لاوِيِّين 2
2
هديّة الدقيق
1وَ كَنْ نَادُمْ يِقَدِّمْ هَدِيَّةْ هَنَا دَقِيقْ لِلّٰهْ، خَلِّي هَدِيّتَهْ دِي تَبْقَى هَدِيَّةْ مِنْ أَحْسَنْ دَقِيقْ. وَ هُو يُصُبّ فِي هَدِيّتَهْ دِي دِهِنْ وَ يِشِيلْ لُبَانْ. 2وَ هُو يِوَدِّي هَدِيّتَهْ دِي لِرُجَالْ الدِّينْ مِنْ ذُرِّيَّةْ هَارُونْ. وَ رَاجِلْ الدِّينْ يِشِيلْ مَلْيَةْ إِيدْ مِنْ الدَّقِيقْ الْمُخَلْبَطْ بِدِهِنْ وَ كُلَّ اللُّبَانْ. وَ يِحَرِّقْهُمْ فِي الْمَدْبَحْ. وَ دِي هَدِيَّةْ ذِكْرَةْ وَ هِي هَدِيَّةْ مُحَرَّقَةْ الْاللّٰهْ يَرْضَى بِرِيحِتْهَا. 3وَ الْيِفَضِّلْ مِنْ الْهَدِيَّةْ دِي يُكُونْ لِهَارُونْ وَ لِذُرِّيّتَهْ. وَ دَا حَقّ مُقَدَّسْ مَرَّةْ وَاحِدْ الْيِفَضِّلْ مِنْ الْهَدَايَا الْمُحَرَّقِينْ لِلّٰهْ.
4وَ كَنْ نَادُمْ يِقَدِّمْ هَدِيَّةْ هَنَا دَقِيقْ وَ كَنْ الْهَدِيَّةْ دِي نَجَّضَوْهَا فِي فُرُنْ، خَلِّي تُكُونْ مِنْ أَحْسَنْ دَقِيقْ وَ تُكُونْ كَعَكْ بَلَا تَوَّارَةْ مُخَلْبَطْ بِدِهِنْ أَوْ كِسَارْ بَلَا تَوَّارَةْ مَمْسُوحْ بِدِهِنْ.
5وَ كَنْ هَدِيّتَهْ دِي مُنَجَّضَةْ فِي سَاجَةْ، خَلِّي تُكُونْ مِنْ دَقِيقْ مُخَلْبَطْ بِدِهِنْ وَ بَلَا تَوَّارَةْ. 6هُو يِقَطِّعْهَا قِطَعْ كَتِيرِينْ وَ يُصُبّ فَوْقهُمْ دِهِنْ وَ دِي تُكُونْ هَدِيَّةْ هَنَا دَقِيقْ.
7وَ كَنْ هَدِيّتَهْ دِي مُنَجَّضَةْ فِي طَهْوَةْ، خَلِّي تُكُونْ مِنْ دَقِيقْ مُنَجَّضَةْ بِدِهِنْ.
8وَ هَدِيَّةْ الدَّقِيقْ الْيِسَوِّيهَا مِثِلْ دِي لِلّٰهْ، يَنْطِيهَا لِرَاجِلْ الدِّينْ وَ هُو يِقَرِّبْهَا لِلْمَدْبَحْ. 9وَ رَاجِلْ الدِّينْ يَرْفَعْ هَدِيَّةْ الذِّكْرَةْ هَنَا الدَّقِيقْ وَ يِحَرِّقْهَا فِي الْمَدْبَحْ. وَ هِي هَدِيَّةْ مُحَرَّقَةْ الرِّيحِتْهَا اللّٰهْ يَرْضَى بَيْهَا. 10وَ الْيِفَضِّلْ مِنْ الْهَدِيَّةْ هَنَا الدَّقِيقْ يُكُونْ لِهَارُونْ وَ لِذُرِّيّتَهْ. وَ دَا حَقّ مُقَدَّسْ مَرَّةْ وَاحِدْ الْيِفَضِّلْ مِنْ الْهَدَايَا الْمُحَرَّقِينْ لِلّٰهْ.
11وَ كُلَّ الْهَدَايَا هَنَا الدَّقِيقْ الْيِقَدِّمْهُمْ لِلّٰهْ، مَا يِسَوِّيهُمْ بِتَوَّارَةْ. أَشَانْ مَا يِحَرِّقْ شَيّءْ لِلّٰهْ الْعِنْدَهْ تَوَّارَةْ أَوْ عَسَلْ مِنْ الْهَدَايَا الْمُحَرَّقِينْ. 12وَ لَاكِنْ يَقْدَرْ يِقَدِّمْ تَوَّارَةْ أَوْ عَسَلْ لِلّٰهْ مِثِلْ هَدِيَّةْ مِنْ أَوَّلْ إِنْتَاجْ زَرْعَهْ. وَ لَاكِنْ مَا يَرْفَعْهَا فِي الْمَدْبَحْ مِثِلْ هَدِيَّةْ مُحَرَّقَةْ الرِّيحِتْهَا اللّٰهْ يَرْضَى بَيْهَا. 13وَ فِي كُلَّ الْهَدَايَا هَنَا الدَّقِيقْ الْيِقَدِّمْهُمْ، يُصُبّ فَوْقهُمْ مِلِحْ. وَ أَبَداً مَا يَنْسَى صَبِّينْ الْمِلِحْ الْيِمَثِّلْ الْمُعَاهَدَةْ الدَّايْمَةْ مَعَ اللّٰهْ إِلٰـهَهْ. وَ مَعَ كُلَّ الْهَدَايَا هَنَا الدَّقِيقْ الْيِقَدِّمْهُمْ، وَاجِبْ يُصُبّ فَوْقهُمْ مِلِحْ.
14وَ كَنْ نَادُمْ يِقَدِّمْ هَدِيَّةْ هَنَا دَقِيقْ لِلّٰهْ مِنْ أَوَّلْ إِنْتَاجَهْ، وَاجِبْ يِقَدِّمْ قَنَادِيلْ فَرِيكِي وَ قَمَحْ جَدِيدْ مَدْرُوشْ مِثِلْ هَدِيَّةْ هَنَا أَوَّلْ إِنْتَاجَهْ. 15وَ وَاجِبْ يُصُبّ فَوْقَهْ دِهِنْ وَ يِزِيدْ فَوْقَهْ لُبَانْ وَ دَا يَبْقَى هَدِيَّةْ هَنَا دَقِيقْ. 16وَ رَاجِلْ الدِّينْ يِحَرِّقْهُمْ مِثِلْ هَدِيَّةْ ذِكْرَةْ، نُصّ مِنْ الْقَمَحْ الْمَدْرُوشْ وَ الدِّهِنْ مَعَ كُلَّ اللُّبَانْ. وَ دِي هَدِيَّةْ مُحَرَّقَةْ لِلّٰهْ.
Currently Selected:
لاوِيِّين 2: ع.د.ت19
Highlight
Share
Copy
Want to have your highlights saved across all your devices? Sign up or sign in
La Bible en arabe tchadien © Alliance biblique du Tchad, 2019
لاوِيِّين 2
2
هديّة الدقيق
1وَ كَنْ نَادُمْ يِقَدِّمْ هَدِيَّةْ هَنَا دَقِيقْ لِلّٰهْ، خَلِّي هَدِيّتَهْ دِي تَبْقَى هَدِيَّةْ مِنْ أَحْسَنْ دَقِيقْ. وَ هُو يُصُبّ فِي هَدِيّتَهْ دِي دِهِنْ وَ يِشِيلْ لُبَانْ. 2وَ هُو يِوَدِّي هَدِيّتَهْ دِي لِرُجَالْ الدِّينْ مِنْ ذُرِّيَّةْ هَارُونْ. وَ رَاجِلْ الدِّينْ يِشِيلْ مَلْيَةْ إِيدْ مِنْ الدَّقِيقْ الْمُخَلْبَطْ بِدِهِنْ وَ كُلَّ اللُّبَانْ. وَ يِحَرِّقْهُمْ فِي الْمَدْبَحْ. وَ دِي هَدِيَّةْ ذِكْرَةْ وَ هِي هَدِيَّةْ مُحَرَّقَةْ الْاللّٰهْ يَرْضَى بِرِيحِتْهَا. 3وَ الْيِفَضِّلْ مِنْ الْهَدِيَّةْ دِي يُكُونْ لِهَارُونْ وَ لِذُرِّيّتَهْ. وَ دَا حَقّ مُقَدَّسْ مَرَّةْ وَاحِدْ الْيِفَضِّلْ مِنْ الْهَدَايَا الْمُحَرَّقِينْ لِلّٰهْ.
4وَ كَنْ نَادُمْ يِقَدِّمْ هَدِيَّةْ هَنَا دَقِيقْ وَ كَنْ الْهَدِيَّةْ دِي نَجَّضَوْهَا فِي فُرُنْ، خَلِّي تُكُونْ مِنْ أَحْسَنْ دَقِيقْ وَ تُكُونْ كَعَكْ بَلَا تَوَّارَةْ مُخَلْبَطْ بِدِهِنْ أَوْ كِسَارْ بَلَا تَوَّارَةْ مَمْسُوحْ بِدِهِنْ.
5وَ كَنْ هَدِيّتَهْ دِي مُنَجَّضَةْ فِي سَاجَةْ، خَلِّي تُكُونْ مِنْ دَقِيقْ مُخَلْبَطْ بِدِهِنْ وَ بَلَا تَوَّارَةْ. 6هُو يِقَطِّعْهَا قِطَعْ كَتِيرِينْ وَ يُصُبّ فَوْقهُمْ دِهِنْ وَ دِي تُكُونْ هَدِيَّةْ هَنَا دَقِيقْ.
7وَ كَنْ هَدِيّتَهْ دِي مُنَجَّضَةْ فِي طَهْوَةْ، خَلِّي تُكُونْ مِنْ دَقِيقْ مُنَجَّضَةْ بِدِهِنْ.
8وَ هَدِيَّةْ الدَّقِيقْ الْيِسَوِّيهَا مِثِلْ دِي لِلّٰهْ، يَنْطِيهَا لِرَاجِلْ الدِّينْ وَ هُو يِقَرِّبْهَا لِلْمَدْبَحْ. 9وَ رَاجِلْ الدِّينْ يَرْفَعْ هَدِيَّةْ الذِّكْرَةْ هَنَا الدَّقِيقْ وَ يِحَرِّقْهَا فِي الْمَدْبَحْ. وَ هِي هَدِيَّةْ مُحَرَّقَةْ الرِّيحِتْهَا اللّٰهْ يَرْضَى بَيْهَا. 10وَ الْيِفَضِّلْ مِنْ الْهَدِيَّةْ هَنَا الدَّقِيقْ يُكُونْ لِهَارُونْ وَ لِذُرِّيّتَهْ. وَ دَا حَقّ مُقَدَّسْ مَرَّةْ وَاحِدْ الْيِفَضِّلْ مِنْ الْهَدَايَا الْمُحَرَّقِينْ لِلّٰهْ.
11وَ كُلَّ الْهَدَايَا هَنَا الدَّقِيقْ الْيِقَدِّمْهُمْ لِلّٰهْ، مَا يِسَوِّيهُمْ بِتَوَّارَةْ. أَشَانْ مَا يِحَرِّقْ شَيّءْ لِلّٰهْ الْعِنْدَهْ تَوَّارَةْ أَوْ عَسَلْ مِنْ الْهَدَايَا الْمُحَرَّقِينْ. 12وَ لَاكِنْ يَقْدَرْ يِقَدِّمْ تَوَّارَةْ أَوْ عَسَلْ لِلّٰهْ مِثِلْ هَدِيَّةْ مِنْ أَوَّلْ إِنْتَاجْ زَرْعَهْ. وَ لَاكِنْ مَا يَرْفَعْهَا فِي الْمَدْبَحْ مِثِلْ هَدِيَّةْ مُحَرَّقَةْ الرِّيحِتْهَا اللّٰهْ يَرْضَى بَيْهَا. 13وَ فِي كُلَّ الْهَدَايَا هَنَا الدَّقِيقْ الْيِقَدِّمْهُمْ، يُصُبّ فَوْقهُمْ مِلِحْ. وَ أَبَداً مَا يَنْسَى صَبِّينْ الْمِلِحْ الْيِمَثِّلْ الْمُعَاهَدَةْ الدَّايْمَةْ مَعَ اللّٰهْ إِلٰـهَهْ. وَ مَعَ كُلَّ الْهَدَايَا هَنَا الدَّقِيقْ الْيِقَدِّمْهُمْ، وَاجِبْ يُصُبّ فَوْقهُمْ مِلِحْ.
14وَ كَنْ نَادُمْ يِقَدِّمْ هَدِيَّةْ هَنَا دَقِيقْ لِلّٰهْ مِنْ أَوَّلْ إِنْتَاجَهْ، وَاجِبْ يِقَدِّمْ قَنَادِيلْ فَرِيكِي وَ قَمَحْ جَدِيدْ مَدْرُوشْ مِثِلْ هَدِيَّةْ هَنَا أَوَّلْ إِنْتَاجَهْ. 15وَ وَاجِبْ يُصُبّ فَوْقَهْ دِهِنْ وَ يِزِيدْ فَوْقَهْ لُبَانْ وَ دَا يَبْقَى هَدِيَّةْ هَنَا دَقِيقْ. 16وَ رَاجِلْ الدِّينْ يِحَرِّقْهُمْ مِثِلْ هَدِيَّةْ ذِكْرَةْ، نُصّ مِنْ الْقَمَحْ الْمَدْرُوشْ وَ الدِّهِنْ مَعَ كُلَّ اللُّبَانْ. وَ دِي هَدِيَّةْ مُحَرَّقَةْ لِلّٰهْ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
La Bible en arabe tchadien © Alliance biblique du Tchad, 2019