Samia Veerɛi 16
16
Zîba è Deeƃé ƃɛlɛ sèe
1Deeƃé kɛ́ɛ a ǹyéei yéŋ a da loŋ, da Mɛfebosɛ yée mu-nuui Zîba dí kòyaŋ. Zîba è kɛ̀ pâi a wɛlɛ-sôo feerɛ nyíi-ŋai kɛ̀ liî a zãâi ŋíi: kpólo kpua ŋuŋ feerɛ, kpɔmɔ-ƃa kane ŋuŋ tɔ̂nɔ (100), Fîi-wuru-ƃa kane ŋuŋ tɔ̂nɔ (100), é pɛ́lɛ sua-kɔlɔ gònoŋ tɔnɔ láa fɛ́ɛ a ŋwã̂ai. 2Gâloŋ è m̀arê kɛ̀ ǹyɛɛ m̀ai, “Í pà a zãai ŋí lé mɛni ma?”
Zîba ǹyɛɛ m̀ai, “Ŋ̀wɛlɛ-sôo-ŋai díkaa gâloŋ ŋɔpɛ́rɛi mu-ƃelai mɛni ma a gɛ́ɛ dísee mɛi, gbóloi da Fîi-wuru-ƃa kanei kɛ́ ƃò ǹyaŋkpa-ŋai mɛni ma, ŋwã̂ai kɛ́ ƃò dîai mɛni ma pâi fôai vɛ̃ɛ-kpâlaŋ sui.”
3Gâloŋ ǹyɛɛ m̀ai, “Ínuu-namui ǹóŋ-surɔŋ kɔɔ?” Ziba ǹyɛɛ m̀ai,
“È lɛ̀ɛ Zerusâlɛŋ. Kpɛni fêi, è mò ǹyɛɛi, ‘Eezuɛ-ŋai da pâi sâa ńâŋ ŋɔkâloŋ-laai tɛɛ̂i ḿbɔ pôlu.’ ”
4Gâloŋ è mò Ziba ma ǹyɛɛi, “Gáa, Mɛfebosɛ kɔ̃liŋ kélee káa nâa a ípɔɔ.”
Ziba ǹyɛɛ m̀ai, “Íyee mu-nuui ƃa ńyãa. Mɛni kélee ya mòi ńii lâai mɛni ma.”
Simmɛɛ è lòno Deeƃé ma
5Tãi Gâloŋ Deeƃé è pà la Bauriŋ, Sɔ̂ɔ ŋɔsuui su naloŋ tɔnɔ è pà bɔ́ naa. Ǹáa ƃé kɛ̀ a Simɛɛ, Gera ǹóŋ-surɔŋ. Gɛ́ɛ pâi, è kɛ̀ oôno Deeƃé ma, 6gɛ́ Deeƃé sɔ̀ɔ a kɔni da ǹyée mu-ƃelai é pɛ́lɛ ŋɔnamu kɔ́-ƃelai dîa nyíi-ŋai kɛ̀ siai ǹyée veerɛ mɛi-perei. 7Gɛɛ lônoi mai, è kɛ̀ môi ǹyɛɛi, “Lí, ínuu kpɛ́nii tíi, ŋãa káa íyee ma! 8Ŋãai í bù Sɔ̂ɔ ŋɔpɛ́rɛi mu í ŋɔkâloŋ-laai kúla ǹyêei, Yâwɛɛ káa naa íkula maa kɛ̂i. Aâ íkâloŋ-laai kúla íyêei a gɛ́ɛ é dɛ́ɛ íloŋ Asalɔŋ pɔ́. Gáa, ŋãa káa íyee ma, ísu a pâi karâi.”
9Nya ƃe Zeruia ǹóŋ Abisai è mò Gâloŋ ma ǹyɛɛi, “Ɣîla kpɔlu kɛ́ɛ ŋí a lônoi ŋánuu-namui ma lé mɛni ma? Tɔɔ ŋá lí ŋá ŋ̀uŋ tée.”
10Kɛ́lɛ gâloŋ è mò ma ǹyɛɛi, “Zeruai ǹônii, lé ƃé ŋá gɛ̀ a káa? À kɛ̀ Yâwɛɛ ƃé mò mà a gɛ́ɛ é lóno ḿâ, gbɛ̂ɛ ƃé naa é m̀arê kɛ́ ǹyɛɛ ma, ‘Ya gɛ̂i tí lé mɛni ma?’ ” 11Deeƃé è mò ǹyée mu-nuui Abisai ma da m̀arâai ǹyɛɛi, “Gáa, ŋ́gbîŋ loŋ a wɛ̂lii é ŋuŋ lâ píli. Bɛŋsima ŋɔsuui su naloŋ ŋí ŋ̀ɔi káa a lé? Ka tée ma é ǹîa lono kɛ́, kpɛ́ni fêi, a gɛ̂i a Yâwɛɛ ŋɔwála-walai. 12Ɣele da Yâwɛɛ a pâi ŋámɛnii kpɔ̂lui kâai é mɛni lɛ́lɛɛ kɛ́ mî ǹónoi a gɛ̂i ḿâi m̀ɛni ma.” 13Nya ƃe Deeƃé da ŋɔnûai dí kùla naa dí lí. Kɛ́lɛ Simɛɛ è kɛ̀ nɔ́ dípôlu gɛ́ lòno mà, gɛ́ dísɔɔ a kɔni da pɔ̂rɔ kane. 14Deeƃé da ŋɔnûai dí sèriɛ́ɛ kɛ̀ Zɔdiŋ Ya-leei mai, dífii è kpɛ̀ɛ kpɔ́ a ŋ̀ánaa dí sée naa dí dífii tɔ́ɔ.
Asalɔŋ è tɛ̀ Zerusâlɛŋ
15Gɛ́ɛ tí Asalɔŋ da ŋɔkpakolo-ŋai kélee dí Zerusâlɛŋ da Aitofɛ-ni. 16Ǹyaŋ tãi Aki naloŋ Usai nyíi kɛ̀ a Deeƃé ŋɔwɛli kɛ́-maa nuui è pà la Asalɔŋ pɔ́-naa è mò ǹyɛɛi, “Gâloŋ lɛwo lâai é kôya! Gâloŋ lɛwo lâai é kôya!”
17Asalɔŋ ǹyɛɛ m̀ai, “Bere ƃé ya ítɔ̃yâ-laai lɛ̀ la íwɛli kɛ́ maa nuui Deeƃé mai? Lé ƃé gɛ̀ ka ǹyaa káfe lì nii?”
18Usai ǹyɛɛ m̀ai, “Kpao. Ǹúui kélee Yâwɛɛ da ŋɔnûai da díyee lɛ̀ mai, maa nuui ƃé kwa ǹyaa kwa kɛ̀ naa ŋ́gɛ ƃò bôlu. 19Naa pôlu ma ŋɔ́nɔ, gbɛ̂ɛ ƃé ŋa pâi tíi kɛ̂i mìi? Vé pâi kɛ̂i a ǹóŋ? Yɛ̂ɛ berei nɔ́ ŋá tíi kɛ̀ la ínâŋ mui, bere nɔ́ ƃé ŋa pâi tíi kɛ̂i la íyee mu.”
20Nya ƃe Asalɔŋ è mò Aitofɛ ma ǹyɛɛi, “Lé ƃé kwa pɔri naa gɛ̂i? Íkili ŋa sía ma.”
21Aitofɛ ǹyɛɛ m̀ai, “Ínâŋ yée mu nɛyãai è dílɛ̀ɛ ŋɔpɛ́rɛi lá a gɛ́ɛ dí naa mɛi káai, díkɛ a ínɛyâa. Yà gɛ̀ tí, gɛ̀ ní íƃɛlɛ a pâi kpɛɛi ínâŋ koi. Gɛ̀ ní ǹyaŋ dîai kélee ípôlu díkponôi a pâi kpananiî.” 22Nya ƃe è ƃûu tɔ̀ɔ Asalɔŋ mì ǹâŋ ŋɔpɛ́rɛi ŋ̀elei. Naa ƃé è nyìi naa a ǹâŋ ŋɔnɛyâai pɛlɛɛi kélee Eezuɛ-ŋai ŋɛ́i.
23M̀ɛni-ŋai kélee Aitofɛ a kâa mòi a kâa kɛ̀ yɛ̂ɛ a ŋ̀uŋ maa pìlaŋ a Ɣâla. Ŋumɛ ḿâa è kɛ̀ mà ŋɔlia-woo ƃô-ŋai kélee mɛni ma è gɛ̀ Deeƃé ma da Asalɔŋ.
Currently Selected:
Samia Veerɛi 16: KWB
Highlight
Copy
Compare
Share
Want to have your highlights saved across all your devices? Sign up or sign in
© 2012 Bible Society in Liberia
Samia Veerɛi 16
16
Zîba è Deeƃé ƃɛlɛ sèe
1Deeƃé kɛ́ɛ a ǹyéei yéŋ a da loŋ, da Mɛfebosɛ yée mu-nuui Zîba dí kòyaŋ. Zîba è kɛ̀ pâi a wɛlɛ-sôo feerɛ nyíi-ŋai kɛ̀ liî a zãâi ŋíi: kpólo kpua ŋuŋ feerɛ, kpɔmɔ-ƃa kane ŋuŋ tɔ̂nɔ (100), Fîi-wuru-ƃa kane ŋuŋ tɔ̂nɔ (100), é pɛ́lɛ sua-kɔlɔ gònoŋ tɔnɔ láa fɛ́ɛ a ŋwã̂ai. 2Gâloŋ è m̀arê kɛ̀ ǹyɛɛ m̀ai, “Í pà a zãai ŋí lé mɛni ma?”
Zîba ǹyɛɛ m̀ai, “Ŋ̀wɛlɛ-sôo-ŋai díkaa gâloŋ ŋɔpɛ́rɛi mu-ƃelai mɛni ma a gɛ́ɛ dísee mɛi, gbóloi da Fîi-wuru-ƃa kanei kɛ́ ƃò ǹyaŋkpa-ŋai mɛni ma, ŋwã̂ai kɛ́ ƃò dîai mɛni ma pâi fôai vɛ̃ɛ-kpâlaŋ sui.”
3Gâloŋ ǹyɛɛ m̀ai, “Ínuu-namui ǹóŋ-surɔŋ kɔɔ?” Ziba ǹyɛɛ m̀ai,
“È lɛ̀ɛ Zerusâlɛŋ. Kpɛni fêi, è mò ǹyɛɛi, ‘Eezuɛ-ŋai da pâi sâa ńâŋ ŋɔkâloŋ-laai tɛɛ̂i ḿbɔ pôlu.’ ”
4Gâloŋ è mò Ziba ma ǹyɛɛi, “Gáa, Mɛfebosɛ kɔ̃liŋ kélee káa nâa a ípɔɔ.”
Ziba ǹyɛɛ m̀ai, “Íyee mu-nuui ƃa ńyãa. Mɛni kélee ya mòi ńii lâai mɛni ma.”
Simmɛɛ è lòno Deeƃé ma
5Tãi Gâloŋ Deeƃé è pà la Bauriŋ, Sɔ̂ɔ ŋɔsuui su naloŋ tɔnɔ è pà bɔ́ naa. Ǹáa ƃé kɛ̀ a Simɛɛ, Gera ǹóŋ-surɔŋ. Gɛ́ɛ pâi, è kɛ̀ oôno Deeƃé ma, 6gɛ́ Deeƃé sɔ̀ɔ a kɔni da ǹyée mu-ƃelai é pɛ́lɛ ŋɔnamu kɔ́-ƃelai dîa nyíi-ŋai kɛ̀ siai ǹyée veerɛ mɛi-perei. 7Gɛɛ lônoi mai, è kɛ̀ môi ǹyɛɛi, “Lí, ínuu kpɛ́nii tíi, ŋãa káa íyee ma! 8Ŋãai í bù Sɔ̂ɔ ŋɔpɛ́rɛi mu í ŋɔkâloŋ-laai kúla ǹyêei, Yâwɛɛ káa naa íkula maa kɛ̂i. Aâ íkâloŋ-laai kúla íyêei a gɛ́ɛ é dɛ́ɛ íloŋ Asalɔŋ pɔ́. Gáa, ŋãa káa íyee ma, ísu a pâi karâi.”
9Nya ƃe Zeruia ǹóŋ Abisai è mò Gâloŋ ma ǹyɛɛi, “Ɣîla kpɔlu kɛ́ɛ ŋí a lônoi ŋánuu-namui ma lé mɛni ma? Tɔɔ ŋá lí ŋá ŋ̀uŋ tée.”
10Kɛ́lɛ gâloŋ è mò ma ǹyɛɛi, “Zeruai ǹônii, lé ƃé ŋá gɛ̀ a káa? À kɛ̀ Yâwɛɛ ƃé mò mà a gɛ́ɛ é lóno ḿâ, gbɛ̂ɛ ƃé naa é m̀arê kɛ́ ǹyɛɛ ma, ‘Ya gɛ̂i tí lé mɛni ma?’ ” 11Deeƃé è mò ǹyée mu-nuui Abisai ma da m̀arâai ǹyɛɛi, “Gáa, ŋ́gbîŋ loŋ a wɛ̂lii é ŋuŋ lâ píli. Bɛŋsima ŋɔsuui su naloŋ ŋí ŋ̀ɔi káa a lé? Ka tée ma é ǹîa lono kɛ́, kpɛ́ni fêi, a gɛ̂i a Yâwɛɛ ŋɔwála-walai. 12Ɣele da Yâwɛɛ a pâi ŋámɛnii kpɔ̂lui kâai é mɛni lɛ́lɛɛ kɛ́ mî ǹónoi a gɛ̂i ḿâi m̀ɛni ma.” 13Nya ƃe Deeƃé da ŋɔnûai dí kùla naa dí lí. Kɛ́lɛ Simɛɛ è kɛ̀ nɔ́ dípôlu gɛ́ lòno mà, gɛ́ dísɔɔ a kɔni da pɔ̂rɔ kane. 14Deeƃé da ŋɔnûai dí sèriɛ́ɛ kɛ̀ Zɔdiŋ Ya-leei mai, dífii è kpɛ̀ɛ kpɔ́ a ŋ̀ánaa dí sée naa dí dífii tɔ́ɔ.
Asalɔŋ è tɛ̀ Zerusâlɛŋ
15Gɛ́ɛ tí Asalɔŋ da ŋɔkpakolo-ŋai kélee dí Zerusâlɛŋ da Aitofɛ-ni. 16Ǹyaŋ tãi Aki naloŋ Usai nyíi kɛ̀ a Deeƃé ŋɔwɛli kɛ́-maa nuui è pà la Asalɔŋ pɔ́-naa è mò ǹyɛɛi, “Gâloŋ lɛwo lâai é kôya! Gâloŋ lɛwo lâai é kôya!”
17Asalɔŋ ǹyɛɛ m̀ai, “Bere ƃé ya ítɔ̃yâ-laai lɛ̀ la íwɛli kɛ́ maa nuui Deeƃé mai? Lé ƃé gɛ̀ ka ǹyaa káfe lì nii?”
18Usai ǹyɛɛ m̀ai, “Kpao. Ǹúui kélee Yâwɛɛ da ŋɔnûai da díyee lɛ̀ mai, maa nuui ƃé kwa ǹyaa kwa kɛ̀ naa ŋ́gɛ ƃò bôlu. 19Naa pôlu ma ŋɔ́nɔ, gbɛ̂ɛ ƃé ŋa pâi tíi kɛ̂i mìi? Vé pâi kɛ̂i a ǹóŋ? Yɛ̂ɛ berei nɔ́ ŋá tíi kɛ̀ la ínâŋ mui, bere nɔ́ ƃé ŋa pâi tíi kɛ̂i la íyee mu.”
20Nya ƃe Asalɔŋ è mò Aitofɛ ma ǹyɛɛi, “Lé ƃé kwa pɔri naa gɛ̂i? Íkili ŋa sía ma.”
21Aitofɛ ǹyɛɛ m̀ai, “Ínâŋ yée mu nɛyãai è dílɛ̀ɛ ŋɔpɛ́rɛi lá a gɛ́ɛ dí naa mɛi káai, díkɛ a ínɛyâa. Yà gɛ̀ tí, gɛ̀ ní íƃɛlɛ a pâi kpɛɛi ínâŋ koi. Gɛ̀ ní ǹyaŋ dîai kélee ípôlu díkponôi a pâi kpananiî.” 22Nya ƃe è ƃûu tɔ̀ɔ Asalɔŋ mì ǹâŋ ŋɔpɛ́rɛi ŋ̀elei. Naa ƃé è nyìi naa a ǹâŋ ŋɔnɛyâai pɛlɛɛi kélee Eezuɛ-ŋai ŋɛ́i.
23M̀ɛni-ŋai kélee Aitofɛ a kâa mòi a kâa kɛ̀ yɛ̂ɛ a ŋ̀uŋ maa pìlaŋ a Ɣâla. Ŋumɛ ḿâa è kɛ̀ mà ŋɔlia-woo ƃô-ŋai kélee mɛni ma è gɛ̀ Deeƃé ma da Asalɔŋ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2012 Bible Society in Liberia