Zac 1
1
Tzyawtj Jehová eb' schon̈ab'
1A yic swajxquil 'uj yic schab'l ab'il xo yoch Darío reyal, ata xyal Jehová jun tzo'n̈ paxti tic 'ayn an Zacarías in tic, yunnal in Berequías, yixchicn in Iddo, schecb' Dios waji. Tzyaln 'ixtic:
2-3An Jehová in, tztac' wuj smasnil, caw xcot wowl si'mb'il 'a eb' a mam echam, yuj cha, a ticnec a tas tzwal 'aych tic, al 'a eb' in chon̈ab'. An Jehová in, to an tzwal 'ixtic: Meltzjan̈c 'ayin yic tzeyaln pax e b'a, ax in cha colwj pax 'ayex. 4Man̈ e pitc e b'a 'icha yutjnac spitn sb'a eb' e mam eyichm cha. Yaljnac eb' in checb' ixtc 'a eb': A Jehová tztac' yuj smasnil, a tzaln 'ayx 'ixtic: Nac wal e b'a yuj e tu b'eyb'al, yet' yuj smasnil maysch'olnilal tze b'o'o, xchi Dios, xchi eb' in checb' cha, palta ma'ix chaj eb' yab'i', ma'ix syiclj eb'. 5Palta ax ticnec, ¿tas 'ajnc eb' e mam eyichm cha? An̈jtona eb' in checb' cha, toc pitzn to eb'. 6Palta ax in paxti', yet' in checnb'il wa'jnac yal-l eb' in checb' cha, 'ix 'el'ch 'a eb' e mam eyichm cha. Yuj cha, 'ix snan sb'a eb', 'ix yaln eb' 'ixtic: A Jehová tztac' yuj smasnil, tox 'ix ya'ch qui yailal, 'icha wal tas snalb'ej ya'n 'och 'a quib'n̈ec yuj qui tu b'eyb'alec, yet' yuj pax maysch'olnil tzqui b'o'ec, xchi eb', xchi Dios.
A tas ch'oxb'il yil Zacarías
7An Zacarías in tic, yunnal in Berequías, yixchicn in Ido, a yic 24 yoch yuxlchil 'uj, (atn jun 'uj tzcuch Sebat) a yic schab'l ab'il xo yoch Darío reyal 'ix yal Jehová jun tzo'n̈ paxti tic 'ayin. 8'Ay jun 'ac'wal, 'ix ch'oxx wil jun tic 'a 'icha waychil: 'Ix wil jun 'icha winc 'ay q'ue 'a yib'n̈ jun chac chej. Lin̈n 'och wan no 'a jun pan̈n 'a scal jun tzo'n̈ te tzcuch arrayán. Ax 'a spatquil jun cha, 'ay nan̈l xo no chej 'ayq'ui, 'ay eb' 'ay q'ue 'a yib'n̈ e no'. Chucchc yilx e no', 'ay no chac, 'ay no sacpunac, 'ay pax no sac. 9Ax xwilni 'ayc' jun ángel 'a in stz'ey, yuj cha, xin c'anb'n 'a 'ixtic: Mamin, ¿mach jun tzo'n̈ 'ay q'ue 'a yib'n̈ chej cha? xin chi. 'Ix ta'w jun ángel tzpaxtin wet' cha, xyaln 'ixtc 'ayin: 'Oj in ch'ox 'ayach, mach jun tzo'n̈ cha, xchi. 10Yuj cha, xyaln jun 'ayc' 'a scal jun tzo'n̈ te tzcuch arrayán chi 'ixtic: Atn eb' tic checb'il 'at yuj Jehová yic tz'at yilnc eb' smasnil yolyib'n̈q'uinal, xchi.
11'Ix yaln eb' 'ay q'ue 'a yib'n̈ chej chi 'ixtc 'a jun yángel Jehová 'ayc' 'a scal te arrayán cha: Tox on̈ 'ec' 'a smasnil yolyib'n̈q'uinl on̈. Wach' yaj smasnil xquil on̈, caw 'ay junc'ojlal, xchi eb'. 12'Ix ta'w jun yángel Jehová cha, xyaln 'ixtic: Mamin Jehová tztac' oj smasnil, 'ayx 70 ab'il scotcn yowl a c'ojl 'a yib'n̈ Jerusalén yet' 'a Judá. ¿Jantcto wal tiempo 'oj yac'a', 'ixta to b'i'an, ax scusch a c'ojl 'a eb'? xchi.
13'Ix ta'w Jehová 'a jun ángel tzpaxtin wet' cha, sec ax tz'a'n sniwnal in c'ojol. 14Wal 'a yajn̈ej 'ix yaln jun ángel chi 'ayin, tas jun tzo'n̈ spaxti Jehová tztac' yuj smasnil, a 'ix aln 'ixtic: Caw wal tzin chamc'ojlej Jerusalén simb'il yet' tzaln Sión. 15Yuj cha, caw 'ix cot wowl 'a jun tzo'n̈ xo nacion̈, eb' to matz 'och 'il xon jab'oc. A yic jab' wal wowl 'ay cot 'a Jerusalén, ax eb', yel xo tz'ec' eb' 'a yib'n̈ ya'n 'och yailal 'a yib'n̈ eb' in chon̈b' cha. 16Yuj cha, an Jehová in, an tzwal 'ixtic: A ticnec 'oj in meltzj 'a Jerusalén yuj in ch'oxni to tz'o'x 'och in c'ojl 'a 'a. 'Oj b'ox chan̈ watut ta jun 'ejm xo, ax yechtax chon̈b' Jerusalén yic tzb'ox chan̈ jun 'ejm xo, xchi Dios. Ax ticnec 'at al-l jun tzon̈ tic muc'uc, xchi jun ángel chi 'ayin.
17An̈jtona', 'ix yaln pax jun ángel chi 'ayn 'ixtic: Al-l jun tzo'n̈ xo tic: A Jehová tztac' yuj smasnil, a tzaln 'ixtic: 'Oj wi'x chan̈ eb' in chon̈b' tic yet' wach'ilal. 'Oj in niwnc'ojloc Sión jun 'ejm xo. An Jehová in, 'oj wal-l jun 'ejm xo, chajtlto a Jerusalén tic, in chon̈b' to sic'b'il 'el wu'uj, xchi Dios, xchi jun ángel cha.
A chab' tas 'ix ch'oxx yil Zacarías
18'Ix wiln pax junx tas 'a 'icha waychil, 'ay chan̈e ch'ac xwila. 19Xlajw cha, xin c'anb'n 'ixtc 'a jun ángel tzpaxtin wet' cha: ¿Tas tzyal 'el'ch chan̈e ch'ac cha? xin chi 'a 'a. 'Ix yaln 'ayn 'ixtic: A chan̈e ch'ac cha, tzch'ox yipl jun tzo'n̈ nacion̈ 'a'jnac sactzic eb' 'aj Judá, eb' 'aj Israel yet' eb' cajn 'a chon̈b' Jerusalén, xchi.
20Yajn̈ej sch'oxn pax Jehová wil junx tas 'a 'icha waychil, 'ay chan̈wn̈ eb' tenm q'uen#Zac 1.20 A eb' tenmq'uen tzyal 'a tic, sch'oxnb'il spoder Dios yaj eb'. A Dios 'oj satnoc 'el smasnil eb' 'ajc'ojl yajch 'a eb' schon̈ab'. xwila. 21Xlajw cha, xin c'anb'n 'a 'ixtic: ¿Tas tzwul sb'o jun tzo'n̈ eb' tenm q'uen tic? xin chi. 'Ix yaln 'ayn 'ixtic: A jun tzo'n̈ tenm q'uen*f1* tic, 'ix jaw eb' yic tzwul xib'tnoc eb', yet' yic tzya'n can lajwc eb' yipl jun tzo'n̈ nacion̈ xma'n lan̈chjoc chon̈b' Judá, yic slaj sactzic can 'at eb' cajn 'a 'a, xchi.
Currently Selected:
Zac 1: CSS
Highlight
Share
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.
Zac 1
1
Tzyawtj Jehová eb' schon̈ab'
1A yic swajxquil 'uj yic schab'l ab'il xo yoch Darío reyal, ata xyal Jehová jun tzo'n̈ paxti tic 'ayn an Zacarías in tic, yunnal in Berequías, yixchicn in Iddo, schecb' Dios waji. Tzyaln 'ixtic:
2-3An Jehová in, tztac' wuj smasnil, caw xcot wowl si'mb'il 'a eb' a mam echam, yuj cha, a ticnec a tas tzwal 'aych tic, al 'a eb' in chon̈ab'. An Jehová in, to an tzwal 'ixtic: Meltzjan̈c 'ayin yic tzeyaln pax e b'a, ax in cha colwj pax 'ayex. 4Man̈ e pitc e b'a 'icha yutjnac spitn sb'a eb' e mam eyichm cha. Yaljnac eb' in checb' ixtc 'a eb': A Jehová tztac' yuj smasnil, a tzaln 'ayx 'ixtic: Nac wal e b'a yuj e tu b'eyb'al, yet' yuj smasnil maysch'olnilal tze b'o'o, xchi Dios, xchi eb' in checb' cha, palta ma'ix chaj eb' yab'i', ma'ix syiclj eb'. 5Palta ax ticnec, ¿tas 'ajnc eb' e mam eyichm cha? An̈jtona eb' in checb' cha, toc pitzn to eb'. 6Palta ax in paxti', yet' in checnb'il wa'jnac yal-l eb' in checb' cha, 'ix 'el'ch 'a eb' e mam eyichm cha. Yuj cha, 'ix snan sb'a eb', 'ix yaln eb' 'ixtic: A Jehová tztac' yuj smasnil, tox 'ix ya'ch qui yailal, 'icha wal tas snalb'ej ya'n 'och 'a quib'n̈ec yuj qui tu b'eyb'alec, yet' yuj pax maysch'olnil tzqui b'o'ec, xchi eb', xchi Dios.
A tas ch'oxb'il yil Zacarías
7An Zacarías in tic, yunnal in Berequías, yixchicn in Ido, a yic 24 yoch yuxlchil 'uj, (atn jun 'uj tzcuch Sebat) a yic schab'l ab'il xo yoch Darío reyal 'ix yal Jehová jun tzo'n̈ paxti tic 'ayin. 8'Ay jun 'ac'wal, 'ix ch'oxx wil jun tic 'a 'icha waychil: 'Ix wil jun 'icha winc 'ay q'ue 'a yib'n̈ jun chac chej. Lin̈n 'och wan no 'a jun pan̈n 'a scal jun tzo'n̈ te tzcuch arrayán. Ax 'a spatquil jun cha, 'ay nan̈l xo no chej 'ayq'ui, 'ay eb' 'ay q'ue 'a yib'n̈ e no'. Chucchc yilx e no', 'ay no chac, 'ay no sacpunac, 'ay pax no sac. 9Ax xwilni 'ayc' jun ángel 'a in stz'ey, yuj cha, xin c'anb'n 'a 'ixtic: Mamin, ¿mach jun tzo'n̈ 'ay q'ue 'a yib'n̈ chej cha? xin chi. 'Ix ta'w jun ángel tzpaxtin wet' cha, xyaln 'ixtc 'ayin: 'Oj in ch'ox 'ayach, mach jun tzo'n̈ cha, xchi. 10Yuj cha, xyaln jun 'ayc' 'a scal jun tzo'n̈ te tzcuch arrayán chi 'ixtic: Atn eb' tic checb'il 'at yuj Jehová yic tz'at yilnc eb' smasnil yolyib'n̈q'uinal, xchi.
11'Ix yaln eb' 'ay q'ue 'a yib'n̈ chej chi 'ixtc 'a jun yángel Jehová 'ayc' 'a scal te arrayán cha: Tox on̈ 'ec' 'a smasnil yolyib'n̈q'uinl on̈. Wach' yaj smasnil xquil on̈, caw 'ay junc'ojlal, xchi eb'. 12'Ix ta'w jun yángel Jehová cha, xyaln 'ixtic: Mamin Jehová tztac' oj smasnil, 'ayx 70 ab'il scotcn yowl a c'ojl 'a yib'n̈ Jerusalén yet' 'a Judá. ¿Jantcto wal tiempo 'oj yac'a', 'ixta to b'i'an, ax scusch a c'ojl 'a eb'? xchi.
13'Ix ta'w Jehová 'a jun ángel tzpaxtin wet' cha, sec ax tz'a'n sniwnal in c'ojol. 14Wal 'a yajn̈ej 'ix yaln jun ángel chi 'ayin, tas jun tzo'n̈ spaxti Jehová tztac' yuj smasnil, a 'ix aln 'ixtic: Caw wal tzin chamc'ojlej Jerusalén simb'il yet' tzaln Sión. 15Yuj cha, caw 'ix cot wowl 'a jun tzo'n̈ xo nacion̈, eb' to matz 'och 'il xon jab'oc. A yic jab' wal wowl 'ay cot 'a Jerusalén, ax eb', yel xo tz'ec' eb' 'a yib'n̈ ya'n 'och yailal 'a yib'n̈ eb' in chon̈b' cha. 16Yuj cha, an Jehová in, an tzwal 'ixtic: A ticnec 'oj in meltzj 'a Jerusalén yuj in ch'oxni to tz'o'x 'och in c'ojl 'a 'a. 'Oj b'ox chan̈ watut ta jun 'ejm xo, ax yechtax chon̈b' Jerusalén yic tzb'ox chan̈ jun 'ejm xo, xchi Dios. Ax ticnec 'at al-l jun tzon̈ tic muc'uc, xchi jun ángel chi 'ayin.
17An̈jtona', 'ix yaln pax jun ángel chi 'ayn 'ixtic: Al-l jun tzo'n̈ xo tic: A Jehová tztac' yuj smasnil, a tzaln 'ixtic: 'Oj wi'x chan̈ eb' in chon̈b' tic yet' wach'ilal. 'Oj in niwnc'ojloc Sión jun 'ejm xo. An Jehová in, 'oj wal-l jun 'ejm xo, chajtlto a Jerusalén tic, in chon̈b' to sic'b'il 'el wu'uj, xchi Dios, xchi jun ángel cha.
A chab' tas 'ix ch'oxx yil Zacarías
18'Ix wiln pax junx tas 'a 'icha waychil, 'ay chan̈e ch'ac xwila. 19Xlajw cha, xin c'anb'n 'ixtc 'a jun ángel tzpaxtin wet' cha: ¿Tas tzyal 'el'ch chan̈e ch'ac cha? xin chi 'a 'a. 'Ix yaln 'ayn 'ixtic: A chan̈e ch'ac cha, tzch'ox yipl jun tzo'n̈ nacion̈ 'a'jnac sactzic eb' 'aj Judá, eb' 'aj Israel yet' eb' cajn 'a chon̈b' Jerusalén, xchi.
20Yajn̈ej sch'oxn pax Jehová wil junx tas 'a 'icha waychil, 'ay chan̈wn̈ eb' tenm q'uen#Zac 1.20 A eb' tenmq'uen tzyal 'a tic, sch'oxnb'il spoder Dios yaj eb'. A Dios 'oj satnoc 'el smasnil eb' 'ajc'ojl yajch 'a eb' schon̈ab'. xwila. 21Xlajw cha, xin c'anb'n 'a 'ixtic: ¿Tas tzwul sb'o jun tzo'n̈ eb' tenm q'uen tic? xin chi. 'Ix yaln 'ayn 'ixtic: A jun tzo'n̈ tenm q'uen*f1* tic, 'ix jaw eb' yic tzwul xib'tnoc eb', yet' yic tzya'n can lajwc eb' yipl jun tzo'n̈ nacion̈ xma'n lan̈chjoc chon̈b' Judá, yic slaj sactzic can 'at eb' cajn 'a 'a, xchi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.