Samia Veerɛi 8
8
Deeƃé è ŋɔkpɔara-ƃelai yée mɛi ɣàle
(Kɔlɔnikɔ Maa-ŋuŋ 18:1-17)
1Ɣele kûu kpɛ-kpɛɛ pôlu ma, Gâloŋ Deeƃé è Felesia-ŋai yée mɛi ɣàle díkɛ ƃò ŋɔwála-walai mu, é Mɛte-gama kúla díyêei.
2Naa pôlu ma è Môa-ŋai yée mɛi ɣàle máŋ. Nya ƃe è gɛ̀ ǹûai kélee dílaa ǹɔii ma. Ƃɛ́i dílaa naai, è naa kɔ̀ɔŋ a ɣɛli. Ƃɛ́i è naa kɔ̀ɔŋ a ŋ̀ɛlii laai feerɛi, è naa-ƃelai kélee pàa. Ƃɛ́i è naa kɔ̀ɔŋ a ŋ̀ɛlii laai tɔnɔi, è naa-ƃelai kélee ŋuŋ ma ƃò, díkɛ ƃò a ŋɔtíi-kɛ-ƃela díkɛ ŋuŋ-fela-fei tɛ̀ɛ bɔ́.
3Deeƃé è Leo ǹóŋ-surɔŋ Adadɛze yée mɛi ɣàle máŋ nyíi kɛ̀ a Zoba kaloŋ gɛ́ɛ liî Yufeletii Ya-leei ma a gɛ́ɛ é ǹɛ́ dîa a gɛ́ɛ ǹyaa ƃé gáa nâa a díkâloŋ. 4È kɔ́kɔ-keleŋ wála tɔnɔ pôlu ŋuŋ lɔ́ɔlu mɛi-feerɛ (1,700) kùla ǹyêei da kɔkûluƃa wála-wâlaa ŋuŋ buu feerɛ (20,000). È gɔ́ kɔ́-keleŋ sia soo-ŋai dámaa kɔ́ɔ pôlu zamiŋ tèe. Zoo-ŋai ŋí ŋ̀uŋ tɔnɔ nɔ́ ƃé è nɛ̀ɛ.
5Siria-ŋai kùla Dɛmɛika nyíi-ŋai pà a gɛ́ɛ dí kpɔ́ŋ Zoba Kaloŋ Adadɛze mai, Deeƃé è dínûai wála-wâla buu feerɛ káo feerɛ (22,000) pàa. 6Deeƃé è ŋɔkɔ-kuluƃa-ŋai dí ƃûu pù Dɛmɛika taa-leei su Siria lɔii su. Siria-ŋai dí kɛ̀ Deeƃé ǹyée mu dí kɛ́ ŋuŋ-fela fei kpɛ̀ɛ ǹyêei. Ƃɛ́i kélee Deeƃé è lì naai, Yâwɛɛ è wála-wâla-laa tɛ̀ɛ bɔ́. 7Gôo kpala ŋá-ɣale kɔli kalaŋ-ŋai kɛ̀ Adadɛze ŋɔkɔ́ kɔ́-ƃelai yêei, Deeƃé è pà a gélee Zerusâlɛŋ. 8Gâloŋ Deeƃé è ƃara támaa kùla Beta da Berotai taa lêe-ŋai su kɛ̀ Adadezɛ yêei.
9Ama Kaloŋ Toi kɛ́ɛ è mɛ̀ni la a gɛ́ɛ Deeƃé a Adadezɛ ŋɔnamu kɔ́-ƃelai kélee yée mɛi ɣálei, 10È ǹóŋ Zoraŋ tɛ̀ɛ bɔ́ naa a gɛ́ɛ é ŋɔlaa ti-maai da ŋɔsɛɣɛ̂-fei láa seri ma Adadezɛ yée mɛi ɣále mɛni ma, kpɛ́ni fêi, Adadezɛ a kâa kɔ́ pɛ̀lɛ Toi ma a ɣele kélee. Zoraŋ è lì a sɛŋ-kao kole, gôo da ƃara-ŋa Deeƃé pɔ́. 11Gâloŋ Deeƃé è zãai ŋí kélee tɛ̀ɛ Yâwɛɛ pɔ́ é pɛ́lɛ gôo da gánei ma nyíi-ŋai è gùla lɔii-ŋuŋ da kpɛ́ni-ŋai yée mɛi ɣáleɛɛ sui, 12é kúla Idɔŋ-ŋai dílɔi ma é tóo Môa-ŋai díwɔ̂i ma, Amɔŋ-ŋai, Felesia-ŋai da Amalɛka-ŋai díwɔ̂i. Zãai è gùla Zoba kaloŋ Leo ǹóŋ Adadezɛ yêei è gélee tɛ̀ɛ máŋ Yâwɛɛ pɔ́.
13Deeƃé kuláa Idɔŋ kɔ kɔ́-ƃela wála-wala puu káo lɔ́ɔlu mɛi saaƃa (18,000) yée mɛi ɣâlei Gbólo Tiŋ-tiŋ sui mu è wùyɛ kpɔ́ a ŋ̀ánaa. 14È kɔ́ kɔ́-ƃela díƃûu-ŋa tɔ̀ɔ Idɔŋ-ŋai dílɔii su. Idɔŋ-ŋai dí nâa kɛ̀ a ǹyée mu-ƃela. Yâwɛɛ è wála-wala-laa tɛ̀ɛ bɔ́ ƃɛ́i kélee è lì naai.
15Deeƃé è kâloŋ-laa kɛ̀ Eezuɛ lɔii gwaa kélee ma. È ŋɔnûai mɛi kàa a tɔ̃yâ da teniŋ-ƃo pere su. 16Zeruia ǹóŋ Zôa ƃé kɛ̀ gɔ-kuluƃa-ŋai láa tuɛ, Ailu ǹóŋ Zeoasafa kɛ́ ƃò a gɔlɔ-ŋai mɛi káa-nuu. 17Aitu ǹóŋ Zado da Aimelɛ, Abiata ǹóŋ ƃé kɛ̀ a zâla-láa soŋ-ƃelai, Seriai-a kɛ́ ƃò a gɔlɔ pɔ̃yɛ-nuui. 18Zeo-iada ǹóŋ Benaiya è kɛ̀ Sireta-ŋai da Peleta-ŋai mɛi, Deeƃé ǹônii-sinaai dí kɛ́ ƃò a zâla-láa soŋ-nuui láa soŋ-ƃelai.
Currently Selected:
Samia Veerɛi 8: KWB
Highlight
Copy
Compare
Share
Want to have your highlights saved across all your devices? Sign up or sign in
© 2012 Bible Society in Liberia
Samia Veerɛi 8
8
Deeƃé è ŋɔkpɔara-ƃelai yée mɛi ɣàle
(Kɔlɔnikɔ Maa-ŋuŋ 18:1-17)
1Ɣele kûu kpɛ-kpɛɛ pôlu ma, Gâloŋ Deeƃé è Felesia-ŋai yée mɛi ɣàle díkɛ ƃò ŋɔwála-walai mu, é Mɛte-gama kúla díyêei.
2Naa pôlu ma è Môa-ŋai yée mɛi ɣàle máŋ. Nya ƃe è gɛ̀ ǹûai kélee dílaa ǹɔii ma. Ƃɛ́i dílaa naai, è naa kɔ̀ɔŋ a ɣɛli. Ƃɛ́i è naa kɔ̀ɔŋ a ŋ̀ɛlii laai feerɛi, è naa-ƃelai kélee pàa. Ƃɛ́i è naa kɔ̀ɔŋ a ŋ̀ɛlii laai tɔnɔi, è naa-ƃelai kélee ŋuŋ ma ƃò, díkɛ ƃò a ŋɔtíi-kɛ-ƃela díkɛ ŋuŋ-fela-fei tɛ̀ɛ bɔ́.
3Deeƃé è Leo ǹóŋ-surɔŋ Adadɛze yée mɛi ɣàle máŋ nyíi kɛ̀ a Zoba kaloŋ gɛ́ɛ liî Yufeletii Ya-leei ma a gɛ́ɛ é ǹɛ́ dîa a gɛ́ɛ ǹyaa ƃé gáa nâa a díkâloŋ. 4È kɔ́kɔ-keleŋ wála tɔnɔ pôlu ŋuŋ lɔ́ɔlu mɛi-feerɛ (1,700) kùla ǹyêei da kɔkûluƃa wála-wâlaa ŋuŋ buu feerɛ (20,000). È gɔ́ kɔ́-keleŋ sia soo-ŋai dámaa kɔ́ɔ pôlu zamiŋ tèe. Zoo-ŋai ŋí ŋ̀uŋ tɔnɔ nɔ́ ƃé è nɛ̀ɛ.
5Siria-ŋai kùla Dɛmɛika nyíi-ŋai pà a gɛ́ɛ dí kpɔ́ŋ Zoba Kaloŋ Adadɛze mai, Deeƃé è dínûai wála-wâla buu feerɛ káo feerɛ (22,000) pàa. 6Deeƃé è ŋɔkɔ-kuluƃa-ŋai dí ƃûu pù Dɛmɛika taa-leei su Siria lɔii su. Siria-ŋai dí kɛ̀ Deeƃé ǹyée mu dí kɛ́ ŋuŋ-fela fei kpɛ̀ɛ ǹyêei. Ƃɛ́i kélee Deeƃé è lì naai, Yâwɛɛ è wála-wâla-laa tɛ̀ɛ bɔ́. 7Gôo kpala ŋá-ɣale kɔli kalaŋ-ŋai kɛ̀ Adadɛze ŋɔkɔ́ kɔ́-ƃelai yêei, Deeƃé è pà a gélee Zerusâlɛŋ. 8Gâloŋ Deeƃé è ƃara támaa kùla Beta da Berotai taa lêe-ŋai su kɛ̀ Adadezɛ yêei.
9Ama Kaloŋ Toi kɛ́ɛ è mɛ̀ni la a gɛ́ɛ Deeƃé a Adadezɛ ŋɔnamu kɔ́-ƃelai kélee yée mɛi ɣálei, 10È ǹóŋ Zoraŋ tɛ̀ɛ bɔ́ naa a gɛ́ɛ é ŋɔlaa ti-maai da ŋɔsɛɣɛ̂-fei láa seri ma Adadezɛ yée mɛi ɣále mɛni ma, kpɛ́ni fêi, Adadezɛ a kâa kɔ́ pɛ̀lɛ Toi ma a ɣele kélee. Zoraŋ è lì a sɛŋ-kao kole, gôo da ƃara-ŋa Deeƃé pɔ́. 11Gâloŋ Deeƃé è zãai ŋí kélee tɛ̀ɛ Yâwɛɛ pɔ́ é pɛ́lɛ gôo da gánei ma nyíi-ŋai è gùla lɔii-ŋuŋ da kpɛ́ni-ŋai yée mɛi ɣáleɛɛ sui, 12é kúla Idɔŋ-ŋai dílɔi ma é tóo Môa-ŋai díwɔ̂i ma, Amɔŋ-ŋai, Felesia-ŋai da Amalɛka-ŋai díwɔ̂i. Zãai è gùla Zoba kaloŋ Leo ǹóŋ Adadezɛ yêei è gélee tɛ̀ɛ máŋ Yâwɛɛ pɔ́.
13Deeƃé kuláa Idɔŋ kɔ kɔ́-ƃela wála-wala puu káo lɔ́ɔlu mɛi saaƃa (18,000) yée mɛi ɣâlei Gbólo Tiŋ-tiŋ sui mu è wùyɛ kpɔ́ a ŋ̀ánaa. 14È kɔ́ kɔ́-ƃela díƃûu-ŋa tɔ̀ɔ Idɔŋ-ŋai dílɔii su. Idɔŋ-ŋai dí nâa kɛ̀ a ǹyée mu-ƃela. Yâwɛɛ è wála-wala-laa tɛ̀ɛ bɔ́ ƃɛ́i kélee è lì naai.
15Deeƃé è kâloŋ-laa kɛ̀ Eezuɛ lɔii gwaa kélee ma. È ŋɔnûai mɛi kàa a tɔ̃yâ da teniŋ-ƃo pere su. 16Zeruia ǹóŋ Zôa ƃé kɛ̀ gɔ-kuluƃa-ŋai láa tuɛ, Ailu ǹóŋ Zeoasafa kɛ́ ƃò a gɔlɔ-ŋai mɛi káa-nuu. 17Aitu ǹóŋ Zado da Aimelɛ, Abiata ǹóŋ ƃé kɛ̀ a zâla-láa soŋ-ƃelai, Seriai-a kɛ́ ƃò a gɔlɔ pɔ̃yɛ-nuui. 18Zeo-iada ǹóŋ Benaiya è kɛ̀ Sireta-ŋai da Peleta-ŋai mɛi, Deeƃé ǹônii-sinaai dí kɛ́ ƃò a zâla-láa soŋ-nuui láa soŋ-ƃelai.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2012 Bible Society in Liberia