Wule-ŋa Kélee Mɛi Wûle 3
3
1Ŋà kɛ̀ lâani ŋágbìŋ ŋá a kpíni,
ŋa kɛ̂ ŋ́gili ŋá siâi é pîlaŋ ŋáwɛli kɛ́-maa nûui mâ, ŋ́gɛ ŋ̀wɛli a gɛɛ ŋá gáa,
kɛ́lɛ fa gàa. Ŋà tela gɔ̀ri, fa gàa.
2Ŋá ḿù sìɣe a maa félaa ŋá lí daa-lêei su,
bere-lêe-ŋai ma da bere tâɣaŋ-ŋai lá
ŋ́gɛ ŋá wɛli kɛ́-maa nûui kɔ̂ri.
Ŋa gɔ̀ri, kɛ́lɛ fa gàa.
3Daa-lêei maa kpɛ́-ƃelai dí ŋ́gàa,
ŋá dí marê kɛ́, “Ká ŋáwɛli kɛ́-maa nûui kâa?”
4Ŋá tɛ̀ɛ kpɔ́ nɔ́ dîa ŋá gáa.
Ŋá kpùlɔŋ ma, ḿve fáa ní mà é lí,
ŋá pá la ńee ŋɔpɛ́rɛi mu ƃɛ́i,
dí wɔ́lɔ ḿaa sɔlɔ ƃô naai.
5Zerusâlɛŋ nɛyaa, ka káfoo ńyêei.
Kà káfoo a lóma da tôa láa a gɛɛ
káfe pâi kúwôlii karâi tãi kwa kɛ̂ lâa-ni lai, é lɛ́ɛ la zu kú kúmu siɣe.
Ŋ̀ulei zaaƃai
Ǹɛnîi
6Gbɛ̂ɛ ƃé kulâi ŋí vɛ̃ɛ-kpâlaŋ su yɛ̂ɛ lurii?
Wúru mã̂laŋ kúŋ nɛ̃ɛ kúŋ kulâai ma.
Gúŋ káa yɛ̂ɛ bɔni-tɔɔ-ƃelai dí wée pâai kúŋ
7Saloma káa lâani ŋɔkpôŋ su, díkɛ pà la.
Ŋɔkɔ́kɔ-ƃelai buu lɔ́ɔlu mɛi da káa gbono ma.
Díkelee díkaa a Eezuɛ lɔii ŋɔkɔ-kûluƃa wála-wâlaa-ŋa.
8Díkelee díkaa a ƃóa-sɔ̂kpɔ kɔ kɔ́-ƃela lɛ́lɛɛ-ŋa.
Díkaa a kɔ́kɔ-ƃela pɔlɔ-ŋa.
Ƃóa sɔkpɔ káa díkelee díyêei,
díkɛ gâloŋ maa kpɛ̂ a kpíni a gɛɛ núu da fa lâa kɔ́ pɛlɛ lâ m̀a.
9Gâloŋ Saloma è kâloŋ see-sɛŋ kpɛ̀tɛ gbîŋ mɛni ma.
È gbɛ̀tɛ a wúru lɛ́lɛɛ nyii è gùla Lɛƃanɔŋ.
10Dôŋ soŋ-wûru-ŋai dí kɛ̀ a dí kpɛtɛɛ a káne,
bôlu-pere kpɛtɛɛ a gôo.
Seɣe kpɔ̂lu mu-tɛiɛ́ɛ lɛ́lɛɛ pɛlɛɛ ŋ̀á.
Zerusâlɛŋ nɛyãai ƃé díkpɔɔi tãi sìɣe dí zee-sɛŋ ŋí su kpɛtɛ a ǹɛ́lɛɛ.
11Zerusâlɛŋ nɛyaa, ka pá ká Gâloŋ Saloma káa.
Ǹíi nɛ̃ɛ̂i sâa.
Aâ gâloŋ-ƃɔrɔi sée ŋ̀ûa nyii ǹee è gbɛ̀tɛ m̀i ŋɔnɛnî kula kûui mɛ̂ni mai.
Ŋ̀elei tí è kɛ̀ a ǹíi-nɛ̃ɛ ɣêle kɛ́tɛ.
Currently Selected:
Wule-ŋa Kélee Mɛi Wûle 3: KWB
Highlight
Share
Copy
Want to have your highlights saved across all your devices? Sign up or sign in
© 2012 Bible Society in Liberia
Wule-ŋa Kélee Mɛi Wûle 3
3
1Ŋà kɛ̀ lâani ŋágbìŋ ŋá a kpíni,
ŋa kɛ̂ ŋ́gili ŋá siâi é pîlaŋ ŋáwɛli kɛ́-maa nûui mâ, ŋ́gɛ ŋ̀wɛli a gɛɛ ŋá gáa,
kɛ́lɛ fa gàa. Ŋà tela gɔ̀ri, fa gàa.
2Ŋá ḿù sìɣe a maa félaa ŋá lí daa-lêei su,
bere-lêe-ŋai ma da bere tâɣaŋ-ŋai lá
ŋ́gɛ ŋá wɛli kɛ́-maa nûui kɔ̂ri.
Ŋa gɔ̀ri, kɛ́lɛ fa gàa.
3Daa-lêei maa kpɛ́-ƃelai dí ŋ́gàa,
ŋá dí marê kɛ́, “Ká ŋáwɛli kɛ́-maa nûui kâa?”
4Ŋá tɛ̀ɛ kpɔ́ nɔ́ dîa ŋá gáa.
Ŋá kpùlɔŋ ma, ḿve fáa ní mà é lí,
ŋá pá la ńee ŋɔpɛ́rɛi mu ƃɛ́i,
dí wɔ́lɔ ḿaa sɔlɔ ƃô naai.
5Zerusâlɛŋ nɛyaa, ka káfoo ńyêei.
Kà káfoo a lóma da tôa láa a gɛɛ
káfe pâi kúwôlii karâi tãi kwa kɛ̂ lâa-ni lai, é lɛ́ɛ la zu kú kúmu siɣe.
Ŋ̀ulei zaaƃai
Ǹɛnîi
6Gbɛ̂ɛ ƃé kulâi ŋí vɛ̃ɛ-kpâlaŋ su yɛ̂ɛ lurii?
Wúru mã̂laŋ kúŋ nɛ̃ɛ kúŋ kulâai ma.
Gúŋ káa yɛ̂ɛ bɔni-tɔɔ-ƃelai dí wée pâai kúŋ
7Saloma káa lâani ŋɔkpôŋ su, díkɛ pà la.
Ŋɔkɔ́kɔ-ƃelai buu lɔ́ɔlu mɛi da káa gbono ma.
Díkelee díkaa a Eezuɛ lɔii ŋɔkɔ-kûluƃa wála-wâlaa-ŋa.
8Díkelee díkaa a ƃóa-sɔ̂kpɔ kɔ kɔ́-ƃela lɛ́lɛɛ-ŋa.
Díkaa a kɔ́kɔ-ƃela pɔlɔ-ŋa.
Ƃóa sɔkpɔ káa díkelee díyêei,
díkɛ gâloŋ maa kpɛ̂ a kpíni a gɛɛ núu da fa lâa kɔ́ pɛlɛ lâ m̀a.
9Gâloŋ Saloma è kâloŋ see-sɛŋ kpɛ̀tɛ gbîŋ mɛni ma.
È gbɛ̀tɛ a wúru lɛ́lɛɛ nyii è gùla Lɛƃanɔŋ.
10Dôŋ soŋ-wûru-ŋai dí kɛ̀ a dí kpɛtɛɛ a káne,
bôlu-pere kpɛtɛɛ a gôo.
Seɣe kpɔ̂lu mu-tɛiɛ́ɛ lɛ́lɛɛ pɛlɛɛ ŋ̀á.
Zerusâlɛŋ nɛyãai ƃé díkpɔɔi tãi sìɣe dí zee-sɛŋ ŋí su kpɛtɛ a ǹɛ́lɛɛ.
11Zerusâlɛŋ nɛyaa, ka pá ká Gâloŋ Saloma káa.
Ǹíi nɛ̃ɛ̂i sâa.
Aâ gâloŋ-ƃɔrɔi sée ŋ̀ûa nyii ǹee è gbɛ̀tɛ m̀i ŋɔnɛnî kula kûui mɛ̂ni mai.
Ŋ̀elei tí è kɛ̀ a ǹíi-nɛ̃ɛ ɣêle kɛ́tɛ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2012 Bible Society in Liberia