Samia Veerɛi 19
19
Zôa è Deeƃé téniŋ tɔ̀ɔ
1Dí mò Zôa ma dîyɛɛi, “Malôŋ toɔɔ̂i gâloŋ ma gɛ́ wɔ̀lɔ ǹóŋ mɛni ma.” 2Ŋ̀elei tí è kɛ̀ a maloŋ-too maa ɣele ǹûai mɛni ma nyíi-ŋai mɛni a gɛ́ɛ gâloŋ líi toɔɔ̂i pôlu ǹóŋ mɛni mai. 3Dí tɛ̀ daa-leei su dí m̀ɛi saa yɛ̂ɛ kɔ-kuluƃa-ŋa ƃé da díyee mɛi ɣále kɔ́ su màa ŋumɛ kɛ́ ƃò dîa. 4Gâloŋ è seɣe-ƃela pɛ̀lɛ ŋ̀ɛ́i gɛ́ wɔ̀lɔ a ŋ̀óo su kɛ́tɛ ǹyɛɛi, “Óo ńoŋ Asalɔŋ, oo ńoŋ Asalɔŋ, oo ńoŋ!”
5Zôa è lì gâloŋ pɔ́-naa bɛ́rɛi mu ǹyɛɛ m̀ai, “Yaâ íkɔkuluƃa-ŋai ŋ̀umɛ sâa. Yá tɔnɔ nɔ́ fé dí íŋuŋ ma ƃò, kɛ́lɛ ílônii da íyee mu nɛyãai kélee, 6kpɛni fêi, í íkpɔara-ƃelai wɛ́li ní é tɛ́ɛ dîai dîa dí íwɛli nii. Yaâ sâa ǹɛ́ kûa a gɛ́ɛ ílɔii maa kpɛ́-ƃelai da dílaa túɛ-ƃelai dímɛni fé kpanaŋ ní yâ. Ŋa gâai a gɛ́ɛ eêi kɛ̀ Asalɔŋ eêi lɛ̀ɛ ɣele ma kú sáa, eêi lâai ílii ma. 7M̀ɛni ma, ímu siɣe lônii ma í lóno íkɔkuluƃa-ŋai pɔ́ a ǹɛ́lɛɛ. Ya wàla lí, Yâwɛɛ fé ɣéniɛ nɛ̃ɛ mî dítɔnɔ da fé pâi lɛɛ̂i íkɔlɛ tínaa. M̀ɛni kpɔ̂lui yâ pâi tɛɛ̂i zui a pâi tɛɛ̂i nyíi-ŋai dîa ya wɔ́lɔ tɛ̀ɛ zui.” 8Nya ƃe gâloŋ è mu sìɣe é lí ziɣãŋ lá é sée naa. Gɔ-kuluƃa-ŋai dí mɛ̀ni dí lí naa bɔ́-naa.
Deeƃé è lì pôlu Zerusâlɛŋ
9Dí kɛ̀ m̀ôi dîyɛɛi, “Gâloŋ è kúŋuŋ ma ƃò Felesia-ŋai yêei da kúkpɔara-ƃelai da kpɛ́ni-ŋai, ǹyaa ká a pú ǹóŋ Asalɔŋ yêei a kùla ǹɔii ma. 10Kɛ́lɛ Asalɔŋ nyíi kú kúyee lɛ̀ mà dí wúlɔ pú ŋ̀ûai a saa kɔ́ su. Lé ƃé kúfa pere kɔ̂ri kú pá a gâloŋ pôlui?”
11Deeƃé è zâla-láa soŋ-ƃelai Zadɔ da Abiata worɛ̂ tɛ̀ɛ ǹyɛɛ dîai, “Ka m̀ó Zuda-ŋai dîa kâai, ‘Kákaa a ǹûa gbɛɛ ŋái a gɛ́ɛ ká pá a ńyãa pôlu ḿbɔ-taai lé mɛni ma? Ka gâai Eezuɛ-ŋai kélee da pá ḿbɔ-naa. 12Kákaa a ŋásuui su-ƃelai da, ká kɛ́ ƃò a ŋ́gao da núu da. Gɛ̀ ní kákaa a ǹûai gbɛɛ ŋái ká pá a ńyãa ḿbɔ-taai lé mɛni ma?’ ” 13Ka m̀ó Amasa ma máŋ kâa mai, “Ífe a ŋ́gao da núu da? Ɣâla é ŋ́gula maa kɛ́ à kɛ̀ fé pâi íkɛ̂i ŋákuluƃa-ŋai láa túɛ Zôa pɔ́ɔ ŋá.” 14Zuda-ƃelai kélee dí díwoo kɛ̀ zu tɔnɔ dí worɛ̂ tɛ̀ɛ gâloŋ pɔ́-naa dîyɛɛ m̀ai, “Ka íyee mu-ƃelai kélee ka pá.”
15Gâloŋ kɛ́ɛ pâi bɔ́-taai, è sèri Zɔdiŋ Ya-leei lá. Zuda-ƃelai dia-ni máŋ dí lì dí kɛ́ maa kpɛ̂ŋ Geega a gɛ́ɛ dí ǹyái tíyeŋ la. 16Bɛŋsima suui su naloŋ Gera ǹóŋ-surɔŋ Simɛɛ nyíi kùla Bauriŋ è kɛ̀ Zuda-ŋai sáma nyíi-ŋai lì a gɛ́ɛ dí Deeƃé lá koyaŋ. 17Ǹyaa máŋ è pà a kpakolo wála tɔnɔ (1,000) nyíi-ŋai kùla Bɛŋsima ŋɔsuui sui. Sɔ̂ɔ yée mu-nuui Ziba è ǹônii-sinaa puu káo lɔ́ɔlui sìɣe da ǹyée mu-ƃela buu feerɛ dí pá Deeƃé lá koyânii Zɔdiŋ Ya-leei lá. 18Dí gâloŋ tìyeŋ da ŋɔnûai é pɛ́lɛ ǹyée ŋá sãa kélee ma dí tela m̀ɛnii kélee kɛ́ nyíi kɛ̀ a ǹáa ǹíi mai.
Deeƃé è ŋɔlii lɛ̂lɛɛi lɛ̀ Simɛɛ ma
Deeƃé kɛ́ɛ pâi ǹyái tîyenii, Simɛɛ è tòo gɔ́ɔ mu 19ǹyɛɛ m̀ai, “Ńzu mɛni-lɛɛ. Nia zɔnyɔ̂ŋ ma ŋá gɛ̀ a yá a ŋ̀elei í kùla la Zerusâlɛŋ. Ífe zìɣe ílii su. 20Ŋa m̀ôi yâ a gɛ́ɛ ŋá sɔnyɔ̂ŋ kɛ̀ a yá. M̀ɛni ma, ŋaâ sâa pá ípɔ. Ńyãa ƃa ǹúui m̀aa ŋuŋ ŋá kùla yá-ŋûa pere sii-ŋai sáma ŋá pá ŋá íla koyâŋ sâa, Gâloŋ.” 21Zeruia ǹóŋ Abisai è lì ŋɔ́nɔ tuɛ pere a ŋ̀óo ǹyɛɛ m̀aii, “Fɛ̂ɛ Simɛɛ é sáa, kpɛ́ni fêi, è Yâwɛɛ ŋɔnúu maa waai làraŋ.”
22Kɛ́lɛ Deeƃé ǹyɛɛ m̀ai, “Zeruai ǹônii, lé ƃé ŋa pâi gɛ̂i a káai. Káfe mɛni-ŋai kâai kɛ̂i? Da pɔri núu da paâi sâa Eezuɛ lɔii su? Fé gɔ́lɔŋ a gɛ́ɛ ńyãa ƃa Eezuɛ-ŋai díkâloŋ sâa?” 23Gâloŋ è vòo Simɛɛ yêei ǹyɛɛ m̀ai, “Ífe pâi saâi.”
Deeƃé è ŋɔlii lɛ̂lɛɛi lɛ̀ Mɛfebosɛ ma
24Sɔ̂ɔ ǹóŋ Mɛfebosɛ è pà gâloŋ lá koyânii. È kɛ̀ a ǹiƃiɛɛ, ǹá-leɣa kpíriɛɛ, ŋɔseɣei liƃiɛɛ. È gbîŋ maa liƃi é síɣe ŋ̀elei ma Deeƃé è kùla la Zerusâlɛŋ é tóo tãi ma è pà la pôlui. 25Bàa Zerusâlɛŋ a gɛ́ɛ é gâloŋ lá koyaŋ, gâloŋ è marê kɛ̀ ǹyɛɛ mai, “Lé ƃé gɛ̀ kwa yá kúfe lì nii?”
26È ŋ̀óo su tòo ǹyɛɛ m̀ai, “Ńyee mu-nuui è ḿbɛ̀lɛ. Ŋá mò ma a gɛɛ é ŋásee-sɛŋ pɛ́lɛ ŋ̀wɛlɛ-sôoi mɛi a gɛ́ɛ ŋá see mɛi kwa yá kú lí, kpɛ́ni fêi, fé pɔrîi siâi. 27Kɛ́lɛ è ńɛɛ é lí é lɛ́ɛ kɛ́ a ńaa. Kɛ́lɛ ŋánuu-namui, íkaa yɛ̂ɛ Ɣâla-taa kela. M̀ɛnii kɛ́ nyíi ǹâai ílii mai. 28Iî pâi ḿbaâi kwa ŋápɛrɛi mu-ƃelai kélee. Kɛ́lɛ yâ fâai ma a gɛ́ɛ ŋ́gɛ ńaa mii íteƃelei ma. É kúla nyíŋi pôlu lé da kpɛ́ni ƃé ŋa pɔri ímarê kɛ̂i mɛni mai?”
29Gâloŋ ǹyɛɛ m̀ai, “Ífe ŋɔ́nɔ lòno yɛ̂. Ŋa pâi ínâŋ kɔ̃liŋ ŋáa kɔlɛ̂i ka Ziba káloai.”
30Mɛfebosɛ ǹyɛɛ m̀ai, “Tɔɔ gélee é lɛ́ɛ ǹyêei tãi nɔ́ yaâ pá la pôlu lii-see sui.”
Deeƃé è ŋɔlii lɛ̂lɛɛi lɛ̀ Bazilai ma
31Gilia naloŋ Bazilai ǹyaa máŋ è kùla Logeliŋ é pá gâloŋ lá koyânii. 32È kɛ̀ kpɔ́ a bɔlɔɔ. Ŋɔkóraŋ è kɛ̀ a buu lɔ́ɔlu mɛi saaƃa. È kɛ̀ a tɔɔ nuu. A kâa mii-sãa tɛ̀ɛ gâloŋ pɔ́ gɛ́ɛ kɛ̀ Maanaiŋ. È kɛ̀ a dɔɔ a zu kɛ́tɛ. 33Gâloŋ è mò mà ǹyɛɛi, “Pá kwa yá kú lí Zerusâlɛŋ. Ŋa pâi mɛ̀nii kélee kɛ̂i yɛ̂ ípɔlɔ-laai su.”
34Kɛ́lɛ è mò Deeƃé ma ǹyɛɛi, “Ŋáfulu-laai su fé ŋɔ́nɔ koyâa ní. Ŋa liî Zerusâlɛŋ lé mɛni ma, Gâloŋ? 35Ŋaâ kɛ́ a kóraŋ buu lɔ́ɔlu mɛi saaƃa. Ŋa pɔri ŋɔ́nɔ mɛni lɛ́lɛɛ da nyɔ́mɔɔ loai kɔ̂lɔniî? Ŋa ŋɔ́nɔ mii-sɛŋ da kpele-sɛŋ nɛ̃ɛ kɔ́lɔŋ? Ŋa pɔri ŋɔ́nɔ wule da ŋàa-nɛ̃ɛ kulâi? Ŋa pâi ímɛni kɔ̂lui da pûi ma lé mɛni ma? 36Ya mɛni su too mɛni lɛ́lɛɛi ŋí kɛ̂i mî lé mɛni ma? Ŋa pâi nɔ́ ǹyái tíyenîi a yá. 37Ǹɛɛ naa ŋá lí ŋá sáa ḿbɔ-taai dí ńoo ńâŋ da ńee ni kɔlɛ. Kɛ́lɛ íyee mu-nuui Siɣaŋ ká ŋí. Ka ǹyaa ka lí. Zoŋ yɛ̂ɛ berei ya ŋ̀wɛ̂lii í gɛ́ lai.”
38Gâloŋ ǹyɛɛ m̀ai, “Kwa ǹyaa kwa pâi liî. Ŋa pâi m̀ɛnii kélee kɛ̂i mì nyíi ǹɛ̂lɛɛi m̀ɛni mai, ŋá nyíi kɛ́ yɛ̂ ǹɛ̂lɛɛi ímɛni mai.” 39Nya ƃe gâloŋ da ǹyée mu-ƃelai kélee dí ǹyái tìyeŋ. Gâloŋ è kpùlɔŋ Bazilai ma. Bazilai é lí pôlu bɔ́-taai.
Eezuɛ da Zuda lɔii-ŋai dí Deeƃé maa kɔ̃ɔ
40Gâloŋ da Siŋɣaŋ dí lì Geega. Zuda-ƃelai dítɔɔ̂i perei Eezuɛ-ƃelai gbulu tɔnɔ. 41Eezuɛ-ƃelai da dîa-ni dí lìi dí m̀ó gâloŋ ma dîyɛɛi, “Zuda-ƃelai dí kúŋumɛ, kpɛ́ni fêi, dífe fáa ní mà kûa máŋ kú ǹyái tíyeŋ a káa.”
42Zuda-ŋai dí díwoo su tòo dîyɛɛ dîai, “Kú gɛ̀ tí, kpɛn fêi, gáa a kúkaa-yɔɔ. Ka kálii ŋwânai kûa lé mɛni ma? Mii-sãai kwa miî ǹyaa fé a ǹya kûɛ kpaa máŋ è sama-sɛŋ da tɛ̀ɛ kúpɔ”
43Eezuɛ-ŋai dí mò dîa dîyɛɛi, “Deeƃé mɛni kpanaŋɔɔ̂i kûa é tɛ́ɛ kâa, kpɛ́ni fêi, kúkaa a núu-suu puu. Ká káŋɛi ǹaɣiŋ kúmɛi lé mɛni ma? Kûa fa ǹûai maa-ŋuŋ m̀ɛni kpɛ̀tɛ a gɛ́ɛ kú pá la pôlui?”
Zuda-ŋai dí lóno kpanaŋ kɛ̀ Eezuɛ-ŋai pɔ́.
Currently Selected:
Samia Veerɛi 19: KWB
Highlight
Copy
Compare
Share
Want to have your highlights saved across all your devices? Sign up or sign in
© 2012 Bible Society in Liberia
Samia Veerɛi 19
19
Zôa è Deeƃé téniŋ tɔ̀ɔ
1Dí mò Zôa ma dîyɛɛi, “Malôŋ toɔɔ̂i gâloŋ ma gɛ́ wɔ̀lɔ ǹóŋ mɛni ma.” 2Ŋ̀elei tí è kɛ̀ a maloŋ-too maa ɣele ǹûai mɛni ma nyíi-ŋai mɛni a gɛ́ɛ gâloŋ líi toɔɔ̂i pôlu ǹóŋ mɛni mai. 3Dí tɛ̀ daa-leei su dí m̀ɛi saa yɛ̂ɛ kɔ-kuluƃa-ŋa ƃé da díyee mɛi ɣále kɔ́ su màa ŋumɛ kɛ́ ƃò dîa. 4Gâloŋ è seɣe-ƃela pɛ̀lɛ ŋ̀ɛ́i gɛ́ wɔ̀lɔ a ŋ̀óo su kɛ́tɛ ǹyɛɛi, “Óo ńoŋ Asalɔŋ, oo ńoŋ Asalɔŋ, oo ńoŋ!”
5Zôa è lì gâloŋ pɔ́-naa bɛ́rɛi mu ǹyɛɛ m̀ai, “Yaâ íkɔkuluƃa-ŋai ŋ̀umɛ sâa. Yá tɔnɔ nɔ́ fé dí íŋuŋ ma ƃò, kɛ́lɛ ílônii da íyee mu nɛyãai kélee, 6kpɛni fêi, í íkpɔara-ƃelai wɛ́li ní é tɛ́ɛ dîai dîa dí íwɛli nii. Yaâ sâa ǹɛ́ kûa a gɛ́ɛ ílɔii maa kpɛ́-ƃelai da dílaa túɛ-ƃelai dímɛni fé kpanaŋ ní yâ. Ŋa gâai a gɛ́ɛ eêi kɛ̀ Asalɔŋ eêi lɛ̀ɛ ɣele ma kú sáa, eêi lâai ílii ma. 7M̀ɛni ma, ímu siɣe lônii ma í lóno íkɔkuluƃa-ŋai pɔ́ a ǹɛ́lɛɛ. Ya wàla lí, Yâwɛɛ fé ɣéniɛ nɛ̃ɛ mî dítɔnɔ da fé pâi lɛɛ̂i íkɔlɛ tínaa. M̀ɛni kpɔ̂lui yâ pâi tɛɛ̂i zui a pâi tɛɛ̂i nyíi-ŋai dîa ya wɔ́lɔ tɛ̀ɛ zui.” 8Nya ƃe gâloŋ è mu sìɣe é lí ziɣãŋ lá é sée naa. Gɔ-kuluƃa-ŋai dí mɛ̀ni dí lí naa bɔ́-naa.
Deeƃé è lì pôlu Zerusâlɛŋ
9Dí kɛ̀ m̀ôi dîyɛɛi, “Gâloŋ è kúŋuŋ ma ƃò Felesia-ŋai yêei da kúkpɔara-ƃelai da kpɛ́ni-ŋai, ǹyaa ká a pú ǹóŋ Asalɔŋ yêei a kùla ǹɔii ma. 10Kɛ́lɛ Asalɔŋ nyíi kú kúyee lɛ̀ mà dí wúlɔ pú ŋ̀ûai a saa kɔ́ su. Lé ƃé kúfa pere kɔ̂ri kú pá a gâloŋ pôlui?”
11Deeƃé è zâla-láa soŋ-ƃelai Zadɔ da Abiata worɛ̂ tɛ̀ɛ ǹyɛɛ dîai, “Ka m̀ó Zuda-ŋai dîa kâai, ‘Kákaa a ǹûa gbɛɛ ŋái a gɛ́ɛ ká pá a ńyãa pôlu ḿbɔ-taai lé mɛni ma? Ka gâai Eezuɛ-ŋai kélee da pá ḿbɔ-naa. 12Kákaa a ŋásuui su-ƃelai da, ká kɛ́ ƃò a ŋ́gao da núu da. Gɛ̀ ní kákaa a ǹûai gbɛɛ ŋái ká pá a ńyãa ḿbɔ-taai lé mɛni ma?’ ” 13Ka m̀ó Amasa ma máŋ kâa mai, “Ífe a ŋ́gao da núu da? Ɣâla é ŋ́gula maa kɛ́ à kɛ̀ fé pâi íkɛ̂i ŋákuluƃa-ŋai láa túɛ Zôa pɔ́ɔ ŋá.” 14Zuda-ƃelai kélee dí díwoo kɛ̀ zu tɔnɔ dí worɛ̂ tɛ̀ɛ gâloŋ pɔ́-naa dîyɛɛ m̀ai, “Ka íyee mu-ƃelai kélee ka pá.”
15Gâloŋ kɛ́ɛ pâi bɔ́-taai, è sèri Zɔdiŋ Ya-leei lá. Zuda-ƃelai dia-ni máŋ dí lì dí kɛ́ maa kpɛ̂ŋ Geega a gɛ́ɛ dí ǹyái tíyeŋ la. 16Bɛŋsima suui su naloŋ Gera ǹóŋ-surɔŋ Simɛɛ nyíi kùla Bauriŋ è kɛ̀ Zuda-ŋai sáma nyíi-ŋai lì a gɛ́ɛ dí Deeƃé lá koyaŋ. 17Ǹyaa máŋ è pà a kpakolo wála tɔnɔ (1,000) nyíi-ŋai kùla Bɛŋsima ŋɔsuui sui. Sɔ̂ɔ yée mu-nuui Ziba è ǹônii-sinaa puu káo lɔ́ɔlui sìɣe da ǹyée mu-ƃela buu feerɛ dí pá Deeƃé lá koyânii Zɔdiŋ Ya-leei lá. 18Dí gâloŋ tìyeŋ da ŋɔnûai é pɛ́lɛ ǹyée ŋá sãa kélee ma dí tela m̀ɛnii kélee kɛ́ nyíi kɛ̀ a ǹáa ǹíi mai.
Deeƃé è ŋɔlii lɛ̂lɛɛi lɛ̀ Simɛɛ ma
Deeƃé kɛ́ɛ pâi ǹyái tîyenii, Simɛɛ è tòo gɔ́ɔ mu 19ǹyɛɛ m̀ai, “Ńzu mɛni-lɛɛ. Nia zɔnyɔ̂ŋ ma ŋá gɛ̀ a yá a ŋ̀elei í kùla la Zerusâlɛŋ. Ífe zìɣe ílii su. 20Ŋa m̀ôi yâ a gɛ́ɛ ŋá sɔnyɔ̂ŋ kɛ̀ a yá. M̀ɛni ma, ŋaâ sâa pá ípɔ. Ńyãa ƃa ǹúui m̀aa ŋuŋ ŋá kùla yá-ŋûa pere sii-ŋai sáma ŋá pá ŋá íla koyâŋ sâa, Gâloŋ.” 21Zeruia ǹóŋ Abisai è lì ŋɔ́nɔ tuɛ pere a ŋ̀óo ǹyɛɛ m̀aii, “Fɛ̂ɛ Simɛɛ é sáa, kpɛ́ni fêi, è Yâwɛɛ ŋɔnúu maa waai làraŋ.”
22Kɛ́lɛ Deeƃé ǹyɛɛ m̀ai, “Zeruai ǹônii, lé ƃé ŋa pâi gɛ̂i a káai. Káfe mɛni-ŋai kâai kɛ̂i? Da pɔri núu da paâi sâa Eezuɛ lɔii su? Fé gɔ́lɔŋ a gɛ́ɛ ńyãa ƃa Eezuɛ-ŋai díkâloŋ sâa?” 23Gâloŋ è vòo Simɛɛ yêei ǹyɛɛ m̀ai, “Ífe pâi saâi.”
Deeƃé è ŋɔlii lɛ̂lɛɛi lɛ̀ Mɛfebosɛ ma
24Sɔ̂ɔ ǹóŋ Mɛfebosɛ è pà gâloŋ lá koyânii. È kɛ̀ a ǹiƃiɛɛ, ǹá-leɣa kpíriɛɛ, ŋɔseɣei liƃiɛɛ. È gbîŋ maa liƃi é síɣe ŋ̀elei ma Deeƃé è kùla la Zerusâlɛŋ é tóo tãi ma è pà la pôlui. 25Bàa Zerusâlɛŋ a gɛ́ɛ é gâloŋ lá koyaŋ, gâloŋ è marê kɛ̀ ǹyɛɛ mai, “Lé ƃé gɛ̀ kwa yá kúfe lì nii?”
26È ŋ̀óo su tòo ǹyɛɛ m̀ai, “Ńyee mu-nuui è ḿbɛ̀lɛ. Ŋá mò ma a gɛɛ é ŋásee-sɛŋ pɛ́lɛ ŋ̀wɛlɛ-sôoi mɛi a gɛ́ɛ ŋá see mɛi kwa yá kú lí, kpɛ́ni fêi, fé pɔrîi siâi. 27Kɛ́lɛ è ńɛɛ é lí é lɛ́ɛ kɛ́ a ńaa. Kɛ́lɛ ŋánuu-namui, íkaa yɛ̂ɛ Ɣâla-taa kela. M̀ɛnii kɛ́ nyíi ǹâai ílii mai. 28Iî pâi ḿbaâi kwa ŋápɛrɛi mu-ƃelai kélee. Kɛ́lɛ yâ fâai ma a gɛ́ɛ ŋ́gɛ ńaa mii íteƃelei ma. É kúla nyíŋi pôlu lé da kpɛ́ni ƃé ŋa pɔri ímarê kɛ̂i mɛni mai?”
29Gâloŋ ǹyɛɛ m̀ai, “Ífe ŋɔ́nɔ lòno yɛ̂. Ŋa pâi ínâŋ kɔ̃liŋ ŋáa kɔlɛ̂i ka Ziba káloai.”
30Mɛfebosɛ ǹyɛɛ m̀ai, “Tɔɔ gélee é lɛ́ɛ ǹyêei tãi nɔ́ yaâ pá la pôlu lii-see sui.”
Deeƃé è ŋɔlii lɛ̂lɛɛi lɛ̀ Bazilai ma
31Gilia naloŋ Bazilai ǹyaa máŋ è kùla Logeliŋ é pá gâloŋ lá koyânii. 32È kɛ̀ kpɔ́ a bɔlɔɔ. Ŋɔkóraŋ è kɛ̀ a buu lɔ́ɔlu mɛi saaƃa. È kɛ̀ a tɔɔ nuu. A kâa mii-sãa tɛ̀ɛ gâloŋ pɔ́ gɛ́ɛ kɛ̀ Maanaiŋ. È kɛ̀ a dɔɔ a zu kɛ́tɛ. 33Gâloŋ è mò mà ǹyɛɛi, “Pá kwa yá kú lí Zerusâlɛŋ. Ŋa pâi mɛ̀nii kélee kɛ̂i yɛ̂ ípɔlɔ-laai su.”
34Kɛ́lɛ è mò Deeƃé ma ǹyɛɛi, “Ŋáfulu-laai su fé ŋɔ́nɔ koyâa ní. Ŋa liî Zerusâlɛŋ lé mɛni ma, Gâloŋ? 35Ŋaâ kɛ́ a kóraŋ buu lɔ́ɔlu mɛi saaƃa. Ŋa pɔri ŋɔ́nɔ mɛni lɛ́lɛɛ da nyɔ́mɔɔ loai kɔ̂lɔniî? Ŋa ŋɔ́nɔ mii-sɛŋ da kpele-sɛŋ nɛ̃ɛ kɔ́lɔŋ? Ŋa pɔri ŋɔ́nɔ wule da ŋàa-nɛ̃ɛ kulâi? Ŋa pâi ímɛni kɔ̂lui da pûi ma lé mɛni ma? 36Ya mɛni su too mɛni lɛ́lɛɛi ŋí kɛ̂i mî lé mɛni ma? Ŋa pâi nɔ́ ǹyái tíyenîi a yá. 37Ǹɛɛ naa ŋá lí ŋá sáa ḿbɔ-taai dí ńoo ńâŋ da ńee ni kɔlɛ. Kɛ́lɛ íyee mu-nuui Siɣaŋ ká ŋí. Ka ǹyaa ka lí. Zoŋ yɛ̂ɛ berei ya ŋ̀wɛ̂lii í gɛ́ lai.”
38Gâloŋ ǹyɛɛ m̀ai, “Kwa ǹyaa kwa pâi liî. Ŋa pâi m̀ɛnii kélee kɛ̂i mì nyíi ǹɛ̂lɛɛi m̀ɛni mai, ŋá nyíi kɛ́ yɛ̂ ǹɛ̂lɛɛi ímɛni mai.” 39Nya ƃe gâloŋ da ǹyée mu-ƃelai kélee dí ǹyái tìyeŋ. Gâloŋ è kpùlɔŋ Bazilai ma. Bazilai é lí pôlu bɔ́-taai.
Eezuɛ da Zuda lɔii-ŋai dí Deeƃé maa kɔ̃ɔ
40Gâloŋ da Siŋɣaŋ dí lì Geega. Zuda-ƃelai dítɔɔ̂i perei Eezuɛ-ƃelai gbulu tɔnɔ. 41Eezuɛ-ƃelai da dîa-ni dí lìi dí m̀ó gâloŋ ma dîyɛɛi, “Zuda-ƃelai dí kúŋumɛ, kpɛ́ni fêi, dífe fáa ní mà kûa máŋ kú ǹyái tíyeŋ a káa.”
42Zuda-ŋai dí díwoo su tòo dîyɛɛ dîai, “Kú gɛ̀ tí, kpɛn fêi, gáa a kúkaa-yɔɔ. Ka kálii ŋwânai kûa lé mɛni ma? Mii-sãai kwa miî ǹyaa fé a ǹya kûɛ kpaa máŋ è sama-sɛŋ da tɛ̀ɛ kúpɔ”
43Eezuɛ-ŋai dí mò dîa dîyɛɛi, “Deeƃé mɛni kpanaŋɔɔ̂i kûa é tɛ́ɛ kâa, kpɛ́ni fêi, kúkaa a núu-suu puu. Ká káŋɛi ǹaɣiŋ kúmɛi lé mɛni ma? Kûa fa ǹûai maa-ŋuŋ m̀ɛni kpɛ̀tɛ a gɛ́ɛ kú pá la pôlui?”
Zuda-ŋai dí lóno kpanaŋ kɛ̀ Eezuɛ-ŋai pɔ́.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2012 Bible Society in Liberia