Sal 9
9
SALMO 9
Alj wach' paxti 'a Dios
Sb'it David jun tic tzc'an junc mach tzjucb'tzan b'it yet' arpa yet' 'amay
1Mamin Jehová, wal 'a smasnil in c'ojol tzwaln in wach' paxti 'ayach. Tzwaln pax 'el yab'xil smasnil tas satjub'tac yilx a b'ojnac.
2Cojxn̈ej ach niwn el'chi. Ojn̈ej wali tzwa'n 'el waw yuj tzaljc'ojlal, tzin b'itnan pax a b'i.
3A wal 'a ojltac, a eb' 'ajc'ojl yajch 'ayin, tz'at eb' 'elc 'a spatic, tztelw can 'ejm eb', tzchamcn eb'.
4Ach tic Mamin, Yajl ach wal 'a stojlal. Ach 'em wocn 'a a despacho, 'ix a b'onyaj tas 'ix in c'an 'ayach.
5A'jnac owl yet' junjn nacion̈. 'Ix a satn can 'el eb' xb'on maysch'olnil. 'Ix a sucn can sat sb'i eb' 'a jun 'ejmn̈ej, sec man̈x 'a b'a'n̈ tznax cot eb'.
6'Ix cham eb' 'ajc'ojl cha, satcn 'el pax schon̈b' eb' yet' 'a jun 'ejmn̈ej, yujto ach xa satl eb', sec man̈xtzac nax cot eb'.
7Mamin Jehová Yajl ach 'a jun 'ejmn̈ej. 'Ix a b'o jun a despacho 'a 'aj 'oj a b'eyc'ojloc eb' 'anma'.
8Wach' 'oj otc a b'eyc'ojlan yolyib'n̈q'uinl tic, ax a'n yajlil 'a yib'n̈ smasnil eb' chon̈b' 'a stojlal.
9Tza colcn 'el eb' 'oltac tz'aj yixtxi, tza'n yip eb' 'aych 'a syailal.
10A eb' tox ach 'ojcan 'eli, 'aych 'och yipc sc'ojl eb', may b'a'n̈ tzactj can eb' tzc'ann a colwal.
11B'itn coyc 'a Jehová, atn jun syajlil Sión. Calc 'el yab'xil 'a scal eb' chon̈b' to til wal tas sb'ojnac.
12A Jehová tzya'chn̈ej syailal eb' milm cham 'anma', man̈ ton̈joc tzyab'i yic tzyaln sb'a eb' 'aych 'a syailal.
13Mamin Jehová 'o'ch cab' a c'ojl 'ayin, 'ilt wal cot in somc'ojlal 'aych yuj eb' matz in nib'ni. Coln 'el 'a yol sc'ab' chamel.
14To 'ixta', 'oj wal-l 'a 'aj tz'och eb' 'anma 'a spuertail Jerusalén, to ach tic smoj wal yalx wach' paxti 'ayach. Caw tzin tzalj ticnec, yujto in a colcn 'eli.
15A eb' 'anma 'a jun tzo'n̈ chuc nacion̈al, 'ix laj telw can 'ejm eb' 'a yol jun tzo'n̈ jul mun xlaj sb'o'. Mun a 'a yoc eb' 'aj xlaj can sut'n sch'an̈ yal eb' xlaj sc'ultac 'a'j 'ejm cha.
16Mamin Jehová, ach 'ojcax 'el yuj tas wach' tza b'o'o. Mun tzyalej sb'a eb' tzb'on maysch'olnil.
17A eb' cha, yet' eb' tzyac' sat sc'ojl 'ayach, 'oj 'atcn eb' 'a chamel.
18Palta a eb' meb'a', man̈ ye'n̈joc tz'atcn eb' 'a satc'ojlal o'oj, 'oj jawc sc'ul schan eb' tas 'aych yipc sc'ojol.
19Cotn̈ Mamin Jehová, man̈oc cab' eb' 'anma niwquil tzyutj sb'a 'ayach. B'eyc'ojlej eb' nacion̈ 'ayc' 'a ojltac.
20'A'cn 'och eb' 'a xiwc'ojlal, tza'n yojcoc 'el eb' chajtlto nab'a 'anman̈ej eb'.
Currently Selected:
Sal 9: CSS
Highlight
Share
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.
