عِبْرَانِيِّين 11
11
الإيمان
1النَّادُمْ الْعِنْدَهْ إِيمَانْ، هُو مُؤَكِّدْ كَدَرْ هُو يَلْقَى الشَّيّءْ الْيَرْجَاهْ وَ مَا عِنْدَهْ شَكَكْ فِي الشَّيّءْ اللِّسَّاعْ مَا بِنْشَافْ. 2فِي شَانْ إِيمَانْهُمْ، نَاسْ الزَّمَانْ لِقَوْا رِضَى اللّٰهْ.
3بِالْإِيمَانْ، نَعَرْفُوا كَدَرْ اللّٰهْ خَلَقْ الدُّنْيَا بِكِلْمِتَهْ. وَ أَشَانْ دَا، نَعَرْفُوا كُلَّ شَيّءْ الْبِنْشَافْ جَاءْ وَ كَانْ بِطَرِيقَةْ الْمَا تِنْشَافْ.
4وَ بِالْإِيمَانْ، هَابِيلْ#11:4 هَابِيلْ: التاريخ دا تلقوه في تكوين 4. قَدَّمْ ضَحِيَّةْ لِلّٰهْ. وَ ضَحِيّتَهْ بِقَتْ أَخَيْر مِنْ هَدِيَّةْ قَابِيلْ. وَ فِي شَانْ إِيمَانَهْ، اللّٰهْ رِضِي بَيَّهْ وَ جَعَلَهْ نَادُمْ صَالِحْ. اللّٰهْ قِبِلْ ضَحَايَهْ وَ شَهَدْ لَيَّهْ. وَ هَابِيلْ مَاتْ لَاكِنْ بِإِيمَانَهْ، يَا هَسَّعْ كُلَ هُو قَاعِدْ يِحَجِّي.
5وَ بِالْإِيمَانْ، أَخْنُوخْ#11:5 أَخْنُوخْ: التاريخ دا تلقوه في تكوين 5:24. رَفَعَوْه أَشَانْ مَا يُمُوتْ. هُو مَا أَنْلَقَى أَشَانْ اللّٰهْ بَسْ رَفَعَهْ. وَ الْكِتَابْ يَشْهَدْ لِأَخْنُوخْ كَدَرْ قُبَّالْ مَا يِنْرَفِعْ، اللّٰهْ رِضِي بَيَّهْ. 6وَ بَلَا إِيمَانْ، نَادُمْ مَا يَلْقَى رِضَى اللّٰهْ. أَشَانْ أَيِّ نَادُمْ الْيِدَوْر يِقَرِّبْ لِلّٰهْ، وَاجِبْ يِآمِنْ كَدَرْ اللّٰهْ مَوْجُودْ وَ يَنْطِي أَجُرْ لِلنَّاسْ الْيِفَتُّشُوهْ.
7وَ بِالْإِيمَانْ، نُوحْ سِمِعْ كَلَامْ اللّٰهْ. أَوَّلْ اللّٰهْ خَبَّرَهْ بِالشَّيّءْ الْيِدَوْر يَبْقَى وَ لِسَّاعْ مَا بِنْشَافْ. وَ مِنْ شِدَّةْ تَقْوَاهْ، نُوحْ بَنَى سَفِينَةْ#11:7 نُوحْ بَنَى سَفِينَةْ: التاريخ دا تلقوه في تكوين 6–7. أَشَانْ يِنَجِّي أَهَلْ بَيْتَهْ. وَ بَيْدَا، نُوحْ ثَبَّتْ كَدَرْ نَاسْ الدُّنْيَا خَاطِيِّينْ. وَ هُو وَرَثْ الْعَدَالَةْ النَّادُمْ مَا يَقْدَرْ يَلْحَقْهَا إِلَّا بِالْإِيمَانْ.
8وَ بِالْإِيمَانْ، إِبْرَاهِيمْ سِمِعْ كَلَامْ اللّٰهْ وَ قَمَّ مَشَى#11:8 إِبْرَاهِيمْ قَمَّ مَشَى: التاريخ دا تلقوه في تكوين 12:4-5. فِي الْبَكَانْ الْبَعَدَيْن يَبْقَى وَرَثَتَهْ. وَ هُو مَشَى قُبَّالْ مَا يَعَرِفْ الْبَكَانْ الْوَاجِبْ يَمْشِي لَيَّهْ. 9وَ بِالْإِيمَانْ، هُو بِقِي أَجْنَبِي فِي الْبَلَدْ الْاللّٰهْ وَاعَدَهْ بَيْهَا وَ سَكَنْ فَوْقهَا فِي خَيْمَةْ. وَ إِسْحَاقْ وَ يَعْقُوبْ كُلَ وُرَّاثْ مِثْلَهْ فِي نَفْس الْوَعَدْ. 10أَشَانْ إِبْرَاهِيمْ قَاعِدْ يَرْجَى بِعَشَمْ الْمَدِينَةْ الْجَايَةْ الْأَسَاسْهَا ثَابِتْ الْاللّٰهْ بَسْ خَطَّتْهَا وَ بَنَاهَا.
11وَ بِالْإِيمَانْ، سَارَةْ كُلَ بِقَتْ غَلْبَانَةْ#11:11 سَارَةْ بِقَتْ غَلْبَانَةْ: التاريخ دا تلقوه في تكوين 18؛ 21. حَتَّى كَانْ هِي عَجُوزْ مَا عِنْدَهَا قُدْرَةْ لِلْوَالُودَةْ كُلَ. لَاكِنْ اللّٰهْ وَاعَدَاهَا بِوِلَيْد وَ هِي قَالَتْ اللّٰهْ صَادِقْ. 12وَ بِمِثِلْ دَا، رَاجِلْ وَاحِدْ الشَّيَّبْ مَرَّةْ وَاحِدْ بِقِي أَبُو هَنَا ذُرِّيَّةْ كَتِيرَةْ مِثِلْ النُّجُومْ وَ مِثِلْ رَمْلَةْ هَنَا خَشُمْ الْبَحَرْ الْمَا تِنْحَسِبْ.
13وَ كُلَّ نَاسْ الزَّمَانْ دَوْل مَاتَوْا ثَابْتِينْ فِي الْإِيمَانْ. هُمَّنْ مَا لِقَوْا الشَّيّءْ الْاللّٰهْ وَاعَدْ بَيَّهْ لَاكِنْ شَافَوْه مِنْ بَعِيدْ وَ فِرْحَوْا بَيَّهْ. وَ أَعْتَرَفَوْا كَدَرْ هُمَّنْ سَاكْنِينْ فِي أُسُطْ نَاسْ الْأَرْض مِثِلْ أَجَانِبْ وَ ضِيفَانْ. 14وَ النَّاسْ الْيِحَجُّوا كَلَامْ مِثِلْ دَا يِوَصُّفُوا كَدَرْ يِدَوْرُوا وَطَنْ آخَرْ يَسْكُنُوا فَوْقَهْ. 15فِكِرْهُمْ مَا فِي الْبَلَدْ الْمَرَقَوْا مِنْهَا. كَنْ دَوَّرَوْا يِقَبُّلُوا فَوْقهَا، يَقْدَرَوْا. 16لَاكِنْ بِالصَّحِيحْ، هُمَّنْ يِدَوْرُوا وَطَنْ أَخَيْر مِنْ الْمَرَقَوْا مِنَّهْ وَ هُو الْوَطَنْ السَّمَاوِي. أَشَانْ دَا، اللّٰهْ أَكَّدْ كَدَرْ هُو رَبُّهُمْ وَ هُمَّنْ شَعَبَهْ وَ جَهَّزْ لَيْهُمْ مَدِينَةْ.
17وَ بِالْإِيمَانْ، إِبْرَاهِيمْ قَدَّمْ إِسْحَاقْ ضَحِيَّةْ وَكِتْ اللّٰهْ جَرَّبَهْ. النَّادُمْ الْاللّٰهْ أَنْطَاهْ الْوَعَدْ شَالْ نِيَّةْ أَشَانْ يِقَدِّمْ وِلَيْدَهْ الْوَحِيدْ ضَحِيَّةْ لِلّٰهْ. 18وَ إِسْحَاقْ دَا، هُو الْوِلَيْد الْاللّٰهْ أَوَّلْ حَجَّى بَيَّهْ وَ قَالْ: <مِنْ إِسْحَاقْ بَسْ تَلْقَى ذُرِّيَّةْ الْبِنَادُوهَا بِأُسْمَكْ.>#11:18 الكلام دا تلقوه في تكوين 21:12. 19وَ إِبْرَاهِيمْ خَطَّ فِي فِكْرَهْ كَدَرْ اللّٰهْ عِنْدَهْ قُدْرَةْ يِقَوِّمْ الْمَيْتِينْ كُلَ. وَ بِالصَّحِيحْ، وَكِتْ اللّٰهْ قَبَّلْ إِسْحَاقْ لِإِبْرَاهِيمْ، إِبْرَاهِيمْ شَافْ وِلَيْدَهْ مِثِلْ مَاتْ وَ قَمَّ مِنْ الْمَوْت.
20وَ بِالْإِيمَانْ، إِسْحَاقْ طَلَبْ لِيَعْقُوبْ وَ عِيسُو بِالْبَرَكَةْ التُّخُصّ الشَّيّءْ الْيَبْقَى بَعَدَيْن. 21وَ بِالْإِيمَانْ، يَعْقُوبْ وَكِتْ هُو قَرِيبْ يُمُوتْ، طَلَبْ بَرَكَةْ لِأَيِّ وَاحِدْ مِنْ أَوْلَادْ يُوسُفْ وَ أَرَّكَّزْ فِي عَصَاتَهْ لِيَعَبُدْ اللّٰهْ. 22وَ بِالْإِيمَانْ، يُوسُفْ وَكِتْ هُو قَرِيبْ يُمُوتْ، حَجَّى بِمَرِقِينْ بَنِي إِسْرَائِيلْ مِنْ مَصِرْ الْيَبْقَى بَعَدَيْن. وَ أَمَرَاهُمْ يِشِيلُوا عُضَامَهْ مَعَاهُمْ.#11:22 يُوسُفْ أَمَرَاهُمْ يِشِيلُوا عُضَامَهْ مَعَاهُمْ: التاريخ دا تلقوه في تكوين 49:29.
23وَ بِالْإِيمَانْ، وَالْدَيْن مُوسَى بَعَدْ وِلْدَوْه، لَبَّدَوْه مُدَّةْ تَلَاتَةْ شَهَرْ.#11:23 وَالْدَيْن مُوسَى لَبَّدَوْه: التاريخ دا تلقوه في خُروج 2. شَافَوْا كَدَرْ وِلَيْدهُمْ جَمِيلْ مَرَّةْ وَاحِدْ وَ هُمَّنْ مَا خَايْفِينْ مِنْ الْمَلِكْ فِرْعَوْن وَ مَا تَابَعَوْا أَمْرَهْ.
24وَ بِالْإِيمَانْ، مُوسَى وَكِتْ هُو كِبِرْ خَلَاصْ، أَبَى مَا خَلَّى النَّاسْ يِنَادُوهْ وِلَيْد بِنَيَّةْ فِرْعَوْن. 25وَ هُو شَالْ نِيَّةْ أَشَانْ يَتْعَبْ مَعَ شَعَبْ اللّٰهْ وَ أَبَى مَا يِتَابِعْ الذُّنُوبْ وَ شَهْوَاتْ الدُّنْيَا الْمَا دَايْمَةْ. 26هُو جَعَلْ كَدَرْ الْمُعْيَارْ الْيَجِي فَوْقَهْ فِي شَانْ الْمَسِيحْ عِنْدَهْ فَايْدَةْ كَتِيرَةْ مِنْ كُلَّ دَهَبْ مَصِرْ. وَ هُو خَطَّ فِكْرَهْ فِي الْأَجُرْ الْقِدَّامَهْ. 27وَ بِالْإِيمَانْ، هُو مَرَقْ مِنْ مَصِرْ مَا خَايِفْ مِنْ زَعَلْ الْمَلِكْ. هُو تَابَعْ اللّٰهْ بِصَبُرْ قَوِي مِثِلْ نَادُمْ قَاعِدْ يِشِيفْ اللّٰهْ الْمَا بِنْشَافْ. 28وَ بِالْإِيمَانْ، مُوسَى قَرَّرْ عِيدْ الْفِصْحَ وَ رَشَّ الدَّمّ أَشَانْ مَلَكْ الْمَوْت الْقَاعِدْ يَكْتُلْ أَوْلَادْ الْبِكِرْ،#11:28 مَلَكْ الْمَوْت يَكْتُلْ أَوْلَادْ الْبِكِرْ: التاريخ دا تلقوه في خُروج 11. هُو مَا يَجِي فَوْق أَوْلَادْ بَنِي إِسْرَائِيلْ.
29وَ بِالْإِيمَانْ، الشَّعَبْ قَطَعَوْا الْبَحَرْ الْأَحْمَرْ وَ هُو بِقِي لَيْهُمْ مِثِلْ تُرَابْ يَابِسْ.#11:29 الْبَحَرْ الْأَحْمَرْ بِقِي مِثِلْ تُرَابْ يَابِسْ: التاريخ دا تلقوه في خُروج 14:21-31. لَاكِنْ وَكِتْ الْمَصْرِيِّينْ دَوَّرَوْا يِسَوُّوا نَفْس الشَّيّءْ، الْأَلْمِي أَكَلَاهُمْ.
30وَ بِالْإِيمَانْ، دَرَادِرْ هَنَا مَدِينَةْ أَرِيحَا وَقَعَوْا#11:30 دَرَادِرْ هَنَا أَرِيحَا وَقَعَوْا: التاريخ دا تلقوه في يَشُوع 6. وَ دَا بَعَدْ بَنِي إِسْرَائِيلْ حَوَّقَوْهَا سَبْعَةْ مَرَّاتْ.
31وَ بِالْإِيمَانْ، الشَّرْمُوطَةْ رَاحَابْ#11:31 الشَّرْمُوطَةْ رَاحَابْ: التاريخ دا تلقوه في يَشُوع 2. مَا هِلْكَتْ مَعَ الْعَاصِيِينْ أَشَانْ هِي ضَيَّفَتْ النَّاسْ الْجَوْا رَاغَوْا الْبَلَدْ.
القُدْرة و تعب المُؤمِنين
32وَ نُقُولْ شُنُو بَتَّانْ؟ الْوَكِتْ مَا يِتِمّ لَيِّ نِحَجِّي بِقِدْعُونْ وَ بَارَاقْ وَ شَمْشُونْ وَ يِفْتَاحْ وَ دَاوُدْ وَ صَمُوِيلْ وَ الْأَنْبِيَاء. 33بِالْإِيمَانْ، هُمَّنْ شَالَوْا مَمَالِكْ وَ طَبَّقَوْا الْعَدَالَةْ وَ لِقَوْا مِنْ اللّٰهْ الشَّيّءْ الْوَاعَدَاهُمْ بَيَّهْ وَ سَدَّوْا خُشُومْ الدِّيدَانْ. 34وَ بِالْإِيمَانْ، كَتَلَوْا نَارْ مُقَرْقِرَةْ وَ نِجَوْا مِنْ سُيُوفْ عُدْوَانْهُمْ وَ لِقَوْا الْقُدْرَةْ الْأَوَّلْ مَا عِنْدُهُمْ وَ بِقَوْا قَوِيِّينْ فِي الْحَرِبْ وَ طَرَدَوْا الدُّيُوشْ الْهَجَمَوْا بَلَدْهُمْ. 35وَ فِي عَوِينْ الْمَيْتِينْهِنْ بَعَثَوْا وَ قَبَّلَوْا لَيْهِنْ.
وَ لَاكِنْ فِي نَاسْ وَاحِدِينْ، عَذَّبَوْهُمْ وَ أَبَوْا مَا يَمُرْقُوا مِنْ الْعَذَابْ أَشَانْ يِدَوْرُوا يَبْعَثَوْا فِي حَيَاةْ أَفْضَلْ. 36وَ مُؤمِنِينْ وَاحِدِينْ أَشَّمَّتَوْا لَيْهُمْ وَ جَلَدَوْهُمْ وَ وَاحِدِينْ جَنْزَرَوْهُمْ وَ سَجَنَوْهُمْ. 37وَ مُؤمِنِينْ وَاحِدِينْ رَجَمَوْهُمْ وَ وَاحِدِينْ شَقَّوْهُمْ مِنْ أُسُطْ بِمُنْشَارْ وَ وَاحِدِينْ كَتَلَوْهُمْ بِالْسَّيْف. وَ وَاحِدِينْ دَايْماً رَايْغِينْ لَابْسِينْ فِرَاوْ الْغَنَمْ وَ حِمْلَوْا فَقُرْ شَدِيدْ وَ ضِيقَةْ وَ ظُلُمْ. 38وَ وَاحِدِينْ مُوَدِّرِينْ وَ قَاعِدِينْ يُرُوغُوا فِي الصَّحَرَاءْ وَ الْحُجَارْ. وَ وَاحِدِينْ سَاكْنِينْ فِي كَرَاكِيرْ وَ نُقَارْ الْأَرْض. وَ كُلَّ الْمُؤمِنِينْ دَوْل أَخَيْر مَرَّةْ وَاحِدْ مِنْ نَاسْ الدُّنْيَا الطَّرَدَوْهُمْ.
39وَ كُلَّ النَّاسْ دَوْل، اللّٰهْ رِضِي بَيْهُمْ بِسَبَبْ إِيمَانْهُمْ. لَاكِنْ هُمَّنْ مَا لِقَوْا الْبَرَكَةْ الْاللّٰهْ وَاعَدَاهُمْ بَيْهَا. 40أَشَانْ مِنْ أَوَّلْ، اللّٰهْ قَدَّرْ شَيّءْ أَخَيْر لَيْنَا وَ خِدْمَةْ اللّٰهْ مَا تَبْقَى كَامِلَةْ فَوْقهُمْ إِلَّا مَعَانَا أَنِحْنَ.
Currently Selected:
عِبْرَانِيِّين 11: ع.د.ت19
Highlight
Share
Copy
Want to have your highlights saved across all your devices? Sign up or sign in
La Bible en arabe tchadien © Alliance biblique du Tchad, 2019
عِبْرَانِيِّين 11
11
الإيمان
1النَّادُمْ الْعِنْدَهْ إِيمَانْ، هُو مُؤَكِّدْ كَدَرْ هُو يَلْقَى الشَّيّءْ الْيَرْجَاهْ وَ مَا عِنْدَهْ شَكَكْ فِي الشَّيّءْ اللِّسَّاعْ مَا بِنْشَافْ. 2فِي شَانْ إِيمَانْهُمْ، نَاسْ الزَّمَانْ لِقَوْا رِضَى اللّٰهْ.
3بِالْإِيمَانْ، نَعَرْفُوا كَدَرْ اللّٰهْ خَلَقْ الدُّنْيَا بِكِلْمِتَهْ. وَ أَشَانْ دَا، نَعَرْفُوا كُلَّ شَيّءْ الْبِنْشَافْ جَاءْ وَ كَانْ بِطَرِيقَةْ الْمَا تِنْشَافْ.
4وَ بِالْإِيمَانْ، هَابِيلْ#11:4 هَابِيلْ: التاريخ دا تلقوه في تكوين 4. قَدَّمْ ضَحِيَّةْ لِلّٰهْ. وَ ضَحِيّتَهْ بِقَتْ أَخَيْر مِنْ هَدِيَّةْ قَابِيلْ. وَ فِي شَانْ إِيمَانَهْ، اللّٰهْ رِضِي بَيَّهْ وَ جَعَلَهْ نَادُمْ صَالِحْ. اللّٰهْ قِبِلْ ضَحَايَهْ وَ شَهَدْ لَيَّهْ. وَ هَابِيلْ مَاتْ لَاكِنْ بِإِيمَانَهْ، يَا هَسَّعْ كُلَ هُو قَاعِدْ يِحَجِّي.
5وَ بِالْإِيمَانْ، أَخْنُوخْ#11:5 أَخْنُوخْ: التاريخ دا تلقوه في تكوين 5:24. رَفَعَوْه أَشَانْ مَا يُمُوتْ. هُو مَا أَنْلَقَى أَشَانْ اللّٰهْ بَسْ رَفَعَهْ. وَ الْكِتَابْ يَشْهَدْ لِأَخْنُوخْ كَدَرْ قُبَّالْ مَا يِنْرَفِعْ، اللّٰهْ رِضِي بَيَّهْ. 6وَ بَلَا إِيمَانْ، نَادُمْ مَا يَلْقَى رِضَى اللّٰهْ. أَشَانْ أَيِّ نَادُمْ الْيِدَوْر يِقَرِّبْ لِلّٰهْ، وَاجِبْ يِآمِنْ كَدَرْ اللّٰهْ مَوْجُودْ وَ يَنْطِي أَجُرْ لِلنَّاسْ الْيِفَتُّشُوهْ.
7وَ بِالْإِيمَانْ، نُوحْ سِمِعْ كَلَامْ اللّٰهْ. أَوَّلْ اللّٰهْ خَبَّرَهْ بِالشَّيّءْ الْيِدَوْر يَبْقَى وَ لِسَّاعْ مَا بِنْشَافْ. وَ مِنْ شِدَّةْ تَقْوَاهْ، نُوحْ بَنَى سَفِينَةْ#11:7 نُوحْ بَنَى سَفِينَةْ: التاريخ دا تلقوه في تكوين 6–7. أَشَانْ يِنَجِّي أَهَلْ بَيْتَهْ. وَ بَيْدَا، نُوحْ ثَبَّتْ كَدَرْ نَاسْ الدُّنْيَا خَاطِيِّينْ. وَ هُو وَرَثْ الْعَدَالَةْ النَّادُمْ مَا يَقْدَرْ يَلْحَقْهَا إِلَّا بِالْإِيمَانْ.
8وَ بِالْإِيمَانْ، إِبْرَاهِيمْ سِمِعْ كَلَامْ اللّٰهْ وَ قَمَّ مَشَى#11:8 إِبْرَاهِيمْ قَمَّ مَشَى: التاريخ دا تلقوه في تكوين 12:4-5. فِي الْبَكَانْ الْبَعَدَيْن يَبْقَى وَرَثَتَهْ. وَ هُو مَشَى قُبَّالْ مَا يَعَرِفْ الْبَكَانْ الْوَاجِبْ يَمْشِي لَيَّهْ. 9وَ بِالْإِيمَانْ، هُو بِقِي أَجْنَبِي فِي الْبَلَدْ الْاللّٰهْ وَاعَدَهْ بَيْهَا وَ سَكَنْ فَوْقهَا فِي خَيْمَةْ. وَ إِسْحَاقْ وَ يَعْقُوبْ كُلَ وُرَّاثْ مِثْلَهْ فِي نَفْس الْوَعَدْ. 10أَشَانْ إِبْرَاهِيمْ قَاعِدْ يَرْجَى بِعَشَمْ الْمَدِينَةْ الْجَايَةْ الْأَسَاسْهَا ثَابِتْ الْاللّٰهْ بَسْ خَطَّتْهَا وَ بَنَاهَا.
11وَ بِالْإِيمَانْ، سَارَةْ كُلَ بِقَتْ غَلْبَانَةْ#11:11 سَارَةْ بِقَتْ غَلْبَانَةْ: التاريخ دا تلقوه في تكوين 18؛ 21. حَتَّى كَانْ هِي عَجُوزْ مَا عِنْدَهَا قُدْرَةْ لِلْوَالُودَةْ كُلَ. لَاكِنْ اللّٰهْ وَاعَدَاهَا بِوِلَيْد وَ هِي قَالَتْ اللّٰهْ صَادِقْ. 12وَ بِمِثِلْ دَا، رَاجِلْ وَاحِدْ الشَّيَّبْ مَرَّةْ وَاحِدْ بِقِي أَبُو هَنَا ذُرِّيَّةْ كَتِيرَةْ مِثِلْ النُّجُومْ وَ مِثِلْ رَمْلَةْ هَنَا خَشُمْ الْبَحَرْ الْمَا تِنْحَسِبْ.
13وَ كُلَّ نَاسْ الزَّمَانْ دَوْل مَاتَوْا ثَابْتِينْ فِي الْإِيمَانْ. هُمَّنْ مَا لِقَوْا الشَّيّءْ الْاللّٰهْ وَاعَدْ بَيَّهْ لَاكِنْ شَافَوْه مِنْ بَعِيدْ وَ فِرْحَوْا بَيَّهْ. وَ أَعْتَرَفَوْا كَدَرْ هُمَّنْ سَاكْنِينْ فِي أُسُطْ نَاسْ الْأَرْض مِثِلْ أَجَانِبْ وَ ضِيفَانْ. 14وَ النَّاسْ الْيِحَجُّوا كَلَامْ مِثِلْ دَا يِوَصُّفُوا كَدَرْ يِدَوْرُوا وَطَنْ آخَرْ يَسْكُنُوا فَوْقَهْ. 15فِكِرْهُمْ مَا فِي الْبَلَدْ الْمَرَقَوْا مِنْهَا. كَنْ دَوَّرَوْا يِقَبُّلُوا فَوْقهَا، يَقْدَرَوْا. 16لَاكِنْ بِالصَّحِيحْ، هُمَّنْ يِدَوْرُوا وَطَنْ أَخَيْر مِنْ الْمَرَقَوْا مِنَّهْ وَ هُو الْوَطَنْ السَّمَاوِي. أَشَانْ دَا، اللّٰهْ أَكَّدْ كَدَرْ هُو رَبُّهُمْ وَ هُمَّنْ شَعَبَهْ وَ جَهَّزْ لَيْهُمْ مَدِينَةْ.
17وَ بِالْإِيمَانْ، إِبْرَاهِيمْ قَدَّمْ إِسْحَاقْ ضَحِيَّةْ وَكِتْ اللّٰهْ جَرَّبَهْ. النَّادُمْ الْاللّٰهْ أَنْطَاهْ الْوَعَدْ شَالْ نِيَّةْ أَشَانْ يِقَدِّمْ وِلَيْدَهْ الْوَحِيدْ ضَحِيَّةْ لِلّٰهْ. 18وَ إِسْحَاقْ دَا، هُو الْوِلَيْد الْاللّٰهْ أَوَّلْ حَجَّى بَيَّهْ وَ قَالْ: <مِنْ إِسْحَاقْ بَسْ تَلْقَى ذُرِّيَّةْ الْبِنَادُوهَا بِأُسْمَكْ.>#11:18 الكلام دا تلقوه في تكوين 21:12. 19وَ إِبْرَاهِيمْ خَطَّ فِي فِكْرَهْ كَدَرْ اللّٰهْ عِنْدَهْ قُدْرَةْ يِقَوِّمْ الْمَيْتِينْ كُلَ. وَ بِالصَّحِيحْ، وَكِتْ اللّٰهْ قَبَّلْ إِسْحَاقْ لِإِبْرَاهِيمْ، إِبْرَاهِيمْ شَافْ وِلَيْدَهْ مِثِلْ مَاتْ وَ قَمَّ مِنْ الْمَوْت.
20وَ بِالْإِيمَانْ، إِسْحَاقْ طَلَبْ لِيَعْقُوبْ وَ عِيسُو بِالْبَرَكَةْ التُّخُصّ الشَّيّءْ الْيَبْقَى بَعَدَيْن. 21وَ بِالْإِيمَانْ، يَعْقُوبْ وَكِتْ هُو قَرِيبْ يُمُوتْ، طَلَبْ بَرَكَةْ لِأَيِّ وَاحِدْ مِنْ أَوْلَادْ يُوسُفْ وَ أَرَّكَّزْ فِي عَصَاتَهْ لِيَعَبُدْ اللّٰهْ. 22وَ بِالْإِيمَانْ، يُوسُفْ وَكِتْ هُو قَرِيبْ يُمُوتْ، حَجَّى بِمَرِقِينْ بَنِي إِسْرَائِيلْ مِنْ مَصِرْ الْيَبْقَى بَعَدَيْن. وَ أَمَرَاهُمْ يِشِيلُوا عُضَامَهْ مَعَاهُمْ.#11:22 يُوسُفْ أَمَرَاهُمْ يِشِيلُوا عُضَامَهْ مَعَاهُمْ: التاريخ دا تلقوه في تكوين 49:29.
23وَ بِالْإِيمَانْ، وَالْدَيْن مُوسَى بَعَدْ وِلْدَوْه، لَبَّدَوْه مُدَّةْ تَلَاتَةْ شَهَرْ.#11:23 وَالْدَيْن مُوسَى لَبَّدَوْه: التاريخ دا تلقوه في خُروج 2. شَافَوْا كَدَرْ وِلَيْدهُمْ جَمِيلْ مَرَّةْ وَاحِدْ وَ هُمَّنْ مَا خَايْفِينْ مِنْ الْمَلِكْ فِرْعَوْن وَ مَا تَابَعَوْا أَمْرَهْ.
24وَ بِالْإِيمَانْ، مُوسَى وَكِتْ هُو كِبِرْ خَلَاصْ، أَبَى مَا خَلَّى النَّاسْ يِنَادُوهْ وِلَيْد بِنَيَّةْ فِرْعَوْن. 25وَ هُو شَالْ نِيَّةْ أَشَانْ يَتْعَبْ مَعَ شَعَبْ اللّٰهْ وَ أَبَى مَا يِتَابِعْ الذُّنُوبْ وَ شَهْوَاتْ الدُّنْيَا الْمَا دَايْمَةْ. 26هُو جَعَلْ كَدَرْ الْمُعْيَارْ الْيَجِي فَوْقَهْ فِي شَانْ الْمَسِيحْ عِنْدَهْ فَايْدَةْ كَتِيرَةْ مِنْ كُلَّ دَهَبْ مَصِرْ. وَ هُو خَطَّ فِكْرَهْ فِي الْأَجُرْ الْقِدَّامَهْ. 27وَ بِالْإِيمَانْ، هُو مَرَقْ مِنْ مَصِرْ مَا خَايِفْ مِنْ زَعَلْ الْمَلِكْ. هُو تَابَعْ اللّٰهْ بِصَبُرْ قَوِي مِثِلْ نَادُمْ قَاعِدْ يِشِيفْ اللّٰهْ الْمَا بِنْشَافْ. 28وَ بِالْإِيمَانْ، مُوسَى قَرَّرْ عِيدْ الْفِصْحَ وَ رَشَّ الدَّمّ أَشَانْ مَلَكْ الْمَوْت الْقَاعِدْ يَكْتُلْ أَوْلَادْ الْبِكِرْ،#11:28 مَلَكْ الْمَوْت يَكْتُلْ أَوْلَادْ الْبِكِرْ: التاريخ دا تلقوه في خُروج 11. هُو مَا يَجِي فَوْق أَوْلَادْ بَنِي إِسْرَائِيلْ.
29وَ بِالْإِيمَانْ، الشَّعَبْ قَطَعَوْا الْبَحَرْ الْأَحْمَرْ وَ هُو بِقِي لَيْهُمْ مِثِلْ تُرَابْ يَابِسْ.#11:29 الْبَحَرْ الْأَحْمَرْ بِقِي مِثِلْ تُرَابْ يَابِسْ: التاريخ دا تلقوه في خُروج 14:21-31. لَاكِنْ وَكِتْ الْمَصْرِيِّينْ دَوَّرَوْا يِسَوُّوا نَفْس الشَّيّءْ، الْأَلْمِي أَكَلَاهُمْ.
30وَ بِالْإِيمَانْ، دَرَادِرْ هَنَا مَدِينَةْ أَرِيحَا وَقَعَوْا#11:30 دَرَادِرْ هَنَا أَرِيحَا وَقَعَوْا: التاريخ دا تلقوه في يَشُوع 6. وَ دَا بَعَدْ بَنِي إِسْرَائِيلْ حَوَّقَوْهَا سَبْعَةْ مَرَّاتْ.
31وَ بِالْإِيمَانْ، الشَّرْمُوطَةْ رَاحَابْ#11:31 الشَّرْمُوطَةْ رَاحَابْ: التاريخ دا تلقوه في يَشُوع 2. مَا هِلْكَتْ مَعَ الْعَاصِيِينْ أَشَانْ هِي ضَيَّفَتْ النَّاسْ الْجَوْا رَاغَوْا الْبَلَدْ.
القُدْرة و تعب المُؤمِنين
32وَ نُقُولْ شُنُو بَتَّانْ؟ الْوَكِتْ مَا يِتِمّ لَيِّ نِحَجِّي بِقِدْعُونْ وَ بَارَاقْ وَ شَمْشُونْ وَ يِفْتَاحْ وَ دَاوُدْ وَ صَمُوِيلْ وَ الْأَنْبِيَاء. 33بِالْإِيمَانْ، هُمَّنْ شَالَوْا مَمَالِكْ وَ طَبَّقَوْا الْعَدَالَةْ وَ لِقَوْا مِنْ اللّٰهْ الشَّيّءْ الْوَاعَدَاهُمْ بَيَّهْ وَ سَدَّوْا خُشُومْ الدِّيدَانْ. 34وَ بِالْإِيمَانْ، كَتَلَوْا نَارْ مُقَرْقِرَةْ وَ نِجَوْا مِنْ سُيُوفْ عُدْوَانْهُمْ وَ لِقَوْا الْقُدْرَةْ الْأَوَّلْ مَا عِنْدُهُمْ وَ بِقَوْا قَوِيِّينْ فِي الْحَرِبْ وَ طَرَدَوْا الدُّيُوشْ الْهَجَمَوْا بَلَدْهُمْ. 35وَ فِي عَوِينْ الْمَيْتِينْهِنْ بَعَثَوْا وَ قَبَّلَوْا لَيْهِنْ.
وَ لَاكِنْ فِي نَاسْ وَاحِدِينْ، عَذَّبَوْهُمْ وَ أَبَوْا مَا يَمُرْقُوا مِنْ الْعَذَابْ أَشَانْ يِدَوْرُوا يَبْعَثَوْا فِي حَيَاةْ أَفْضَلْ. 36وَ مُؤمِنِينْ وَاحِدِينْ أَشَّمَّتَوْا لَيْهُمْ وَ جَلَدَوْهُمْ وَ وَاحِدِينْ جَنْزَرَوْهُمْ وَ سَجَنَوْهُمْ. 37وَ مُؤمِنِينْ وَاحِدِينْ رَجَمَوْهُمْ وَ وَاحِدِينْ شَقَّوْهُمْ مِنْ أُسُطْ بِمُنْشَارْ وَ وَاحِدِينْ كَتَلَوْهُمْ بِالْسَّيْف. وَ وَاحِدِينْ دَايْماً رَايْغِينْ لَابْسِينْ فِرَاوْ الْغَنَمْ وَ حِمْلَوْا فَقُرْ شَدِيدْ وَ ضِيقَةْ وَ ظُلُمْ. 38وَ وَاحِدِينْ مُوَدِّرِينْ وَ قَاعِدِينْ يُرُوغُوا فِي الصَّحَرَاءْ وَ الْحُجَارْ. وَ وَاحِدِينْ سَاكْنِينْ فِي كَرَاكِيرْ وَ نُقَارْ الْأَرْض. وَ كُلَّ الْمُؤمِنِينْ دَوْل أَخَيْر مَرَّةْ وَاحِدْ مِنْ نَاسْ الدُّنْيَا الطَّرَدَوْهُمْ.
39وَ كُلَّ النَّاسْ دَوْل، اللّٰهْ رِضِي بَيْهُمْ بِسَبَبْ إِيمَانْهُمْ. لَاكِنْ هُمَّنْ مَا لِقَوْا الْبَرَكَةْ الْاللّٰهْ وَاعَدَاهُمْ بَيْهَا. 40أَشَانْ مِنْ أَوَّلْ، اللّٰهْ قَدَّرْ شَيّءْ أَخَيْر لَيْنَا وَ خِدْمَةْ اللّٰهْ مَا تَبْقَى كَامِلَةْ فَوْقهُمْ إِلَّا مَعَانَا أَنِحْنَ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
La Bible en arabe tchadien © Alliance biblique du Tchad, 2019