Sal 92
92
SALMO 92
Alj wach' paxti 'a Dios
B'it yic sc'ul 'iljelal
1Mamin Jehová, til wal sja'l caln wach' paxti 'aych on̈; tzqui b'itnan pax a b'i on̈, tzqui'n chan̈ a b'i yujto caw niwn el'chi.
2A 'a junjn sq'uin̈b'ial yet' 'a junjn 'ac'wal, til wal sja'l caln 'el yab'xil a chamc'ojlal yet' 'a tojlal on̈.
3Til wal sja'l ach qui b'itnan yet' jun tzo'n̈ son ch'an̈ 'aych 'a 'a, atn arpa yet' pax salterio.
4Mamin Jehová, ach 'ix ac' in tzaljc'ojlal yet' smasnil tas b'ob'il o'oj. A jun tzo'n̈ a b'ob'en tic, a eb' tzin 'a'n 'och 'a tzaljc'ojlal.
5Caw niwn yel'ch jun tzo'n̈ a b'ob'en tic, man̈x 'a mach tz'e'ch snab'en 'icha jun tzo'n̈ a nab'en tic.
6A eb' 'anma may snab'en, mto eb' tz'ec' 'a yib'an̈, caw matz nachj 'el yuj eb'.
7Wach'xam a eb' 'ajmul 'anma', mto eb' tzb'on maysch'olnil tzq'ue wan tzicnjoc 'icha sq'uib' te c'ultac, yajn̈j cha tz'och yip eb', palta jab' wal tiempo 'ixta tz'aj eb'. Tzlajw cha, tzsatx can 'el eb' 'a jun 'ejmn̈ej.
8Ach xo tic Mamin Jehová, smasnil tiempo caw niwn el'chi.
9A eb' 'ajc'ojl yajch 'ayach, 'oj satxoc can 'el eb'. Smasnil eb' tzb'on maysch'olnil, 'oj sactzic can eb'.
10Palta ach tza'ch wip 'icha no simron wacax, ach 'ix ac' in tzaljc'ojlal.
11'Oj wil tas wal 'oj 'aj eb' 'ajc'ojl chi slajw 'eli. 'Oj wab' wal yel yaw' eb' xb'on maysch'olnil cha.
12Palta ax eb' wach' snab'en, 'icha to 'oj nichnoc eb' 'icha te palma, ax sq'uib' eb' 'icha te c'ute 'a Líbano.
13Yujto 'ayc' eb' 'a yamq'uil atut Mamin Jehová; wach' 'oj 'el'choc eb', yujto 'ayc' eb' 'a a stz'ey ach qui Diosal on̈.
14Wach'xam 'ichm 'anma xo eb', palta an̈j 'ijnoc te'nto yip eb'. 'Icha junc te te tzsatni, 'ixta 'eb'.
15'Ixta tzyutj eb' sch'oxn 'eli to tzach ya'ch eb' yipc sc'ojol. Caw tojln̈ej a nab'en, may tu nab'enal 'ayach.
Currently Selected:
Sal 92: CSS
Highlight
Share
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.
