Lomaŋ 1
1
Laa-ti-maa
1Ńyãa Pɔ̂ɔ, ŋ́gaa a Zîsɛ Kôrai yée mu-nuu. È ńdòli a gɛ́ɛ ŋá kɛ́ a ŋɔsia-ƃelai da. E ńziɣe a gɛ́ɛ ŋá Ɣâla ŋɔtuŋ lɛ̂lɛɛi ƃó, 2nyíi è m̀aa kono-tèe kɛ̀ nàa tuɛ ŋɔlóno kɛ́-ƃelai sârai kɔlɔ maa waai Ŋ̀âla-kɔlɔi sui. 3Duŋ lɛ́lɛɛi ŋí pîlaŋɔɔi Ǹóŋ ma, nyíi dí m̀aa sɔlɔ ƃo Deeƃé ŋɔsuui su, yɛ̂ɛ berei núu-kpune maa-sɔlɔ ƃo-pere káa lai. 4Ɣâla e Ǹóŋ lɛ̀ wála-wala-laa kɛ́ ƃò ǹyêei yɛ̂ɛ berei ŋɔmaa-waa-laai káa la ŋɔmu-siɣe saa-yeei sârai. Ǹyaa ƃa Zîsɛ Kôrai, Kúnuu-namui. 5Zîsɛ è ḿɛlɛ sèe é ńziɣe a ŋɔpôlu-ƃelai dɔnɔ a gɛ́ɛ ǹɔii-ŋûŋ-ŋai su-ƃelai kélee dí woo mɛni kɛ́ kili-kɛ-zu kɛ́ ƃò díyêei. 6Diai Zîsɛ Kôrai è dísìɣe zu é díkɛ a bɔ́ɔi kákaa a díta.
7Ɣâla e káwɛlini káai kákaa Luŋ. A kátoli a gɛ́ɛ kákɛ a ǹyaa Ɣâla bɔ́ɔ.
Kúnâŋ Ɣâla yêei da Kúnuu-namui Zîsɛ Kôrai dí káƃɛlɛ sée dí lii-see tɛɛ kápɔ.
Pɔ̂ɔ e gbɛ̀tɛ gíli ŋá a gɛ́ɛ é lí Luŋ naa-kaa kɛ̂i
8M̀aa-ŋuŋ, ŋa Ŋáɣâlai sɛɣɛ̂i fêi kákelee kámɛni ma Zîsɛ Kôrai sârai, kpɛ́ni fêi, kálaa-lai maa-mɛni káa nûa lá ǹɔii su gwaa kélee. 9Ɣâla káa a ŋásêre a gɛ́ɛ ŋa kálaa tòli Ŋáɣâla-fɛliɛɛi su a ɣele kélee. Ŋa tíi kɛ̀ mì a ńii kélee Ǹóŋ maa-tuŋ lɛ́lɛɛi ƃóɔɔ su. 10Ŋa Ɣâla marê kɛ̂i a gɛ́ɛ gbɛɛ ŋái, à kɛ̀ à fàa ma, ŋa pɔ̂ri pâi kápɔ naa kɛ̂ɛ sârai, 11kpɛ́ni fêi, ŋa ŋ̀wɛ̂lii kpɔ́ a gɛ́ɛ ŋá kákaa a gɛ́ɛ ŋa M̀ɔlêŋ ŋɔsama-sɛŋ da tɛɛ kápɔ kákponôi é kpanaŋ. 12Zu-kulâi ƃa kwa káa-ni kú kpɔŋ mâa sɔlɔ ƃó kúkîe-ni yêei, ŋákili-kɛ-zui da kúkili-kɛ-zui sârai. 13Ŋánûa, ŋa ŋ̀wɛ̂lii ká gɔ́lɔŋ a gɛ́ɛ ŋá gbɛtɛ ŋ́gili ŋá a tãi támaa a gɛ́ɛ ŋá pá kápɔ, kɛ́lɛ sɛŋ da è kɛ̀ ḿberêi kpáanîi. Ŋa kɛ̀ ŋ̀wɛ̂lii ŋá gɛ́ núu támaa líi è pène Kôrai pá-naa pere yɛ̂ɛ berei ŋá gɛ̀ la ŋ́gɛɛ Zɛ̃tai-ŋai kpeli-ŋai sáma Luŋ, 14-15a nɛ̃ɛ ma kpîŋ é kɛ́ a Gurii-nuu kpaa ǹúui vé a Gurii-nuui, Kwíi-nuu kpaa ǹúui vé a Kwíi-nuui.
Duŋ Lɛ́lɛɛi ŋɔwála-wâlai
16Ńâai a Duŋ Lɛ́lɛɛi maa mɛni, kpɛ́ni fêi, gáa a Ɣâla ŋɔwála-walai ƃalo-laa mɛni ma diai kélee da lâa lai dímɛni ma. M̀aa-ŋuŋ, gáa Zûu-nuu da Gurii-nuu mɛni ma. 17Duŋ Lɛ́lɛɛi su ƃé Ɣâla a ŋɔtɔ̃yâ laa-lai lɛ̂ la nûa dîa laa-la sârai mɛni ma, yɛ̂ɛ berei bɔ̃yɛɛ̂i lai, “Dɔ̃yâ-nuui a pâi kɛ-ɣeniɛi kɛ̂i laa-la sârai.”
Núu-kpune sɔŋ ƃa sɔnyɔ̂ŋ
18Ɣâla ŋɔlii-ŋwanai a kûla Ɣâla-taa é lɛ́ diai dîa da tɔ̂ɔ Ɣâla mai da ŋ̀wana-lɔ̂ɔ-ƃelai nyíi-ŋai da dɔ̃yâi su kara a díŋ̀wana-lɔ̂ɔi. 19M̀ɛni-ŋai núu a pɔ̂ri gɔ̂lɔnii é pîlaŋ Ɣâla mai díkili ŋá ponoɔɔ̂i zu, kpɛ́ni fêi, Ɣâla ǹyaa kpîŋ a ǹɛ́ dîa. 20M̀ɛni-ŋai bîlaŋɔɔi Ɣâla ma nyíi-ŋai kúfa díkàa a kúŋɛi-gaoi, nuu-kpune a díkàa kpɔ́ a zu-ponoɔɔ é siɣe ŋ̀éniɛi kpɛtɛ tãi ma, kpɛ́ni fêi, da díkàa ŋɔkpɛtɛ sãai sârai. M̀aa mɛni-ŋai ƃa ŋɔwɔ́lɔ-wɔlɔ wála-walai da Ŋɔtɔ̃yâ Ɣala-laai. M̀ɛni ma káfalo da kélee fe díyêei. 21Berei máŋ dí kɛ̀ a Ɣâla kɔ́lɔŋɔɔ lai, dífe ƃâa kɛ́ ni mà yɛ̂ɛ Ɣâla, dífe tela zɛɣɛ̂i fé ní, kɛ́lɛ, díkili ŋa-siai è kɛ̀ nɔ́ a vólo, kili ŋá púɔɔ. 22Dí m̀o dîɛ dítareɛɛ̂i kɛ́lɛ, dí kɛ̀ a díƃoɔɔ. 23Ɣâla nyíi va wɔ́lɔ saai, dí ŋɔfólo-laai maa fàleŋ a pɔɔkɔ̂ŋ nyíi m̀óoloŋɔɔ̂i núu-kpune ma nyíi zaâi, kpaa máŋ ŋɔni, sua, kpaa máŋ tɔara sãa.
24M̀ɛni ma Ɣâla è dílɛ̀ɛ naa a gɛ́ɛ dí mɛni nyɔ́mɔɔ-ŋai kɛ́ kɛ̀ dílii ŋái. M̀aa mɛni-ŋai ƃa dímaa fé waa ní díkɛ ƃâa kùla díkpono ma díkîe-ni sáma. 25Dí Ɣâla ŋɔtɔ̃yâi maa fàleŋ a lɛ́ɛ. Dí núu-kpune fɛ̀li da fɛnɛ-sãa dí tíi kɛ́ dîɛ é kúla zɛŋ kélee kpɛtɛ Ɣalai pôlu, nyíi lûwa káa ma wɔ́lɔ-wɔlɔ da wɔ́lɔ-wɔlɔi! É kɛ́ ti.
26Sapoi ŋí ƃé Ɣâla è dílɛ̀ɛ la naa a gɛ́ɛ dí díƃâa-kula maa tua-ŋai wɛ́li a ŋ̀ánaa. Dínɛyâai dí dísinaai lɛ̀ɛ dí díkîe-ni kɛ́ a dísinâa. 27Zinâai díaŋ dí dínɛyâai lɛ̀ɛ dí díkîe-ni kɛ́ a dínɛyâa. M̀ɛni ŋí wɛli è kɛ̀ kpɔ́ dîa. Sinâa dí ŋumɛ tua-ŋa kɛ̀ a díkîe-ni. Ǹyaŋ dí tɔŋ-kpɛ́-maa sɔlɔ ƃo dísɔnyɔ̂ŋ-ŋai mɛni ma.
28È kɛ̀ tí, kpɛ́ni fêi, dífe Ɣâla maa mɛni sìɣe ní a tɔ̃yâ. Ɣâla è nɛ̀ɛ dí díkɛ-ɣeniɛi kɛ́ a kili-ŋa-sia nyɔ́mɔɔ da tua-pere nyɔŋ nyíi m̀aa fé nɛ̃ɛ ní kɛ̀ dí gɛ́i. 29Dí kɛ̀ sɔnyɔ̂ŋ sii támaa kɛ̂i, ŋ̀wana-lɔ̂ɔ, sɛŋ maa-lii téɛɛ, da ŋɛi-kpala, tólo, núu paá, yeli tɔ́ɔ, núu pɛlɛɛ, kpɔara da ƃo a laa-ƃo kɛ́ɛ. 30Dí kɛ̀ a laa-kâra-ƃela, Ɣâla kpɔara-ƃela, lii-kɛ̂tɛ-ƃela, su-mɛni kɛ̂tɛ-ƃela, yoŋka-ƃela, díkɛ sɔnyɔ̂ŋ nina kpɛ́-tɛ díkili ŋá, dífa díkaa-ƃela wóo mɛni, 31díƃoɔɔ, díwôyaa, dílii kpeleɛ mɛni nyɔ́mɔɔ kɛ̂i, maloŋ-kaa fé díyêei. 32Berei máŋ dí Ɣâla ŋɔtɔ̂ŋ kɔ́lɔŋ la a gɛ́ɛ diai da m̀ɛni-ŋai ŋí kɛ̀ maa nɛ̃ɛ̂i dísaai, dífa m̀ɛni-ŋai ŋí kɛ̀ nɔ́, kɛ́lɛ, da fâa a gɛ́ɛ núu da kpɛ́ni é díkɛ máŋ.
Currently Selected:
Lomaŋ 1: KWB
Highlight
Share
Copy
Want to have your highlights saved across all your devices? Sign up or sign in
© 2012 Bible Society in Liberia
Lomaŋ 1
1
Laa-ti-maa
1Ńyãa Pɔ̂ɔ, ŋ́gaa a Zîsɛ Kôrai yée mu-nuu. È ńdòli a gɛ́ɛ ŋá kɛ́ a ŋɔsia-ƃelai da. E ńziɣe a gɛ́ɛ ŋá Ɣâla ŋɔtuŋ lɛ̂lɛɛi ƃó, 2nyíi è m̀aa kono-tèe kɛ̀ nàa tuɛ ŋɔlóno kɛ́-ƃelai sârai kɔlɔ maa waai Ŋ̀âla-kɔlɔi sui. 3Duŋ lɛ́lɛɛi ŋí pîlaŋɔɔi Ǹóŋ ma, nyíi dí m̀aa sɔlɔ ƃo Deeƃé ŋɔsuui su, yɛ̂ɛ berei núu-kpune maa-sɔlɔ ƃo-pere káa lai. 4Ɣâla e Ǹóŋ lɛ̀ wála-wala-laa kɛ́ ƃò ǹyêei yɛ̂ɛ berei ŋɔmaa-waa-laai káa la ŋɔmu-siɣe saa-yeei sârai. Ǹyaa ƃa Zîsɛ Kôrai, Kúnuu-namui. 5Zîsɛ è ḿɛlɛ sèe é ńziɣe a ŋɔpôlu-ƃelai dɔnɔ a gɛ́ɛ ǹɔii-ŋûŋ-ŋai su-ƃelai kélee dí woo mɛni kɛ́ kili-kɛ-zu kɛ́ ƃò díyêei. 6Diai Zîsɛ Kôrai è dísìɣe zu é díkɛ a bɔ́ɔi kákaa a díta.
7Ɣâla e káwɛlini káai kákaa Luŋ. A kátoli a gɛ́ɛ kákɛ a ǹyaa Ɣâla bɔ́ɔ.
Kúnâŋ Ɣâla yêei da Kúnuu-namui Zîsɛ Kôrai dí káƃɛlɛ sée dí lii-see tɛɛ kápɔ.
Pɔ̂ɔ e gbɛ̀tɛ gíli ŋá a gɛ́ɛ é lí Luŋ naa-kaa kɛ̂i
8M̀aa-ŋuŋ, ŋa Ŋáɣâlai sɛɣɛ̂i fêi kákelee kámɛni ma Zîsɛ Kôrai sârai, kpɛ́ni fêi, kálaa-lai maa-mɛni káa nûa lá ǹɔii su gwaa kélee. 9Ɣâla káa a ŋásêre a gɛ́ɛ ŋa kálaa tòli Ŋáɣâla-fɛliɛɛi su a ɣele kélee. Ŋa tíi kɛ̀ mì a ńii kélee Ǹóŋ maa-tuŋ lɛ́lɛɛi ƃóɔɔ su. 10Ŋa Ɣâla marê kɛ̂i a gɛ́ɛ gbɛɛ ŋái, à kɛ̀ à fàa ma, ŋa pɔ̂ri pâi kápɔ naa kɛ̂ɛ sârai, 11kpɛ́ni fêi, ŋa ŋ̀wɛ̂lii kpɔ́ a gɛ́ɛ ŋá kákaa a gɛ́ɛ ŋa M̀ɔlêŋ ŋɔsama-sɛŋ da tɛɛ kápɔ kákponôi é kpanaŋ. 12Zu-kulâi ƃa kwa káa-ni kú kpɔŋ mâa sɔlɔ ƃó kúkîe-ni yêei, ŋákili-kɛ-zui da kúkili-kɛ-zui sârai. 13Ŋánûa, ŋa ŋ̀wɛ̂lii ká gɔ́lɔŋ a gɛ́ɛ ŋá gbɛtɛ ŋ́gili ŋá a tãi támaa a gɛ́ɛ ŋá pá kápɔ, kɛ́lɛ sɛŋ da è kɛ̀ ḿberêi kpáanîi. Ŋa kɛ̀ ŋ̀wɛ̂lii ŋá gɛ́ núu támaa líi è pène Kôrai pá-naa pere yɛ̂ɛ berei ŋá gɛ̀ la ŋ́gɛɛ Zɛ̃tai-ŋai kpeli-ŋai sáma Luŋ, 14-15a nɛ̃ɛ ma kpîŋ é kɛ́ a Gurii-nuu kpaa ǹúui vé a Gurii-nuui, Kwíi-nuu kpaa ǹúui vé a Kwíi-nuui.
Duŋ Lɛ́lɛɛi ŋɔwála-wâlai
16Ńâai a Duŋ Lɛ́lɛɛi maa mɛni, kpɛ́ni fêi, gáa a Ɣâla ŋɔwála-walai ƃalo-laa mɛni ma diai kélee da lâa lai dímɛni ma. M̀aa-ŋuŋ, gáa Zûu-nuu da Gurii-nuu mɛni ma. 17Duŋ Lɛ́lɛɛi su ƃé Ɣâla a ŋɔtɔ̃yâ laa-lai lɛ̂ la nûa dîa laa-la sârai mɛni ma, yɛ̂ɛ berei bɔ̃yɛɛ̂i lai, “Dɔ̃yâ-nuui a pâi kɛ-ɣeniɛi kɛ̂i laa-la sârai.”
Núu-kpune sɔŋ ƃa sɔnyɔ̂ŋ
18Ɣâla ŋɔlii-ŋwanai a kûla Ɣâla-taa é lɛ́ diai dîa da tɔ̂ɔ Ɣâla mai da ŋ̀wana-lɔ̂ɔ-ƃelai nyíi-ŋai da dɔ̃yâi su kara a díŋ̀wana-lɔ̂ɔi. 19M̀ɛni-ŋai núu a pɔ̂ri gɔ̂lɔnii é pîlaŋ Ɣâla mai díkili ŋá ponoɔɔ̂i zu, kpɛ́ni fêi, Ɣâla ǹyaa kpîŋ a ǹɛ́ dîa. 20M̀ɛni-ŋai bîlaŋɔɔi Ɣâla ma nyíi-ŋai kúfa díkàa a kúŋɛi-gaoi, nuu-kpune a díkàa kpɔ́ a zu-ponoɔɔ é siɣe ŋ̀éniɛi kpɛtɛ tãi ma, kpɛ́ni fêi, da díkàa ŋɔkpɛtɛ sãai sârai. M̀aa mɛni-ŋai ƃa ŋɔwɔ́lɔ-wɔlɔ wála-walai da Ŋɔtɔ̃yâ Ɣala-laai. M̀ɛni ma káfalo da kélee fe díyêei. 21Berei máŋ dí kɛ̀ a Ɣâla kɔ́lɔŋɔɔ lai, dífe ƃâa kɛ́ ni mà yɛ̂ɛ Ɣâla, dífe tela zɛɣɛ̂i fé ní, kɛ́lɛ, díkili ŋa-siai è kɛ̀ nɔ́ a vólo, kili ŋá púɔɔ. 22Dí m̀o dîɛ dítareɛɛ̂i kɛ́lɛ, dí kɛ̀ a díƃoɔɔ. 23Ɣâla nyíi va wɔ́lɔ saai, dí ŋɔfólo-laai maa fàleŋ a pɔɔkɔ̂ŋ nyíi m̀óoloŋɔɔ̂i núu-kpune ma nyíi zaâi, kpaa máŋ ŋɔni, sua, kpaa máŋ tɔara sãa.
24M̀ɛni ma Ɣâla è dílɛ̀ɛ naa a gɛ́ɛ dí mɛni nyɔ́mɔɔ-ŋai kɛ́ kɛ̀ dílii ŋái. M̀aa mɛni-ŋai ƃa dímaa fé waa ní díkɛ ƃâa kùla díkpono ma díkîe-ni sáma. 25Dí Ɣâla ŋɔtɔ̃yâi maa fàleŋ a lɛ́ɛ. Dí núu-kpune fɛ̀li da fɛnɛ-sãa dí tíi kɛ́ dîɛ é kúla zɛŋ kélee kpɛtɛ Ɣalai pôlu, nyíi lûwa káa ma wɔ́lɔ-wɔlɔ da wɔ́lɔ-wɔlɔi! É kɛ́ ti.
26Sapoi ŋí ƃé Ɣâla è dílɛ̀ɛ la naa a gɛ́ɛ dí díƃâa-kula maa tua-ŋai wɛ́li a ŋ̀ánaa. Dínɛyâai dí dísinaai lɛ̀ɛ dí díkîe-ni kɛ́ a dísinâa. 27Zinâai díaŋ dí dínɛyâai lɛ̀ɛ dí díkîe-ni kɛ́ a dínɛyâa. M̀ɛni ŋí wɛli è kɛ̀ kpɔ́ dîa. Sinâa dí ŋumɛ tua-ŋa kɛ̀ a díkîe-ni. Ǹyaŋ dí tɔŋ-kpɛ́-maa sɔlɔ ƃo dísɔnyɔ̂ŋ-ŋai mɛni ma.
28È kɛ̀ tí, kpɛ́ni fêi, dífe Ɣâla maa mɛni sìɣe ní a tɔ̃yâ. Ɣâla è nɛ̀ɛ dí díkɛ-ɣeniɛi kɛ́ a kili-ŋa-sia nyɔ́mɔɔ da tua-pere nyɔŋ nyíi m̀aa fé nɛ̃ɛ ní kɛ̀ dí gɛ́i. 29Dí kɛ̀ sɔnyɔ̂ŋ sii támaa kɛ̂i, ŋ̀wana-lɔ̂ɔ, sɛŋ maa-lii téɛɛ, da ŋɛi-kpala, tólo, núu paá, yeli tɔ́ɔ, núu pɛlɛɛ, kpɔara da ƃo a laa-ƃo kɛ́ɛ. 30Dí kɛ̀ a laa-kâra-ƃela, Ɣâla kpɔara-ƃela, lii-kɛ̂tɛ-ƃela, su-mɛni kɛ̂tɛ-ƃela, yoŋka-ƃela, díkɛ sɔnyɔ̂ŋ nina kpɛ́-tɛ díkili ŋá, dífa díkaa-ƃela wóo mɛni, 31díƃoɔɔ, díwôyaa, dílii kpeleɛ mɛni nyɔ́mɔɔ kɛ̂i, maloŋ-kaa fé díyêei. 32Berei máŋ dí Ɣâla ŋɔtɔ̂ŋ kɔ́lɔŋ la a gɛ́ɛ diai da m̀ɛni-ŋai ŋí kɛ̀ maa nɛ̃ɛ̂i dísaai, dífa m̀ɛni-ŋai ŋí kɛ̀ nɔ́, kɛ́lɛ, da fâa a gɛ́ɛ núu da kpɛ́ni é díkɛ máŋ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2012 Bible Society in Liberia