Apoc 19
19
1Xlajw cha, xwab'ni, til wal xq'ue yaw eb' 'ayx 'ec' 'a satcha'an̈. Caw 'ip yaln eb' 'ixtic:
¡Calc wach' paxti 'a qui Diosalec! yujto a x'a'n qui colnb'ilec. Caw niwn yel'chi, caw niwn spoder.
2Tojln̈ej tzyutj sb'eyc'ojlwi 'a yel. Yujto 'ix sb'eyc'ojlej jun 'ix yajl 'ajmul 'ix. Atn 'ix x'a'n juwc 'el eb' 'anma 'a yolyib'n̈q'uinl yuj yajmulal. A Dios 'ix 'a'n spac 'a jun 'ix cha, yujto 'ix milx cham eb' schecb' Dios yu'uj, xchi eb'.
3Xlajw cha, xyaln pax eb' 'ixtic:
¡Calc wach' paxti 'a Dios! yujto man̈x 'a b'a'n̈ 'oj 'och wan sq'ue stab'l stz'a jun tzalx 'ixl cha, xchi eb'.
4Ax eb' 24 'ichm winac, yet' eb' querubín schan̈wn̈il, 'ix 'em n̈ojn eb' 'a sat lu'um. 'Ix yaln sb'a eb' 'a Dios, atn 'a jun wocn 'ejm 'a sdespacho. 'Ix yaln eb' 'ixtic: ¡B'o cab' 'ixta'! ¡Alx cab' wach' paxti 'a Dios! xchi eb'. 5Xlajw cha, xwab'n yoch jun paxti 'a 'aj 'ay sdespacho Dios. 'Ix yaln 'ixtic:
¡Calc wach' paxti 'a qui Diosalec! e masnil ex tzeyac' servil 'a 'a, yet' ex tzex xiw 'a 'a, ex may wal eyel'chi, yet' ex niwn eyel'chi, xchi.
A snupnel jun tzcuch Calnelu
6Ax xwab'n paxi 'ay jun 'icha sjaj nan̈loc 'anma'. Caw tzn̈il-li sjaj eb', 'icha sc'an̈ sb'ey jun tzo'n̈ a niwc a'. 'Icha sc'an̈ jun tzo'n̈ c'u caw wal ow sc'an̈i, 'ixta sjaj eb', 'ix yaln eb' 'ixtic:
¡Calc wach' paxti 'a Dios! Yujto a Cajlil qui Diosalec, tztac' yuj smasnil, 'ix swach' yamj 'och ya'n Yajlil.
7Tzaljcoyec, 'ay cab' qui tzaljc'ojlalec. Calc wach' paxti 'a 'a. Yujto xc'och yorail yoch jun tzcuch Calnelu 'a nupnel. Ax yistl chi tzyij cha, caw lista pax yaji,
8yujto 'ay jun sac pichl caw wach' 'ix 'ajx ya'chi. Caw sac, caw tzictzni, xchi eb'.
A spichl caw sac cha, tzyal 'el'chi, atn swach'l eb' yic xo Dios.
9'Ay jun ángel 'ix aln 'ixtc 'ayin:
—Tza tz'ib'j jun tzo'n̈ 'oj wal tic: A eb' 'awtb'il 'a jun q'uin̈ nupnel yic jun tzcuch Calnelu, caw wach' yic eb', xchi. 'Ix yaln pax 'ayn 'ixtic:
—A jun tzo'n̈ paxti tic caw yel, yic Dios, xchi 'ayin.
10Xlajwn̈ej cha, in 'em cumn 'a yojltac jun ángel cha, xwaln in b'a 'a 'a, palta xyaln 'ixtc 'ayin:
—Man̈ a b'o 'ixtic. Yujto an tic schecb' in pax Dios et'oc, yet' pax eb' o'tac te'n tzyutj ya'n testigoal sb'a yuj Jesús. A 'a Dios tzal a b'a.
A eb' tz'ajx paxtinc yuj Dios, atn eb' tzaln 'el yab'xil Jesús, xchi.
A jun 'ay q'ue 'a yib'n̈ jun sac chej
11Ax xwilni, jacn satcha'an̈. Ata 'ayc' jun chej caw sac. Ax jun 'ay q'ue 'a yib'an̈, Yiclum sb'i, Yel pax sb'i. Yujto caw tojl tzyutj sb'eyc'ojlwi, xya'n pax owal. 12Ax yol sat, lajn 'icha snich c'ac'. Til wal scorona 'ay q'ue 'a sjolom. 'Ay jun sb'i tz'ib'b'il 'ochi, cojxn 'ojtnac. 13Ax spichl 'aych yu'uj, lab'b'il 'ejm 'a scal chic'. Ax sb'i, atn Spaxti Dios. 14Ax eb' soldado smasnil 'a satcha'an̈, tza'n 'och eb' yu'uj. Caw wach' spichl eb', caw sac. May jac lum 'aych 'a 'a. 'Ay q'ue junjn eb' 'a yib'n̈ schej caw sac. 15A 'a yol sti jun 'aj tza'n 'och eb' cha, ata 'ay 'elt jun espada caw jay ye, yic tzya'n lajwc junjn nacion̈ yet'oc. A 'oj 'och Yajlil 'a eb', yet' sq'uen c'ococh. 'Icha ste'x 'el yal uva, 'ixta 'oj 'aj eb' yu'uj. Caw 'oj 'ajxc syailal eb' si'mb'il yuj yowl sc'ojl Dios, atn Dios tztac' yuj smasnil. 16A 'a spichl 'a sat xub', ata tz'ib'b'il 'och jun sb'i 'ixtic: A sRreyl eb' rey, sYajlil eb' yajal, xchi.
17Ax xwilni, 'ay jun ángel lin̈n 'ec' 'a c'u. Caw 'ip yaln 'a smasnil no ch'ic tzjen̈n̈ 'ec' 'a snan̈l satcha'an̈: Cotn̈ec, wul yamc e b'a yuj jun niwn wal 'oj 'och yuj Dios. 18Yic tzwul e chinc schib'jal eb' rey, yet' eb' scapitan̈il 'a eb' soldado, yet' eb' niwc winac. Tze chin schib'jal e no chej. Tze chin pax schib'jal eb' 'ay q'ue 'a yib'n̈ e no'. Toxn̈ej eb' mun yic sb'a, toxn̈ej eb' moso man̈ yico'oc sb'a, wach'xam eb' may yel'chi, wach'xam eb' niwn yel'chi, 'oj e chin̈j schib'jal eb' smasnil, xchi 'a e no'.
19Xlajw cha, xwilni, 'ayc' jun noc' sb'i. 'Ayc' pax eb' rey yic yolyib'n̈q'uinal yet' eb' soldado eb'. 'Ix syamn sb'a eb' smasnil, yic tzya'n eb' owl yet' jun 'ay q'ue 'a yib'n̈ chej, yet' eb' soldado tza'n 'och yu'uj. 20Ax jun noc' sb'i cha, 'ix b'ab'l yamchj muc'uc. 'Ix yamchj pax jun xcob' yalch sb'a schecb'oc Dios, atn jun ch'oxjnac jun tzo'n̈ milagro 'a yojltac jun noc' sb'i. Yuj jun tzo'n̈ milagro cha, yixtn paxti eb' chajnac 'och senyail jun noc' sb'i 'a 'a, eb' yaljnac sb'a 'a jun yechel. Ax jun noc' sb'i cha, yet' jun xyalch sb'a schecb'oc Dios, pitzn to eb', xjulx can 'at eb' 'a scal jun c'ac' caw tzn̈ilchj yet' azufre, 'icha pama'. 21Ax jun tzo'n̈ xo eb', c'uxn xmilx cham eb' yuj jun espada 'ay 'elt 'a yol sti jun 'ay q'ue 'a yib'n̈ chej. Ax e no ch'ic smasnil, caw xlaj b'ut'j e no yuj schib'jal eb'.
Currently Selected:
Apoc 19: CSS
Highlight
Share
Compare
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.
Apoc 19
19
1Xlajw cha, xwab'ni, til wal xq'ue yaw eb' 'ayx 'ec' 'a satcha'an̈. Caw 'ip yaln eb' 'ixtic:
¡Calc wach' paxti 'a qui Diosalec! yujto a x'a'n qui colnb'ilec. Caw niwn yel'chi, caw niwn spoder.
2Tojln̈ej tzyutj sb'eyc'ojlwi 'a yel. Yujto 'ix sb'eyc'ojlej jun 'ix yajl 'ajmul 'ix. Atn 'ix x'a'n juwc 'el eb' 'anma 'a yolyib'n̈q'uinl yuj yajmulal. A Dios 'ix 'a'n spac 'a jun 'ix cha, yujto 'ix milx cham eb' schecb' Dios yu'uj, xchi eb'.
3Xlajw cha, xyaln pax eb' 'ixtic:
¡Calc wach' paxti 'a Dios! yujto man̈x 'a b'a'n̈ 'oj 'och wan sq'ue stab'l stz'a jun tzalx 'ixl cha, xchi eb'.
4Ax eb' 24 'ichm winac, yet' eb' querubín schan̈wn̈il, 'ix 'em n̈ojn eb' 'a sat lu'um. 'Ix yaln sb'a eb' 'a Dios, atn 'a jun wocn 'ejm 'a sdespacho. 'Ix yaln eb' 'ixtic: ¡B'o cab' 'ixta'! ¡Alx cab' wach' paxti 'a Dios! xchi eb'. 5Xlajw cha, xwab'n yoch jun paxti 'a 'aj 'ay sdespacho Dios. 'Ix yaln 'ixtic:
¡Calc wach' paxti 'a qui Diosalec! e masnil ex tzeyac' servil 'a 'a, yet' ex tzex xiw 'a 'a, ex may wal eyel'chi, yet' ex niwn eyel'chi, xchi.
A snupnel jun tzcuch Calnelu
6Ax xwab'n paxi 'ay jun 'icha sjaj nan̈loc 'anma'. Caw tzn̈il-li sjaj eb', 'icha sc'an̈ sb'ey jun tzo'n̈ a niwc a'. 'Icha sc'an̈ jun tzo'n̈ c'u caw wal ow sc'an̈i, 'ixta sjaj eb', 'ix yaln eb' 'ixtic:
¡Calc wach' paxti 'a Dios! Yujto a Cajlil qui Diosalec, tztac' yuj smasnil, 'ix swach' yamj 'och ya'n Yajlil.
7Tzaljcoyec, 'ay cab' qui tzaljc'ojlalec. Calc wach' paxti 'a 'a. Yujto xc'och yorail yoch jun tzcuch Calnelu 'a nupnel. Ax yistl chi tzyij cha, caw lista pax yaji,
8yujto 'ay jun sac pichl caw wach' 'ix 'ajx ya'chi. Caw sac, caw tzictzni, xchi eb'.
A spichl caw sac cha, tzyal 'el'chi, atn swach'l eb' yic xo Dios.
9'Ay jun ángel 'ix aln 'ixtc 'ayin:
—Tza tz'ib'j jun tzo'n̈ 'oj wal tic: A eb' 'awtb'il 'a jun q'uin̈ nupnel yic jun tzcuch Calnelu, caw wach' yic eb', xchi. 'Ix yaln pax 'ayn 'ixtic:
—A jun tzo'n̈ paxti tic caw yel, yic Dios, xchi 'ayin.
10Xlajwn̈ej cha, in 'em cumn 'a yojltac jun ángel cha, xwaln in b'a 'a 'a, palta xyaln 'ixtc 'ayin:
—Man̈ a b'o 'ixtic. Yujto an tic schecb' in pax Dios et'oc, yet' pax eb' o'tac te'n tzyutj ya'n testigoal sb'a yuj Jesús. A 'a Dios tzal a b'a.
A eb' tz'ajx paxtinc yuj Dios, atn eb' tzaln 'el yab'xil Jesús, xchi.
A jun 'ay q'ue 'a yib'n̈ jun sac chej
11Ax xwilni, jacn satcha'an̈. Ata 'ayc' jun chej caw sac. Ax jun 'ay q'ue 'a yib'an̈, Yiclum sb'i, Yel pax sb'i. Yujto caw tojl tzyutj sb'eyc'ojlwi, xya'n pax owal. 12Ax yol sat, lajn 'icha snich c'ac'. Til wal scorona 'ay q'ue 'a sjolom. 'Ay jun sb'i tz'ib'b'il 'ochi, cojxn 'ojtnac. 13Ax spichl 'aych yu'uj, lab'b'il 'ejm 'a scal chic'. Ax sb'i, atn Spaxti Dios. 14Ax eb' soldado smasnil 'a satcha'an̈, tza'n 'och eb' yu'uj. Caw wach' spichl eb', caw sac. May jac lum 'aych 'a 'a. 'Ay q'ue junjn eb' 'a yib'n̈ schej caw sac. 15A 'a yol sti jun 'aj tza'n 'och eb' cha, ata 'ay 'elt jun espada caw jay ye, yic tzya'n lajwc junjn nacion̈ yet'oc. A 'oj 'och Yajlil 'a eb', yet' sq'uen c'ococh. 'Icha ste'x 'el yal uva, 'ixta 'oj 'aj eb' yu'uj. Caw 'oj 'ajxc syailal eb' si'mb'il yuj yowl sc'ojl Dios, atn Dios tztac' yuj smasnil. 16A 'a spichl 'a sat xub', ata tz'ib'b'il 'och jun sb'i 'ixtic: A sRreyl eb' rey, sYajlil eb' yajal, xchi.
17Ax xwilni, 'ay jun ángel lin̈n 'ec' 'a c'u. Caw 'ip yaln 'a smasnil no ch'ic tzjen̈n̈ 'ec' 'a snan̈l satcha'an̈: Cotn̈ec, wul yamc e b'a yuj jun niwn wal 'oj 'och yuj Dios. 18Yic tzwul e chinc schib'jal eb' rey, yet' eb' scapitan̈il 'a eb' soldado, yet' eb' niwc winac. Tze chin schib'jal e no chej. Tze chin pax schib'jal eb' 'ay q'ue 'a yib'n̈ e no'. Toxn̈ej eb' mun yic sb'a, toxn̈ej eb' moso man̈ yico'oc sb'a, wach'xam eb' may yel'chi, wach'xam eb' niwn yel'chi, 'oj e chin̈j schib'jal eb' smasnil, xchi 'a e no'.
19Xlajw cha, xwilni, 'ayc' jun noc' sb'i. 'Ayc' pax eb' rey yic yolyib'n̈q'uinal yet' eb' soldado eb'. 'Ix syamn sb'a eb' smasnil, yic tzya'n eb' owl yet' jun 'ay q'ue 'a yib'n̈ chej, yet' eb' soldado tza'n 'och yu'uj. 20Ax jun noc' sb'i cha, 'ix b'ab'l yamchj muc'uc. 'Ix yamchj pax jun xcob' yalch sb'a schecb'oc Dios, atn jun ch'oxjnac jun tzo'n̈ milagro 'a yojltac jun noc' sb'i. Yuj jun tzo'n̈ milagro cha, yixtn paxti eb' chajnac 'och senyail jun noc' sb'i 'a 'a, eb' yaljnac sb'a 'a jun yechel. Ax jun noc' sb'i cha, yet' jun xyalch sb'a schecb'oc Dios, pitzn to eb', xjulx can 'at eb' 'a scal jun c'ac' caw tzn̈ilchj yet' azufre, 'icha pama'. 21Ax jun tzo'n̈ xo eb', c'uxn xmilx cham eb' yuj jun espada 'ay 'elt 'a yol sti jun 'ay q'ue 'a yib'n̈ chej. Ax e no ch'ic smasnil, caw xlaj b'ut'j e no yuj schib'jal eb'.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.