Sal 94
94
SALMO 94
A Jehová Juez yaji
1Mamin Jehová ch'oxl a b'a to Dios ach, ach tzac' spac tas maysch'olnil.
2Juez ach 'a yolyib'n̈q'uinl tic, ch'oxl a b'a 'a eb' tzyij chan̈ sb'a, tza'n spac yic eb'.
3Mamin Jehová, ¿jantcto wal tiempo tzyac' eb' maysch'olnil tic sgana?
4Smasnil eb' maysch'olnil tzyutj sb'a cha, tzlaj sb'an̈ sb'a eb', tzyi'n chan̈ sb'a eb' yuj tas tzlaj sb'o'.
5Caw wal tzon̈ 'ixtx an̈ a chon̈b' on̈ tic, ¿toc 'ayt tzyal eb' a chon̈b' tic 'a eb'?
6Tzlaj milx cham eb' 'ix chamnc yichmil yuj eb', eb' chuc chon̈b'al yet' eb' meb'a 'unn chamnc smam.
7Tzyaln eb' 'ixtic: Matz yil Jehová tas tzqui b'o'ec, man̈ yojcoc sDiosal Jacob, xchi eb'.
8'Ab'c ex wit chon̈ab', caw may e nab'en, caw pit ex. ¿B'a'n̈ to wal 'oj nachjoc 'el eyu'uj?
9¿Am wal e nani, to a mach b'ojnac qui chicnec matz yab' tas tzcalec? ¿am e nani, to a mach b'ojnac yol qui satec, matz yil tas tzqui b'o'ec?
10¿Am wal e nani, to ma'oj ya'ch yailal 'a eyib'an̈? ¿Tom man̈ yojcoc Dios tze na'a? 'In to a tzon̈ cuynec yic tzcojcanec 'el jelnal, tzya'n pax cuenta eb' lum niwc nacion̈.
11A Jehová yojc wal si'mb'il to an̈ 'anman̈ec tic, cojn wal man̈ nab'enal tzqui na'ec.
12Mamin Jehová, caw wach' yic eb' to ach tza' cuenta, tza'n pax yojcoc 'el eb' a cuynb'il,
13sec may tas tzna eb' yic tzjaw stiempoal cusc'ojlal, ya' sb'a tza b'o lum jul 'aj tz'atcn eb' tzb'on maysch'olnil.
14Ma'oj actc can eb' a chon̈b' tic sch'ocoj.
15A tojlal 'oj yic' yip jun 'ejm xo. Smasnil eb' 'anma wach' snab'en, 'oj ya'ch eb' yipc sc'ojl jun tojlal cha.
16Mamin, ¿mach wal junc in wul colnc 'el 'a yol sc'ab' eb' maysch'olnil cha, mto 'a eb' tu snab'en 'a in patquil?
17Q'uinloc ma'in a col Mamin Jehová, toto 'ixta', pectix am sictac waj in chami.
18'Ay jun tiempoal xwal 'ixtic: Caw wal 'ijn tzin telw 'ejm tzwab'i, xin chi, palta yuj a chamc'ojlal Mamin, xin wul a colni.
19A yic til wal tas tzin na'a, ata tzac' pax in tzaljc'ojlal, tzin a'n pax niwnc'ojlal.
20Ach tic Mamin, matz a nib'j to junn̈j aj yet' eb' yajl to maysch'olnil tzyutj yiln yopiso. Man̈ wach'c tzyutj eb' sb'on yaj junc tas 'icha yaln ley.
21Tu tas tzna eb' 'a spatquil eb' tojl snab'en, tzlaj ya'nc 'och eb' chaml 'a yib'n̈ eb' may smul.
22Palta an xo tic, in Colmal aji, in Diosal ach, a 'aych tzwa'ch in nab'en.
23Mamin Jehová, ach wal 'oj 'ac' meltzjoc 'och smul eb' chi 'a 'a, ax slajw 'el eb' o'oj. Ach qui Diosal on̈, ach 'oj a satl eb'.
Currently Selected:
Sal 94: CSS
Highlight
Share
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.
Sal 94
94
SALMO 94
A Jehová Juez yaji
1Mamin Jehová ch'oxl a b'a to Dios ach, ach tzac' spac tas maysch'olnil.
2Juez ach 'a yolyib'n̈q'uinl tic, ch'oxl a b'a 'a eb' tzyij chan̈ sb'a, tza'n spac yic eb'.
3Mamin Jehová, ¿jantcto wal tiempo tzyac' eb' maysch'olnil tic sgana?
4Smasnil eb' maysch'olnil tzyutj sb'a cha, tzlaj sb'an̈ sb'a eb', tzyi'n chan̈ sb'a eb' yuj tas tzlaj sb'o'.
5Caw wal tzon̈ 'ixtx an̈ a chon̈b' on̈ tic, ¿toc 'ayt tzyal eb' a chon̈b' tic 'a eb'?
6Tzlaj milx cham eb' 'ix chamnc yichmil yuj eb', eb' chuc chon̈b'al yet' eb' meb'a 'unn chamnc smam.
7Tzyaln eb' 'ixtic: Matz yil Jehová tas tzqui b'o'ec, man̈ yojcoc sDiosal Jacob, xchi eb'.
8'Ab'c ex wit chon̈ab', caw may e nab'en, caw pit ex. ¿B'a'n̈ to wal 'oj nachjoc 'el eyu'uj?
9¿Am wal e nani, to a mach b'ojnac qui chicnec matz yab' tas tzcalec? ¿am e nani, to a mach b'ojnac yol qui satec, matz yil tas tzqui b'o'ec?
10¿Am wal e nani, to ma'oj ya'ch yailal 'a eyib'an̈? ¿Tom man̈ yojcoc Dios tze na'a? 'In to a tzon̈ cuynec yic tzcojcanec 'el jelnal, tzya'n pax cuenta eb' lum niwc nacion̈.
11A Jehová yojc wal si'mb'il to an̈ 'anman̈ec tic, cojn wal man̈ nab'enal tzqui na'ec.
12Mamin Jehová, caw wach' yic eb' to ach tza' cuenta, tza'n pax yojcoc 'el eb' a cuynb'il,
13sec may tas tzna eb' yic tzjaw stiempoal cusc'ojlal, ya' sb'a tza b'o lum jul 'aj tz'atcn eb' tzb'on maysch'olnil.
14Ma'oj actc can eb' a chon̈b' tic sch'ocoj.
15A tojlal 'oj yic' yip jun 'ejm xo. Smasnil eb' 'anma wach' snab'en, 'oj ya'ch eb' yipc sc'ojl jun tojlal cha.
16Mamin, ¿mach wal junc in wul colnc 'el 'a yol sc'ab' eb' maysch'olnil cha, mto 'a eb' tu snab'en 'a in patquil?
17Q'uinloc ma'in a col Mamin Jehová, toto 'ixta', pectix am sictac waj in chami.
18'Ay jun tiempoal xwal 'ixtic: Caw wal 'ijn tzin telw 'ejm tzwab'i, xin chi, palta yuj a chamc'ojlal Mamin, xin wul a colni.
19A yic til wal tas tzin na'a, ata tzac' pax in tzaljc'ojlal, tzin a'n pax niwnc'ojlal.
20Ach tic Mamin, matz a nib'j to junn̈j aj yet' eb' yajl to maysch'olnil tzyutj yiln yopiso. Man̈ wach'c tzyutj eb' sb'on yaj junc tas 'icha yaln ley.
21Tu tas tzna eb' 'a spatquil eb' tojl snab'en, tzlaj ya'nc 'och eb' chaml 'a yib'n̈ eb' may smul.
22Palta an xo tic, in Colmal aji, in Diosal ach, a 'aych tzwa'ch in nab'en.
23Mamin Jehová, ach wal 'oj 'ac' meltzjoc 'och smul eb' chi 'a 'a, ax slajw 'el eb' o'oj. Ach qui Diosal on̈, ach 'oj a satl eb'.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.