Samia Veerɛi 6
6
Dí pà a Gbanaŋ-woo-kɛɛ maa Gãlai Zerusâlɛŋ
(Kɔlɔnikɔ Maa-ŋuŋ 13:1-14; 15:25--16:6, 43)
1Deeƃé è gɔ-kuluƃa lɛ́lɛɛ-ŋai kélee ŋáa tɛ̀ ma. Dí kɛ̀ a núu wála buu saaƃa (30,000). 2È dísìɣe da dîa-ni dí lí Beela taa-leei su Zuda a gɛ́ɛ dí pá a Ɣâla ŋɔkpanaŋ-woo kɛ́ɛ maa gãlai. Gãlai ŋí è wɔ́lɔ kɛ̀ naa, Ŋwála-wala kélee Ɣâlai Yâwɛɛ láai su. Yâwɛɛ ŋɔsee-sɛŋ è kɛ̀ seeni ŋ̀âla-taa kooŋ-sãai loai. 3Gãlai ŋí è kɛ̀ nalôŋ tɔnɔ ŋɔpɛ́rɛi mu ǹyée tôŋ su. Ǹalôŋ kpîŋ láa ƃé kɛ̀ a Abinada. Nya ƃe Deeƃé-ni dí gãlai sìɣe dí zee niŋa sia-keleŋ nina su díkɛ lì la. Abinada ǹônii, Uza da Aio ƃé kɛ̀ ǹiŋai teniŋ tɔɔ̂i. 4Aio kɛ́ ƃò dítuɛ. 5Deeƃé da ŋɔnûai kélee dí kɛ̀ gɔnîŋ ɣalêi, nyɛyɛ̂ŋ, díkɛ gbuŋgbuŋ tua, díkɛ pâni-kalaŋ lòkwa gîe ma, díkɛ wule tòo, dí kɛ́ lii-nɛ̃ɛ kùla Yâwɛɛ ŋɛ́i a díwala-walai kélee.
6Dí seriɛ́ɛ Nakɔ̃ŋ mii-sãa táŋ kwaai mai, Uza è ǹyée tɛ̀ ɣelêi é Gbanaŋ-woo-kɛɛ maa gãlai sóŋ. Daa tulɛ-ŋai kɛ̀ gãlai ɣâlai dí kàreŋ gãlai kɛ́ pa toôi. 7Yâwɛɛ è ǹíi ŋwàna ma é bàa kpɔ́ nɔ́ ŋáa ma, kpɛ́ni fêi, è ǹyée lɛ̀ɣɛ Gbanaŋ-woo-kɛɛ maa gãlai ma. È bàa naa gãlai kɔlɛ. 8Deeƃé líi è tòo pôlu Uza paa mɛni ma. È màa kwaai ma tòli a Perezi-Uza. Gwaai ŋí ma láa ká tí tóo sâa ma.
9Deeƃé è yào Yâwɛɛ ma a ŋ̀elei tí. È mò ǹyɛɛi, “Yâwɛɛ Ŋɔkono-tee Gãlai a pɔri pá pere kɛ̂i léŋ ḿbɔ naa?” 10Ǹalôŋ ŋí kɛ́ɛ a saai, Deeƃé è yào kpɔ́ a ŋ̀ánaa. Vé pɔri ní liî a gãlai ŋí ŋɔtaai su. Kɛ́lɛ è lì la Gitai taa-lee su naloŋ Obe-idɔŋ ŋɔpɛ́rɛi lá. 11È gɛ̀ naa a ɣáloŋ saaƃa Yâwɛɛ è lûwa làa Obɛ Idɔŋ ma da ŋɔpɛ́rɛi mu-ƃelai kélee.
12Dí mò Deeƃé ma dîyɛɛi, “Yâwɛɛ aâ lûwa láa Obɛ Idɔŋ ma da ŋɔpɛ́rɛi mu-ƃelai kélee ŋɔkpanaŋ-woo kɛ́ɛ maa gãlai mɛni ma.” Nya ƃe Deeƃé è lì é Ɣâla ŋɔkpanaŋ-woo kɛ́ɛ maa gãlai kúla naa é pá la Zerusâlɛŋ a lii-nɛ̃ɛ. 13Diai kɛ̀ liî a Gbanaŋ-woo-kɛɛ maa gãlai kɛ́ɛ da sìa a kɔ́ɔ-loai lɔ́ɔlu mɛi dai, Deeƃé è sâla kùla a niŋa sirɛ da niŋa dɔŋ-dɔŋ tɔnɔ. 14Deeƃé è m̀ãla Yâwɛɛ ŋɛ́i-tuɛ a ŋɔwála-walai kélee. È kɛ̀ a m̀aa ɣiriɛ́ɛ a ɛfɔ. 15Da Eezuɛ-ƃelai kélee dí pà a Yâwɛɛ Ŋɔkpanaŋ-woo-kɛɛ maa gãlai dí kɛ́ túru fɛ̀ɛ, dí kɛ́ làɣi a zu kɛ́tɛ.
16Díkɛɛ pâi a gãlai Deeƃé ŋɔtaai sui, Sɔ̂ɔ ǹóŋ-nɛnii Maka è kɛ̀ Deeƃé kâai gɛ́ pìli ɣelêi gɛ́ pìlaŋ gɛ́ m̀ãla Yâwɛɛ ŋɛ́i-tuɛ. Kɛ́lɛ Deeƃé kɛ́-pere fé ǹíi láa ní. 17Dí pà a gãlai m̀ûui mu dí zèe ƃɛ́i Deeƃé è naa kpɛ̀tɛ m̀ɛni mai. Deeƃé è kéreŋ sala da lii-see sala kùla naa Yâwɛɛ ŋɛ́i-tuɛ. 18Deeƃé kpɛɛ́ a géreŋ sâlai da ǹíi-see salai kulâi, è lûwa tòo ǹûai dîa Ŋ̀wála-wâla kélee Yâwɛɛi láai su. 19È kpólo, sua ŋɔŋ da wúru-ƃa kpɔlu-ŋa ŋáa kɔ̀lɛ dîa. Dí lì pôlu dípɔ-taai a tɛɛ-ŋa.
20Deeƃé ǹyaŋ è lì pôlu a gɛ́ɛ é lûwa too ŋɔpɛ́rɛi mu-ƃelai dîa. Kɛ́lɛ gɛɛ liî, Sɔ̂ɔ ǹóŋ-nɛnii Maka è pà berei tɔɔ̂i ǹyɛɛ m̀ai, “Eezuɛ kaloŋ, í sâa ƃaa kɛ́-maa tɛɛ-pere kɛ̀ léŋ tí íkpîŋ pɔ́i? Í ímaa kpôloŋ íyee mu-nɛyãai kpaya-kpayai ŋɛ́i léŋ tí yɛ̂ɛ ƃoo nuui.”
21Deeƃé ǹyɛɛ m̀ai, “Ŋá kɛ̀ mãlâi Yâwɛɛ mɛni ma kɛ́lɛ dia fêi. Yâwɛɛ ŋí ƃé ŋ́gɛ̀ a kâloŋ Eezuɛ-ŋai mɛi é ínâŋ lɛɛ. M̀ɛni ma, ŋa pâi kɛ̂i lii-nɛ̃ɛ kulâi nɔ́ ŋ̀ɛ́i ŋ́gɛ ƃaa kɛ́-maa tɛ̀ɛ bɔ́. 22Ŋa pâi ƃâa kulâi ŋ́gbîŋ ma é tɛ́ɛ nyíti ma. A pâi kɛ̂i a ƃɛlɛ too mɛni íŋɛi. Kɛ́lɛ a pâi kɛ̂i a ƃaa kɛ́-maa kɛ́tɛ ǹɛyâai ŋɛ́i ḿɛni ma ya lônoi é pîlaŋ dîai.”
23M̀ɛni ma Ɣâla è Maka, Sɔ̂ɔ ǹóŋ-nɛnii kɛ́ a kpóma nɛni m̀ɛnii é wɔ́lɔ mò Deeƃé mai a ŋ̀aa-see kɛ́ɛ. Ǹyaŋ vé pâi wɔ́lɔ lóŋ da maa sɔlɔ ƃôi ŋɔfúlu-laai su.
Currently Selected:
Samia Veerɛi 6: KWB
Highlight
Copy
Compare
Share
Want to have your highlights saved across all your devices? Sign up or sign in
© 2012 Bible Society in Liberia
Samia Veerɛi 6
6
Dí pà a Gbanaŋ-woo-kɛɛ maa Gãlai Zerusâlɛŋ
(Kɔlɔnikɔ Maa-ŋuŋ 13:1-14; 15:25--16:6, 43)
1Deeƃé è gɔ-kuluƃa lɛ́lɛɛ-ŋai kélee ŋáa tɛ̀ ma. Dí kɛ̀ a núu wála buu saaƃa (30,000). 2È dísìɣe da dîa-ni dí lí Beela taa-leei su Zuda a gɛ́ɛ dí pá a Ɣâla ŋɔkpanaŋ-woo kɛ́ɛ maa gãlai. Gãlai ŋí è wɔ́lɔ kɛ̀ naa, Ŋwála-wala kélee Ɣâlai Yâwɛɛ láai su. Yâwɛɛ ŋɔsee-sɛŋ è kɛ̀ seeni ŋ̀âla-taa kooŋ-sãai loai. 3Gãlai ŋí è kɛ̀ nalôŋ tɔnɔ ŋɔpɛ́rɛi mu ǹyée tôŋ su. Ǹalôŋ kpîŋ láa ƃé kɛ̀ a Abinada. Nya ƃe Deeƃé-ni dí gãlai sìɣe dí zee niŋa sia-keleŋ nina su díkɛ lì la. Abinada ǹônii, Uza da Aio ƃé kɛ̀ ǹiŋai teniŋ tɔɔ̂i. 4Aio kɛ́ ƃò dítuɛ. 5Deeƃé da ŋɔnûai kélee dí kɛ̀ gɔnîŋ ɣalêi, nyɛyɛ̂ŋ, díkɛ gbuŋgbuŋ tua, díkɛ pâni-kalaŋ lòkwa gîe ma, díkɛ wule tòo, dí kɛ́ lii-nɛ̃ɛ kùla Yâwɛɛ ŋɛ́i a díwala-walai kélee.
6Dí seriɛ́ɛ Nakɔ̃ŋ mii-sãa táŋ kwaai mai, Uza è ǹyée tɛ̀ ɣelêi é Gbanaŋ-woo-kɛɛ maa gãlai sóŋ. Daa tulɛ-ŋai kɛ̀ gãlai ɣâlai dí kàreŋ gãlai kɛ́ pa toôi. 7Yâwɛɛ è ǹíi ŋwàna ma é bàa kpɔ́ nɔ́ ŋáa ma, kpɛ́ni fêi, è ǹyée lɛ̀ɣɛ Gbanaŋ-woo-kɛɛ maa gãlai ma. È bàa naa gãlai kɔlɛ. 8Deeƃé líi è tòo pôlu Uza paa mɛni ma. È màa kwaai ma tòli a Perezi-Uza. Gwaai ŋí ma láa ká tí tóo sâa ma.
9Deeƃé è yào Yâwɛɛ ma a ŋ̀elei tí. È mò ǹyɛɛi, “Yâwɛɛ Ŋɔkono-tee Gãlai a pɔri pá pere kɛ̂i léŋ ḿbɔ naa?” 10Ǹalôŋ ŋí kɛ́ɛ a saai, Deeƃé è yào kpɔ́ a ŋ̀ánaa. Vé pɔri ní liî a gãlai ŋí ŋɔtaai su. Kɛ́lɛ è lì la Gitai taa-lee su naloŋ Obe-idɔŋ ŋɔpɛ́rɛi lá. 11È gɛ̀ naa a ɣáloŋ saaƃa Yâwɛɛ è lûwa làa Obɛ Idɔŋ ma da ŋɔpɛ́rɛi mu-ƃelai kélee.
12Dí mò Deeƃé ma dîyɛɛi, “Yâwɛɛ aâ lûwa láa Obɛ Idɔŋ ma da ŋɔpɛ́rɛi mu-ƃelai kélee ŋɔkpanaŋ-woo kɛ́ɛ maa gãlai mɛni ma.” Nya ƃe Deeƃé è lì é Ɣâla ŋɔkpanaŋ-woo kɛ́ɛ maa gãlai kúla naa é pá la Zerusâlɛŋ a lii-nɛ̃ɛ. 13Diai kɛ̀ liî a Gbanaŋ-woo-kɛɛ maa gãlai kɛ́ɛ da sìa a kɔ́ɔ-loai lɔ́ɔlu mɛi dai, Deeƃé è sâla kùla a niŋa sirɛ da niŋa dɔŋ-dɔŋ tɔnɔ. 14Deeƃé è m̀ãla Yâwɛɛ ŋɛ́i-tuɛ a ŋɔwála-walai kélee. È kɛ̀ a m̀aa ɣiriɛ́ɛ a ɛfɔ. 15Da Eezuɛ-ƃelai kélee dí pà a Yâwɛɛ Ŋɔkpanaŋ-woo-kɛɛ maa gãlai dí kɛ́ túru fɛ̀ɛ, dí kɛ́ làɣi a zu kɛ́tɛ.
16Díkɛɛ pâi a gãlai Deeƃé ŋɔtaai sui, Sɔ̂ɔ ǹóŋ-nɛnii Maka è kɛ̀ Deeƃé kâai gɛ́ pìli ɣelêi gɛ́ pìlaŋ gɛ́ m̀ãla Yâwɛɛ ŋɛ́i-tuɛ. Kɛ́lɛ Deeƃé kɛ́-pere fé ǹíi láa ní. 17Dí pà a gãlai m̀ûui mu dí zèe ƃɛ́i Deeƃé è naa kpɛ̀tɛ m̀ɛni mai. Deeƃé è kéreŋ sala da lii-see sala kùla naa Yâwɛɛ ŋɛ́i-tuɛ. 18Deeƃé kpɛɛ́ a géreŋ sâlai da ǹíi-see salai kulâi, è lûwa tòo ǹûai dîa Ŋ̀wála-wâla kélee Yâwɛɛi láai su. 19È kpólo, sua ŋɔŋ da wúru-ƃa kpɔlu-ŋa ŋáa kɔ̀lɛ dîa. Dí lì pôlu dípɔ-taai a tɛɛ-ŋa.
20Deeƃé ǹyaŋ è lì pôlu a gɛ́ɛ é lûwa too ŋɔpɛ́rɛi mu-ƃelai dîa. Kɛ́lɛ gɛɛ liî, Sɔ̂ɔ ǹóŋ-nɛnii Maka è pà berei tɔɔ̂i ǹyɛɛ m̀ai, “Eezuɛ kaloŋ, í sâa ƃaa kɛ́-maa tɛɛ-pere kɛ̀ léŋ tí íkpîŋ pɔ́i? Í ímaa kpôloŋ íyee mu-nɛyãai kpaya-kpayai ŋɛ́i léŋ tí yɛ̂ɛ ƃoo nuui.”
21Deeƃé ǹyɛɛ m̀ai, “Ŋá kɛ̀ mãlâi Yâwɛɛ mɛni ma kɛ́lɛ dia fêi. Yâwɛɛ ŋí ƃé ŋ́gɛ̀ a kâloŋ Eezuɛ-ŋai mɛi é ínâŋ lɛɛ. M̀ɛni ma, ŋa pâi kɛ̂i lii-nɛ̃ɛ kulâi nɔ́ ŋ̀ɛ́i ŋ́gɛ ƃaa kɛ́-maa tɛ̀ɛ bɔ́. 22Ŋa pâi ƃâa kulâi ŋ́gbîŋ ma é tɛ́ɛ nyíti ma. A pâi kɛ̂i a ƃɛlɛ too mɛni íŋɛi. Kɛ́lɛ a pâi kɛ̂i a ƃaa kɛ́-maa kɛ́tɛ ǹɛyâai ŋɛ́i ḿɛni ma ya lônoi é pîlaŋ dîai.”
23M̀ɛni ma Ɣâla è Maka, Sɔ̂ɔ ǹóŋ-nɛnii kɛ́ a kpóma nɛni m̀ɛnii é wɔ́lɔ mò Deeƃé mai a ŋ̀aa-see kɛ́ɛ. Ǹyaŋ vé pâi wɔ́lɔ lóŋ da maa sɔlɔ ƃôi ŋɔfúlu-laai su.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2012 Bible Society in Liberia