1 Samuwiil 9
9
Chaawuul macha yifattich hamiir
1Wa fiyah naadum waahid min balad Banyaamiin usmah Khiich. Wa aayich fi l-balad di wa hu siid al-maal. Wa hu wileed Abiyiil wileed Saruur wileed Bakuurat wileed Afiyah. 2Wa Khiich indah wileed usmah Chaawuul. Hu sabi jamiil wa naadum min Bani Israaʼiil al-yufuutah da, ma fiih. Hu faataahum kulluhum be tuul, raasah wa kataafeeh maargiin foog minhum.
3Wa yoom waahid, hamiir hana Khiich abuuh Chaawuul waddaro. Wa Khiich gaal le wileedah Chaawuul : «Chiil waahid min al-khaddaamiin wa amchi fattich al-hamiir.» 4Wa khalaas, Chaawuul wa l-khaddaam macho yifattuchu al-hamiir fi kulla jibaal Afraayim wa fi kulla balad Chaliicha wa ma ligoohum. Wa fattachoohum battaan fi kulla balad Chaʼaliim wa balad Banyaamiin wa laakin ma ligoohum.
Chaawuul yifattich chawwaafi
5Wa wakit wassalo fi balad Suuf, Chaawuul gaal le khaddaamah al-maʼaayah : «Khalli nigabbulu ! Ana nakhaaf abuuyi hassaʼ ma yihimm le l-hamiir laakin yihimm leena aniina.» 6Wa l-khaddaam gaal leyah : «Fi l-hille di, fiyah nabi Allah. Wa l-naadum da hu maʼruuf wa kulla cheyy al-buguulah yaji fi bakaanah. Khalli namchu leyah. Akuun yiwassif leena al-derib al-waajib nichiiluuh.»
7Wa khalaas, Chaawuul gaal le khaddaamah : «Yalla namchu ! Wa laakin niwaddu chunu le l-nabi da ? Ma indina khubza fi mukhlaatna wa ma indina hadiiye al-nigaddumuuha leyah. Ma indina cheyy !» 8Wa l-khaddaam radda le Chaawuul wa gaal : «Indi fi jeebi rubuʼ hana hajar fudda nantiih le nabi Allah. Wa hu yiwassif leena al-derib.»
9Wa fi aadit Bani Israaʼiil zamaan, kan yidooru yamchu yasʼalo al-Rabb, humman yuguulu : «Namchu le l-chawwaafi.» Achaan fi wakithum daak, humman le l-nabi yinaaduuh chawwaafi.
10Wa Chaawuul gaal le khaddaamah : «Kalaamak adiil ! Taʼaal namchu !» Wa khalaas, humman macho fi l-hille al-gaaʼid foogha nabi Allah. 11Wa wakit gaaʼidiin yatlaʼo le yadkhulu fi l-hille, laago banaat maargaat maachaat yichiilan almi. Wa humman saʼaloohin wa gaalo : «Al-chawwaafi da hini walla ?» 12Wa l-banaat raddan leehum wa gaalan : «Aywa ! Hu giddaamku ! Amchu ajala talgooh. Hu ja fi l-hille al-yoom achaan al-yoom fiyah dahiiye le l-chaʼab fi l-bakaan al-aali hana l-ibaada. 13Amchu ajala talgooh gubbaal ma yatlaʼ fi bakaan al-ibaada. Achaan al-chaʼab ma yaakulu gubbaal hu ma yawsal wa yibaarik al-dahiiye di. Wa baʼad da, al-maʼzuumiin yaakuluuha. Hassaʼ da, amchu talgooh.»
Allah rassal Chaawuul le Samuwiil
14Humman talaʼo ale l-hille. Wa wakit daakhliin fi lubb al-hille, chaafo daahu Samuwiil kulla jaayi mulaagiihum taaliʼ ale bakaan al-ibaada. 15Laakin gubbaal al-lumma maʼa Chaawuul be yoom, Allah khabbarah le Samuwiil wa gaal leyah : 16«Ambaakir fi nafs al-wakit, nirassil leek naadum waahid min balad Banyaamiin. Amsahah wa darrijah le yabga kabiir le chaʼabi Bani Israaʼiil wa yinajjiihum min al-Filistiyiin. Achaan ana chift taʼab chaʼabi wa siraakhhum wassalaani.»
17Wa wakit Samuwiil chaaf Chaawuul, tawwaali Allah hajja leyah wa gaal : «Da al-raajil al-kallamtak beyah wa hu bas al-yakrub chaʼabi !» 18Wa Chaawuul lamma maʼa Samuwiil fi khachum baab al-hille wa saʼalah wa gaal leyah : «Al-salaam aleek ! Min fadlak, wassifni beet al-chawwaafi.» 19Wa Samuwiil radda leyah wa gaal : «Ana bas al-chawwaafi. Atlaʼ giddaami fi bakaan al-ibaada. Al-yoom, intu taakulu maʼaayi. Wa ambaakir fajur kamaan, nihajjiik be kulla cheyy al-yihimmak wa niʼaddiik tamchi. 20Wa kan le l-hamiir al-waddaro induhum talaata yoom, ma tihimm leehum. Humman anlago. Wa l-muna hana chaʼab Bani Israaʼiil da, fi yaatu ? Ma fiik inta wa aayilat abuuk walla ?»
21Wa Chaawuul radda wa gaal : «Ana ma min gabiilat Banyaamiin walla ? Wa aniina min al-gabaayil al-dugaag hana Bani Israaʼiil ! Wa khachum beeti kulla l-sakhayyar fi khuchuum buyuut Banyaamiin. Wa maala tihajji leyi misil da ?»
22Wa Samuwiil macha maʼa Chaawuul wa khaddaamah wa waddaahum fi l-beet al-baakulu foogah. Wa khattaahum fi l-bakaan al-indah charaf fi usut 30 maʼzuumiin aakhariin. 23Wa Samuwiil gaal le l-khaddaam al-gaaʼid yisawwi al-akil : «Jiib al-laham al-anteetak wa gult leek ahfadah.»
24Wa l-khaddaam jaab al-gaayme wa kulla l-laham al-foogha wa khattaaha giddaam Chaawuul. Wa Samuwiil gaal : «Alfaddal. Daahu al-cheyy al-dammeena leek fi l-munaasaba di wakit ana azamt al-naas. Khuttah giddaamak wa aakul.» Wa fi l-yoom da, Chaawuul akal maʼa Samuwiil. 25Wa baʼad da, nazalo min bakaan al-ibaada wa macho al-hille. Wa Samuwiil hajja maʼa Chaawuul fi raas beetah.
Samuwiil addaah le Chaawuul
26Wa humman bakkaro. Wa wakit al-chagaag chagga, Samuwiil naadaah le Chaawuul al-gaaʼid fi raas al-beet wa gaal leyah : «Niʼaddiik.» Wa khalaas, Chaawuul gamma wa Samuwiil macha maʼaayah le yiʼaddiih. 27Wa wakit garrabo yamurgu min al-hille, Samuwiil gaal le Chaawuul : «Guul le khaddaamak khalli yigaddim.» Wa hu gaddam. Wa Samuwiil gaal le Chaawuul : «Hassaʼ da, inta agiif ! Niʼooriik kalaam al-Rabb.»
Currently Selected:
1 Samuwiil 9: ADT19
Highlight
Copy
Compare
Share
Want to have your highlights saved across all your devices? Sign up or sign in
Arabe tchadien (alphabet latin) Bible © Alliance Biblique du Tchad, 2019.
1 Samuwiil 9
9
Chaawuul macha yifattich hamiir
1Wa fiyah naadum waahid min balad Banyaamiin usmah Khiich. Wa aayich fi l-balad di wa hu siid al-maal. Wa hu wileed Abiyiil wileed Saruur wileed Bakuurat wileed Afiyah. 2Wa Khiich indah wileed usmah Chaawuul. Hu sabi jamiil wa naadum min Bani Israaʼiil al-yufuutah da, ma fiih. Hu faataahum kulluhum be tuul, raasah wa kataafeeh maargiin foog minhum.
3Wa yoom waahid, hamiir hana Khiich abuuh Chaawuul waddaro. Wa Khiich gaal le wileedah Chaawuul : «Chiil waahid min al-khaddaamiin wa amchi fattich al-hamiir.» 4Wa khalaas, Chaawuul wa l-khaddaam macho yifattuchu al-hamiir fi kulla jibaal Afraayim wa fi kulla balad Chaliicha wa ma ligoohum. Wa fattachoohum battaan fi kulla balad Chaʼaliim wa balad Banyaamiin wa laakin ma ligoohum.
Chaawuul yifattich chawwaafi
5Wa wakit wassalo fi balad Suuf, Chaawuul gaal le khaddaamah al-maʼaayah : «Khalli nigabbulu ! Ana nakhaaf abuuyi hassaʼ ma yihimm le l-hamiir laakin yihimm leena aniina.» 6Wa l-khaddaam gaal leyah : «Fi l-hille di, fiyah nabi Allah. Wa l-naadum da hu maʼruuf wa kulla cheyy al-buguulah yaji fi bakaanah. Khalli namchu leyah. Akuun yiwassif leena al-derib al-waajib nichiiluuh.»
7Wa khalaas, Chaawuul gaal le khaddaamah : «Yalla namchu ! Wa laakin niwaddu chunu le l-nabi da ? Ma indina khubza fi mukhlaatna wa ma indina hadiiye al-nigaddumuuha leyah. Ma indina cheyy !» 8Wa l-khaddaam radda le Chaawuul wa gaal : «Indi fi jeebi rubuʼ hana hajar fudda nantiih le nabi Allah. Wa hu yiwassif leena al-derib.»
9Wa fi aadit Bani Israaʼiil zamaan, kan yidooru yamchu yasʼalo al-Rabb, humman yuguulu : «Namchu le l-chawwaafi.» Achaan fi wakithum daak, humman le l-nabi yinaaduuh chawwaafi.
10Wa Chaawuul gaal le khaddaamah : «Kalaamak adiil ! Taʼaal namchu !» Wa khalaas, humman macho fi l-hille al-gaaʼid foogha nabi Allah. 11Wa wakit gaaʼidiin yatlaʼo le yadkhulu fi l-hille, laago banaat maargaat maachaat yichiilan almi. Wa humman saʼaloohin wa gaalo : «Al-chawwaafi da hini walla ?» 12Wa l-banaat raddan leehum wa gaalan : «Aywa ! Hu giddaamku ! Amchu ajala talgooh. Hu ja fi l-hille al-yoom achaan al-yoom fiyah dahiiye le l-chaʼab fi l-bakaan al-aali hana l-ibaada. 13Amchu ajala talgooh gubbaal ma yatlaʼ fi bakaan al-ibaada. Achaan al-chaʼab ma yaakulu gubbaal hu ma yawsal wa yibaarik al-dahiiye di. Wa baʼad da, al-maʼzuumiin yaakuluuha. Hassaʼ da, amchu talgooh.»
Allah rassal Chaawuul le Samuwiil
14Humman talaʼo ale l-hille. Wa wakit daakhliin fi lubb al-hille, chaafo daahu Samuwiil kulla jaayi mulaagiihum taaliʼ ale bakaan al-ibaada. 15Laakin gubbaal al-lumma maʼa Chaawuul be yoom, Allah khabbarah le Samuwiil wa gaal leyah : 16«Ambaakir fi nafs al-wakit, nirassil leek naadum waahid min balad Banyaamiin. Amsahah wa darrijah le yabga kabiir le chaʼabi Bani Israaʼiil wa yinajjiihum min al-Filistiyiin. Achaan ana chift taʼab chaʼabi wa siraakhhum wassalaani.»
17Wa wakit Samuwiil chaaf Chaawuul, tawwaali Allah hajja leyah wa gaal : «Da al-raajil al-kallamtak beyah wa hu bas al-yakrub chaʼabi !» 18Wa Chaawuul lamma maʼa Samuwiil fi khachum baab al-hille wa saʼalah wa gaal leyah : «Al-salaam aleek ! Min fadlak, wassifni beet al-chawwaafi.» 19Wa Samuwiil radda leyah wa gaal : «Ana bas al-chawwaafi. Atlaʼ giddaami fi bakaan al-ibaada. Al-yoom, intu taakulu maʼaayi. Wa ambaakir fajur kamaan, nihajjiik be kulla cheyy al-yihimmak wa niʼaddiik tamchi. 20Wa kan le l-hamiir al-waddaro induhum talaata yoom, ma tihimm leehum. Humman anlago. Wa l-muna hana chaʼab Bani Israaʼiil da, fi yaatu ? Ma fiik inta wa aayilat abuuk walla ?»
21Wa Chaawuul radda wa gaal : «Ana ma min gabiilat Banyaamiin walla ? Wa aniina min al-gabaayil al-dugaag hana Bani Israaʼiil ! Wa khachum beeti kulla l-sakhayyar fi khuchuum buyuut Banyaamiin. Wa maala tihajji leyi misil da ?»
22Wa Samuwiil macha maʼa Chaawuul wa khaddaamah wa waddaahum fi l-beet al-baakulu foogah. Wa khattaahum fi l-bakaan al-indah charaf fi usut 30 maʼzuumiin aakhariin. 23Wa Samuwiil gaal le l-khaddaam al-gaaʼid yisawwi al-akil : «Jiib al-laham al-anteetak wa gult leek ahfadah.»
24Wa l-khaddaam jaab al-gaayme wa kulla l-laham al-foogha wa khattaaha giddaam Chaawuul. Wa Samuwiil gaal : «Alfaddal. Daahu al-cheyy al-dammeena leek fi l-munaasaba di wakit ana azamt al-naas. Khuttah giddaamak wa aakul.» Wa fi l-yoom da, Chaawuul akal maʼa Samuwiil. 25Wa baʼad da, nazalo min bakaan al-ibaada wa macho al-hille. Wa Samuwiil hajja maʼa Chaawuul fi raas beetah.
Samuwiil addaah le Chaawuul
26Wa humman bakkaro. Wa wakit al-chagaag chagga, Samuwiil naadaah le Chaawuul al-gaaʼid fi raas al-beet wa gaal leyah : «Niʼaddiik.» Wa khalaas, Chaawuul gamma wa Samuwiil macha maʼaayah le yiʼaddiih. 27Wa wakit garrabo yamurgu min al-hille, Samuwiil gaal le Chaawuul : «Guul le khaddaamak khalli yigaddim.» Wa hu gaddam. Wa Samuwiil gaal le Chaawuul : «Hassaʼ da, inta agiif ! Niʼooriik kalaam al-Rabb.»
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Arabe tchadien (alphabet latin) Bible © Alliance Biblique du Tchad, 2019.