Yachuuʼ 8
8
Bani Israaʼiil dammaro hillit Aay
1Wa Allah gaal le Yachuuʼ : «Ma takhaaf wa la tinbahit. Chiil maʼaak kulla l-rujaal al-muhaaribiin wa gumm didd hillit Aay. Daahu ana sallamt leek malik hillit Aay wa chaʼabah wa hillitah wa baladah. 2Wa inta tisawwi fi hillit Aay wa malikha misil sawweet fi Ariiha wa malikha. Wa laakin hassaʼ tagdaro tichiilu khaniime hana l-khumaam wa l-bahaayim. Wa arbut kamiin wara l-hille.»
3Wa Yachuuʼ wa kulla l-rujaal al-muhaaribiin gammo jahhazo le yahjumu hillit Aay. Wa hu azal 30 000 raajil min al-rujaal al-furraas wa rassalaahum be l-leel. 4Wa amaraahum wa gaal : «Arbutu kamiin wara l-hille wa ma tagoodu minha baʼiid laakin agoodu jaahiziin. 5Wa ana wa kulla l-deech al-maʼaayi nigarrubu le l-hille. Wa wakit humman yamurgu le yihaarubuuna, aniina niʼarrudu minhum misil awwal. 6Wa yamurgu waraana wa aniina niwadduuhum baʼiid min al-hille lahaddi yuguulu : ‹Al-naas dool arrado giddaamna misil awwal.› Wa wakit aniina najru giddaamhum, 7khalaas intu tamurgu min kamiinku wa tichiilu al-hille achaan Allah Ilaahku yisallimha leeku fi iideeku. 8Wa min tichiiluuha, harruguuha misil Allah hajja leeku. Wa dool bas awaamiri ana.»
9Wa Yachuuʼ rassalaahum fi bakaan al-kamiin wa humman gaʼado ambeen Beet Iil wa hillit Aay fi l-nuss al-kharbaani hana hillit Aay. Wa fi l-leele di, Yachuuʼ naam maʼa l-chaʼab fi l-fariig. 10Wa be fajur badri, Yachuuʼ gamma alfaggad al-deech. Wa baʼad da, hu wa chuyuukh Bani Israaʼiil gammo fi raas al-deech wa macho le yahjumu hillit Aay. 11Wa kulla l-rujaal al-muhaaribiin al-maʼaayah macho wa garrabo le l-hille be nussaha al-munchaakhi wa nazalo hinaak. Wa l-waadi gaaʼid ambeenaathum humman wa hillit Aay. 12Wa Yachuuʼ chaal hawaale 5 000 raajil wa khattaahum kamiin ambeen Beet Iil wa hillit Aay fi l-nuss al-kharbaani hana l-hille. 13Wa l-deech khatta muʼaskarah be l-nuss al-munchaakhi hana l-hille wa l-kamiin khattooh kharib le l-hille. Wa fi l-leele di, Yachuuʼ macha fi lubb al-waadi.
14Wakit malik hillit Aay chaaf deech Bani Israaʼiil, hu wa kulla rujaal al-hille gammo le yihaarubu Bani Israaʼiil ale waadi al-Urdun. Wa laakin humman ma irfo kadar khatto kamiin wara l-hille. 15Wa khalaas, Yachuuʼ wa deech Bani Israaʼiil sawwo nufuushum misil anhazamo wa gammo arrado ale l-sahara. 16Wa kulla rujaal hillit Aay lammo sawwa le yaturduuhum. Wa taarado Yachuuʼ wa deechah lahaddi macho baʼiid min al-hille. 17Wa fi hillit Aay wa Beet Iil, ma fi raajil al-ma marag taarad Bani Israaʼiil. Wa humman khallo al-hille maftuuha wa macho yitaarudu Bani Israaʼiil.
18Wa Allah gaal le Yachuuʼ : «Midd al-harba al-fi iidak ale hillit Aay achaan nisallimha leek.» Wa khalaas, Yachuuʼ madda al-harba al-fi iidah ale l-hille. 19Wa min madda iidah, tawwaali al-rujaal al-fi l-kamiin gammo wa jaro dakhalo al-hille wa chaalooha wa harragooha.
20Wa rujaal hillit Aay anlafato wa chaafo al-dukhkhaan gaaʼid yatlaʼ min al-hille. Wa khalaas, humman ma induhum bakaan al-yajru aleyah achaan Bani Israaʼiil al-muʼarridiin gabbalo fi l-naas al-gaaʼidiin yitaaruduuhum. 21Wa khalaas, wakit Yachuuʼ wa deech Bani Israaʼiil chaafo al-rujaal al-fi l-kamiin chaalo al-hille wa l-dukhkhaan gaaʼid yatlaʼ minha, humman hajamo rujaal hillit Aay wa kataloohum. 22Wa l-rujaal al-sawwo al-kamiin marago min hillit Aay le yihaarubuuhum humman kula. Wa khalaas, rujaal hillit Aay bigo fi usut Bani Israaʼiil, dool giddaamhum wa dool waraahum. Wa Bani Israaʼiil kataloohum lahaddi naadum waahid minhum kula ma faddal hayy wa la arrad. 23Wa kan le malik hillit Aay kamaan, karabooh hayy wa waddooh le Yachuuʼ.
24Wa baʼad Bani Israaʼiil katalo be l-seef kulla sukkaan hillit Aay fi l-kadaade wa fi l-sahara wa fi ayyi bakaan al-taradoohum foogah, humman gabbalo fi l-hille wa katalo kulla naasha be l-seef. 25Wa fi l-yoom da, kulla sukkaan hillit Aay maato wa adadhum 12 000 rujaal wa awiin. 26Achaan Yachuuʼ ma dalla iidah al-madda beeha al-harba lahaddi dammaro kulla sukkaan Aay. 27Wa Bani Israaʼiil chaalo khaniime hana l-bahaayim wa l-khumaam min al-hille di hasab kalaam Allah al-gaalah le Yachuuʼ. 28Wa Yachuuʼ harrag hillit Aay wa bigat koom hana turaab daayim wa kharaab lahaddi l-yoom. 29Wa Yachuuʼ chanag malik hillit Aay fi chadara wa khallaah muʼallag foogha lahaddi l-achiiye. Wa wakit al-harraay wagaʼat, Yachuuʼ amar yidallu janaaztah. Wa wakit dallooha, zagalooha fi khachum baab al-hille wa sawwo foogha koom kabiir hana hujaar al-gaaʼid lahaddi l-yoom.
Yachuuʼ bana madbah fi jabal Ibaal
30Wa baʼad da, Yachuuʼ bana madbah le Allah Ilaah Bani Israaʼiil fi jabal Ibaal 31misil Muusa abd Allah amar Bani Israaʼiil wa misil maktuub fi Tawraat Muusa.#8:31 bana madbah misil maktuub fi Tawraat Muusa Al-taariikh da talgooh fi Tasniya 27:1-13. Gaal waajib yabnu madbah be hujaar kaamiliin al-abadan ma gataʼoohum be hadiid. Wa fi l-madbah da, gaddamo dahaaya muharragiin le Allah wa dahaaya salaama. 32Wa fi l-hujaar dool, Yachuuʼ katab Tawraat Muusa al-awwal hu katabha le Bani Israaʼiil. 33Wa chaʼab Bani Israaʼiil wa chuyuukhhum wa masaaʼiilhum wa gudiyaahum wagafo jaay wa jaay le sanduug muʼaahadat Allah giddaam rujaal al-diin al-Laawiyiin al-chaalo al-sanduug da. Al-ajaanib wa l-muwaatiniin kulluhum gaaʼidiin. Nussuhum wagafo giddaam jabal Gariziim wa nussuhum wagafo giddaam jabal Ibaal misil Muusa abd Allah amaraahum#8:33 giddaam jabal Gariziim wa jabal Ibaal misil Muusa amaraahum Al-kalaam da talgooh fi Tasniya 27:11-26. le yibaaruku awwalan ke Bani Israaʼiil. 34Wa baʼad da, Yachuuʼ gara be hiss aali kulla kalaam kitaab al-Tawraat hana Muusa hana l-baraka wa l-laʼana hasab kulla cheyy al-maktuub fi l-kitaab da. 35Wa min kulla l-kalaam al-katabah Muusa, ma fi kalaam al-Yachuuʼ ma garaah giddaam kulla mujtamaʼ Bani Israaʼiil wa l-awiin wa l-iyaal wa l-ajaanib al-gaaʼidiin maʼaahum.
Currently Selected:
Yachuuʼ 8: ADT19
Highlight
Copy
Compare
Share
Want to have your highlights saved across all your devices? Sign up or sign in
Arabe tchadien (alphabet latin) Bible © Alliance Biblique du Tchad, 2019.
Yachuuʼ 8
8
Bani Israaʼiil dammaro hillit Aay
1Wa Allah gaal le Yachuuʼ : «Ma takhaaf wa la tinbahit. Chiil maʼaak kulla l-rujaal al-muhaaribiin wa gumm didd hillit Aay. Daahu ana sallamt leek malik hillit Aay wa chaʼabah wa hillitah wa baladah. 2Wa inta tisawwi fi hillit Aay wa malikha misil sawweet fi Ariiha wa malikha. Wa laakin hassaʼ tagdaro tichiilu khaniime hana l-khumaam wa l-bahaayim. Wa arbut kamiin wara l-hille.»
3Wa Yachuuʼ wa kulla l-rujaal al-muhaaribiin gammo jahhazo le yahjumu hillit Aay. Wa hu azal 30 000 raajil min al-rujaal al-furraas wa rassalaahum be l-leel. 4Wa amaraahum wa gaal : «Arbutu kamiin wara l-hille wa ma tagoodu minha baʼiid laakin agoodu jaahiziin. 5Wa ana wa kulla l-deech al-maʼaayi nigarrubu le l-hille. Wa wakit humman yamurgu le yihaarubuuna, aniina niʼarrudu minhum misil awwal. 6Wa yamurgu waraana wa aniina niwadduuhum baʼiid min al-hille lahaddi yuguulu : ‹Al-naas dool arrado giddaamna misil awwal.› Wa wakit aniina najru giddaamhum, 7khalaas intu tamurgu min kamiinku wa tichiilu al-hille achaan Allah Ilaahku yisallimha leeku fi iideeku. 8Wa min tichiiluuha, harruguuha misil Allah hajja leeku. Wa dool bas awaamiri ana.»
9Wa Yachuuʼ rassalaahum fi bakaan al-kamiin wa humman gaʼado ambeen Beet Iil wa hillit Aay fi l-nuss al-kharbaani hana hillit Aay. Wa fi l-leele di, Yachuuʼ naam maʼa l-chaʼab fi l-fariig. 10Wa be fajur badri, Yachuuʼ gamma alfaggad al-deech. Wa baʼad da, hu wa chuyuukh Bani Israaʼiil gammo fi raas al-deech wa macho le yahjumu hillit Aay. 11Wa kulla l-rujaal al-muhaaribiin al-maʼaayah macho wa garrabo le l-hille be nussaha al-munchaakhi wa nazalo hinaak. Wa l-waadi gaaʼid ambeenaathum humman wa hillit Aay. 12Wa Yachuuʼ chaal hawaale 5 000 raajil wa khattaahum kamiin ambeen Beet Iil wa hillit Aay fi l-nuss al-kharbaani hana l-hille. 13Wa l-deech khatta muʼaskarah be l-nuss al-munchaakhi hana l-hille wa l-kamiin khattooh kharib le l-hille. Wa fi l-leele di, Yachuuʼ macha fi lubb al-waadi.
14Wakit malik hillit Aay chaaf deech Bani Israaʼiil, hu wa kulla rujaal al-hille gammo le yihaarubu Bani Israaʼiil ale waadi al-Urdun. Wa laakin humman ma irfo kadar khatto kamiin wara l-hille. 15Wa khalaas, Yachuuʼ wa deech Bani Israaʼiil sawwo nufuushum misil anhazamo wa gammo arrado ale l-sahara. 16Wa kulla rujaal hillit Aay lammo sawwa le yaturduuhum. Wa taarado Yachuuʼ wa deechah lahaddi macho baʼiid min al-hille. 17Wa fi hillit Aay wa Beet Iil, ma fi raajil al-ma marag taarad Bani Israaʼiil. Wa humman khallo al-hille maftuuha wa macho yitaarudu Bani Israaʼiil.
18Wa Allah gaal le Yachuuʼ : «Midd al-harba al-fi iidak ale hillit Aay achaan nisallimha leek.» Wa khalaas, Yachuuʼ madda al-harba al-fi iidah ale l-hille. 19Wa min madda iidah, tawwaali al-rujaal al-fi l-kamiin gammo wa jaro dakhalo al-hille wa chaalooha wa harragooha.
20Wa rujaal hillit Aay anlafato wa chaafo al-dukhkhaan gaaʼid yatlaʼ min al-hille. Wa khalaas, humman ma induhum bakaan al-yajru aleyah achaan Bani Israaʼiil al-muʼarridiin gabbalo fi l-naas al-gaaʼidiin yitaaruduuhum. 21Wa khalaas, wakit Yachuuʼ wa deech Bani Israaʼiil chaafo al-rujaal al-fi l-kamiin chaalo al-hille wa l-dukhkhaan gaaʼid yatlaʼ minha, humman hajamo rujaal hillit Aay wa kataloohum. 22Wa l-rujaal al-sawwo al-kamiin marago min hillit Aay le yihaarubuuhum humman kula. Wa khalaas, rujaal hillit Aay bigo fi usut Bani Israaʼiil, dool giddaamhum wa dool waraahum. Wa Bani Israaʼiil kataloohum lahaddi naadum waahid minhum kula ma faddal hayy wa la arrad. 23Wa kan le malik hillit Aay kamaan, karabooh hayy wa waddooh le Yachuuʼ.
24Wa baʼad Bani Israaʼiil katalo be l-seef kulla sukkaan hillit Aay fi l-kadaade wa fi l-sahara wa fi ayyi bakaan al-taradoohum foogah, humman gabbalo fi l-hille wa katalo kulla naasha be l-seef. 25Wa fi l-yoom da, kulla sukkaan hillit Aay maato wa adadhum 12 000 rujaal wa awiin. 26Achaan Yachuuʼ ma dalla iidah al-madda beeha al-harba lahaddi dammaro kulla sukkaan Aay. 27Wa Bani Israaʼiil chaalo khaniime hana l-bahaayim wa l-khumaam min al-hille di hasab kalaam Allah al-gaalah le Yachuuʼ. 28Wa Yachuuʼ harrag hillit Aay wa bigat koom hana turaab daayim wa kharaab lahaddi l-yoom. 29Wa Yachuuʼ chanag malik hillit Aay fi chadara wa khallaah muʼallag foogha lahaddi l-achiiye. Wa wakit al-harraay wagaʼat, Yachuuʼ amar yidallu janaaztah. Wa wakit dallooha, zagalooha fi khachum baab al-hille wa sawwo foogha koom kabiir hana hujaar al-gaaʼid lahaddi l-yoom.
Yachuuʼ bana madbah fi jabal Ibaal
30Wa baʼad da, Yachuuʼ bana madbah le Allah Ilaah Bani Israaʼiil fi jabal Ibaal 31misil Muusa abd Allah amar Bani Israaʼiil wa misil maktuub fi Tawraat Muusa.#8:31 bana madbah misil maktuub fi Tawraat Muusa Al-taariikh da talgooh fi Tasniya 27:1-13. Gaal waajib yabnu madbah be hujaar kaamiliin al-abadan ma gataʼoohum be hadiid. Wa fi l-madbah da, gaddamo dahaaya muharragiin le Allah wa dahaaya salaama. 32Wa fi l-hujaar dool, Yachuuʼ katab Tawraat Muusa al-awwal hu katabha le Bani Israaʼiil. 33Wa chaʼab Bani Israaʼiil wa chuyuukhhum wa masaaʼiilhum wa gudiyaahum wagafo jaay wa jaay le sanduug muʼaahadat Allah giddaam rujaal al-diin al-Laawiyiin al-chaalo al-sanduug da. Al-ajaanib wa l-muwaatiniin kulluhum gaaʼidiin. Nussuhum wagafo giddaam jabal Gariziim wa nussuhum wagafo giddaam jabal Ibaal misil Muusa abd Allah amaraahum#8:33 giddaam jabal Gariziim wa jabal Ibaal misil Muusa amaraahum Al-kalaam da talgooh fi Tasniya 27:11-26. le yibaaruku awwalan ke Bani Israaʼiil. 34Wa baʼad da, Yachuuʼ gara be hiss aali kulla kalaam kitaab al-Tawraat hana Muusa hana l-baraka wa l-laʼana hasab kulla cheyy al-maktuub fi l-kitaab da. 35Wa min kulla l-kalaam al-katabah Muusa, ma fi kalaam al-Yachuuʼ ma garaah giddaam kulla mujtamaʼ Bani Israaʼiil wa l-awiin wa l-iyaal wa l-ajaanib al-gaaʼidiin maʼaahum.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Arabe tchadien (alphabet latin) Bible © Alliance Biblique du Tchad, 2019.