خُروج 12
12
قوانين عيد الْفِصْح
1وَ اللّٰهْ قَالْ لِمُوسَى وَ هَارُونْ فِي مَصِرْ: 2«مِنْ هَسَّعْ، الشَّهَرْ دَا يَبْقَى لَيْكُو شَهَرْ بِدَايَةْ السَّنَةْ وَ أَوَّلْ شَهَرْ فِي شُهُورْ السَّنَةْ. 3أَمْشُوا قُولُوا لِكُلَّ مُجْتَمَعْ بَنِي إِسْرَائِيلْ كَدَرْ فِي يَوْم 10 هَنَا الشَّهَرْ دَا، أَيِّ نَادُمْ يِشِيلْ حَمَلْ وَاحِدْ لِعَايِلْتَهْ وَلَّا لِبَيْتَهْ. 4وَ كَنْ نَاسْ الْبَيْت شِيَّةْ مَا يَقْدَرَوْا يَاكُلُوا كُلَّ الْحَمَلْ دَا، خَلِّي يِلِمُّوا مَعَ جِيرَانْهُمْ الْقَرِيبِينْ وَ يِقَسُّمُوهْ عَلَيْ عَدَدْهُمْ. وَ أَيِّ نَادُمْ يَعَزِلْ حَمَلْ الْيِتِمّ لِنَاسَهْ. 5وَ وَاجِبْ تَعَزُلُوا حَمَلْ أَوْ سَخَلْ وَلْد سَنَةْ الْمَا عِنْدَهْ أَيِّ عَيْب.
6«وَ تِخَلُّوهْ يَقْعُدْ لَحَدِّي يَوْم 14 هَنَا الشَّهَرْ. وَ كُلَّ مُجْتَمَعْ بَنِي إِسْرَائِيلْ يَدْبَحَوْا حُمْلَانْهُمْ بِمَغْرِبْ. 7وَ خَلِّي يِشِيلُوا مِنْ الدَّمّ دَا وَ يَمْسَحَوْه فِي الْعِيدَانْ الْإِتْنَيْن هَنَا الْبَابْ وَ عُودَهْ الْفَوْقَانِي هَنَا الْبَيْت الْيَاكُلُوا فَوْقَهْ الْحَمَلْ. 8وَ يُتُشُّوا اللَّحَمْ دَا وَ بِاللَّيْل، يَاكُلُوهْ بِخُبْزَةْ بَلَا تَوَّارَةْ وَ بِخَضَارْ مُرّ. 9وَ مَا تَاكُلُوا اللَّحَمْ دَا نَيّ وَلَّا مُرَكَّبْ لَاكِنْ تُشُّوهْ كَامِلْ فِي نَارْ بِرَاسَهْ وَ رِجِلَيْنَهْ وَ بُطُونَهْ. 10وَ كَدَرْ لِفَجُرْ دَا، مَا تِخَلُّوا مِنَّهْ شَيّءْ. وَ كَنْ شَيّءْ فَضَّلْ كَمَانْ، حَرُّقُوهْ.
11«وَ دَاهُو كِكَّيْف تَاكُلُوا الْأَكِلْ دَا. آكُلُوهْ صُلُبْكُو مَرْبُوطْ وَ بِنِعْلَيْكُو فِي رِجْلَيْكُو وَ أَكُرْبُوا عِصَيْكُو فِي إِيدَيْكُو وَ آكُلُوهْ عَجَلَةْ. وَ دَا عِيدْ الْفِصْحَ#12:11 عِيدْ الْفِصْحَ: دا عيد اليعيُّدوه ليِذّكّروا اليوم الاللّه شقّ بلد مَصِر و كتل أوْلاد البِكِر هنا المصْريّين و لاكن بارى بُيوت بني إسرائيل. كِلْمة فِصْحَ بالأصْلي معناتها بارى. لِلّٰهْ. 12وَ فِي اللَّيْلَةْ دِي، أَنَا نُشُقّ بَلَدْ مَصِرْ وَ نَكْتُلْ أَيِّ وَلْد بِكِرْ هَنَا النَّاسْ وَ هَنَا الْبَهَايِمْ. وَ بِمِثِلْ دَا، نِعَاقِبْ إِلٰـهَاتْ بَلَدْ مَصِرْ أَشَانْ أَنَا اللّٰهْ. 13وَ الدَّمّ دَا يَبْقَى لَيْكُو عَلَامَةْ التَّحْمِيكُو فِي الْبُيُوتْ الْإِنْتُو سَاكْنِينْ فَوْقهُمْ. وَ كَنْ أَنَا شِفْت الدَّمّ دَا، نِبَارِي بُيُوتْكُو وَ الْوَبَاءْ هَنَا الْمَوْت مَا يَلْحَقْكُو وَكِتْ نِعَاقِبْ الْمَصْرِيِّينْ.
14«وَ الْيَوْم دَا، يَبْقَى لَيْكُو يَوْم التِّذَّكَّرَوْا فَوْقَهْ. وَ تِعَيُّدُوا دَايْماً الْعِيدْ دَا لِلّٰهْ وَ دَا يَبْقَى لَيْكُو شَرْط دَايِمْ مِنْ ذُرِّيَّةْ لِذُرِّيَّةْ.»
أكِل الخُبْزة بلا توّارة
15وَ بَتَّانْ اللّٰهْ قَالْ: «فِي مُدَّةْ سَبْعَةْ يَوْم، آكُلُوا خُبْزَةْ بَلَا تَوَّارَةْ. مِنْ الْيَوْم الْأَوَّلْ، مَا تِخَلُّوا فِي بُيُوتْكُو التَّوَّارَةْ. وَ مِنْ الْيَوْم الْأَوَّلْ لَحَدِّي الْيَوْم السَّابِعْ، كَنْ نَادُمْ أَكَلْ خُبْزَةْ الْعِنْدَهَا تَوَّارَةْ، وَاجِبْ يَفْصُلُوهْ مِنْ بَنِي إِسْرَائِيلْ. 16وَ فِي الْيَوْم الْأَوَّلْ وَ الْيَوْم السَّابِعْ، تِلِمُّوا مَلَمَّةْ خَاصَّةْ لِتَعَبُدُونِي. وَ فِي الْأَيَّامْ دَوْل، مَا تَخْدُمُوا إِلَّا تِسَوُّوا أَكِلْ لِنُفُوسْكُو بَسْ. 17وَ تِعَيُّدُوا عِيدْ الْخُبْزَةْ بَلَا تَوَّارَةْ أَشَانْ فِي الْيَوْم دَا بَسْ، أَنَا مَرَقْتُكُو مِنْ مَصِرْ حَسَبْ مَجْمُوعَاتْكُو. وَ الْعِيدْ دَا يَبْقَى لَيْكُو شَرْط دَايِمْ مِنْ ذُرِّيَّةْ لِذُرِّيَّةْ. 18وَ مِنْ يَوْم 14 هَنَا الشَّهَرْ الْأَوَّلْ لَحَدِّي يَوْم 21، تَاكُلُوا خُبْزَةْ بَلَا تَوَّارَةْ بِمَغْرِبْ. 19فِي مُدَّةْ السَّبْعَةْ يَوْم دَوْل، تَوَّارَةْ مَا تَقْعُدْ فِي بُيُوتْكُو. وَ أَيِّ نَادُمْ الْأَكَلْ خُبْزَةْ الْعِنْدَهَا تَوَّارَةْ دَا، وَاجِبْ يَفْصُلُوهْ مِنْ مُجْتَمَعْ بَنِي إِسْرَائِيلْ، كَنْ أَجْنَبِي وَلَّا كَنْ مِنْ بَنِي إِسْرَائِيلْ كُلَ. 20مَا تَاكُلُوا أَبَداً خُبْزَةْ الْعِنْدَهَا تَوَّارَةْ فِي الْأَيَّامْ دَوْل. وَ فِي أَيِّ بَكَانْ السَّاكْنِينْ فَوْقَهْ، تَاكُلُوا إِلَّا خُبْزَةْ بَلَا تَوَّارَةْ.»
عيد الْفِصْح
21وَ بَعَدْ دَا، مُوسَى نَادَى كُلَّ شُيُوخْ بَنِي إِسْرَائِيلْ وَ قَالْ لَيْهُمْ: «أَيِّ وَاحِدْ يِشِيلْ حَمَلْ لِعَايِلْتَهْ وَ يَدْبَحَهْ لِعِيدْ الْفِصْحَ. 22وَ شِيلُوا رُبْطَةْ هَنَا وَرْشَالْ زُوفَةْ وَ دِسُّوهَا فِي دَمّ الْحَمَلْ الصَّبَّيْتُوهْ فِي مَاعُونْ. وَ أَمْسَحَوْا بَيَّهْ الْعِيدَانْ الْإِتْنَيْن هَنَا الْبَابْ وَ عُودَهْ الْفَوْقَانِي. وَ نَادُمْ وَاحِدْ كُلَ مِنْكُو مَا يَمْرُقْ مِنْ بَيْتَهْ لَحَدِّي الْفَجُرْ. 23وَكِتْ اللّٰهْ يُشُقّ بَلَدْ مَصِرْ لِيَضْرُبْ الْمَصْرِيِّينْ، كَنْ هُو يِشِيفْ الدَّمّ الْمَسَحْتُوهْ فِي الْعِيدَانْ الْإِتْنَيْن هَنَا الْبَابْ وَ عُودَهْ الْفَوْقَانِي، هُو يِبَارِي بُيُوتْكُو وَ يَدْحَرْ وَبَاءْ الْمَوْت مَا يَدْخُلْ فِي بُيُوتْكُو وَ يَضْرُبْكُو.
24«وَ الشَّيّءْ دَا يَبْقَى لَيْكُو وَ لِذُرِّيِّتْكُو شَرْط دَايِمْ. 25وَ وَكِتْ تَدْخُلُوا فِي الْبَلَدْ الْاللّٰهْ قَالْ يَنْطِيكُو دَا، تِطَبُّقُوا الْقَانُونْ دَا. 26أَكُونْ عِيَالْكُو يَسْأَلَوْكُو وَ يُقُولُوا: ‹الْعِيدْ دَا مَعَنَاتَهْ شُنُو؟› 27إِنْتُو قُولُوا لَيْهُمْ: ‹نَدْبَحَوْا ضَحِيَّةْ عِيدْ الْفِصْحَ لِلّٰهْ أَشَانْ اللّٰهْ بَارَى بُيُوتْنَا أَنِحْنَ بَنِي إِسْرَائِيلْ فِي مَصِرْ. وَكِتْ هُو ضَرَبْ الْمَصْرِيِّينْ، هُو بَارَى بُيُوتْنَا وَ نَجَّانَا.›»
وَ فِي الْبَكَانْ دَا، كُلَّ شَعَبْ بَنِي إِسْرَائِيلْ دَنْقَرَوْا وَ سَجَدَوْا. 28وَ بَنِي إِسْرَائِيلْ مَشَوْا وَ سَوَّوْا كُلَّ شَيّءْ مِثِلْ اللّٰهْ أَمَرْ بَيَّهْ مُوسَى وَ هَارُونْ.
وباء مَوْت أوْلاد البِكِر
29وَ خَلَاصْ فِي أُسْط اللَّيْل، اللّٰهْ كَتَلْ كُلَّ أَوْلَادْ الْبِكِرْ الْفِي مَصِرْ مِنْ وَلْد الْبِكِرْ هَنَا فِرْعَوْن الْقَاعِدْ فِي كُرْسِي الْمُلُكْ لَحَدِّي أَوْلَادْ الْبِكِرْ هَنَا الْمَسَاجِينْ وَ أَوْلَادْ الْبِكِرْ هَنَا الْبَهَايِمْ. 30وَ فِي اللَّيْلَةْ دِي، الْمَلِكْ وَ كُلَّ خَدَّامِينَهْ وَ كُلَّ الْمَصْرِيِّينْ قَمَّوْا مِنْ النَّوْم وَ بَكَوْا بَكِي شَدِيدْ أَشَانْ بَيْت الْمَا عِنْدَهْ مَوْت كَيْ مَا فِيهْ. 31وَ الْمَلِكْ نَادَى مُوسَى وَ هَارُونْ فِي أُسْط اللَّيْل وَ قَالْ لَيْهُمْ: «يَلَّا قُمُّوا! أَمُرْقُوا مِنْ بَلَدِي، إِنْتُو وَ شَعَبْ بَنِي إِسْرَائِيلْ. أَمْشُوا أَعَبُدُوا اللّٰهْ مِثِلْ إِنْتُو طَلَبْتُوهْ مِنِّي. 32وَ شِيلُوا غَنَمْكُو وَ بَقَرْكُو مِثِلْ قُلْتُوهْ. أَمْشُوا وَ أَسْأَلَوْا إِلٰـهْكُو يِبَارِكْنِي أَنَا كُلَ!»
33وَ الْمَصْرِيِّينْ يَحْسُبُوا هُمَّنْ كُلُّهُمْ يُمُوتُوا. خَلَاصْ، قَمَّوْا يَعَصُرُوا بَنِي إِسْرَائِيلْ أَشَانْ يَمُرْقُوا عَجَلَةْ مِنْ بَلَدْهُمْ.
الخُروج من مَصِر
34وَ شَعَبْ بَنِي إِسْرَائِيلْ شَالَوْا عَجِينْ الْخُبْزَةْ اللِّسَّاعْ مَا عِنْدَهْ تَوَّارَةْ وَ خَطَّوْه فِي طَاسَاتْ وَ رَبَطَوْه فِي خُلْقَانْهُمْ وَ خَطَّوْه فِي كَتَافَيْهُمْ. 35وَ بَنِي إِسْرَائِيلْ سَأَلَوْا الْمَصْرِيِّينْ أَشْيَاءْ هَنَا فُضَّةْ وَ دَهَبْ وَ خُلْقَانْ مِثِلْ مُوسَى قَالَهْ. 36وَ اللّٰهْ سَوَّى بَنِي إِسْرَائِيلْ لِقَوْا رِضَى الْمَصْرِيِّينْ. وَ أَنْطَوْهُمْ كُلَّ شَيّءْ السَّأَلَوْهُمْ وَ بِمِثِلْ دَا، بَنِي إِسْرَائِيلْ كَسَبَوْا مَالْ الْمَصْرِيِّينْ.
37وَ بَعَدْ دَا، بَنِي إِسْرَائِيلْ قَمَّوْا مِنْ مَدِينَةْ رَعَمْسِيس وَ مَشَوْا عَلَيْ سُكُّوتْ. وَ عَدَدْهُمْ 600 000 رُجَالْ مَاشِينْ بِرِجْلَيْهُمْ وَ دَا بَلَا عَدَدْ الْعَوِينْهُمْ وَ الْعِيَالْهُمْ. 38وَ شَالَوْا بَقَرْ وَ غَنَمْ كَتِيرِينْ مَرَّةْ وَاحِدْ. وَ مَشَوْا مَعَاهُمْ نَاسْ كَتِيرِينْ مِنْ قَبَايِلْ آخَرِينْ. 39وَ بَنِي إِسْرَائِيلْ سَلَّلَوْا خُبْزَةْ بَلَا تَوَّارَةْ بِالْعَجِينْ الشَّالَوْه مِنْ مَصِرْ اللِّسَّاعْ مَا عِنْدَهْ تَوَّارَةْ. وَ دَا أَشَانْ الْمَصْرِيِّينْ طَرَدَوْهُمْ مِنْ مَصِرْ وَ مَا لِقَوْا وَكِتْ أَشَانْ يِجَهُّزُوا لِنُفُوسْهُمْ زَادْ.
40وَ بَنِي إِسْرَائِيلْ عَاشَوْا مُدَّةْ 430 سَنَةْ فِي مَصِرْ. 41وَ بَعَدْ 430 سَنَةْ فِي الْيَوْم الْمُحَدَّدْ، كُلَّ شَعَبْ اللّٰهْ مَرَقَوْا مِنْ بَلَدْ مَصِرْ حَسَبْ مَجْمُوعَاتْهُمْ. 42وَ فِي اللَّيْلَةْ دِي، اللّٰهْ رَاقَبْ طُولْ اللَّيْل فِي شَانْ شَعَبَهْ لِيَمْرُقْهُمْ مِنْ مَصِرْ. وَ فِي شَانْ دَا، وَاجِبْ بَنِي إِسْرَائِيلْ يِسَاهُرُوا لِلّٰهْ فِي اللَّيْلَةْ دِي مِنْ ذُرِّيَّةْ لِذُرِّيَّةْ.
اللّه زاد قوانين هنا عيد الْفِصْح
43وَ اللّٰهْ قَالْ لِمُوسَى وَ هَارُونْ: «دَاهُو قَوَانِينْ هَنَا عِيدْ الْفِصْحَ. أَيِّ نَادُمْ الْمَا مِنْ بَنِي إِسْرَائِيلْ مَا يَاكُلْ مَعَاكُو أَكِلْ الْعِيدْ. 44وَ الْعَبِدْ الشَّرَيْتُوهْ مَا يَاكُلْ مَعَاكُو إِلَّا كَنْ طَهَّرْتُوهْ. 45وَ أَيِّ ضَيْف وَلَّا أَجْنَبِي الْيَخْدِمْ لَيْكُو بِقُرُسْ مَا يَاكُلْ مَعَاكُو. 46وَ الْحَمَلْ دَا آكُلُوهْ دَاخَلْ فِي لُبّ الْبَيْت وَ مَا تَمُرْقُوا لَحَمَهْ بَرَّا مِنْ الْبَيْت. وَ مَا تَكْسُرُوا وَاحِدْ مِنْ عُضَامَهْ. 47وَ كُلَّ مُجْتَمَعْ بَنِي إِسْرَائِيلْ يِعَيِّدْ الْعِيدْ دَا. 48وَ كَنْ نَادُمْ أَجْنَبِي قَاعِدْ مَعَاكُو وَ يِدَوْر يِعَيِّدْ الْعِيدْ لِلّٰهْ، وَاجِبْ تِطَهُّرُوهْ. وَ هُو يِطَهِّرْ كُلَّ الدُّكُورْ الْقَاعِدِينْ فِي بَيْتَهْ. وَ مِثِلْ دَا، يَقْدَرْ يِعَيِّدْ الْعِيدْ مِثِلْ وَاحِدْ مِنْ بَنِي إِسْرَائِيلْ. لَاكِنْ أَيِّ رَاجِلْ الْمَا مُطَهَّرْ مَا يَاكُلْ أَكِلْ الْعِيدْ دَا. 49وَ دَا نَفْس الْقَانُونْ لِنَادُمْ الْمِنْ بَنِي إِسْرَائِيلْ وَ لِلْأَجْنَبِي السَّاكِنْ مَعَاكُو.»
50وَ كُلَّ بَنِي إِسْرَائِيلْ سَوَّوْا كُلَّ شَيّءْ مِثِلْ اللّٰهْ أَمَرْ بَيَّهْ مُوسَى وَ هَارُونْ. 51وَ فِي الْيَوْم دَا بَسْ، اللّٰهْ مَرَقْ بَنِي إِسْرَائِيلْ مِنْ مَصِرْ حَسَبْ مَجْمُوعَاتْهُمْ.
Currently Selected:
خُروج 12: ع.د.ت19
Highlight
Share
Copy
Want to have your highlights saved across all your devices? Sign up or sign in
La Bible en arabe tchadien © Alliance biblique du Tchad, 2019
خُروج 12
12
قوانين عيد الْفِصْح
1وَ اللّٰهْ قَالْ لِمُوسَى وَ هَارُونْ فِي مَصِرْ: 2«مِنْ هَسَّعْ، الشَّهَرْ دَا يَبْقَى لَيْكُو شَهَرْ بِدَايَةْ السَّنَةْ وَ أَوَّلْ شَهَرْ فِي شُهُورْ السَّنَةْ. 3أَمْشُوا قُولُوا لِكُلَّ مُجْتَمَعْ بَنِي إِسْرَائِيلْ كَدَرْ فِي يَوْم 10 هَنَا الشَّهَرْ دَا، أَيِّ نَادُمْ يِشِيلْ حَمَلْ وَاحِدْ لِعَايِلْتَهْ وَلَّا لِبَيْتَهْ. 4وَ كَنْ نَاسْ الْبَيْت شِيَّةْ مَا يَقْدَرَوْا يَاكُلُوا كُلَّ الْحَمَلْ دَا، خَلِّي يِلِمُّوا مَعَ جِيرَانْهُمْ الْقَرِيبِينْ وَ يِقَسُّمُوهْ عَلَيْ عَدَدْهُمْ. وَ أَيِّ نَادُمْ يَعَزِلْ حَمَلْ الْيِتِمّ لِنَاسَهْ. 5وَ وَاجِبْ تَعَزُلُوا حَمَلْ أَوْ سَخَلْ وَلْد سَنَةْ الْمَا عِنْدَهْ أَيِّ عَيْب.
6«وَ تِخَلُّوهْ يَقْعُدْ لَحَدِّي يَوْم 14 هَنَا الشَّهَرْ. وَ كُلَّ مُجْتَمَعْ بَنِي إِسْرَائِيلْ يَدْبَحَوْا حُمْلَانْهُمْ بِمَغْرِبْ. 7وَ خَلِّي يِشِيلُوا مِنْ الدَّمّ دَا وَ يَمْسَحَوْه فِي الْعِيدَانْ الْإِتْنَيْن هَنَا الْبَابْ وَ عُودَهْ الْفَوْقَانِي هَنَا الْبَيْت الْيَاكُلُوا فَوْقَهْ الْحَمَلْ. 8وَ يُتُشُّوا اللَّحَمْ دَا وَ بِاللَّيْل، يَاكُلُوهْ بِخُبْزَةْ بَلَا تَوَّارَةْ وَ بِخَضَارْ مُرّ. 9وَ مَا تَاكُلُوا اللَّحَمْ دَا نَيّ وَلَّا مُرَكَّبْ لَاكِنْ تُشُّوهْ كَامِلْ فِي نَارْ بِرَاسَهْ وَ رِجِلَيْنَهْ وَ بُطُونَهْ. 10وَ كَدَرْ لِفَجُرْ دَا، مَا تِخَلُّوا مِنَّهْ شَيّءْ. وَ كَنْ شَيّءْ فَضَّلْ كَمَانْ، حَرُّقُوهْ.
11«وَ دَاهُو كِكَّيْف تَاكُلُوا الْأَكِلْ دَا. آكُلُوهْ صُلُبْكُو مَرْبُوطْ وَ بِنِعْلَيْكُو فِي رِجْلَيْكُو وَ أَكُرْبُوا عِصَيْكُو فِي إِيدَيْكُو وَ آكُلُوهْ عَجَلَةْ. وَ دَا عِيدْ الْفِصْحَ#12:11 عِيدْ الْفِصْحَ: دا عيد اليعيُّدوه ليِذّكّروا اليوم الاللّه شقّ بلد مَصِر و كتل أوْلاد البِكِر هنا المصْريّين و لاكن بارى بُيوت بني إسرائيل. كِلْمة فِصْحَ بالأصْلي معناتها بارى. لِلّٰهْ. 12وَ فِي اللَّيْلَةْ دِي، أَنَا نُشُقّ بَلَدْ مَصِرْ وَ نَكْتُلْ أَيِّ وَلْد بِكِرْ هَنَا النَّاسْ وَ هَنَا الْبَهَايِمْ. وَ بِمِثِلْ دَا، نِعَاقِبْ إِلٰـهَاتْ بَلَدْ مَصِرْ أَشَانْ أَنَا اللّٰهْ. 13وَ الدَّمّ دَا يَبْقَى لَيْكُو عَلَامَةْ التَّحْمِيكُو فِي الْبُيُوتْ الْإِنْتُو سَاكْنِينْ فَوْقهُمْ. وَ كَنْ أَنَا شِفْت الدَّمّ دَا، نِبَارِي بُيُوتْكُو وَ الْوَبَاءْ هَنَا الْمَوْت مَا يَلْحَقْكُو وَكِتْ نِعَاقِبْ الْمَصْرِيِّينْ.
14«وَ الْيَوْم دَا، يَبْقَى لَيْكُو يَوْم التِّذَّكَّرَوْا فَوْقَهْ. وَ تِعَيُّدُوا دَايْماً الْعِيدْ دَا لِلّٰهْ وَ دَا يَبْقَى لَيْكُو شَرْط دَايِمْ مِنْ ذُرِّيَّةْ لِذُرِّيَّةْ.»
أكِل الخُبْزة بلا توّارة
15وَ بَتَّانْ اللّٰهْ قَالْ: «فِي مُدَّةْ سَبْعَةْ يَوْم، آكُلُوا خُبْزَةْ بَلَا تَوَّارَةْ. مِنْ الْيَوْم الْأَوَّلْ، مَا تِخَلُّوا فِي بُيُوتْكُو التَّوَّارَةْ. وَ مِنْ الْيَوْم الْأَوَّلْ لَحَدِّي الْيَوْم السَّابِعْ، كَنْ نَادُمْ أَكَلْ خُبْزَةْ الْعِنْدَهَا تَوَّارَةْ، وَاجِبْ يَفْصُلُوهْ مِنْ بَنِي إِسْرَائِيلْ. 16وَ فِي الْيَوْم الْأَوَّلْ وَ الْيَوْم السَّابِعْ، تِلِمُّوا مَلَمَّةْ خَاصَّةْ لِتَعَبُدُونِي. وَ فِي الْأَيَّامْ دَوْل، مَا تَخْدُمُوا إِلَّا تِسَوُّوا أَكِلْ لِنُفُوسْكُو بَسْ. 17وَ تِعَيُّدُوا عِيدْ الْخُبْزَةْ بَلَا تَوَّارَةْ أَشَانْ فِي الْيَوْم دَا بَسْ، أَنَا مَرَقْتُكُو مِنْ مَصِرْ حَسَبْ مَجْمُوعَاتْكُو. وَ الْعِيدْ دَا يَبْقَى لَيْكُو شَرْط دَايِمْ مِنْ ذُرِّيَّةْ لِذُرِّيَّةْ. 18وَ مِنْ يَوْم 14 هَنَا الشَّهَرْ الْأَوَّلْ لَحَدِّي يَوْم 21، تَاكُلُوا خُبْزَةْ بَلَا تَوَّارَةْ بِمَغْرِبْ. 19فِي مُدَّةْ السَّبْعَةْ يَوْم دَوْل، تَوَّارَةْ مَا تَقْعُدْ فِي بُيُوتْكُو. وَ أَيِّ نَادُمْ الْأَكَلْ خُبْزَةْ الْعِنْدَهَا تَوَّارَةْ دَا، وَاجِبْ يَفْصُلُوهْ مِنْ مُجْتَمَعْ بَنِي إِسْرَائِيلْ، كَنْ أَجْنَبِي وَلَّا كَنْ مِنْ بَنِي إِسْرَائِيلْ كُلَ. 20مَا تَاكُلُوا أَبَداً خُبْزَةْ الْعِنْدَهَا تَوَّارَةْ فِي الْأَيَّامْ دَوْل. وَ فِي أَيِّ بَكَانْ السَّاكْنِينْ فَوْقَهْ، تَاكُلُوا إِلَّا خُبْزَةْ بَلَا تَوَّارَةْ.»
عيد الْفِصْح
21وَ بَعَدْ دَا، مُوسَى نَادَى كُلَّ شُيُوخْ بَنِي إِسْرَائِيلْ وَ قَالْ لَيْهُمْ: «أَيِّ وَاحِدْ يِشِيلْ حَمَلْ لِعَايِلْتَهْ وَ يَدْبَحَهْ لِعِيدْ الْفِصْحَ. 22وَ شِيلُوا رُبْطَةْ هَنَا وَرْشَالْ زُوفَةْ وَ دِسُّوهَا فِي دَمّ الْحَمَلْ الصَّبَّيْتُوهْ فِي مَاعُونْ. وَ أَمْسَحَوْا بَيَّهْ الْعِيدَانْ الْإِتْنَيْن هَنَا الْبَابْ وَ عُودَهْ الْفَوْقَانِي. وَ نَادُمْ وَاحِدْ كُلَ مِنْكُو مَا يَمْرُقْ مِنْ بَيْتَهْ لَحَدِّي الْفَجُرْ. 23وَكِتْ اللّٰهْ يُشُقّ بَلَدْ مَصِرْ لِيَضْرُبْ الْمَصْرِيِّينْ، كَنْ هُو يِشِيفْ الدَّمّ الْمَسَحْتُوهْ فِي الْعِيدَانْ الْإِتْنَيْن هَنَا الْبَابْ وَ عُودَهْ الْفَوْقَانِي، هُو يِبَارِي بُيُوتْكُو وَ يَدْحَرْ وَبَاءْ الْمَوْت مَا يَدْخُلْ فِي بُيُوتْكُو وَ يَضْرُبْكُو.
24«وَ الشَّيّءْ دَا يَبْقَى لَيْكُو وَ لِذُرِّيِّتْكُو شَرْط دَايِمْ. 25وَ وَكِتْ تَدْخُلُوا فِي الْبَلَدْ الْاللّٰهْ قَالْ يَنْطِيكُو دَا، تِطَبُّقُوا الْقَانُونْ دَا. 26أَكُونْ عِيَالْكُو يَسْأَلَوْكُو وَ يُقُولُوا: ‹الْعِيدْ دَا مَعَنَاتَهْ شُنُو؟› 27إِنْتُو قُولُوا لَيْهُمْ: ‹نَدْبَحَوْا ضَحِيَّةْ عِيدْ الْفِصْحَ لِلّٰهْ أَشَانْ اللّٰهْ بَارَى بُيُوتْنَا أَنِحْنَ بَنِي إِسْرَائِيلْ فِي مَصِرْ. وَكِتْ هُو ضَرَبْ الْمَصْرِيِّينْ، هُو بَارَى بُيُوتْنَا وَ نَجَّانَا.›»
وَ فِي الْبَكَانْ دَا، كُلَّ شَعَبْ بَنِي إِسْرَائِيلْ دَنْقَرَوْا وَ سَجَدَوْا. 28وَ بَنِي إِسْرَائِيلْ مَشَوْا وَ سَوَّوْا كُلَّ شَيّءْ مِثِلْ اللّٰهْ أَمَرْ بَيَّهْ مُوسَى وَ هَارُونْ.
وباء مَوْت أوْلاد البِكِر
29وَ خَلَاصْ فِي أُسْط اللَّيْل، اللّٰهْ كَتَلْ كُلَّ أَوْلَادْ الْبِكِرْ الْفِي مَصِرْ مِنْ وَلْد الْبِكِرْ هَنَا فِرْعَوْن الْقَاعِدْ فِي كُرْسِي الْمُلُكْ لَحَدِّي أَوْلَادْ الْبِكِرْ هَنَا الْمَسَاجِينْ وَ أَوْلَادْ الْبِكِرْ هَنَا الْبَهَايِمْ. 30وَ فِي اللَّيْلَةْ دِي، الْمَلِكْ وَ كُلَّ خَدَّامِينَهْ وَ كُلَّ الْمَصْرِيِّينْ قَمَّوْا مِنْ النَّوْم وَ بَكَوْا بَكِي شَدِيدْ أَشَانْ بَيْت الْمَا عِنْدَهْ مَوْت كَيْ مَا فِيهْ. 31وَ الْمَلِكْ نَادَى مُوسَى وَ هَارُونْ فِي أُسْط اللَّيْل وَ قَالْ لَيْهُمْ: «يَلَّا قُمُّوا! أَمُرْقُوا مِنْ بَلَدِي، إِنْتُو وَ شَعَبْ بَنِي إِسْرَائِيلْ. أَمْشُوا أَعَبُدُوا اللّٰهْ مِثِلْ إِنْتُو طَلَبْتُوهْ مِنِّي. 32وَ شِيلُوا غَنَمْكُو وَ بَقَرْكُو مِثِلْ قُلْتُوهْ. أَمْشُوا وَ أَسْأَلَوْا إِلٰـهْكُو يِبَارِكْنِي أَنَا كُلَ!»
33وَ الْمَصْرِيِّينْ يَحْسُبُوا هُمَّنْ كُلُّهُمْ يُمُوتُوا. خَلَاصْ، قَمَّوْا يَعَصُرُوا بَنِي إِسْرَائِيلْ أَشَانْ يَمُرْقُوا عَجَلَةْ مِنْ بَلَدْهُمْ.
الخُروج من مَصِر
34وَ شَعَبْ بَنِي إِسْرَائِيلْ شَالَوْا عَجِينْ الْخُبْزَةْ اللِّسَّاعْ مَا عِنْدَهْ تَوَّارَةْ وَ خَطَّوْه فِي طَاسَاتْ وَ رَبَطَوْه فِي خُلْقَانْهُمْ وَ خَطَّوْه فِي كَتَافَيْهُمْ. 35وَ بَنِي إِسْرَائِيلْ سَأَلَوْا الْمَصْرِيِّينْ أَشْيَاءْ هَنَا فُضَّةْ وَ دَهَبْ وَ خُلْقَانْ مِثِلْ مُوسَى قَالَهْ. 36وَ اللّٰهْ سَوَّى بَنِي إِسْرَائِيلْ لِقَوْا رِضَى الْمَصْرِيِّينْ. وَ أَنْطَوْهُمْ كُلَّ شَيّءْ السَّأَلَوْهُمْ وَ بِمِثِلْ دَا، بَنِي إِسْرَائِيلْ كَسَبَوْا مَالْ الْمَصْرِيِّينْ.
37وَ بَعَدْ دَا، بَنِي إِسْرَائِيلْ قَمَّوْا مِنْ مَدِينَةْ رَعَمْسِيس وَ مَشَوْا عَلَيْ سُكُّوتْ. وَ عَدَدْهُمْ 600 000 رُجَالْ مَاشِينْ بِرِجْلَيْهُمْ وَ دَا بَلَا عَدَدْ الْعَوِينْهُمْ وَ الْعِيَالْهُمْ. 38وَ شَالَوْا بَقَرْ وَ غَنَمْ كَتِيرِينْ مَرَّةْ وَاحِدْ. وَ مَشَوْا مَعَاهُمْ نَاسْ كَتِيرِينْ مِنْ قَبَايِلْ آخَرِينْ. 39وَ بَنِي إِسْرَائِيلْ سَلَّلَوْا خُبْزَةْ بَلَا تَوَّارَةْ بِالْعَجِينْ الشَّالَوْه مِنْ مَصِرْ اللِّسَّاعْ مَا عِنْدَهْ تَوَّارَةْ. وَ دَا أَشَانْ الْمَصْرِيِّينْ طَرَدَوْهُمْ مِنْ مَصِرْ وَ مَا لِقَوْا وَكِتْ أَشَانْ يِجَهُّزُوا لِنُفُوسْهُمْ زَادْ.
40وَ بَنِي إِسْرَائِيلْ عَاشَوْا مُدَّةْ 430 سَنَةْ فِي مَصِرْ. 41وَ بَعَدْ 430 سَنَةْ فِي الْيَوْم الْمُحَدَّدْ، كُلَّ شَعَبْ اللّٰهْ مَرَقَوْا مِنْ بَلَدْ مَصِرْ حَسَبْ مَجْمُوعَاتْهُمْ. 42وَ فِي اللَّيْلَةْ دِي، اللّٰهْ رَاقَبْ طُولْ اللَّيْل فِي شَانْ شَعَبَهْ لِيَمْرُقْهُمْ مِنْ مَصِرْ. وَ فِي شَانْ دَا، وَاجِبْ بَنِي إِسْرَائِيلْ يِسَاهُرُوا لِلّٰهْ فِي اللَّيْلَةْ دِي مِنْ ذُرِّيَّةْ لِذُرِّيَّةْ.
اللّه زاد قوانين هنا عيد الْفِصْح
43وَ اللّٰهْ قَالْ لِمُوسَى وَ هَارُونْ: «دَاهُو قَوَانِينْ هَنَا عِيدْ الْفِصْحَ. أَيِّ نَادُمْ الْمَا مِنْ بَنِي إِسْرَائِيلْ مَا يَاكُلْ مَعَاكُو أَكِلْ الْعِيدْ. 44وَ الْعَبِدْ الشَّرَيْتُوهْ مَا يَاكُلْ مَعَاكُو إِلَّا كَنْ طَهَّرْتُوهْ. 45وَ أَيِّ ضَيْف وَلَّا أَجْنَبِي الْيَخْدِمْ لَيْكُو بِقُرُسْ مَا يَاكُلْ مَعَاكُو. 46وَ الْحَمَلْ دَا آكُلُوهْ دَاخَلْ فِي لُبّ الْبَيْت وَ مَا تَمُرْقُوا لَحَمَهْ بَرَّا مِنْ الْبَيْت. وَ مَا تَكْسُرُوا وَاحِدْ مِنْ عُضَامَهْ. 47وَ كُلَّ مُجْتَمَعْ بَنِي إِسْرَائِيلْ يِعَيِّدْ الْعِيدْ دَا. 48وَ كَنْ نَادُمْ أَجْنَبِي قَاعِدْ مَعَاكُو وَ يِدَوْر يِعَيِّدْ الْعِيدْ لِلّٰهْ، وَاجِبْ تِطَهُّرُوهْ. وَ هُو يِطَهِّرْ كُلَّ الدُّكُورْ الْقَاعِدِينْ فِي بَيْتَهْ. وَ مِثِلْ دَا، يَقْدَرْ يِعَيِّدْ الْعِيدْ مِثِلْ وَاحِدْ مِنْ بَنِي إِسْرَائِيلْ. لَاكِنْ أَيِّ رَاجِلْ الْمَا مُطَهَّرْ مَا يَاكُلْ أَكِلْ الْعِيدْ دَا. 49وَ دَا نَفْس الْقَانُونْ لِنَادُمْ الْمِنْ بَنِي إِسْرَائِيلْ وَ لِلْأَجْنَبِي السَّاكِنْ مَعَاكُو.»
50وَ كُلَّ بَنِي إِسْرَائِيلْ سَوَّوْا كُلَّ شَيّءْ مِثِلْ اللّٰهْ أَمَرْ بَيَّهْ مُوسَى وَ هَارُونْ. 51وَ فِي الْيَوْم دَا بَسْ، اللّٰهْ مَرَقْ بَنِي إِسْرَائِيلْ مِنْ مَصِرْ حَسَبْ مَجْمُوعَاتْهُمْ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
La Bible en arabe tchadien © Alliance biblique du Tchad, 2019