Rt 1
1
'Ix 'at win Elimelec*r* yet' yistzil yet' eb' yunnal 'a lum Moab
1A 'a yic 'aych eb' juez yajlil 'a chon̈b' Israel, 'ay jun winc 'aj Belén 'a yol yic Judá, 'ix ati, axta xc'och cajn yet' yistzil yet' chawn̈ yunnal 'a yol yic Moab yujto 'ix jaw jun niwquil wejl 'a yol schon̈b' eb'. 2A jun winc cha, Elimelec#Rt 1.2 Elimelec, a 'a hebreo tzyal 'el'chi "a 'in Diosal Rey toni." sb'i, ax yistzil Noemí#Rt 1.2 Noemí, tzyal 'el'chi "nib'jub'tac." sb'i, 'a chawn̈ yunnal cha, jun tzcuch Mahlón, ax junx tzcuch Quelión. 'Aj Efrata eb', atn tzcuch pax Belén. 'Ix c'och cajn eb' 'a yol yic lum Moab, axta xcan eb' ta'.
3Ax x'aji, 'ix cham win Elimelec, win yichmil 'ix Noemí, 'ix can 'ix sch'ocj yet' chawn̈ yune cha. 4'Ix b'ey tiempo, 'ix 'och yistzil ewin schawn̈il; a eb' 'ix 'aj Moab chi xyij ewinac. A sb'i jun 'ix, Orfa, ax junx 'ix, Rut sb'i 'ix. 'Ayxm slajn̈ilc ab'il ya'jc eb' ta', 5ax x'aji, 'ix cham pax win Mahlón yet' win Quelión. 'Ixta 'ix 'aj 'ix Noemí scan sch'ocoj. Man̈x 'a junc yune 'ix, man̈x 'a pax yichmil 'ix.
Meltzjnac 'ix Noemí*r* yet' 'ix Rut 'a Belén
6Xlajw cha, 'ix yab'n 'ix Noemí yet' eb' 'ix yalb' 'a lum Moab, ax xyab'n eb' speclal to a Jehová tox 'ix 'o'ch sc'ojl 'a chon̈b' Israel; man̈x 'a wejl ta', 'ayx pax tas tzcuxxi. 7Yuj cha, xya'n 'och 'ix 'a sc'ojl smeltzj 'a chon̈b' Judá. Ajun chawn̈ eb' 'ix yalb' 'ix chi yet'oc, yic 'ix 'elt 'ix 'a 'aj 'ayc' cha. 8Ax yic wan sb'ey eb' 'a yol b'e, 'ix yaln 'ix Noemí 'a eb' 'ix yalb' chi 'ixtic:
—A ticnec meltzjan̈ec, paxn̈ec 'a yatut e mam e nun. A cab' Jehová 'oj 'o'chn̈ej sc'ojl 'ayex, 'in wach'n̈j xeyutj e b'a 'ayin yet' pax 'a ewin wune chamnac. 9A cab' Jehová 'oj 'och eyet'oc, sec wach' 'oj 'ochx eyichmil jun 'ejm xo; tzaljc'ojlal 'oj e yajc 'a eyatut yet' eyichmil junjn ex, xchi 'ix.
'Ix stz'ub'n can 'elt 'ix Noemí sti eb' 'ix yalb' cha, yic tzyaln can sb'a 'ix 'a eb' 'ix, ax x'aji, syamn 'och eb' 'ix yoq'ui. 10Xlajw cha, 'ix yaln eb' 'ix 'ixtic:
—Matz on̈ can on̈, 'oj qui 'at et' 'a a chon̈b' cha, xchi eb' 'ix.
11'Ix te'w 'och 'ix Noemí 'a eb' 'ix:
—Ex walib', paxn̈ec 'a eyatut, ¿tas yuj tze nib'j tzex 'och tza'n wu'uj? An tic, man̈x 'a wune tot 'oj 'aljoc, yic tzeyi'n e b'a yet'oc.#Rt 1.11 A 'a tic tzyac' b'inaxc 'ix Noemí sb'eyb'al eb' israel, yujto a yic 'ay junc winc tzchami, a yu'tac, a tz'i'n can pax 'ix 'ix cha. 12Yuj cha, 'ixquec, paxn̈ec can 'a eyatut. Yujto an tic, chichm in xo, toc 'oj 'och to wichmil. Wach'xam tzwal ticnec, to a 'a jun 'ac'wl tic tz'ochx wichmil, 'oj 'aljoc to n̈ej wune', toto xin chi, 13palta ¿tom 'oj e tan̈wc to sq'uib' eb'? ¿Tom yujn̈ej e tan̈wni eb', yuj cha man̈x 'oj eya'x 'och eyichmil? May ex walib', ma'oj stac' 'ixta'. An tic, wan wiln yailal 'ix ya' cot Jehová 'a wib'an̈, palta yel xo wal 'oj in cus eyu'uj, 'a yic 'oj wilnc eyab'n syal wet'oc, xchi 'ix.
14'Ix 'oc' eb' 'ix jun 'ejm xo, xlajw cha, 'ix stz'ub'n can 'elt 'ix Orfa sti 'ix yalb' cha, xyaln can sb'a 'ix 'a 'ix. Ax 'ix Rut, xcancn 'ix yet' 'ix yalb' cha. 15Xlajw cha, 'ix yaln 'ix Noemí 'ixtc 'a 'ix Rut:
'Iltnab'an, a 'ix et 'alb'al-l tic, 'ix paxcn 'ix 'a schon̈ab', 'a 'aj 'ay jun tzo'n̈ sdiosal. 'Ixc can pax yet' 'ix ach tic, xchi 'ix.
16'Ix ta'w 'ix Rut 'a 'ix 'ixtic:
—Man̈ ach tewc 'och 'ayin, yic tzach wactn cani. Tzann̈j 'aj 'oj a 'ati, 'oj in 'atn̈j et'oc. A 'aj 'oj a c'och cajan, 'oj in can cajn et' ta'. A 'a chon̈ab', a 'oj 'och in chon̈b'oc, a 'a Diosal a pax 'oj 'och in Diosaloc. 17A wal 'aj 'oj a chami, ata pax 'oj in chami, ata tzin nib'j tzin mucxi. Ya' cab' Jehová in yailal, toto tzach wactj cani, masnto a chamel a 'oj pojnc qui nan̈l et'oc, xchi 'ix.
18A yic xyiln 'ix Noemí to caw yelc'ojlal tzya'ch 'ix Rut 'a sc'ojl scot yet' 'ix, yuj cha, man̈x 'a tas xyal 'ix. 19Xlajw cha, 'ix cot eb' schawn̈il b'i'an, masnto xjaw eb' 'a Belén.
A yic xjaw eb' 'a jun chon̈b' cha, smasnil eb' 'anma 'ayc' ta', caw 'ix sat sc'ojl eb' yiln eb'. 'Ix yaln eb' 'ix 'ix 'ayc' ta':
—¿Man̈oc am 'ix Noemí tzjaw tic? xchi eb'.
20Palta 'ix yaln 'ix 'a eb' 'ixtic:
—Man̈x eyal Noemí 'ayin, Mara#Rt 1.20 Mara tzyal 'el'chi "c'a." xe chi, yujto a Dios tztac' yuj smasnil, a x'i'n 'ec' in tzaljc'ojlal, ax cusc'ojlal xyac' 'ayin. 21A yic in 'atcn 'a tic, til wal tas 'ay 'ayin, palta ax Jehová in 'a'n meltzjoc yic man̈x 'a jac tas 'ay 'ayin, yujto 'ixta 'ix 'el 'a sc'ojol. ¿Tas yuj tzat eyal Noemí 'ayin? Tox 'ix can 'a wib'n̈ wab'n syal yuj Jehová, atn jun tztac' yuj smasnil, xchi 'ix.
22'Ixtnta x'aj spaxt 'ix Noemí yet' 'ix yalib', atn 'ix Rut 'aj Moab. Spet eb' 'a yol yic Moab, 'ix jaw eb' 'a Belén. A yic wan yel yich spolx 'ixm cebada xjaw eb' ta'.
Currently Selected:
Rt 1: CSS
Highlight
Share
Compare
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.
Rt 1
1
'Ix 'at win Elimelec*r* yet' yistzil yet' eb' yunnal 'a lum Moab
1A 'a yic 'aych eb' juez yajlil 'a chon̈b' Israel, 'ay jun winc 'aj Belén 'a yol yic Judá, 'ix ati, axta xc'och cajn yet' yistzil yet' chawn̈ yunnal 'a yol yic Moab yujto 'ix jaw jun niwquil wejl 'a yol schon̈b' eb'. 2A jun winc cha, Elimelec#Rt 1.2 Elimelec, a 'a hebreo tzyal 'el'chi "a 'in Diosal Rey toni." sb'i, ax yistzil Noemí#Rt 1.2 Noemí, tzyal 'el'chi "nib'jub'tac." sb'i, 'a chawn̈ yunnal cha, jun tzcuch Mahlón, ax junx tzcuch Quelión. 'Aj Efrata eb', atn tzcuch pax Belén. 'Ix c'och cajn eb' 'a yol yic lum Moab, axta xcan eb' ta'.
3Ax x'aji, 'ix cham win Elimelec, win yichmil 'ix Noemí, 'ix can 'ix sch'ocj yet' chawn̈ yune cha. 4'Ix b'ey tiempo, 'ix 'och yistzil ewin schawn̈il; a eb' 'ix 'aj Moab chi xyij ewinac. A sb'i jun 'ix, Orfa, ax junx 'ix, Rut sb'i 'ix. 'Ayxm slajn̈ilc ab'il ya'jc eb' ta', 5ax x'aji, 'ix cham pax win Mahlón yet' win Quelión. 'Ixta 'ix 'aj 'ix Noemí scan sch'ocoj. Man̈x 'a junc yune 'ix, man̈x 'a pax yichmil 'ix.
Meltzjnac 'ix Noemí*r* yet' 'ix Rut 'a Belén
6Xlajw cha, 'ix yab'n 'ix Noemí yet' eb' 'ix yalb' 'a lum Moab, ax xyab'n eb' speclal to a Jehová tox 'ix 'o'ch sc'ojl 'a chon̈b' Israel; man̈x 'a wejl ta', 'ayx pax tas tzcuxxi. 7Yuj cha, xya'n 'och 'ix 'a sc'ojl smeltzj 'a chon̈b' Judá. Ajun chawn̈ eb' 'ix yalb' 'ix chi yet'oc, yic 'ix 'elt 'ix 'a 'aj 'ayc' cha. 8Ax yic wan sb'ey eb' 'a yol b'e, 'ix yaln 'ix Noemí 'a eb' 'ix yalb' chi 'ixtic:
—A ticnec meltzjan̈ec, paxn̈ec 'a yatut e mam e nun. A cab' Jehová 'oj 'o'chn̈ej sc'ojl 'ayex, 'in wach'n̈j xeyutj e b'a 'ayin yet' pax 'a ewin wune chamnac. 9A cab' Jehová 'oj 'och eyet'oc, sec wach' 'oj 'ochx eyichmil jun 'ejm xo; tzaljc'ojlal 'oj e yajc 'a eyatut yet' eyichmil junjn ex, xchi 'ix.
'Ix stz'ub'n can 'elt 'ix Noemí sti eb' 'ix yalb' cha, yic tzyaln can sb'a 'ix 'a eb' 'ix, ax x'aji, syamn 'och eb' 'ix yoq'ui. 10Xlajw cha, 'ix yaln eb' 'ix 'ixtic:
—Matz on̈ can on̈, 'oj qui 'at et' 'a a chon̈b' cha, xchi eb' 'ix.
11'Ix te'w 'och 'ix Noemí 'a eb' 'ix:
—Ex walib', paxn̈ec 'a eyatut, ¿tas yuj tze nib'j tzex 'och tza'n wu'uj? An tic, man̈x 'a wune tot 'oj 'aljoc, yic tzeyi'n e b'a yet'oc.#Rt 1.11 A 'a tic tzyac' b'inaxc 'ix Noemí sb'eyb'al eb' israel, yujto a yic 'ay junc winc tzchami, a yu'tac, a tz'i'n can pax 'ix 'ix cha. 12Yuj cha, 'ixquec, paxn̈ec can 'a eyatut. Yujto an tic, chichm in xo, toc 'oj 'och to wichmil. Wach'xam tzwal ticnec, to a 'a jun 'ac'wl tic tz'ochx wichmil, 'oj 'aljoc to n̈ej wune', toto xin chi, 13palta ¿tom 'oj e tan̈wc to sq'uib' eb'? ¿Tom yujn̈ej e tan̈wni eb', yuj cha man̈x 'oj eya'x 'och eyichmil? May ex walib', ma'oj stac' 'ixta'. An tic, wan wiln yailal 'ix ya' cot Jehová 'a wib'an̈, palta yel xo wal 'oj in cus eyu'uj, 'a yic 'oj wilnc eyab'n syal wet'oc, xchi 'ix.
14'Ix 'oc' eb' 'ix jun 'ejm xo, xlajw cha, 'ix stz'ub'n can 'elt 'ix Orfa sti 'ix yalb' cha, xyaln can sb'a 'ix 'a 'ix. Ax 'ix Rut, xcancn 'ix yet' 'ix yalb' cha. 15Xlajw cha, 'ix yaln 'ix Noemí 'ixtc 'a 'ix Rut:
'Iltnab'an, a 'ix et 'alb'al-l tic, 'ix paxcn 'ix 'a schon̈ab', 'a 'aj 'ay jun tzo'n̈ sdiosal. 'Ixc can pax yet' 'ix ach tic, xchi 'ix.
16'Ix ta'w 'ix Rut 'a 'ix 'ixtic:
—Man̈ ach tewc 'och 'ayin, yic tzach wactn cani. Tzann̈j 'aj 'oj a 'ati, 'oj in 'atn̈j et'oc. A 'aj 'oj a c'och cajan, 'oj in can cajn et' ta'. A 'a chon̈ab', a 'oj 'och in chon̈b'oc, a 'a Diosal a pax 'oj 'och in Diosaloc. 17A wal 'aj 'oj a chami, ata pax 'oj in chami, ata tzin nib'j tzin mucxi. Ya' cab' Jehová in yailal, toto tzach wactj cani, masnto a chamel a 'oj pojnc qui nan̈l et'oc, xchi 'ix.
18A yic xyiln 'ix Noemí to caw yelc'ojlal tzya'ch 'ix Rut 'a sc'ojl scot yet' 'ix, yuj cha, man̈x 'a tas xyal 'ix. 19Xlajw cha, 'ix cot eb' schawn̈il b'i'an, masnto xjaw eb' 'a Belén.
A yic xjaw eb' 'a jun chon̈b' cha, smasnil eb' 'anma 'ayc' ta', caw 'ix sat sc'ojl eb' yiln eb'. 'Ix yaln eb' 'ix 'ix 'ayc' ta':
—¿Man̈oc am 'ix Noemí tzjaw tic? xchi eb'.
20Palta 'ix yaln 'ix 'a eb' 'ixtic:
—Man̈x eyal Noemí 'ayin, Mara#Rt 1.20 Mara tzyal 'el'chi "c'a." xe chi, yujto a Dios tztac' yuj smasnil, a x'i'n 'ec' in tzaljc'ojlal, ax cusc'ojlal xyac' 'ayin. 21A yic in 'atcn 'a tic, til wal tas 'ay 'ayin, palta ax Jehová in 'a'n meltzjoc yic man̈x 'a jac tas 'ay 'ayin, yujto 'ixta 'ix 'el 'a sc'ojol. ¿Tas yuj tzat eyal Noemí 'ayin? Tox 'ix can 'a wib'n̈ wab'n syal yuj Jehová, atn jun tztac' yuj smasnil, xchi 'ix.
22'Ixtnta x'aj spaxt 'ix Noemí yet' 'ix yalib', atn 'ix Rut 'aj Moab. Spet eb' 'a yol yic Moab, 'ix jaw eb' 'a Belén. A yic wan yel yich spolx 'ixm cebada xjaw eb' ta'.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.