حِزْقِيال 24
24
القدس مِثِل بُرْمة عِنْدها صدا
1وَ فِي الْيَوْم الْعَاشِرْ هَنَا الشَّهَرْ الْعَاشِرْ فِي السَّنَةْ التَّاسْعَةْ مِنْ وَدَّوْنَا فِي الْغُرْبَةْ، اللّٰهْ حَجَّى لَيِّ وَ قَالْ: 2«يَا إِبْن آدَمْ، أَكْتِبْ تَارِيخْ هَنَا الْيَوْم دَا. دَا يَوْم مُحَدَّدْ أَشَانْ الْيَوْم دَا، مَلِكْ بَابِلْ هَجَمْ مَدِينَةْ الْقُدُسْ خَلَاصْ.#24:2 الْيَوْم دَا، مَلِكْ بَابِلْ هَجَمْ مَدِينَةْ الْقُدُسْ: التاريخ دا تلقوه في 2 مُلوك 25:1. 3أَضْرُبْ مَثَلْ بِالشَّعَبْ الْعَاصِيِينْ. وَ قُولْ: ‹دَاهُو اللّٰهْ الرَّبّ قَالْ:
”جَهِّزْ الْبُرْمَةْ!
جَهِّزْهَا وَ صُبّ فِيهَا أَلْمِي.
4وَ أَمْلَاهَا بِلَحَمْ،
لَحَمْ مُقَطَّعْ عَدِيلْ.
دِي الْقَايْمَةْ الْوَرَّانِيَّةْ
وَ الْقَايْمَةْ الْقِدَّامِيَّةْ
وَ أَمْلَاهَا بِعُضَامْ عَدِيلِينْ.
5شِيلْ غَنَمَايْ سَمِينَةْ
وَ لِمّ الْحَطَبْ تِحِتْ الْبُرْمَةْ.
رَكِّبْ اللَّحَمْ وَ نَجِّضَهْ عَدِيلْ
لَحَدِّي الْعُضَامْ كُلَ يَنْجَضَوْا.“›»
6وَ فِي شَانْ دَا، دَاهُو اللّٰهْ الرَّبّ قَالْ:
«الْعَذَابْ لِمَدِينَةْ الدِّمَمْ!
هِي مِثِلْ بُرْمَةْ الْعِنْدَهَا صَدَا
الصَّدَاهَا أَبَداً مَا يَمْرُقْ.
أَمْرُقْ مِنْهَا اللَّحَمْ قِطَعْ قِطَعْ
بَلَا مَا تِعَزِّلَهْ.
7الدَّمّ الدَّفَّقَوْه
لِسَّاعْ قَاعِدْ فِي لُبّ الْمَدِينَةْ.
دَفَّقَوْه فِي حَجَرْ أَمْلَسْ، مَا فِي التُّرَابْ
بَكَانْ الْعَجَاجْ يَقْدَرْ يِلَبِّدَهْ.
8فِي غَضَبِي الشَّدِيدْ
وَ لِنِلْكَفَّى فَوْقهَا التَّارْ،
أَنَا دَفَّقْت دَمَّهَا فِي حَجَرْ أَمْلَسْ
أَشَانْ مَا يِلَّبَّدْ.»
9وَ فِي شَانْ دَا، دَاهُو اللّٰهْ الرَّبّ قَالْ:
«الْعَذَابْ لِمَدِينَةْ الدِّمَمْ!
أَنَا ذَاتِي نِكَبِّرْ الْحَرِيقَةْ.
10لِمّ حَطَبْ كَتِيرْ
وَ أَوْقِدْ النَّارْ.
رَكِّبْ اللَّحَمْ وَ نَجِّضَهْ عَدِيلْ
وَ صُبّ فَوْقَهْ حَرَارْ.
خَلِّي يَنْجَضْ
لَحَدِّي الْعُضَامْ يَحْرَقَوْا.
11خُطّ الْبُرْمَةْ يَابْسَةْ فِي الْجَمُرْ لِتَحْمِى
وَ خَلِّي النَّحَاسْ يَبْقَى أَحْمَرْ.
وَ النَّجَاسَةْ تِنْقَطِعْ فِي لُبَّهَا
وَ الصَّدَا يَحْرَقْ.»
12«أَنَا تِعِبْت فِي شَانْ الصَّدَا دَا وَ لَاكِنْ الصَّدَا مَا يَمْرُقْ بِنَارْ أَشَانْ صَدَا الْبُرْمَةْ دِي كَتِيرْ. 13وَ إِنْتِ كُلَ، يَا مَدِينَةْ الْقُدُسْ، فِعِلْكِ الشَّيْن نَجَّسَاكِ! أَنَا طَهَّرْتِكِ وَ لَاكِنْ إِنْتِ مَا بِقِيتِ طَاهِرَةْ. وَ إِنْتِ مَا تِطَّهَّرَيْ مِنْ نَجَاسِتْكِ قَبُلْ أَنَا مَا نِتِمّ غَضَبِي الشَّدِيدْ ضِدِّكِ. 14وَ دَا، أَنَا اللّٰهْ بَسْ قُلْتَهْ. أَكِيدْ دَا يَجِي وَ أَنَا نِحَقِّقَهْ. مَا نِخَلِّي شَيّءْ وَ لَا نَرْحَمْ وَ لَا نِحِنّ. وَ يِحَاكُمُوكِ حَسَبْ عَمَلْكِ وَ دَرِبْكِ الشِّلْتِيهْ.» وَ دَا كَلَامْ اللّٰهْ الرَّبّ.
حِزِن النبي
15وَ اللّٰهْ حَجَّى لَيِّ وَ قَالْ: 16«يَا إِبْن آدَمْ، دَاهُو فَجْأَةً نِشِيلْ حَيَاةْ مَرْتَكْ الْهِي فَرَحْ قَلْبَكْ. وَ إِنْتَ مَا تَحْزَنْ وَ لَا تَبْكِي وَ لَا دُمُوعَكْ يِدَفُّقُوا. 17وَ لَاكِنْ أَبْكِي بِبِشَيْش بَسْ، مَا تُنُوحْ لِلْمَيْتَةْ. كُجّ كَدْمُولَكْ وَ أَلْبَسْ نَعَالَكْ وَ مَا تِغَطِّي وِجْهَكْ وَ مَا تَاكُلْ أَكِلْ الْيِجِيبُوهْ بَكَانْ الْمَوْت.»
18وَ خَلَاصْ، أَنَا كَلَّمْت لِلشَّعَبْ بِفَجُرْ وَ مَرْتِي مَاتَتْ بِعَشِيَّةْ. وَ أَمْبَاكِرْ، سَوَّيْت مِثِلْ اللّٰهْ أَمَرْنِي. 19وَ الشَّعَبْ قَالَوْا لَيِّ: «مَالَا قَاعِدْ تِسَوِّي الشَّيّءْ دَا؟ أَوْرِينَا دَا مَعَنَاتَهْ شُنُو؟» 20وَ خَلَاصْ، أَنَا قُلْت لَيْهُمْ: «اللّٰهْ حَجَّى لَيِّ وَ قَالْ: 21‹قُولْ لِبَنِي إِسْرَائِيلْ: دَاهُو اللّٰهْ الرَّبّ قَالْ: ”أَكِيدْ أَنَا مَا نَجْعَلْ بَيْتِي مُقَدَّسْ. وَ دَا بَسْ الْبَيْت التِّسْتَكْبَرَوْا بَيَّهْ الْبِقِي فَرَحْ قُلُوبْكُو وَ عَشَمْكُو فِي الْحَيَاةْ. وَ أَوْلَادْكُو وَ بَنَاتْكُو الْخَلَّيْتُوهُمْ وَرَاكُو فِي مَدِينَةْ الْقُدُسْ يُمُوتُوا فِي الْحَرِبْ. 22وَ خَلَاصْ، إِنْتُو كُلَ تِسَوُّوا مِثِلْ حِزْقِيَالْ سَوَّاهْ. مَا تِغَطُّوا وُجُوهْكُو وَ مَا تَاكُلُوا أَكِلْ الْيِجِيبُوهْ بَكَانْ الْمَوْت. 23وَ كُجُّوا كَدَامِيلْكُو وَ أَلْبَسَوْا نِعْلَيْكُو وَ مَا تَحْزَنَوْا وَ لَا تَبْكُوا. وَ تَبْطُلُوا بِسَبَبْ خَطَايَاكُو وَ أَيِّ نَادُمْ يَشْكِي لِلْآخَرْ. 24وَ حِزْقِيَالْ بِقِي لَيْكُو مَثَلْ وَ كُلَّ شَيّءْ الْهُو سَوَّاهْ، إِنْتُو كُلَ سَوُّوهْ. وَ وَكِتْ الشَّيّءْ دَا يُكُونْ، إِنْتُو تَعَرْفُوا كَدَرْ أَنَا بَسْ اللّٰهْ الرَّبّ.“›
25«أَسْمَعْ، يَا إِبْن آدَمْ. فِي الْيَوْم دَا، أَنَا نِشِيلْ مِنْهُمْ بَيْتِي الْمُقَدَّسْ الْهُو مَلْجَئْهُمْ الْهُمَّنْ فَرْحَانِينْ بِعَظَمَتَهْ وَ هُو فَرَحْ قُلُوبْهُمْ وَ عَشَمْهُمْ فِي الْحَيَاةْ. وَ نِشِيلْ أَوْلَادْهُمْ وَ بَنَاتْهُمْ كُلَ. 26وَ فِي الْيَوْم دَا، يَجِيكْ نَادُمْ الْمُعَرِّدْ مِنْ مَدِينَةْ الْقُدُسْ وَ يِجِيبْ لَيْك الْخَبَرْ. 27وَ فِي الْيَوْم دَا وَكِتْ النَّادُمْ الْمُعَرِّدْ جَاءْ خَلَاصْ، يَا حِزْقِيَالْ، خَشْمَكْ يِنْفَكَّ وَ تِحَجِّي وَ بَتَّانْ مَا تَقْعُدْ أَبْكَمْ. وَ إِنْتَ تَبْقَى مَثَلْ لِلنَّاسْ دَوْل وَ بَيْدَا، هُمَّنْ يَعَرْفُوا كَدَرْ أَنَا بَسْ اللّٰهْ.»
Currently Selected:
حِزْقِيال 24: ع.د.ت19
Highlight
Share
Copy
Want to have your highlights saved across all your devices? Sign up or sign in
La Bible en arabe tchadien © Alliance biblique du Tchad, 2019
حِزْقِيال 24
24
القدس مِثِل بُرْمة عِنْدها صدا
1وَ فِي الْيَوْم الْعَاشِرْ هَنَا الشَّهَرْ الْعَاشِرْ فِي السَّنَةْ التَّاسْعَةْ مِنْ وَدَّوْنَا فِي الْغُرْبَةْ، اللّٰهْ حَجَّى لَيِّ وَ قَالْ: 2«يَا إِبْن آدَمْ، أَكْتِبْ تَارِيخْ هَنَا الْيَوْم دَا. دَا يَوْم مُحَدَّدْ أَشَانْ الْيَوْم دَا، مَلِكْ بَابِلْ هَجَمْ مَدِينَةْ الْقُدُسْ خَلَاصْ.#24:2 الْيَوْم دَا، مَلِكْ بَابِلْ هَجَمْ مَدِينَةْ الْقُدُسْ: التاريخ دا تلقوه في 2 مُلوك 25:1. 3أَضْرُبْ مَثَلْ بِالشَّعَبْ الْعَاصِيِينْ. وَ قُولْ: ‹دَاهُو اللّٰهْ الرَّبّ قَالْ:
”جَهِّزْ الْبُرْمَةْ!
جَهِّزْهَا وَ صُبّ فِيهَا أَلْمِي.
4وَ أَمْلَاهَا بِلَحَمْ،
لَحَمْ مُقَطَّعْ عَدِيلْ.
دِي الْقَايْمَةْ الْوَرَّانِيَّةْ
وَ الْقَايْمَةْ الْقِدَّامِيَّةْ
وَ أَمْلَاهَا بِعُضَامْ عَدِيلِينْ.
5شِيلْ غَنَمَايْ سَمِينَةْ
وَ لِمّ الْحَطَبْ تِحِتْ الْبُرْمَةْ.
رَكِّبْ اللَّحَمْ وَ نَجِّضَهْ عَدِيلْ
لَحَدِّي الْعُضَامْ كُلَ يَنْجَضَوْا.“›»
6وَ فِي شَانْ دَا، دَاهُو اللّٰهْ الرَّبّ قَالْ:
«الْعَذَابْ لِمَدِينَةْ الدِّمَمْ!
هِي مِثِلْ بُرْمَةْ الْعِنْدَهَا صَدَا
الصَّدَاهَا أَبَداً مَا يَمْرُقْ.
أَمْرُقْ مِنْهَا اللَّحَمْ قِطَعْ قِطَعْ
بَلَا مَا تِعَزِّلَهْ.
7الدَّمّ الدَّفَّقَوْه
لِسَّاعْ قَاعِدْ فِي لُبّ الْمَدِينَةْ.
دَفَّقَوْه فِي حَجَرْ أَمْلَسْ، مَا فِي التُّرَابْ
بَكَانْ الْعَجَاجْ يَقْدَرْ يِلَبِّدَهْ.
8فِي غَضَبِي الشَّدِيدْ
وَ لِنِلْكَفَّى فَوْقهَا التَّارْ،
أَنَا دَفَّقْت دَمَّهَا فِي حَجَرْ أَمْلَسْ
أَشَانْ مَا يِلَّبَّدْ.»
9وَ فِي شَانْ دَا، دَاهُو اللّٰهْ الرَّبّ قَالْ:
«الْعَذَابْ لِمَدِينَةْ الدِّمَمْ!
أَنَا ذَاتِي نِكَبِّرْ الْحَرِيقَةْ.
10لِمّ حَطَبْ كَتِيرْ
وَ أَوْقِدْ النَّارْ.
رَكِّبْ اللَّحَمْ وَ نَجِّضَهْ عَدِيلْ
وَ صُبّ فَوْقَهْ حَرَارْ.
خَلِّي يَنْجَضْ
لَحَدِّي الْعُضَامْ يَحْرَقَوْا.
11خُطّ الْبُرْمَةْ يَابْسَةْ فِي الْجَمُرْ لِتَحْمِى
وَ خَلِّي النَّحَاسْ يَبْقَى أَحْمَرْ.
وَ النَّجَاسَةْ تِنْقَطِعْ فِي لُبَّهَا
وَ الصَّدَا يَحْرَقْ.»
12«أَنَا تِعِبْت فِي شَانْ الصَّدَا دَا وَ لَاكِنْ الصَّدَا مَا يَمْرُقْ بِنَارْ أَشَانْ صَدَا الْبُرْمَةْ دِي كَتِيرْ. 13وَ إِنْتِ كُلَ، يَا مَدِينَةْ الْقُدُسْ، فِعِلْكِ الشَّيْن نَجَّسَاكِ! أَنَا طَهَّرْتِكِ وَ لَاكِنْ إِنْتِ مَا بِقِيتِ طَاهِرَةْ. وَ إِنْتِ مَا تِطَّهَّرَيْ مِنْ نَجَاسِتْكِ قَبُلْ أَنَا مَا نِتِمّ غَضَبِي الشَّدِيدْ ضِدِّكِ. 14وَ دَا، أَنَا اللّٰهْ بَسْ قُلْتَهْ. أَكِيدْ دَا يَجِي وَ أَنَا نِحَقِّقَهْ. مَا نِخَلِّي شَيّءْ وَ لَا نَرْحَمْ وَ لَا نِحِنّ. وَ يِحَاكُمُوكِ حَسَبْ عَمَلْكِ وَ دَرِبْكِ الشِّلْتِيهْ.» وَ دَا كَلَامْ اللّٰهْ الرَّبّ.
حِزِن النبي
15وَ اللّٰهْ حَجَّى لَيِّ وَ قَالْ: 16«يَا إِبْن آدَمْ، دَاهُو فَجْأَةً نِشِيلْ حَيَاةْ مَرْتَكْ الْهِي فَرَحْ قَلْبَكْ. وَ إِنْتَ مَا تَحْزَنْ وَ لَا تَبْكِي وَ لَا دُمُوعَكْ يِدَفُّقُوا. 17وَ لَاكِنْ أَبْكِي بِبِشَيْش بَسْ، مَا تُنُوحْ لِلْمَيْتَةْ. كُجّ كَدْمُولَكْ وَ أَلْبَسْ نَعَالَكْ وَ مَا تِغَطِّي وِجْهَكْ وَ مَا تَاكُلْ أَكِلْ الْيِجِيبُوهْ بَكَانْ الْمَوْت.»
18وَ خَلَاصْ، أَنَا كَلَّمْت لِلشَّعَبْ بِفَجُرْ وَ مَرْتِي مَاتَتْ بِعَشِيَّةْ. وَ أَمْبَاكِرْ، سَوَّيْت مِثِلْ اللّٰهْ أَمَرْنِي. 19وَ الشَّعَبْ قَالَوْا لَيِّ: «مَالَا قَاعِدْ تِسَوِّي الشَّيّءْ دَا؟ أَوْرِينَا دَا مَعَنَاتَهْ شُنُو؟» 20وَ خَلَاصْ، أَنَا قُلْت لَيْهُمْ: «اللّٰهْ حَجَّى لَيِّ وَ قَالْ: 21‹قُولْ لِبَنِي إِسْرَائِيلْ: دَاهُو اللّٰهْ الرَّبّ قَالْ: ”أَكِيدْ أَنَا مَا نَجْعَلْ بَيْتِي مُقَدَّسْ. وَ دَا بَسْ الْبَيْت التِّسْتَكْبَرَوْا بَيَّهْ الْبِقِي فَرَحْ قُلُوبْكُو وَ عَشَمْكُو فِي الْحَيَاةْ. وَ أَوْلَادْكُو وَ بَنَاتْكُو الْخَلَّيْتُوهُمْ وَرَاكُو فِي مَدِينَةْ الْقُدُسْ يُمُوتُوا فِي الْحَرِبْ. 22وَ خَلَاصْ، إِنْتُو كُلَ تِسَوُّوا مِثِلْ حِزْقِيَالْ سَوَّاهْ. مَا تِغَطُّوا وُجُوهْكُو وَ مَا تَاكُلُوا أَكِلْ الْيِجِيبُوهْ بَكَانْ الْمَوْت. 23وَ كُجُّوا كَدَامِيلْكُو وَ أَلْبَسَوْا نِعْلَيْكُو وَ مَا تَحْزَنَوْا وَ لَا تَبْكُوا. وَ تَبْطُلُوا بِسَبَبْ خَطَايَاكُو وَ أَيِّ نَادُمْ يَشْكِي لِلْآخَرْ. 24وَ حِزْقِيَالْ بِقِي لَيْكُو مَثَلْ وَ كُلَّ شَيّءْ الْهُو سَوَّاهْ، إِنْتُو كُلَ سَوُّوهْ. وَ وَكِتْ الشَّيّءْ دَا يُكُونْ، إِنْتُو تَعَرْفُوا كَدَرْ أَنَا بَسْ اللّٰهْ الرَّبّ.“›
25«أَسْمَعْ، يَا إِبْن آدَمْ. فِي الْيَوْم دَا، أَنَا نِشِيلْ مِنْهُمْ بَيْتِي الْمُقَدَّسْ الْهُو مَلْجَئْهُمْ الْهُمَّنْ فَرْحَانِينْ بِعَظَمَتَهْ وَ هُو فَرَحْ قُلُوبْهُمْ وَ عَشَمْهُمْ فِي الْحَيَاةْ. وَ نِشِيلْ أَوْلَادْهُمْ وَ بَنَاتْهُمْ كُلَ. 26وَ فِي الْيَوْم دَا، يَجِيكْ نَادُمْ الْمُعَرِّدْ مِنْ مَدِينَةْ الْقُدُسْ وَ يِجِيبْ لَيْك الْخَبَرْ. 27وَ فِي الْيَوْم دَا وَكِتْ النَّادُمْ الْمُعَرِّدْ جَاءْ خَلَاصْ، يَا حِزْقِيَالْ، خَشْمَكْ يِنْفَكَّ وَ تِحَجِّي وَ بَتَّانْ مَا تَقْعُدْ أَبْكَمْ. وَ إِنْتَ تَبْقَى مَثَلْ لِلنَّاسْ دَوْل وَ بَيْدَا، هُمَّنْ يَعَرْفُوا كَدَرْ أَنَا بَسْ اللّٰهْ.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
La Bible en arabe tchadien © Alliance biblique du Tchad, 2019