3 Yuuhanna 1
1
1Jawaab min al-cheekh le habiibna Khaayus al-nihibbak fi l-hagg. 2Ya habiibi, nasʼal Allah achaan kulla cheyy yabga leek adiil wa achaan sihhitak tukuun taybe misil naʼarif galbak daayman tayyib.
3Ana firiht be ziyaada wakit akhwaan waahidiin jo min bakaanak wa chahado leena kadar inta gaaʼid saabit fi l-hagg wa inta daayman titaabiʼ al-hagg adiil. 4Ma fi cheyy yifarrihni ziyaada min al-khabar al-buguul iyaali gaaʼidiin yitaabuʼu al-hagg.
5Ya habiibi, akiid inta akhu saadikh achaan wakit al-akhwaan yaju leek, kan inta ma taʼarifhum kula, inta tisaaʼidhum. 6Humman chahado be mahabbitak giddaam jamaaʼat al-muʼminiin. Wa kan tantiihum zaad le safarhum misil Allah yarda beyah, da yukuun sameh bilheen. 7Humman gammo min hini achaan yakhdumu fi chaan usum al-Masiih wa ma yakhbalo cheyy min al-naas al-ma muʼminiin. 8Waajib aniina nidayyufu naas misil dool wa be misil da, nakhdumu maʼaahum fi chaan al-hagg.
9Ana rassalt jawaab le jamaaʼtak al-muʼminiin laakin Ditriifi al-mustakbir sawwa nafsah kabiirhum wa hu aba ma yasmaʼ kalaamna. 10Wa wakit najiik, niwaddih le l-akhwaan al-cheyy al-hu gaaʼid yuguulah foogna. Hu gaaʼid yagtaʼna be kalaam fasil. Wa da kula ma tammaah. Hu zaatah aba ma dayyaf al-akhwaan al-rassalnaahum. Wa l-naas al-dawwaro yidayyufuuhum kula, hu daharaahum wa taradaahum min jamaaʼat al-muʼminiin.
11Ya habiibi, ma titaabiʼ masal hana l-naas al-yisawwu al-charr. Taabiʼ masal hana l-naas al-yisawwu al-kheer. Al-naadum al-yisawwi al-kheer, hu bas naadum hana Allah. Wa l-naadum al-yisawwi al-charr ma yaʼarif Allah.
12Wa kulla l-akhwaan yachhado le Dimitri kadar hu naadum adiil wa l-hagg al-binchaaf foogah kula yachhad leyah. Aniina kula nachhado leyah wa taʼarif chahaaditna sahiihe.
13Fi kalaam katiir nidoor niʼooriik beyah wa laakin ma nidoor naktibah leek fi jawaab. 14Ana nitmanna namchi leek gariib wa nilimmu wa nihajju ambeenaatna.
15Aleekum al-salaam. Al-rufgaan al-maʼaayi yisallumuuk. Wa sallim al-rufgaan al-maʼaak kulluhum ke waahid waahid.
Currently Selected:
3 Yuuhanna 1: ADT19
Highlight
Share
Copy
Want to have your highlights saved across all your devices? Sign up or sign in
Arabe tchadien (alphabet latin) Bible © Alliance Biblique du Tchad, 2019.