Ro 5
5
Junc'ojlal xoj cajc yet' Dios
1A ticnec, tox 'ix yal Dios to wach'n̈ec 'a sat, yujto tzca'c 'och qui c'ojl 'a 'a. Yuj cha, junc'ojlal xoj tzon̈ 'ajc yet'oc, yujn̈ej Cajlil Jesucristo. 2Yuj Cristo, 'ay calnec quic qui chan swach'c'ojlal Dios, yujto tzca'c 'och qui c'ojl 'a 'a. Yuj cha, til wal swach'c'ojlal tzch'ox 'ayn̈ec ticnec. Caw tzon̈ tzaljec, yujto tzca'c 'och yipc qui c'ojol, to 'oj tza'wnoc qui wach'lec 'icha swach'l Dios. 3Man̈ yujocn̈ej cha, tzon̈ tzaljec, tzon̈ tzaljec paxi, yic tzcab'nec syal yu'uj. Yujto cojquec to a jun tzo'n̈ yailal cha, a tzwach' 'a'n qui te'nalec. 4Yuj wal qui te'nalec tic, tzalj Dios quet'ec. Yuj cha, tztac' ca'nec 'och Dios yipc qui c'ojol. 5Palta ma'oj 'el qui q'uixwelec, yic tzca'nec 'och Dios yipc qui c'ojol, yujto tz'acn tzyutj ya'n 'och schamc'ojlal 'ayn̈ec yuj Yespíritu xyac' 'ayn̈ec.
6A 'a yic yalan̈, toxn matz tac' mun tzon̈ 'ochc wach'l 'a sat Dios, yujto may Dios 'a qui satec. Ax yic xjaw stiempoal, 'ix cham Cristo cujec. 7Q'uinloc 'ay junc mach wach' sb'eyb'al ticnec, tecn may mach tzyac' cham sb'a sjelc junc xo mach. Cojxn toto 'ay junc mach caw yel xo wach' snab'en, lemb'il 'ay junc tzte'wtzej sb'a ya'n cham sb'a sjelc junc xo mach. 8Palta sch'oxjnac Dios schamc'ojlal 'ayn̈ec, yujto a Cristo ya'jnac cham sb'a qui jeloc, yic caw 'ajmul on̈c to. 9Al ticnec, wach'n̈ecx 'a sat Dios, yujn̈ej to xcham Cristo qui jeloc. Yuj cha, yu'uj, ax qui wach' colchjec 'el 'a jun niwn yailal tot 'oj jawc yuj yowl sc'ojl Dios. 10A 'a yic yalan̈, wach'xam 'ajc'ojl cajc 'och 'a Dios, palta junc'ojlal xoj on̈ 'ajc yet'oc, yujto xcham Yunnal qui jeloc. Al ticnec, junc'ojlal xoj cajc yet'oc. Yuj cha, to caw yel 'oj qui colchjec yuj Yunnal cha, yujto pitznn̈ej. 11Man̈ cojnoc yuj jun tzo'n̈ tic tzon̈ tzaljec, tzon̈ tzaljec pax 'a Dios yuj Cajlil Jesucristo, yujto yu'uj, junc'ojlal xoj cajc yet' Dios ticnec.
A win Adán yet' Cristo
12Yuj wal jun winac, spitzw can maysch'olnil 'a yolyib'n̈q'uinl tic, atn Adán. Yuj maysch'olnil cha, spitzw can chamel. Yuj cha, yochcn chaml 'a yib'n̈ smasnil 'anma', yujto c'uxn x'och smul eb' 'a Dios. 13A 'a yic mant 'a xon ley yic Moisés, 'ochnc xo smul eb' 'anma 'a Dios. Palta a smul eb' cha, ma'ix can wal 'a yib'n̈ eb', yujto mant 'a ley ta'. 14A 'a yictax stiempoal win Adán cha, masnto 'a yic x'ajx 'elt ley yic Moisés, yowlal xcham smasnil 'anma', yujto xlaj 'och smul eb'. Wach'xam man̈ lajnoc ton smul eb' 'icha smul win Adán, yic ma'ix syiclj jun checnb'il alb'il 'a 'a, palta yowlal xlaj cham pax eb' jun xo. A win Adán cha, ch'oxnb'il yaj win yuj jun tza'nto jawnac, atn Cristo.
15Palta a jun smul win Adán cha, caw man̈ lajnoc 'icha qui colnb'il tzyac' Dios. Yuj smul jun winc cha, c'uxn x'ajx can 'och chaml 'a yib'n̈ eb' 'anma'. Palta ax jun colnb'il tzyac' Dios 'a nab'an̈ej, yel xo niwn yel'chi, yujto yujn̈ej jun mach, til wal on̈ec tzlaj qui cha swach'c'ojlal Dios, atn yuj Jesucristo. 16A smul win Adán cha, caw man̈ lajnoc 'icha jun qui colnb'il tzyac' Dios. Yuj wal jun smul win cha, yajx can 'och yailal 'a yib'n̈ smasnil 'anma'. Palta a Dios tz'a'n qui colnb'ilec 'a nab'an̈ej, yujto wach'xam caw niwn qui mulc xlaj 'och 'a 'a, palta tzyala, to wach'n̈ec 'a sat ticnec. 17Yujn̈ej smul jun winac, yajx can 'och smasnil 'anma 'a yol sc'ab' chamel. Palta yujn̈ej junx mach, atn Jesucristo, caw niwn swach'c'ojlal Dios tzch'ox 'ayn̈ec, yujto tzyala to wach'n̈ec 'a sat. Yujn̈ej wal cha, ax qui chanec qui q'uinl 'a jun 'ejmn̈ej, ax cochc yajlil yet'oc.
18Yuj cha, yuj smul win Adán yajx can 'och yailal 'a yib'n̈ smasnil 'anma'. Palta 'ay wal jun tas caw wach' sb'ojnac Jesucristo. Yuj wal jun cha, tzyal Dios to wach'n̈ec 'a sat, tzya'n pax qui q'uinlec 'a jun 'ejmn̈ej. 19Yuj jun winc ma'ix yiclni cha, c'uxn 'ochnc eb' 'anma 'ajmulal. Palta 'ay junx mach 'ix yiclni. Yuj jun cha, til wal on̈ec tzon̈ laj 'ochc wach'l 'a sat Dios.
20'Ac'b'il can ley yic Moisés, yic tzwach' checlj 'el tas maysch'olnil. Wach'xam caw 'ix niwtj maysch'olnilal cha, palta ax swach'c'ojlal Dios, yel xo wal caw niwn yel'ch 'a yib'an̈. 21'Aych eb' 'anma smasnil 'a yol sc'ab' maysch'olnil. Yuj spoder maysch'olnil cha, tzlaj cham eb'. Palta ax swach'c'ojlal Dios, 'ay pax spoder. Yu'uj, wach'n̈ec 'a sat ticnec. 'Ixta tzyutj ya'n qui q'uinlec 'a jun 'ejmn̈ej yuj Cajlil Jesucristo.
Currently Selected:
Ro 5: CSS
Highlight
Share
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.
Ro 5
5
Junc'ojlal xoj cajc yet' Dios
1A ticnec, tox 'ix yal Dios to wach'n̈ec 'a sat, yujto tzca'c 'och qui c'ojl 'a 'a. Yuj cha, junc'ojlal xoj tzon̈ 'ajc yet'oc, yujn̈ej Cajlil Jesucristo. 2Yuj Cristo, 'ay calnec quic qui chan swach'c'ojlal Dios, yujto tzca'c 'och qui c'ojl 'a 'a. Yuj cha, til wal swach'c'ojlal tzch'ox 'ayn̈ec ticnec. Caw tzon̈ tzaljec, yujto tzca'c 'och yipc qui c'ojol, to 'oj tza'wnoc qui wach'lec 'icha swach'l Dios. 3Man̈ yujocn̈ej cha, tzon̈ tzaljec, tzon̈ tzaljec paxi, yic tzcab'nec syal yu'uj. Yujto cojquec to a jun tzo'n̈ yailal cha, a tzwach' 'a'n qui te'nalec. 4Yuj wal qui te'nalec tic, tzalj Dios quet'ec. Yuj cha, tztac' ca'nec 'och Dios yipc qui c'ojol. 5Palta ma'oj 'el qui q'uixwelec, yic tzca'nec 'och Dios yipc qui c'ojol, yujto tz'acn tzyutj ya'n 'och schamc'ojlal 'ayn̈ec yuj Yespíritu xyac' 'ayn̈ec.
6A 'a yic yalan̈, toxn matz tac' mun tzon̈ 'ochc wach'l 'a sat Dios, yujto may Dios 'a qui satec. Ax yic xjaw stiempoal, 'ix cham Cristo cujec. 7Q'uinloc 'ay junc mach wach' sb'eyb'al ticnec, tecn may mach tzyac' cham sb'a sjelc junc xo mach. Cojxn toto 'ay junc mach caw yel xo wach' snab'en, lemb'il 'ay junc tzte'wtzej sb'a ya'n cham sb'a sjelc junc xo mach. 8Palta sch'oxjnac Dios schamc'ojlal 'ayn̈ec, yujto a Cristo ya'jnac cham sb'a qui jeloc, yic caw 'ajmul on̈c to. 9Al ticnec, wach'n̈ecx 'a sat Dios, yujn̈ej to xcham Cristo qui jeloc. Yuj cha, yu'uj, ax qui wach' colchjec 'el 'a jun niwn yailal tot 'oj jawc yuj yowl sc'ojl Dios. 10A 'a yic yalan̈, wach'xam 'ajc'ojl cajc 'och 'a Dios, palta junc'ojlal xoj on̈ 'ajc yet'oc, yujto xcham Yunnal qui jeloc. Al ticnec, junc'ojlal xoj cajc yet'oc. Yuj cha, to caw yel 'oj qui colchjec yuj Yunnal cha, yujto pitznn̈ej. 11Man̈ cojnoc yuj jun tzo'n̈ tic tzon̈ tzaljec, tzon̈ tzaljec pax 'a Dios yuj Cajlil Jesucristo, yujto yu'uj, junc'ojlal xoj cajc yet' Dios ticnec.
A win Adán yet' Cristo
12Yuj wal jun winac, spitzw can maysch'olnil 'a yolyib'n̈q'uinl tic, atn Adán. Yuj maysch'olnil cha, spitzw can chamel. Yuj cha, yochcn chaml 'a yib'n̈ smasnil 'anma', yujto c'uxn x'och smul eb' 'a Dios. 13A 'a yic mant 'a xon ley yic Moisés, 'ochnc xo smul eb' 'anma 'a Dios. Palta a smul eb' cha, ma'ix can wal 'a yib'n̈ eb', yujto mant 'a ley ta'. 14A 'a yictax stiempoal win Adán cha, masnto 'a yic x'ajx 'elt ley yic Moisés, yowlal xcham smasnil 'anma', yujto xlaj 'och smul eb'. Wach'xam man̈ lajnoc ton smul eb' 'icha smul win Adán, yic ma'ix syiclj jun checnb'il alb'il 'a 'a, palta yowlal xlaj cham pax eb' jun xo. A win Adán cha, ch'oxnb'il yaj win yuj jun tza'nto jawnac, atn Cristo.
15Palta a jun smul win Adán cha, caw man̈ lajnoc 'icha qui colnb'il tzyac' Dios. Yuj smul jun winc cha, c'uxn x'ajx can 'och chaml 'a yib'n̈ eb' 'anma'. Palta ax jun colnb'il tzyac' Dios 'a nab'an̈ej, yel xo niwn yel'chi, yujto yujn̈ej jun mach, til wal on̈ec tzlaj qui cha swach'c'ojlal Dios, atn yuj Jesucristo. 16A smul win Adán cha, caw man̈ lajnoc 'icha jun qui colnb'il tzyac' Dios. Yuj wal jun smul win cha, yajx can 'och yailal 'a yib'n̈ smasnil 'anma'. Palta a Dios tz'a'n qui colnb'ilec 'a nab'an̈ej, yujto wach'xam caw niwn qui mulc xlaj 'och 'a 'a, palta tzyala, to wach'n̈ec 'a sat ticnec. 17Yujn̈ej smul jun winac, yajx can 'och smasnil 'anma 'a yol sc'ab' chamel. Palta yujn̈ej junx mach, atn Jesucristo, caw niwn swach'c'ojlal Dios tzch'ox 'ayn̈ec, yujto tzyala to wach'n̈ec 'a sat. Yujn̈ej wal cha, ax qui chanec qui q'uinl 'a jun 'ejmn̈ej, ax cochc yajlil yet'oc.
18Yuj cha, yuj smul win Adán yajx can 'och yailal 'a yib'n̈ smasnil 'anma'. Palta 'ay wal jun tas caw wach' sb'ojnac Jesucristo. Yuj wal jun cha, tzyal Dios to wach'n̈ec 'a sat, tzya'n pax qui q'uinlec 'a jun 'ejmn̈ej. 19Yuj jun winc ma'ix yiclni cha, c'uxn 'ochnc eb' 'anma 'ajmulal. Palta 'ay junx mach 'ix yiclni. Yuj jun cha, til wal on̈ec tzon̈ laj 'ochc wach'l 'a sat Dios.
20'Ac'b'il can ley yic Moisés, yic tzwach' checlj 'el tas maysch'olnil. Wach'xam caw 'ix niwtj maysch'olnilal cha, palta ax swach'c'ojlal Dios, yel xo wal caw niwn yel'ch 'a yib'an̈. 21'Aych eb' 'anma smasnil 'a yol sc'ab' maysch'olnil. Yuj spoder maysch'olnil cha, tzlaj cham eb'. Palta ax swach'c'ojlal Dios, 'ay pax spoder. Yu'uj, wach'n̈ec 'a sat ticnec. 'Ixta tzyutj ya'n qui q'uinlec 'a jun 'ejmn̈ej yuj Cajlil Jesucristo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.