تَثْنِية 10
10
الصنْدوق و ليحان المُعاهدة
1وَ فِي الْوَكِتْ دَاكْ، اللّٰهْ قَالْ لَيِّ أَنَا مُوسَى: «سَوِّي لِيحَانْ إِتْنَيْن هَنَا حَجَرْ مِثِلْ اللِّيحَانْ الْأَوَّلْ وَ أَطْلَعْ لَيِّ فِي الْجَبَلْ. وَ سَوِّي صَنْدُوقْ هَنَا حَطَبْ كُلَ. 2وَ أَنَا نَكْتِبْ فَوْقهُمْ الْوَصَايَا الْأَوَّلْ كَتَبْتُهُمْ فِي اللِّيحَانْ الْإِنْتَ كَسَّرْتُهُمْ. وَ تِدِسّ اللِّيحَانْ دَوْل فِي لُبّ الصَّنْدُوقْ.»
3وَ خَلَاصْ، أَنَا سَوَّيْت صَنْدُوقْ هَنَا حَطَبْ السُّنْط وَ سَوَّيْت لِيحَانْ إِتْنَيْن هَنَا حَجَرْ مِثِلْ اللِّيحَانْ الْأَوَّلْ#10:3 لِيحَانْ مِثِلْ اللِّيحَانْ الْأَوَّلْ: التاريخ دا تلقوه في خُروج 34:1-4. وَ طَلَعْت فِي الْجَبَلْ وَ اللِّيحَانْ دَوْل فِي إِيدِي. 4وَ اللّٰهْ كَتَبْ فِي اللِّيحَانْ نَفْس الْكَلَامْ الْمَكْتُوبْ فِي اللِّيحَانْ الْأَوَّلْ. وَ دَوْل الْوَصَايَا الْعَشَرَةْ الْكَلَّمَاكُو بَيْهُمْ فِي الْجَبَلْ مِنْ أُسْط النَّارْ فِي يَوْم الْإِجْتِمَاعْ. وَ اللّٰهْ أَنْطَاهُمْ لَيِّ. 5وَ خَلَاصْ، أَنَا قَبَّلْت وَ نَزَلْت مِنْ الْجَبَلْ وَ دَسَّيْت اللِّيحَانْ دَوْل فِي الصَّنْدُوقْ الْأَنَا سَوَّيْتَهْ وَ هُمَّنْ قَاعِدِينْ فَوْقَهْ مِثِلْ اللّٰهْ أَمَرَانِي بَيَّهْ.
6وَ بَنِي إِسْرَائِيلْ قَمَّوْا مِنْ بِيَارْ بَنِي يَعْقَانْ وَ مَشَوْا لِمُوسِرَةْ وَ دَا بَكَانْ الْمَاتْ فَوْقَهْ هَارُونْ وَ دَفَنَوْه. وَ وِلَيْدَهْ أَلِعَازَرْ بِقِي رَاجِلْ دِينْ فِي بَدَلَهْ. 7وَ مِنْ الْبَكَانْ دَا، مَشَوْا لِقُدْقُودَةْ وَ مِنْ قُدْقُودَةْ، مَشَوْا لِيُطْبَاتَةْ وَ دِي الْبَلَدْ الْفَوْقهَا وُدْيَانْ أَلْمِي.
8وَ فِي الْوَكِتْ دَاكْ، اللّٰهْ عَزَلْ قَبِيلَةْ اللَّاوِيِّينْ لِيِشِيلُوا صَنْدُوقْ مُعَاهَدَةْ اللّٰهْ وَ لِيَقِيفُوا قِدَّامَهْ وَ يَخْدُمُوا لَيَّهْ وَ يِبَارُكُوا الشَّعَبْ بِأُسْمَهْ. وَ دَا مِثِلْ هُمَّنْ قَاعِدِينْ يِسَوُّوهْ لَحَدِّي الْيَوْم. 9وَ أَشَانْ دَا، اللَّاوِيِّينْ مَا عِنْدُهُمْ قِسِمْ وَ لَا وَرَثَةْ مَعَ أَخْوَانْهُمْ. وَ اللّٰهْ هُو وَرَثَتْهُمْ وَ دَا مِثِلْ اللّٰهْ إِلٰـهْكُو قَالَهْ لَيْهُمْ.
10وَ أَنَا مُوسَى قَعَدْت فِي رَاسْ الْجَبَلْ مِثِلْ أَوَّلْ، 40 يَوْم وَ 40 لَيْلَةْ. وَ فِي الْمَرَّةْ دِي كُلَ، اللّٰهْ سِمِعْنِي وَ مَا دَوَّرْ يِدَمِّرْكُو. 11وَ اللّٰهْ قَالْ لَيِّ: «قُمّ وَ أَمْشِي قِدَّامْ الشَّعَبْ دَا وَ خَلِّي يَمْشُوا يِشِيلُوا الْبَلَدْ الْأَنَا حَلَفْت نَنْطِيهَا لِجُدُودْهُمْ.»
قانون الحُبّ و الخَوْف من اللّه
12وَ مُوسَى قَالْ بَتَّانْ: هَسَّعْ، يَا بَنِي إِسْرَائِيلْ، اللّٰهْ إِلٰـهْكُو يِدَوْر مِنْكُو شُنُو؟ هُو يِدَوْر بَسْ إِنْتُو تَخَافَوْا مِنَّهْ هُو اللّٰهْ إِلٰـهْكُو وَ تَمْشُوا فِي كُلَّ دُرُوبَهْ وَ تِحِبُّوهْ وَ تَعَبُدُوهْ بِكُلَّ قُلُوبْكُو وَ كُلَّ فِكِرْكُو. 13وَ طَبُّقُوا وَصَايَا اللّٰهْ وَ الْقَوَانِينْ النَّنْطِيهُمْ لَيْكُو الْيَوْم. وَ دَا، لِخَيْركُو.
14أَيْوَى، اللّٰهْ إِلٰـهْكُو سِيدْ السَّمَاوَاتْ وَ الْأَرْض وَ كُلَّ شَيّءْ الْفِيهُمْ. 15وَ لِأَبَّهَاتْكُو بَسْ، اللّٰهْ عَزَلَاهُمْ لِيِحِبُّهُمْ. وَ بَعَدْهُمْ، حَبَّاكُو إِنْتُو ذُرِّيِّتْهُمْ وَ عَزَلَاكُو مِنْ أُسُطْ كُلَّ الشُّعُوبْ مِثِلْ إِنْتُو قَاعِدِينْ تِشِيفُوهْ الْيَوْم. 16طَهُّرُوا قُلُوبْكُو وَ مَا تِقَوُّوا رُوسَيْكُو وَ تَعَصَوْا اللّٰهْ بَتَّانْ.
17أَشَانْ اللّٰهْ إِلٰـهْكُو، هُو إِلٰـهْ الْإِلٰـهَاتْ وَ رَبّ الْأَرْبَابْ. وَ هُو الْإِلٰـهْ الْعَظِيمْ وَ الْقَادِرْ وَ الْمُخِيفْ. وَ هُو عَادِلْ وَ مَا يَرْضَى بِالرَّشْوَةْ. 18وَ هُو يَحْمِي حُقُوقْ الْأَتِيمْ وَ الْأَرْمَلَةْ وَ يِحِبّ الْأَجْنَبِي وَ يَنْطِيهْ أَكِلْ وَ لُبَاسْ. 19وَ إِنْتُو كُلَ حِبُّوا الْأَجْنَبِي أَشَانْ إِنْتُو كُلَ بِقِيتُوا أَجَانِبْ فِي بَلَدْ مَصِرْ.
20وَ أَخَافَوْا مِنْ اللّٰهْ إِلٰـهْكُو وَ أَعَبُدُوهْ وَ أَتْمَسَّكَوْا بَيَّهْ وَ أَحَلْفُوا بِأُسْمَهْ هُو بَسْ. 21وَ لَيَّهْ هُو بَسْ أَشْكُرُوهْ، هُو إِلٰـهْكُو السَّوَّى فِي أُسُطْكُو الْعَجَايِبْ الْكُبَارْ الْبِخَوُّفُوا وَ إِنْتُو شِفْتُوهُمْ بِعُيُونْكُو. 22وَ وَكِتْ أَبَّهَاتْكُو وَصَّلَوْا فِي مَصِرْ، عَدَدْهُمْ 70 رَاجِلْ بَسْ وَ هَسَّعْ اللّٰهْ إِلٰـهْكُو سَوَّاكُو كَتِيرِينْ مِثِلْ نُجُومْ السَّمَاءْ.
Currently Selected:
تَثْنِية 10: ع.د.ت19
Highlight
Share
Copy
Want to have your highlights saved across all your devices? Sign up or sign in
La Bible en arabe tchadien © Alliance biblique du Tchad, 2019
تَثْنِية 10
10
الصنْدوق و ليحان المُعاهدة
1وَ فِي الْوَكِتْ دَاكْ، اللّٰهْ قَالْ لَيِّ أَنَا مُوسَى: «سَوِّي لِيحَانْ إِتْنَيْن هَنَا حَجَرْ مِثِلْ اللِّيحَانْ الْأَوَّلْ وَ أَطْلَعْ لَيِّ فِي الْجَبَلْ. وَ سَوِّي صَنْدُوقْ هَنَا حَطَبْ كُلَ. 2وَ أَنَا نَكْتِبْ فَوْقهُمْ الْوَصَايَا الْأَوَّلْ كَتَبْتُهُمْ فِي اللِّيحَانْ الْإِنْتَ كَسَّرْتُهُمْ. وَ تِدِسّ اللِّيحَانْ دَوْل فِي لُبّ الصَّنْدُوقْ.»
3وَ خَلَاصْ، أَنَا سَوَّيْت صَنْدُوقْ هَنَا حَطَبْ السُّنْط وَ سَوَّيْت لِيحَانْ إِتْنَيْن هَنَا حَجَرْ مِثِلْ اللِّيحَانْ الْأَوَّلْ#10:3 لِيحَانْ مِثِلْ اللِّيحَانْ الْأَوَّلْ: التاريخ دا تلقوه في خُروج 34:1-4. وَ طَلَعْت فِي الْجَبَلْ وَ اللِّيحَانْ دَوْل فِي إِيدِي. 4وَ اللّٰهْ كَتَبْ فِي اللِّيحَانْ نَفْس الْكَلَامْ الْمَكْتُوبْ فِي اللِّيحَانْ الْأَوَّلْ. وَ دَوْل الْوَصَايَا الْعَشَرَةْ الْكَلَّمَاكُو بَيْهُمْ فِي الْجَبَلْ مِنْ أُسْط النَّارْ فِي يَوْم الْإِجْتِمَاعْ. وَ اللّٰهْ أَنْطَاهُمْ لَيِّ. 5وَ خَلَاصْ، أَنَا قَبَّلْت وَ نَزَلْت مِنْ الْجَبَلْ وَ دَسَّيْت اللِّيحَانْ دَوْل فِي الصَّنْدُوقْ الْأَنَا سَوَّيْتَهْ وَ هُمَّنْ قَاعِدِينْ فَوْقَهْ مِثِلْ اللّٰهْ أَمَرَانِي بَيَّهْ.
6وَ بَنِي إِسْرَائِيلْ قَمَّوْا مِنْ بِيَارْ بَنِي يَعْقَانْ وَ مَشَوْا لِمُوسِرَةْ وَ دَا بَكَانْ الْمَاتْ فَوْقَهْ هَارُونْ وَ دَفَنَوْه. وَ وِلَيْدَهْ أَلِعَازَرْ بِقِي رَاجِلْ دِينْ فِي بَدَلَهْ. 7وَ مِنْ الْبَكَانْ دَا، مَشَوْا لِقُدْقُودَةْ وَ مِنْ قُدْقُودَةْ، مَشَوْا لِيُطْبَاتَةْ وَ دِي الْبَلَدْ الْفَوْقهَا وُدْيَانْ أَلْمِي.
8وَ فِي الْوَكِتْ دَاكْ، اللّٰهْ عَزَلْ قَبِيلَةْ اللَّاوِيِّينْ لِيِشِيلُوا صَنْدُوقْ مُعَاهَدَةْ اللّٰهْ وَ لِيَقِيفُوا قِدَّامَهْ وَ يَخْدُمُوا لَيَّهْ وَ يِبَارُكُوا الشَّعَبْ بِأُسْمَهْ. وَ دَا مِثِلْ هُمَّنْ قَاعِدِينْ يِسَوُّوهْ لَحَدِّي الْيَوْم. 9وَ أَشَانْ دَا، اللَّاوِيِّينْ مَا عِنْدُهُمْ قِسِمْ وَ لَا وَرَثَةْ مَعَ أَخْوَانْهُمْ. وَ اللّٰهْ هُو وَرَثَتْهُمْ وَ دَا مِثِلْ اللّٰهْ إِلٰـهْكُو قَالَهْ لَيْهُمْ.
10وَ أَنَا مُوسَى قَعَدْت فِي رَاسْ الْجَبَلْ مِثِلْ أَوَّلْ، 40 يَوْم وَ 40 لَيْلَةْ. وَ فِي الْمَرَّةْ دِي كُلَ، اللّٰهْ سِمِعْنِي وَ مَا دَوَّرْ يِدَمِّرْكُو. 11وَ اللّٰهْ قَالْ لَيِّ: «قُمّ وَ أَمْشِي قِدَّامْ الشَّعَبْ دَا وَ خَلِّي يَمْشُوا يِشِيلُوا الْبَلَدْ الْأَنَا حَلَفْت نَنْطِيهَا لِجُدُودْهُمْ.»
قانون الحُبّ و الخَوْف من اللّه
12وَ مُوسَى قَالْ بَتَّانْ: هَسَّعْ، يَا بَنِي إِسْرَائِيلْ، اللّٰهْ إِلٰـهْكُو يِدَوْر مِنْكُو شُنُو؟ هُو يِدَوْر بَسْ إِنْتُو تَخَافَوْا مِنَّهْ هُو اللّٰهْ إِلٰـهْكُو وَ تَمْشُوا فِي كُلَّ دُرُوبَهْ وَ تِحِبُّوهْ وَ تَعَبُدُوهْ بِكُلَّ قُلُوبْكُو وَ كُلَّ فِكِرْكُو. 13وَ طَبُّقُوا وَصَايَا اللّٰهْ وَ الْقَوَانِينْ النَّنْطِيهُمْ لَيْكُو الْيَوْم. وَ دَا، لِخَيْركُو.
14أَيْوَى، اللّٰهْ إِلٰـهْكُو سِيدْ السَّمَاوَاتْ وَ الْأَرْض وَ كُلَّ شَيّءْ الْفِيهُمْ. 15وَ لِأَبَّهَاتْكُو بَسْ، اللّٰهْ عَزَلَاهُمْ لِيِحِبُّهُمْ. وَ بَعَدْهُمْ، حَبَّاكُو إِنْتُو ذُرِّيِّتْهُمْ وَ عَزَلَاكُو مِنْ أُسُطْ كُلَّ الشُّعُوبْ مِثِلْ إِنْتُو قَاعِدِينْ تِشِيفُوهْ الْيَوْم. 16طَهُّرُوا قُلُوبْكُو وَ مَا تِقَوُّوا رُوسَيْكُو وَ تَعَصَوْا اللّٰهْ بَتَّانْ.
17أَشَانْ اللّٰهْ إِلٰـهْكُو، هُو إِلٰـهْ الْإِلٰـهَاتْ وَ رَبّ الْأَرْبَابْ. وَ هُو الْإِلٰـهْ الْعَظِيمْ وَ الْقَادِرْ وَ الْمُخِيفْ. وَ هُو عَادِلْ وَ مَا يَرْضَى بِالرَّشْوَةْ. 18وَ هُو يَحْمِي حُقُوقْ الْأَتِيمْ وَ الْأَرْمَلَةْ وَ يِحِبّ الْأَجْنَبِي وَ يَنْطِيهْ أَكِلْ وَ لُبَاسْ. 19وَ إِنْتُو كُلَ حِبُّوا الْأَجْنَبِي أَشَانْ إِنْتُو كُلَ بِقِيتُوا أَجَانِبْ فِي بَلَدْ مَصِرْ.
20وَ أَخَافَوْا مِنْ اللّٰهْ إِلٰـهْكُو وَ أَعَبُدُوهْ وَ أَتْمَسَّكَوْا بَيَّهْ وَ أَحَلْفُوا بِأُسْمَهْ هُو بَسْ. 21وَ لَيَّهْ هُو بَسْ أَشْكُرُوهْ، هُو إِلٰـهْكُو السَّوَّى فِي أُسُطْكُو الْعَجَايِبْ الْكُبَارْ الْبِخَوُّفُوا وَ إِنْتُو شِفْتُوهُمْ بِعُيُونْكُو. 22وَ وَكِتْ أَبَّهَاتْكُو وَصَّلَوْا فِي مَصِرْ، عَدَدْهُمْ 70 رَاجِلْ بَسْ وَ هَسَّعْ اللّٰهْ إِلٰـهْكُو سَوَّاكُو كَتِيرِينْ مِثِلْ نُجُومْ السَّمَاءْ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
La Bible en arabe tchadien © Alliance biblique du Tchad, 2019