I KORINTHIËRS 6
AFR53
6
Berisping oor geskille tussen broeders.
1DURF iemand van julle wat 'n saak teen 'n ander het, gaan reg soek voor die onregverdiges en #Mt. 18:17; I Kor. 5:12nie voor die heiliges nie?
2Weet julle nie dat #Mt. 19:28die heiliges die wêreld sal oordeel nie? En as die wêreld deur julle geoordeel word, is julle dan onbevoeg vir die geringste regsake?
3Weet julle nie dat ons #II Petr. 2:4; Judas 6engele sal oordeel nie, hoeveel te meer #Lk. 21:34die alledaagse dinge?
4As julle dan alledaagse regsake het, moet julle dié persone daaroor laat sit wat in die gemeente die minste geag word.
5 # I Kor. 4:14; 15:34 Ek sê dit tot julle beskaming. Is daar dan nie eens een wyse onder julle, wat uitspraak sal kan doen tussen sy broeders nie?
6Maar gaan die een broeder met die ander na die regbank, en dit voor ongelowiges?
7Dan is dit al werklik 'n gebrek onder julle, dat julle regsake met mekaar het. #Mt. 5:39Waarom ly julle nie liewer onreg nie? Waarom laat julle jul nie liewer berowe nie?
8Maar julle doen onreg en pleeg roof, en dit aan broeders.
9Of weet julle nie dat die onregverdiges #I Kor. 15:50; Gal. 5:19-21; Efés. 5:5die koninkryk van God nie sal beërwe nie?
10 # I Kor. 15:33; Gal. 6:7 Moenie dwaal nie! Geen #Openb. 21:8; 22:15hoereerders of afgodedienaars of egbrekers of wellustelinge of sodomiete of diewe of gierigaards of dronkaards of kwaadsprekers of rowers sal die koninkryk van God beërwe nie.
11En #I Kor. 12:2dit was sommige van julle; maar #Hand. 22:16; Hebr. 10:22julle het jul laat afwas, maar #I Kor. 1:30julle is geheilig, maar #Rom. 8:30julle is geregverdig #Joh. 20:31in die Naam van die Here Jesus en deur die Gees van onse God.
Ons liggame is die lede van Christus.
12 # I Kor. 10:23 ALLES is my geoorloof, maar nie alles is nuttig nie; alles is my geoorloof, maar ek sal my nie deur iets laat oorheers nie.
13Die voedsel is vir die maag, en die maag is vir die voedsel, maar God sal die een sowel as die ander tot niet maak. En die liggaam is nie vir hoerery nie, maar #I Kor. 6:15,19,20vir die Here; en #Efés. 5:23die Here vir die liggaam.
14En #Hand. 2:24God het ook die Here opgewek en sal ons opwek deur sy krag.
15Weet julle nie #Efés. 5:30dat julle liggame lede van Christus is nie? Sal ek dan die lede van Christus neem en dit lede van 'n hoer maak? Nee, stellig nie!
16Of weet julle nie dat hy wat 'n hoer aanhang, met haar een liggaam is nie? Want #Gén. 2:24die twee, sê Hy, sal een vlees wees.
17Maar #Joh. 17:21-23; Efés. 4:4wie die Here aanhang, is een gees met Hom.
18Vlug #Mt. 15:19; Hand. 15:20,29; Rom. 1:29vir die hoerery. Enige sonde wat 'n mens doen, is buite die liggaam; maar wie hoerery bedryf, #Rom. 1:24sondig teen sy eie liggaam.
19Of weet julle nie dat #Joh. 2:21; I Kor. 3:16; II Kor. 6:16julle liggaam 'n tempel is van die Heilige Gees wat in julle is, wat julle van God het, en dat #Rom. 14:7,8julle nie aan julself behoort nie?
20Want #I Kor. 7:23; I Petr. 1:18,19; II Petr. 2:1julle is duur gekoop. Verheerlik God dan in julle liggaam en in julle gees wat aan God behoort.

Verskaf met die komplimente van die Bybelgenootskap van Suid-Afrika. © Bybelgenootskap van Suid-Afrika. Gebruik met toestemming. Alle regte voorbehou.

Ondersteun ons en word ‘n saaier van hoop.

Learn More About Afrikaans 1933/1953