عِبْرَانِيِّين 3
3
عِيسَى أكْبر من مُوسَى
1أَشَانْ دَا، يَا أَخْوَانِي الصَّالِحِينْ الْاللّٰهْ نَادَاكُو كُلُّكُو لِتَدْخُلُوا فِي دَرْبَهْ، فَكُّرُوا فِي عِيسَى. هُو رَسُولْ اللّٰهْ وَ كَبِيرْ رُجَالْ الدِّينْ الْأَنِحْنَ مُؤمِنِينْ بَيَّهْ وَ نَشْهَدَوْا لَيَّهْ. 2وَ هُو أَمِينْ لِلّٰهْ الْكَلَّفَهْ بِالْخِدْمَةْ دِي مِثِلْ زَمَانْ مُوسَى كُلَ بِقِي أَمِينْ فِي الْخِدْمَةْ الْاللّٰهْ كَلَّفَهْ بَيْهَا فِي كُلَّ بَيْتَهْ. 3لَاكِنْ الشَّرَفْ الْوَاجِبْ لِعِيسَى زِيَادَةْ مِنْ الشَّرَفْ الْوَاجِبْ لِمُوسَى مِثِلْ النَّادُمْ الْبَنَى الْبَيْت مُكَرَّمْ زِيَادَةْ مِنْ الْبَيْت الْهُو بَنَاهْ. 4وَ كُلِّ بَيْت عِنْدَهْ نَادُمْ الْبَنَاهْ وَ لَاكِنْ اللّٰهْ بَسْ الْبَنَى كُلَّ شَيّءْ.
5وَ مُوسَى الْبِقِي أَمِينْ فِي كُلَّ بَيْت اللّٰهْ، هُو قَاعِدْ فَوْقَهْ أَشَانْ هُو خَدَّامْ اللّٰهْ وَ بِقِي شَهَادَةْ لِلْكَلَامْ الْاللّٰهْ يِدَوْر يِبَلِّغَهْ فِي الْمُسْتَقْبَلْ. 6لَاكِنْ الْمَسِيحْ بِقِي أَمِينْ أَشَانْ هُو إِبْن اللّٰهْ وَ هُو بَسْ الْمَسْؤُولْ فِي بَيْت اللّٰهْ. وَ أَنِحْنَ بِنُفُوسْنَا بَسْ بَيْتَهْ، كَنْ نَقْعُدُوا ثَابْتِينْ بَلَا شَكَكْ وَ نُخُطُّوا عَشَمْنَا دَايْماً فِي الْمَسِيحْ الْأَنِحْنَ نِلْفَشَّرَوْا بَيَّهْ.
مَثَل الجُدود القوّوا روسيهم
7أَشَانْ دَا، أَسْمَعَوْا الْكَلَامْ الْبُقُولَهْ الرُّوحْ الْقُدُّوسْ:
<الْيَوْم، كَنْ سِمِعْتُوا حِسّ اللّٰهْ،
8مَا تِقَوُّوا رُوسَيْكُو
مِثِلْ جُدُودْكُو الْأَبَوْا
مَا تَابَعَوْا كَلَامَهْ
فِي يَوْم التَّجْرِبَةْ فِي الصَّحَرَاءْ.
9فِي الْبَكَانْ دَاكْ، جُدُودْكُو جَرَّبَوْنِي
وَ أَمْتَحَنَوْنِي حَتَّى كَانْ شَافَوْا عَمَلِي
10فِي مُدَّةْ 40 سَنَةْ.
وَ خَلَاصْ، أَنَا زِعِلْت مِنْ النَّاسْ دَوْل
وَ قُلْت: «هُمَّنْ شَعَبْ عَاصِيِينْ
وَ مَا يَعَرْفُوا دَرْبِي.»
11وَ فِي زَعَلِي، أَنَا حَلَفْت وَ قُلْت
أَبَداً مَا يَدْخُلُوا فِي رَاحْتِي.>#3:11 الكلام دا تلقوه في زَبُور 95:7-11.
12يَا أَخْوَانِي، خُطُّوا بَالْكُو أَشَانْ قَلِبْ هَنَا أَيِّ نَادُمْ مَا يَبْقَى فَسِلْ وَ يَابَى الْإِيمَانْ وَ يَمْرُقْ مِنْ دَرِبْ اللّٰهْ الْحَيّ. 13أَشَّاجَعَوْا أَمْبَيْنَاتْكُو كُلَّ يَوْم. أَيْوَى، كُلَّ الْأَيَّامْ نِنَادُوهُمْ «الْيَوْم»، أَشَانْ الذَّنِبْ مَا يُغُشّ نَادُمْ مِنْكُو وَ يِقَوِّي رَاسَهْ. 14أَشَانْ كُلِّنَا بِقِينَا مُشَارِكِينْ فِي الْمَسِيحْ كَنْ صَحِيحْ نِتَابُعُوا الْإِيمَانْ الْعِنْدِنَا مِنْ الْبِدَايَةْ وَ نَقْعُدُوا ثَابْتِينْ فَوْقَهْ لَحَدِّي النِّهَايَةْ. 15الْكِتَابْ بُقُولْ: <الْيَوْم، كَنْ سِمِعْتُوا حِسّ اللّٰهْ، مَا تِقَوُّوا رُوسَيْكُو مِثِلْ جُدُودْكُو الْأَبَوْا مَا تَابَعَوْا كَلَامَهْ.>#3:15 الكلام دا تلقوه في زَبُور 95:7-8.
16يَاتُمَّنْ النَّاسْ السِّمْعَوْا كَلَامْ اللّٰهْ لَاكِنْ أَبَوْه؟ هُمَّنْ كُلَّ النَّاسْ الْمَرَقَوْا مِنْ مَصِرْ وَ تَابَعَوْا مُوسَى. 17وَ يَاتُمَّنْ النَّاسْ الْاللّٰهْ زِعِلْ مِنْهُمْ فِي مُدَّةْ 40 سَنَةْ؟ هُمَّنْ النَّاسْ الْأَذْنَبَوْا وَ جَنَازَاتْهُمْ فَضَّلَوْا فِي الصَّحَرَاءْ. 18وَ يَاتُمَّنْ النَّاسْ الْاللّٰهْ حَلَفْ لَيْهُمْ كَدَرْ مَا يَدْخُلُوا فِي رَاحْتَهْ؟ هُمَّنْ النَّاسْ الْعِصَوْا اللّٰهْ. 19وَ خَلَاصْ بِالْكَلَامْ دَا، نَعَرْفُوا كَدَرْ مَا قِدْرَوْا دَخَلَوْا فِي رَاحْتَهْ أَشَانْ مَا عِنْدُهُمْ إِيمَانْ.
Currently Selected:
عِبْرَانِيِّين 3: ع.د.ت19
Highlight
Share
Copy
Want to have your highlights saved across all your devices? Sign up or sign in
La Bible en arabe tchadien © Alliance biblique du Tchad, 2019
عِبْرَانِيِّين 3
3
عِيسَى أكْبر من مُوسَى
1أَشَانْ دَا، يَا أَخْوَانِي الصَّالِحِينْ الْاللّٰهْ نَادَاكُو كُلُّكُو لِتَدْخُلُوا فِي دَرْبَهْ، فَكُّرُوا فِي عِيسَى. هُو رَسُولْ اللّٰهْ وَ كَبِيرْ رُجَالْ الدِّينْ الْأَنِحْنَ مُؤمِنِينْ بَيَّهْ وَ نَشْهَدَوْا لَيَّهْ. 2وَ هُو أَمِينْ لِلّٰهْ الْكَلَّفَهْ بِالْخِدْمَةْ دِي مِثِلْ زَمَانْ مُوسَى كُلَ بِقِي أَمِينْ فِي الْخِدْمَةْ الْاللّٰهْ كَلَّفَهْ بَيْهَا فِي كُلَّ بَيْتَهْ. 3لَاكِنْ الشَّرَفْ الْوَاجِبْ لِعِيسَى زِيَادَةْ مِنْ الشَّرَفْ الْوَاجِبْ لِمُوسَى مِثِلْ النَّادُمْ الْبَنَى الْبَيْت مُكَرَّمْ زِيَادَةْ مِنْ الْبَيْت الْهُو بَنَاهْ. 4وَ كُلِّ بَيْت عِنْدَهْ نَادُمْ الْبَنَاهْ وَ لَاكِنْ اللّٰهْ بَسْ الْبَنَى كُلَّ شَيّءْ.
5وَ مُوسَى الْبِقِي أَمِينْ فِي كُلَّ بَيْت اللّٰهْ، هُو قَاعِدْ فَوْقَهْ أَشَانْ هُو خَدَّامْ اللّٰهْ وَ بِقِي شَهَادَةْ لِلْكَلَامْ الْاللّٰهْ يِدَوْر يِبَلِّغَهْ فِي الْمُسْتَقْبَلْ. 6لَاكِنْ الْمَسِيحْ بِقِي أَمِينْ أَشَانْ هُو إِبْن اللّٰهْ وَ هُو بَسْ الْمَسْؤُولْ فِي بَيْت اللّٰهْ. وَ أَنِحْنَ بِنُفُوسْنَا بَسْ بَيْتَهْ، كَنْ نَقْعُدُوا ثَابْتِينْ بَلَا شَكَكْ وَ نُخُطُّوا عَشَمْنَا دَايْماً فِي الْمَسِيحْ الْأَنِحْنَ نِلْفَشَّرَوْا بَيَّهْ.
مَثَل الجُدود القوّوا روسيهم
7أَشَانْ دَا، أَسْمَعَوْا الْكَلَامْ الْبُقُولَهْ الرُّوحْ الْقُدُّوسْ:
<الْيَوْم، كَنْ سِمِعْتُوا حِسّ اللّٰهْ،
8مَا تِقَوُّوا رُوسَيْكُو
مِثِلْ جُدُودْكُو الْأَبَوْا
مَا تَابَعَوْا كَلَامَهْ
فِي يَوْم التَّجْرِبَةْ فِي الصَّحَرَاءْ.
9فِي الْبَكَانْ دَاكْ، جُدُودْكُو جَرَّبَوْنِي
وَ أَمْتَحَنَوْنِي حَتَّى كَانْ شَافَوْا عَمَلِي
10فِي مُدَّةْ 40 سَنَةْ.
وَ خَلَاصْ، أَنَا زِعِلْت مِنْ النَّاسْ دَوْل
وَ قُلْت: «هُمَّنْ شَعَبْ عَاصِيِينْ
وَ مَا يَعَرْفُوا دَرْبِي.»
11وَ فِي زَعَلِي، أَنَا حَلَفْت وَ قُلْت
أَبَداً مَا يَدْخُلُوا فِي رَاحْتِي.>#3:11 الكلام دا تلقوه في زَبُور 95:7-11.
12يَا أَخْوَانِي، خُطُّوا بَالْكُو أَشَانْ قَلِبْ هَنَا أَيِّ نَادُمْ مَا يَبْقَى فَسِلْ وَ يَابَى الْإِيمَانْ وَ يَمْرُقْ مِنْ دَرِبْ اللّٰهْ الْحَيّ. 13أَشَّاجَعَوْا أَمْبَيْنَاتْكُو كُلَّ يَوْم. أَيْوَى، كُلَّ الْأَيَّامْ نِنَادُوهُمْ «الْيَوْم»، أَشَانْ الذَّنِبْ مَا يُغُشّ نَادُمْ مِنْكُو وَ يِقَوِّي رَاسَهْ. 14أَشَانْ كُلِّنَا بِقِينَا مُشَارِكِينْ فِي الْمَسِيحْ كَنْ صَحِيحْ نِتَابُعُوا الْإِيمَانْ الْعِنْدِنَا مِنْ الْبِدَايَةْ وَ نَقْعُدُوا ثَابْتِينْ فَوْقَهْ لَحَدِّي النِّهَايَةْ. 15الْكِتَابْ بُقُولْ: <الْيَوْم، كَنْ سِمِعْتُوا حِسّ اللّٰهْ، مَا تِقَوُّوا رُوسَيْكُو مِثِلْ جُدُودْكُو الْأَبَوْا مَا تَابَعَوْا كَلَامَهْ.>#3:15 الكلام دا تلقوه في زَبُور 95:7-8.
16يَاتُمَّنْ النَّاسْ السِّمْعَوْا كَلَامْ اللّٰهْ لَاكِنْ أَبَوْه؟ هُمَّنْ كُلَّ النَّاسْ الْمَرَقَوْا مِنْ مَصِرْ وَ تَابَعَوْا مُوسَى. 17وَ يَاتُمَّنْ النَّاسْ الْاللّٰهْ زِعِلْ مِنْهُمْ فِي مُدَّةْ 40 سَنَةْ؟ هُمَّنْ النَّاسْ الْأَذْنَبَوْا وَ جَنَازَاتْهُمْ فَضَّلَوْا فِي الصَّحَرَاءْ. 18وَ يَاتُمَّنْ النَّاسْ الْاللّٰهْ حَلَفْ لَيْهُمْ كَدَرْ مَا يَدْخُلُوا فِي رَاحْتَهْ؟ هُمَّنْ النَّاسْ الْعِصَوْا اللّٰهْ. 19وَ خَلَاصْ بِالْكَلَامْ دَا، نَعَرْفُوا كَدَرْ مَا قِدْرَوْا دَخَلَوْا فِي رَاحْتَهْ أَشَانْ مَا عِنْدُهُمْ إِيمَانْ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
La Bible en arabe tchadien © Alliance biblique du Tchad, 2019