Zac 12
12
'Elnc Jerusalén 'a libre
1A Jehová a b'ojnac satcha'an̈, sb'on 'ejm yipnub'al yich lum lum tic, a tz'a'n sq'uinl eb' 'anma', a tzaln 'ixtc yuj chon̈b' Israel: 2An Jehová in tic, 'ixtc 'oj in b'o yuj Jerusalén, yu'uj ax yec' tectnoc jun tzo'n̈ nacion̈ 'ay 'a sla'nil cha, 'icha to 'u'm 'an̈ 'oj 'ajcn eb', yic 'oj cob' ya'nc eb' owl yet' Jerusalén, yet' pax jun tzo'n̈ xo chon̈b' 'ay 'a yol yic Judá. 3A 'a yic jun tiempoal cha, a Jerusalén 'icha junc q'uen q'uen man̈x jantcoc yalil, 'ixta 'oj wutc 'a jun tzo'n̈ xo nacion̈. A mach 'oj snib'c 'i'nc 'el 'a yet'ul, 'oj lajwc yu'uj. Smasnil nacion̈ 'oj syam sb'a, ax cob' ya'nc eb' owl yet' Jerusalén. 4A 'a yic jun c'ul cha, an Jehová in, an 'oj in xib'tc smasnil schej eb' 'ajc'ojl cha, 'icha 'owya 'oj wutc can eb' soldado 'ay q'ue 'a yib'n̈ no'. Caw 'oj in tan̈wc eb' yin̈tl Judá, ax smasnil schej jun tzo'n̈ nacion̈ cha, man̈x 'oj stac' yiln e no'. 5A yic 'oj yilnc eb' syajlil Judá jun tic, ax yaln eb' 'ixtic: A Jehová tztac' yuj smasnil, sDiosal eb' 'aj Jerusalén quet'ec, a tz'a'n yip eb', 'oj schic eb'. 6A 'a yic jun c'ul cha, a eb' syajlil Judá, lajn 'oj wutc eb' 'icha junc cuxc'ac' caw xexni tz'och 'a scal te c'atzitz. Lajn pax 'oj wutc eb' 'icha jun topc taj tzn̈iln̈ni sc'aq'uil yic tz'ajx 'och 'a scal nan̈loc 'ixm trigo syuchn̈al xo yaji. 'Oj ya'cn lajwc 'el eb' smasnil jun tzo'n̈ nacion̈ 'ay 'a stz'ey. Ax eb' cajn 'a Jerusalén, wach' 'oj 'aj yaj cajn eb' 'a schon̈b' jun 'ejm xo.
7Palta an Jehová in tic, b'ab'el 'oj in colcn 'el eb' yin̈tl Judá, sec wach' a eb' yin̈tl David yet' eb' cajn 'a Jerusalén, ma'oj sb'an̈ sb'a eb' 'a yib'n̈ eb' yin̈tl Judá. 8An Jehová in, 'oj in tan̈wc eb' cajn 'a Jerusalén cha. A eb' may wal sjelnal ya'n owl 'a scal eb' cha, caw wal 'oj jelnb'oc eb' 'icha rey David. Ax eb' yin̈tl David cha, a eb' 'oj jucb'tzan eb' 'a jelnal, 'icha to a jun wángel b'ab'l s'at 'a yojltac eb' mto 'icha to a 'in. 9A wal 'a yic jun c'ul cha, an 'oj in satl smasnil nacion̈ 'oj 'a'nc owl yet' Jerusalén.
10'Oj wac' jun espíritu yic wach' nab'enal 'a eb' yin̈tl David yet' 'a eb' cajn 'a Jerusalén, sec wach' 'oj leslwoc eb' 'ayin. Ax yic 'oj in yilnc eb' tecjnac in, 'oj 'oc' eb' 'icha yoc' junc mach tzcham jun c'otn̈ yunnal, mto yuj junc sb'ab'l 'unnal. 11A wal 'a yic jun c'ul cha, 'oj 'och wal jun niwquil 'o'l 'a Jerusalén, 'icha wal cusc'ojlal 'ochnc yuj jun comn dios tzcuch Hadad-rimón 'a span̈nil Meguido.#Zac 12.11 Adad-rimón, 'icha wal to sb'i jun dios Baal junx tic. A yic tztacj 'awb'en 'a yic stiempoal si'ic, tzyal eb' 'anma', chajtlto tox 'ix cham Baal, yuj cha, tznan eb' jun q'uin̈ yujto tzyab' eb' syal yuj yalni. 12-14Junjn 'in̈tal eb' 'a snacion̈ cha, chucchc 'ay eb' ax yoc' eb', a eb' yin̈tl David, eb' yin̈tl Natán, eb' yin̈tl Leví, yet' eb' yin̈tl Simei, yet' pax jun tzo'n̈ xo 'in̈tal eb', chucchc pax tz'oc' eb', an̈jtona yistzil eb', chuc pax 'aj tz'oc' eb'.
Currently Selected:
Zac 12: CSS
Highlight
Share
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.
Zac 12
12
'Elnc Jerusalén 'a libre
1A Jehová a b'ojnac satcha'an̈, sb'on 'ejm yipnub'al yich lum lum tic, a tz'a'n sq'uinl eb' 'anma', a tzaln 'ixtc yuj chon̈b' Israel: 2An Jehová in tic, 'ixtc 'oj in b'o yuj Jerusalén, yu'uj ax yec' tectnoc jun tzo'n̈ nacion̈ 'ay 'a sla'nil cha, 'icha to 'u'm 'an̈ 'oj 'ajcn eb', yic 'oj cob' ya'nc eb' owl yet' Jerusalén, yet' pax jun tzo'n̈ xo chon̈b' 'ay 'a yol yic Judá. 3A 'a yic jun tiempoal cha, a Jerusalén 'icha junc q'uen q'uen man̈x jantcoc yalil, 'ixta 'oj wutc 'a jun tzo'n̈ xo nacion̈. A mach 'oj snib'c 'i'nc 'el 'a yet'ul, 'oj lajwc yu'uj. Smasnil nacion̈ 'oj syam sb'a, ax cob' ya'nc eb' owl yet' Jerusalén. 4A 'a yic jun c'ul cha, an Jehová in, an 'oj in xib'tc smasnil schej eb' 'ajc'ojl cha, 'icha 'owya 'oj wutc can eb' soldado 'ay q'ue 'a yib'n̈ no'. Caw 'oj in tan̈wc eb' yin̈tl Judá, ax smasnil schej jun tzo'n̈ nacion̈ cha, man̈x 'oj stac' yiln e no'. 5A yic 'oj yilnc eb' syajlil Judá jun tic, ax yaln eb' 'ixtic: A Jehová tztac' yuj smasnil, sDiosal eb' 'aj Jerusalén quet'ec, a tz'a'n yip eb', 'oj schic eb'. 6A 'a yic jun c'ul cha, a eb' syajlil Judá, lajn 'oj wutc eb' 'icha junc cuxc'ac' caw xexni tz'och 'a scal te c'atzitz. Lajn pax 'oj wutc eb' 'icha jun topc taj tzn̈iln̈ni sc'aq'uil yic tz'ajx 'och 'a scal nan̈loc 'ixm trigo syuchn̈al xo yaji. 'Oj ya'cn lajwc 'el eb' smasnil jun tzo'n̈ nacion̈ 'ay 'a stz'ey. Ax eb' cajn 'a Jerusalén, wach' 'oj 'aj yaj cajn eb' 'a schon̈b' jun 'ejm xo.
7Palta an Jehová in tic, b'ab'el 'oj in colcn 'el eb' yin̈tl Judá, sec wach' a eb' yin̈tl David yet' eb' cajn 'a Jerusalén, ma'oj sb'an̈ sb'a eb' 'a yib'n̈ eb' yin̈tl Judá. 8An Jehová in, 'oj in tan̈wc eb' cajn 'a Jerusalén cha. A eb' may wal sjelnal ya'n owl 'a scal eb' cha, caw wal 'oj jelnb'oc eb' 'icha rey David. Ax eb' yin̈tl David cha, a eb' 'oj jucb'tzan eb' 'a jelnal, 'icha to a jun wángel b'ab'l s'at 'a yojltac eb' mto 'icha to a 'in. 9A wal 'a yic jun c'ul cha, an 'oj in satl smasnil nacion̈ 'oj 'a'nc owl yet' Jerusalén.
10'Oj wac' jun espíritu yic wach' nab'enal 'a eb' yin̈tl David yet' 'a eb' cajn 'a Jerusalén, sec wach' 'oj leslwoc eb' 'ayin. Ax yic 'oj in yilnc eb' tecjnac in, 'oj 'oc' eb' 'icha yoc' junc mach tzcham jun c'otn̈ yunnal, mto yuj junc sb'ab'l 'unnal. 11A wal 'a yic jun c'ul cha, 'oj 'och wal jun niwquil 'o'l 'a Jerusalén, 'icha wal cusc'ojlal 'ochnc yuj jun comn dios tzcuch Hadad-rimón 'a span̈nil Meguido.#Zac 12.11 Adad-rimón, 'icha wal to sb'i jun dios Baal junx tic. A yic tztacj 'awb'en 'a yic stiempoal si'ic, tzyal eb' 'anma', chajtlto tox 'ix cham Baal, yuj cha, tznan eb' jun q'uin̈ yujto tzyab' eb' syal yuj yalni. 12-14Junjn 'in̈tal eb' 'a snacion̈ cha, chucchc 'ay eb' ax yoc' eb', a eb' yin̈tl David, eb' yin̈tl Natán, eb' yin̈tl Leví, yet' eb' yin̈tl Simei, yet' pax jun tzo'n̈ xo 'in̈tal eb', chucchc pax tz'oc' eb', an̈jtona yistzil eb', chuc pax 'aj tz'oc' eb'.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.