خُروج 36
36
بني إسرائيل وقّفوا الهدايا
1وَ مِثِلْ اللّٰهْ أَمَرَاهُمْ بَيَّهْ، بَصَلِيلْ وَ أُهُلِيَابْ وَ صِنَاعِيِينْ آخَرِينْ الْاللّٰهْ أَنْطَاهُمْ خِبْرَةْ وَ فِهِمْ لِيِسَوُّوا خِدِمْتَهْ قَمَّوْا بِبُنَى خَيْمَةْ الْعِبَادَةْ. 2وَ مُوسَى نَادَى بَصَلِيلْ وَ أُهُلِيَابْ وَ الصِّنَاعِيِينْ الْآخَرِينْ الْاللّٰهْ أَنْطَاهُمْ خِبْرَةْ وَ أَيِّ نَادُمْ الْعِنْدَهْ نِيَّةْ أَشَانْ يَجُوا لَيَّهْ وَ يُقُمُّوا بِالْخِدْمَةْ. 3وَ هُمَّنْ لِقَوْا مِنْ مُوسَى كُلَّ الْهَدَايَا الْبَنِي إِسْرَائِيلْ جَابَوْهُمْ لِبُنَى الْخَيْمَةْ. وَ كُلَّ يَوْم النَّاسْ قَاعِدِينْ يِجِيبُوا بِنِيِّتْهُمْ هَدَايَا آخَرِينْ.
4وَ خَلَاصْ كُلَّ الصِّنَاعِيِينْ الْقَمَّوْا بِبُنَى الْخَيْمَةْ أَيِّ وَاحِدْ وَقَّفْ خِدِمْتَهْ وَ جَاءْ. 5وَ قَالَوْا لِمُوسَى: «بَنِي إِسْرَائِيلْ جَابَوْا هَدَايَا أَكْتَرْ مِنْ الْيَكْفِي لِلْعَمَلْ الْاللّٰهْ أَمَرْ بَيَّهْ.» 6وَ مُوسَى كَلَّمْ فِي الْفَرِيقْ وَ قَالْ: «خَلِّي كُلَّ النَّاسْ يِوَقُّفُوا الْهَدَايَا الْيِجِيبُوهُمْ لِخَيْمَةْ الْعِبَادَةْ.» وَ خَلَاصْ كُلَّ النَّاسْ مَا جَابَوْا هَدَايَا بَتَّانْ. 7أَشَانْ الْهَدَايَا الْجَابَوْهُمْ يَكْفُوا لِبُنَى الْخَيْمَةْ وَ يِفَضُّلُوا كُلَ.
صنعوا الخَيْمة و غِطاها
8وَ كُلَّ الصِّنَاعِيِينْ قَمَّوْا لِبُنَى الْخَيْمَةْ. وَ سَوَّوْهَا بِعَشَرَةْ قِطْعَةْ مِنْ قُمَاشْ هَنَا كَتَّانْ مُخَيَّطْ عَدِيلْ اللَّوْنَهْ ظَهْرِي وَ قَرَضِي وَ أَحْمَرْ. وَ خَيَّطَوْا فِي الْقِطَعْ دَوْل صُوَرْ مَخْلُوقِينْ سَمَاوِيِّينْ بِخِيَاطَةْ خَيَّاطِي مَعْرُوفْ. 9وَ طُولْ الْقِطَعْ دَوْل سَوَا سَوَا. أَيِّ وَاحِدَةْ طُولْهَا 28 دُرَاعْ وَ عُرْضَهَا 4 دُرَاعْ. 10وَ الْقِطَعْ دَوْل، خَمْسَةْ لَمَّوْهُمْ سَوَا فِي مَجْمُوعَةْ وَاحِدَةْ وَ الْخَمْسَةْ الْآخَرِينْ كُلَ لَمَّوْهُمْ سَوَا. 11وَ كَشْكَشَوْا طَرَفْ الْخَمْسَةْ بِقُمَاشْ ظَهْرِي وَ طَرَفْ الْخَمْسَةْ الْآخَرِينْ كُلَ كَشْكَشَوْهُمْ بِنَفْس الْقُمَاشْ. 12سَوَّوْا 50 مَنَاخِرْ فِي الْمَجْمُوعَةْ الْأَوَّلْ وَ 50 مَنَاخِرْ فِي الْمَجْمُوعَةْ التَّانِيَةْ. وَ خَلَاصْ الْمَنَاخِرْ دَوْل بِقَوْا مُلْقَابِلِينْ. 13وَ سَوَّوْا 50 فَنْقَرْ هَنَا دَهَبْ وَ شَبَكَوْا بَيَّهْ الْمَنَاخِرْ كُلِّ وَاحِدَةْ مَعَ الْآخَرَةْ. وَ بَيْدَا، الْمَجْمُوعْتَيْن بِقَوْا خَيْمَةْ وَاحِدَةْ.
14وَ سَوَّوْا الْغِطَاءْ الْأَوَّلْ لِلْخَيْمَةْ مِنْ 11 قِطْعَةْ مَتْرُورِينْ بِصُوفْ عِنْزَيْ. وَ خَطَّوْه بِفَوْق لِلْخَيْمَةْ. 15وَ طُولْ الْقِطَعْ دَوْل سَوَا سَوَا. وَ طُولْ الْوَاحِدَةْ 30 دُرَاعْ وَ عُرْضَهَا 4 دُرَاعْ. 16وَ الْقِطَعْ دَوْل، خَمْسَةْ لَمَّوْهُمْ سَوَا وَ السِّتَّةْ الْآخَرِينْ كُلَ لَمَّوْهُمْ سَوَا. 17وَ سَوَّوْا 50 مَنَاخِرْ فِي نُصّ كُلِّ وَاحِدَةْ مِنْ الْمَجْمُوعْتَيْن. 18وَ سَوَّوْا 50 فَنْقَرْ مِنْ نَحَاسْ لِيَشْبُكُوا بَيْهُمْ الْمَجْمُوعْتَيْن. وَ بَيْدَا، الْمَجْمُوعْتَيْن يَبْقَوْا غِطَاءْ وَاحِدْ.
19وَ سَوَّوْا الْغِطَاءْ التَّانِي بِفِرَاوْ كُبَاشْ مَدْبُوغِينْ وَ مُلَوَّنِينْ بِلَوْن أَحْمَرْ. وَ الْغِطَاءْ التَّالِتْ دَا، سَوَّوْه بِفِرَاوْ عِجِلْ الْبَحَرْ.
صنعوا خشب خَيْمة الْعِبادة
20وَ بَتَّانْ، عَدَّلَوْا خَشَبْ السُّنْط الْبَعَدَيْن يُرُصُّوهْ لِيَبْنُوا بَيَّهْ خَيْمَةْ الْعِبَادَةْ. 21أَيِّ وَاحِدْ مِنْ الْخَشَبْ دَا طُولَهْ 10 دُرَاعْ وَ عُرْضَهْ دُرَاعْ وَ نُصّ. 22لِأَيِّ خَشَبَةْ سَوَّوْا رِجْلَيْ إِتْنَيْن الْقِدْرَوْا ثَبَّتَوْهَا مَعَ الْآخَرِينْ. كُلَّ الْخَشَبْ دَا سَوَّوْه مِثِلْ دَا. 23وَ عَدَّلَوْا 20 خَشَبْ فِي النُّصّ الْجُنُوبِي هَنَا الْخَيْمَةْ. 24وَ سَوَّوْا 40 أَسَاسْ هَنَا فُضَّةْ مِنْ تِحِتْ لِلْعِشْرِينْ خَشَبْ. لِكُلِّ خَشَبَةْ وَاحِدَةْ سَوَّوْا أَسَاسْ إِتْنَيْن تِحِتْ رِجِلَيْنهَا الْإِتْنَيْن. 25وَ عَدَّلَوْا 20 خَشَبْ فِي النُّصّ الْمُنْشَاقِي هَنَا الْخَيْمَةْ. 26وَ دَوْل كُلَ سَوَّوْا لَيْهُمْ 40 أَسَاسْ هَنَا فُضَّةْ مِنْ تِحِتْ. لِكُلِّ خَشَبَةْ وَاحِدَةْ سَوَّوْا أَسَاسْ إِتْنَيْن تِحِتْ رِجِلَيْنهَا الْإِتْنَيْن. 27وَ عَدَّلَوْا سِتَّةْ خَشَبْ فِي النُّصّ الْوَرَّانِي هَنَا الْخَيْمَةْ الْمُقَابِلْ الْغَرِبْ. 28وَ سَوَّوْا خَشَبْ إِتْنَيْن لِلْكَوْنجَاتْ الْوَرَاءْ. 29وَ الْخَشَبْ الْإِتْنَيْن دَوْل مُلَصَّقِينْ مِنْ تِحِتْ لَحَدِّي فَوْق. وَ بِفَوْق ثَبَّتَوْهُمْ بِخَاتِمْ. وَ دَا بِقِي فِي الْكَوْنجَاتْ الْإِتْنَيْن الْقَاعِدِينْ بِوَرَاءْ. 30وَ بَيْدَا، بِقِي 8 خَشَبْ وَ عِنْدُهُمْ 16 أَسَاسْ هَنَا فُضَّةْ. وَ تِحِتْ كُلِّ خَشَبَةْ أَسَاسْ إِتْنَيْن. 31وَ سَوَّوْا 5 مَرَادِيسْ مِنْ خَشَبْ السُّنْط لِلنُّصّ الْجُنُوبِي. 32وَ 5 آخَرِينْ لِلنُّصّ الْمُنْشَاقِي هَنَا الْخَيْمَةْ. وَ بَتَّانْ سَوَّوْا 5 لِنُصَّهَا الْوَرَّانِي الْمُقَابِلْ الْغَرِبْ. 33وَ الْمُرْدَاسْ الْأُسْطَانِي الطَّوِيلْ الْقَاعِدْ فِي قِسْمَةْ الْخَشَبْ مَشَى مِنْ طَرَفْهَا لِطَرَفْهَا. 34وَ مَسَحَوْا كُلَّ الْخَشَبْ دَا بِدَهَبْ وَ صَنَعَوْا خَوَاتِمْ هَنَا دَهَبْ الْيِدِسُّوا فَوْقهُمْ الْمَرَادِيسْ. وَ مَسَحَوْا الْمَرَادِيسْ كُلَ بِدَهَبْ.
السِتار اليفْصُل و سِتار الباب
35وَ سَوَّوْا سِتَارْ دَخْلَانِي مِنْ قُمَاشْ هَنَا كَتَّانْ مُخَيَّطْ عَدِيلْ اللَّوْنَهْ ظَهْرِي وَ قَرَضِي وَ أَحْمَرْ. وَ خَيَّطَوْا فَوْقهَا صُوَرْ مَخْلُوقِينْ سَمَاوِيِّينْ بِخِيَاطَةْ خَيَّاطِي مَعْرُوفْ. 36وَ عَلَّقَوْه فِي مَنَاخِرْ هَنَا دَهَبْ الْقَاعِدِينْ فِي أَرْبَعَةْ عَمُودْ مِنْ حَطَبْ السُّنْط الْمَمْسُوحِينْ بِدَهَبْ. وَ الْعَمَدْ دَوْل مُثَبَّتِينْ فِي أَرْبَعَةْ أَسَاسْ هَنَا فُضَّةْ.
37وَ سَوَّوْا سِتَارْ لِبَابْ الْخَيْمَةْ مِنْ قُمَاشْ هَنَا كَتَّانْ مُخَيَّطْ عَدِيلْ اللَّوْنَهْ ظَهْرِي وَ قَرَضِي وَ أَحْمَرْ. وَ دَا بِخِيَاطَةْ خَيَّاطِي مَعْرُوفْ. 38وَ عَلَّقَوْا السِّتَارْ دَا فِي مَنَاخِرْ هَنَا دَهَبْ الْقَاعِدِينْ فِي 5 عَمُودْ هَنَا حَطَبْ السُّنْط وَ رُوسَيْهُمْ وَ الْمَرَادِيسْ الْفَوْقهُمْ مَمْسُوحِينْ بِدَهَبْ. وَ سَوَّوْا لَيْهُمْ 5 أَسَاسْ مِنْ نَحَاسْ.
Currently Selected:
خُروج 36: ع.د.ت19
Highlight
Share
Copy
Want to have your highlights saved across all your devices? Sign up or sign in
La Bible en arabe tchadien © Alliance biblique du Tchad, 2019
خُروج 36
36
بني إسرائيل وقّفوا الهدايا
1وَ مِثِلْ اللّٰهْ أَمَرَاهُمْ بَيَّهْ، بَصَلِيلْ وَ أُهُلِيَابْ وَ صِنَاعِيِينْ آخَرِينْ الْاللّٰهْ أَنْطَاهُمْ خِبْرَةْ وَ فِهِمْ لِيِسَوُّوا خِدِمْتَهْ قَمَّوْا بِبُنَى خَيْمَةْ الْعِبَادَةْ. 2وَ مُوسَى نَادَى بَصَلِيلْ وَ أُهُلِيَابْ وَ الصِّنَاعِيِينْ الْآخَرِينْ الْاللّٰهْ أَنْطَاهُمْ خِبْرَةْ وَ أَيِّ نَادُمْ الْعِنْدَهْ نِيَّةْ أَشَانْ يَجُوا لَيَّهْ وَ يُقُمُّوا بِالْخِدْمَةْ. 3وَ هُمَّنْ لِقَوْا مِنْ مُوسَى كُلَّ الْهَدَايَا الْبَنِي إِسْرَائِيلْ جَابَوْهُمْ لِبُنَى الْخَيْمَةْ. وَ كُلَّ يَوْم النَّاسْ قَاعِدِينْ يِجِيبُوا بِنِيِّتْهُمْ هَدَايَا آخَرِينْ.
4وَ خَلَاصْ كُلَّ الصِّنَاعِيِينْ الْقَمَّوْا بِبُنَى الْخَيْمَةْ أَيِّ وَاحِدْ وَقَّفْ خِدِمْتَهْ وَ جَاءْ. 5وَ قَالَوْا لِمُوسَى: «بَنِي إِسْرَائِيلْ جَابَوْا هَدَايَا أَكْتَرْ مِنْ الْيَكْفِي لِلْعَمَلْ الْاللّٰهْ أَمَرْ بَيَّهْ.» 6وَ مُوسَى كَلَّمْ فِي الْفَرِيقْ وَ قَالْ: «خَلِّي كُلَّ النَّاسْ يِوَقُّفُوا الْهَدَايَا الْيِجِيبُوهُمْ لِخَيْمَةْ الْعِبَادَةْ.» وَ خَلَاصْ كُلَّ النَّاسْ مَا جَابَوْا هَدَايَا بَتَّانْ. 7أَشَانْ الْهَدَايَا الْجَابَوْهُمْ يَكْفُوا لِبُنَى الْخَيْمَةْ وَ يِفَضُّلُوا كُلَ.
صنعوا الخَيْمة و غِطاها
8وَ كُلَّ الصِّنَاعِيِينْ قَمَّوْا لِبُنَى الْخَيْمَةْ. وَ سَوَّوْهَا بِعَشَرَةْ قِطْعَةْ مِنْ قُمَاشْ هَنَا كَتَّانْ مُخَيَّطْ عَدِيلْ اللَّوْنَهْ ظَهْرِي وَ قَرَضِي وَ أَحْمَرْ. وَ خَيَّطَوْا فِي الْقِطَعْ دَوْل صُوَرْ مَخْلُوقِينْ سَمَاوِيِّينْ بِخِيَاطَةْ خَيَّاطِي مَعْرُوفْ. 9وَ طُولْ الْقِطَعْ دَوْل سَوَا سَوَا. أَيِّ وَاحِدَةْ طُولْهَا 28 دُرَاعْ وَ عُرْضَهَا 4 دُرَاعْ. 10وَ الْقِطَعْ دَوْل، خَمْسَةْ لَمَّوْهُمْ سَوَا فِي مَجْمُوعَةْ وَاحِدَةْ وَ الْخَمْسَةْ الْآخَرِينْ كُلَ لَمَّوْهُمْ سَوَا. 11وَ كَشْكَشَوْا طَرَفْ الْخَمْسَةْ بِقُمَاشْ ظَهْرِي وَ طَرَفْ الْخَمْسَةْ الْآخَرِينْ كُلَ كَشْكَشَوْهُمْ بِنَفْس الْقُمَاشْ. 12سَوَّوْا 50 مَنَاخِرْ فِي الْمَجْمُوعَةْ الْأَوَّلْ وَ 50 مَنَاخِرْ فِي الْمَجْمُوعَةْ التَّانِيَةْ. وَ خَلَاصْ الْمَنَاخِرْ دَوْل بِقَوْا مُلْقَابِلِينْ. 13وَ سَوَّوْا 50 فَنْقَرْ هَنَا دَهَبْ وَ شَبَكَوْا بَيَّهْ الْمَنَاخِرْ كُلِّ وَاحِدَةْ مَعَ الْآخَرَةْ. وَ بَيْدَا، الْمَجْمُوعْتَيْن بِقَوْا خَيْمَةْ وَاحِدَةْ.
14وَ سَوَّوْا الْغِطَاءْ الْأَوَّلْ لِلْخَيْمَةْ مِنْ 11 قِطْعَةْ مَتْرُورِينْ بِصُوفْ عِنْزَيْ. وَ خَطَّوْه بِفَوْق لِلْخَيْمَةْ. 15وَ طُولْ الْقِطَعْ دَوْل سَوَا سَوَا. وَ طُولْ الْوَاحِدَةْ 30 دُرَاعْ وَ عُرْضَهَا 4 دُرَاعْ. 16وَ الْقِطَعْ دَوْل، خَمْسَةْ لَمَّوْهُمْ سَوَا وَ السِّتَّةْ الْآخَرِينْ كُلَ لَمَّوْهُمْ سَوَا. 17وَ سَوَّوْا 50 مَنَاخِرْ فِي نُصّ كُلِّ وَاحِدَةْ مِنْ الْمَجْمُوعْتَيْن. 18وَ سَوَّوْا 50 فَنْقَرْ مِنْ نَحَاسْ لِيَشْبُكُوا بَيْهُمْ الْمَجْمُوعْتَيْن. وَ بَيْدَا، الْمَجْمُوعْتَيْن يَبْقَوْا غِطَاءْ وَاحِدْ.
19وَ سَوَّوْا الْغِطَاءْ التَّانِي بِفِرَاوْ كُبَاشْ مَدْبُوغِينْ وَ مُلَوَّنِينْ بِلَوْن أَحْمَرْ. وَ الْغِطَاءْ التَّالِتْ دَا، سَوَّوْه بِفِرَاوْ عِجِلْ الْبَحَرْ.
صنعوا خشب خَيْمة الْعِبادة
20وَ بَتَّانْ، عَدَّلَوْا خَشَبْ السُّنْط الْبَعَدَيْن يُرُصُّوهْ لِيَبْنُوا بَيَّهْ خَيْمَةْ الْعِبَادَةْ. 21أَيِّ وَاحِدْ مِنْ الْخَشَبْ دَا طُولَهْ 10 دُرَاعْ وَ عُرْضَهْ دُرَاعْ وَ نُصّ. 22لِأَيِّ خَشَبَةْ سَوَّوْا رِجْلَيْ إِتْنَيْن الْقِدْرَوْا ثَبَّتَوْهَا مَعَ الْآخَرِينْ. كُلَّ الْخَشَبْ دَا سَوَّوْه مِثِلْ دَا. 23وَ عَدَّلَوْا 20 خَشَبْ فِي النُّصّ الْجُنُوبِي هَنَا الْخَيْمَةْ. 24وَ سَوَّوْا 40 أَسَاسْ هَنَا فُضَّةْ مِنْ تِحِتْ لِلْعِشْرِينْ خَشَبْ. لِكُلِّ خَشَبَةْ وَاحِدَةْ سَوَّوْا أَسَاسْ إِتْنَيْن تِحِتْ رِجِلَيْنهَا الْإِتْنَيْن. 25وَ عَدَّلَوْا 20 خَشَبْ فِي النُّصّ الْمُنْشَاقِي هَنَا الْخَيْمَةْ. 26وَ دَوْل كُلَ سَوَّوْا لَيْهُمْ 40 أَسَاسْ هَنَا فُضَّةْ مِنْ تِحِتْ. لِكُلِّ خَشَبَةْ وَاحِدَةْ سَوَّوْا أَسَاسْ إِتْنَيْن تِحِتْ رِجِلَيْنهَا الْإِتْنَيْن. 27وَ عَدَّلَوْا سِتَّةْ خَشَبْ فِي النُّصّ الْوَرَّانِي هَنَا الْخَيْمَةْ الْمُقَابِلْ الْغَرِبْ. 28وَ سَوَّوْا خَشَبْ إِتْنَيْن لِلْكَوْنجَاتْ الْوَرَاءْ. 29وَ الْخَشَبْ الْإِتْنَيْن دَوْل مُلَصَّقِينْ مِنْ تِحِتْ لَحَدِّي فَوْق. وَ بِفَوْق ثَبَّتَوْهُمْ بِخَاتِمْ. وَ دَا بِقِي فِي الْكَوْنجَاتْ الْإِتْنَيْن الْقَاعِدِينْ بِوَرَاءْ. 30وَ بَيْدَا، بِقِي 8 خَشَبْ وَ عِنْدُهُمْ 16 أَسَاسْ هَنَا فُضَّةْ. وَ تِحِتْ كُلِّ خَشَبَةْ أَسَاسْ إِتْنَيْن. 31وَ سَوَّوْا 5 مَرَادِيسْ مِنْ خَشَبْ السُّنْط لِلنُّصّ الْجُنُوبِي. 32وَ 5 آخَرِينْ لِلنُّصّ الْمُنْشَاقِي هَنَا الْخَيْمَةْ. وَ بَتَّانْ سَوَّوْا 5 لِنُصَّهَا الْوَرَّانِي الْمُقَابِلْ الْغَرِبْ. 33وَ الْمُرْدَاسْ الْأُسْطَانِي الطَّوِيلْ الْقَاعِدْ فِي قِسْمَةْ الْخَشَبْ مَشَى مِنْ طَرَفْهَا لِطَرَفْهَا. 34وَ مَسَحَوْا كُلَّ الْخَشَبْ دَا بِدَهَبْ وَ صَنَعَوْا خَوَاتِمْ هَنَا دَهَبْ الْيِدِسُّوا فَوْقهُمْ الْمَرَادِيسْ. وَ مَسَحَوْا الْمَرَادِيسْ كُلَ بِدَهَبْ.
السِتار اليفْصُل و سِتار الباب
35وَ سَوَّوْا سِتَارْ دَخْلَانِي مِنْ قُمَاشْ هَنَا كَتَّانْ مُخَيَّطْ عَدِيلْ اللَّوْنَهْ ظَهْرِي وَ قَرَضِي وَ أَحْمَرْ. وَ خَيَّطَوْا فَوْقهَا صُوَرْ مَخْلُوقِينْ سَمَاوِيِّينْ بِخِيَاطَةْ خَيَّاطِي مَعْرُوفْ. 36وَ عَلَّقَوْه فِي مَنَاخِرْ هَنَا دَهَبْ الْقَاعِدِينْ فِي أَرْبَعَةْ عَمُودْ مِنْ حَطَبْ السُّنْط الْمَمْسُوحِينْ بِدَهَبْ. وَ الْعَمَدْ دَوْل مُثَبَّتِينْ فِي أَرْبَعَةْ أَسَاسْ هَنَا فُضَّةْ.
37وَ سَوَّوْا سِتَارْ لِبَابْ الْخَيْمَةْ مِنْ قُمَاشْ هَنَا كَتَّانْ مُخَيَّطْ عَدِيلْ اللَّوْنَهْ ظَهْرِي وَ قَرَضِي وَ أَحْمَرْ. وَ دَا بِخِيَاطَةْ خَيَّاطِي مَعْرُوفْ. 38وَ عَلَّقَوْا السِّتَارْ دَا فِي مَنَاخِرْ هَنَا دَهَبْ الْقَاعِدِينْ فِي 5 عَمُودْ هَنَا حَطَبْ السُّنْط وَ رُوسَيْهُمْ وَ الْمَرَادِيسْ الْفَوْقهُمْ مَمْسُوحِينْ بِدَهَبْ. وَ سَوَّوْا لَيْهُمْ 5 أَسَاسْ مِنْ نَحَاسْ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
La Bible en arabe tchadien © Alliance biblique du Tchad, 2019