي إِسْرَائِيلْ فِي كَدَادَةْ مُوَابْ فِي خَشُمْ بَحَرْ الْأُرْدُنْ الْمُقَابِلْ حِلَّةْ أَرِيحَا. 64وَ لَاكِنْ بَنِي إِسْرَائِيلْ الزَّمَانْ حَسَبَوْهُمْ مُوسَى وَ رَاجِلْ الدِّينْ هَارُونْ فِي صَحَرَاء سِينَاء، وَاحِدْ كُلَ مِنْهُمْ مَا فَضَّلْ. 65أَشَانْ اللّٰهْ قَالْ: «هُمَّنْ كُلُّهُمْ يُمُوتُوا فِي الصَّحَرَاء.» وَ خَلَاصْ، وَاحِدْ كُلَ مِنْهُمْ مَا فَضَّلْ إِلَّا كَالِبْ وِلَيْد يَفُونَى وَ يَشُوعْ وِلَيْد نُونْ.
Currently Selected:
عَدد 26: ع.د.ت19
Highlight
Share
Copy
Want to have your highlights saved across all your devices? Sign up or sign in
La Bible en arabe tchadien © Alliance biblique du Tchad, 2019
