Samia Veerɛi 10
10
Deeƃé a Amɔŋ-ŋai da Asiria-ŋai yée mɛi ɣále
(Kɔlɔnikɔ Maa-ŋuŋ 19:1-19)
1Nyíŋi pôlu ma Amɔŋ-ŋai díkâloŋ è sàa dí ǹóŋ-surɔŋ Anuŋ see bɔ́ɔ ŋá. 2Gâloŋ Deeƃé è mò ǹyɛɛi, “Fɛ̂ɛ ŋa ŋáwɛlii kɛ́-maa tɔnɔi lɛ̀ Naasi ǹóŋ Anuŋ ma yɛ̂ɛ berei ǹâŋ a kâa gɛ̀ la a ńyãai.” Deeƃé è ǹyée mu-ƃelai tɛ̀ɛ a gɛɛ dí kpulɔ̂ŋ ma ǹâŋ saa mɛni ma.
Dí lì dí seri Amɔŋ-ŋai dílɔii su. 3Kɛ́lɛ Amɔŋ kaloŋ ŋɔnúu kpaya-kpayai dí mò mà dîyɛɛi, “Ílâai la kpulɔŋ maa-ƃela tɛɛ ípɔ naa Deeƃé mì káa a ƃaa kɛ́-maa ínâŋ mɛni ma? Ífe láa ní la è ǹûai ŋí tɛ̀ɛ a gɛ́ɛ dí pá dí ílɔii maa kpɛ́ɛ nyíi a pɔri pâi naa pôlu ma é naa-ƃelai yée mɛi ɣále?”
4Nya ƃe Anuŋ è Deeƃé yée mu-ƃelai sòŋ é díla leɣa káraŋ m̀éla tɔnɔ ma tɛi-tɛi, é díyɛkɛ-ŋai maa tèe díwuraŋ mu é dítɛɛ pôlu a ŋumɛ pere. 5Deeƃé kɛ́ɛ a m̀ɛnii ŋí mɛ́nii, è nûa tɛ̀ɛ díperêi, kpɛ́ni fêi, ŋumɛ támaa è kɛ̀ dîkɛ̂i. Gâloŋ ǹyɛɛ dîai, “Ka lɛ̀ɛ Zɛleko é lɛ́ɛ la zu kála-leɣa é tɛ́ pôlu ká lɛ́ɛ pâi.”
6Amɔŋ-ŋai dí gɔ̀lɔŋ a gɛ́ɛ da gɛ́ Deeƃé a kɛ́ a díkpɔara-nuu. Nya ƃe dí Siria kɔ kɔ́-ƃela fela fè a gɛ́ɛ dí kɔ́ dímɛni ma. Bɛreo da Zoba taa-ŋai dí kɔ-kuluƃa wála-wala buu feerɛ (20,000) tɛ̀ɛ, Maaka kaloŋ é kɔkuluƃa wála tɔnɔ (1,000) tɛɛ, Tobi taai é kɔkuluƃa wála puu káoi feerɛ (12,000) tɛ́ɛ. 7M̀ɛnii ŋí mɛniɛ́ɛ Deeƃé mii, è Zôa worɛ̂ tɛ̀ɛ da ŋɔkpakolo wála-wala-ŋai kélee. 8Amɔŋ-ŋai dí tɔ̀ɔ díɣɛli ma ziɣãŋ lá. Siria-ŋai dí kùla Zoba, Leo, Tobi da Maaka dí pá dí tɔ́ɔ ƃɛ́i ziɣãŋ fé kɛ́ ní naai.
9Zôa kɛ́ɛ a gɔ́lɔŋ a gɛ́ɛ gɔ́ kɔ́-ƃelai díkɛ̀ kulâi m̀ela feerɛ mai, è Eezuɛ kpakolo wála-walai da-ŋa kùla zu é dítɔɔ Siria-ŋai perei. 10È ǹeɣê Abisai tɔ̀ɔ gɔ-kulu-ŋai gbéli-ŋai láa túɛ dí kpiyãŋ Siria-ŋai perei. 11È mò dîa ǹyɛɛi, “À kɛ̀ Siria-ŋai yée a tɛ̀ɛ ḿâ, ka pá ká kpɔ́ŋ ḿâ, kɛ́lɛ à kɛ̀ Amɔŋ-ŋai yée a tɛ̀ɛ kâa, gɛ̀ ní ŋa pâi pâi ŋá kpɔ́ŋ kâa. 12Ka kákili kúla kú kɔ́ kúnûai mɛni ma da Ɣâla ŋɔtaa lêe-ŋai. Tɔɔ Yâwɛɛ é mɛ̀nii kɛ́ ǹɛ̂lɛɛi ŋ̀ɛ́i.”
13Zôa da ŋɔnûai dí kɔ́ pɛ̀lɛ Siria-ŋai dîa, Siria-ŋai dí pú díyêei. 14Amɔŋ-ŋai dí Siria-ŋai kàa nɔ́ pûi, dia máŋ dí pù Abisai yêei dí tɛ́ daa-leei su. Zôa è kùla Amɔŋ-ŋai pôlu é lí Zerusâlɛŋ.
15Kɛ́lɛ Siria-ŋai yée mɛi ɣáleɛɛ Eezuɛ-ŋai dîɛi, Siria-ŋai dí díŋaa tɛ̀ díkîe ma. 16Adadezɛ è worɛ̂ tɛ̀ɛ Siria-ŋai perei nyíi-ŋai kɛ̀ Yufeletii Ya-leei pôlui. Dí pà Elaŋ da dílaa túɛ-nuui Zoba. 17Deeƃé è mɛ̀nii ŋí mɛni nɔ́, é ŋɔkɔ́ kɔ́-ƃelai ŋáa tɛ̀ díkîe ma é Zɔdiŋ Ya-leei tíyeŋ a dia dí tɛ́ Elaŋ. Dí tɛ́ɛ naai, Siria-ŋai dí kɔ́ pɛ̀lɛ dîa. 18Eezuɛ-ŋai dí díyee mɛi ɣàle dí pú díyêei. Dí díkɔ kɔ́-keleŋ sia-sooi sia-ƃelai ŋuŋ lɔ́ɔlu mɛi feerɛ (700) pàa da dísoo mɛi kɔ kɔ́-ƃelai wála-wala buu náaŋ (40,000). Dí dílaa túɛ-nuui Soba paa. 19Adadezɛ yée mu kaloŋ-ŋai dí gàa nɔ́ Eezuɛ-ŋai yée a tɛɛ dîa, dí pɛ̀lɛ a díkɔɔ dí díkpîŋ kɛ́ a díyee mu-ƃela. Dí nâa kɛ̀ yaôi a gɛ́ɛ dí kpɔŋ mâa tɛɛ Amɔŋ-ŋai pɔ́.
Currently Selected:
Samia Veerɛi 10: KWB
Highlight
Copy
Compare
Share
Want to have your highlights saved across all your devices? Sign up or sign in
© 2012 Bible Society in Liberia
Samia Veerɛi 10
10
Deeƃé a Amɔŋ-ŋai da Asiria-ŋai yée mɛi ɣále
(Kɔlɔnikɔ Maa-ŋuŋ 19:1-19)
1Nyíŋi pôlu ma Amɔŋ-ŋai díkâloŋ è sàa dí ǹóŋ-surɔŋ Anuŋ see bɔ́ɔ ŋá. 2Gâloŋ Deeƃé è mò ǹyɛɛi, “Fɛ̂ɛ ŋa ŋáwɛlii kɛ́-maa tɔnɔi lɛ̀ Naasi ǹóŋ Anuŋ ma yɛ̂ɛ berei ǹâŋ a kâa gɛ̀ la a ńyãai.” Deeƃé è ǹyée mu-ƃelai tɛ̀ɛ a gɛɛ dí kpulɔ̂ŋ ma ǹâŋ saa mɛni ma.
Dí lì dí seri Amɔŋ-ŋai dílɔii su. 3Kɛ́lɛ Amɔŋ kaloŋ ŋɔnúu kpaya-kpayai dí mò mà dîyɛɛi, “Ílâai la kpulɔŋ maa-ƃela tɛɛ ípɔ naa Deeƃé mì káa a ƃaa kɛ́-maa ínâŋ mɛni ma? Ífe láa ní la è ǹûai ŋí tɛ̀ɛ a gɛ́ɛ dí pá dí ílɔii maa kpɛ́ɛ nyíi a pɔri pâi naa pôlu ma é naa-ƃelai yée mɛi ɣále?”
4Nya ƃe Anuŋ è Deeƃé yée mu-ƃelai sòŋ é díla leɣa káraŋ m̀éla tɔnɔ ma tɛi-tɛi, é díyɛkɛ-ŋai maa tèe díwuraŋ mu é dítɛɛ pôlu a ŋumɛ pere. 5Deeƃé kɛ́ɛ a m̀ɛnii ŋí mɛ́nii, è nûa tɛ̀ɛ díperêi, kpɛ́ni fêi, ŋumɛ támaa è kɛ̀ dîkɛ̂i. Gâloŋ ǹyɛɛ dîai, “Ka lɛ̀ɛ Zɛleko é lɛ́ɛ la zu kála-leɣa é tɛ́ pôlu ká lɛ́ɛ pâi.”
6Amɔŋ-ŋai dí gɔ̀lɔŋ a gɛ́ɛ da gɛ́ Deeƃé a kɛ́ a díkpɔara-nuu. Nya ƃe dí Siria kɔ kɔ́-ƃela fela fè a gɛ́ɛ dí kɔ́ dímɛni ma. Bɛreo da Zoba taa-ŋai dí kɔ-kuluƃa wála-wala buu feerɛ (20,000) tɛ̀ɛ, Maaka kaloŋ é kɔkuluƃa wála tɔnɔ (1,000) tɛɛ, Tobi taai é kɔkuluƃa wála puu káoi feerɛ (12,000) tɛ́ɛ. 7M̀ɛnii ŋí mɛniɛ́ɛ Deeƃé mii, è Zôa worɛ̂ tɛ̀ɛ da ŋɔkpakolo wála-wala-ŋai kélee. 8Amɔŋ-ŋai dí tɔ̀ɔ díɣɛli ma ziɣãŋ lá. Siria-ŋai dí kùla Zoba, Leo, Tobi da Maaka dí pá dí tɔ́ɔ ƃɛ́i ziɣãŋ fé kɛ́ ní naai.
9Zôa kɛ́ɛ a gɔ́lɔŋ a gɛ́ɛ gɔ́ kɔ́-ƃelai díkɛ̀ kulâi m̀ela feerɛ mai, è Eezuɛ kpakolo wála-walai da-ŋa kùla zu é dítɔɔ Siria-ŋai perei. 10È ǹeɣê Abisai tɔ̀ɔ gɔ-kulu-ŋai gbéli-ŋai láa túɛ dí kpiyãŋ Siria-ŋai perei. 11È mò dîa ǹyɛɛi, “À kɛ̀ Siria-ŋai yée a tɛ̀ɛ ḿâ, ka pá ká kpɔ́ŋ ḿâ, kɛ́lɛ à kɛ̀ Amɔŋ-ŋai yée a tɛ̀ɛ kâa, gɛ̀ ní ŋa pâi pâi ŋá kpɔ́ŋ kâa. 12Ka kákili kúla kú kɔ́ kúnûai mɛni ma da Ɣâla ŋɔtaa lêe-ŋai. Tɔɔ Yâwɛɛ é mɛ̀nii kɛ́ ǹɛ̂lɛɛi ŋ̀ɛ́i.”
13Zôa da ŋɔnûai dí kɔ́ pɛ̀lɛ Siria-ŋai dîa, Siria-ŋai dí pú díyêei. 14Amɔŋ-ŋai dí Siria-ŋai kàa nɔ́ pûi, dia máŋ dí pù Abisai yêei dí tɛ́ daa-leei su. Zôa è kùla Amɔŋ-ŋai pôlu é lí Zerusâlɛŋ.
15Kɛ́lɛ Siria-ŋai yée mɛi ɣáleɛɛ Eezuɛ-ŋai dîɛi, Siria-ŋai dí díŋaa tɛ̀ díkîe ma. 16Adadezɛ è worɛ̂ tɛ̀ɛ Siria-ŋai perei nyíi-ŋai kɛ̀ Yufeletii Ya-leei pôlui. Dí pà Elaŋ da dílaa túɛ-nuui Zoba. 17Deeƃé è mɛ̀nii ŋí mɛni nɔ́, é ŋɔkɔ́ kɔ́-ƃelai ŋáa tɛ̀ díkîe ma é Zɔdiŋ Ya-leei tíyeŋ a dia dí tɛ́ Elaŋ. Dí tɛ́ɛ naai, Siria-ŋai dí kɔ́ pɛ̀lɛ dîa. 18Eezuɛ-ŋai dí díyee mɛi ɣàle dí pú díyêei. Dí díkɔ kɔ́-keleŋ sia-sooi sia-ƃelai ŋuŋ lɔ́ɔlu mɛi feerɛ (700) pàa da dísoo mɛi kɔ kɔ́-ƃelai wála-wala buu náaŋ (40,000). Dí dílaa túɛ-nuui Soba paa. 19Adadezɛ yée mu kaloŋ-ŋai dí gàa nɔ́ Eezuɛ-ŋai yée a tɛɛ dîa, dí pɛ̀lɛ a díkɔɔ dí díkpîŋ kɛ́ a díyee mu-ƃela. Dí nâa kɛ̀ yaôi a gɛ́ɛ dí kpɔŋ mâa tɛɛ Amɔŋ-ŋai pɔ́.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2012 Bible Society in Liberia