Sal 87
87
SALMO 87
Alj wach' paxti 'a schon̈b' Dios
Sb'it eb' yin̈tl Coré jun tic
1A yipnub' yich schon̈b' Dios, ata te'n 'ejm 'a yib'n̈ eb' lum tzaln 'aj tz'och 'emmquilal.
2Yel xo wal tzchamc'ojlej Jehová chon̈b' Sión 'a yib'n̈ jun tzo'n̈ xo schon̈b' eb' yin̈tl Jacob.
3Man̈x jantcoc wach' paxti tzyal 'a yib'n̈ schon̈ab'.
4A tzaln 'ixtic: Locn eb' 'aj Egipto yet' eb' 'aj Babilonia 'aych 'a scal eb' chon̈b' tzyac' 'ejm sb'a 'ayin. 'Icha wal eb' 'aljnac 'a chon̈b' Sión, 'ixta pax yaj eb' filisteo, eb' 'aj Tiro, yet' eb' 'aj Etiopía 'a in sat, xchi.
5'Ixtc wal 'oj 'aj yalx yuj chon̈b' Sión: A jun tic yet' junx chon̈b' cha, ata 'elncta eb' 'a Sión, 'oj schic eb'. Ax Dios yel xo wal niwn yel'chi, a 'oj wach' b'onc jun chon̈b' tic.
6Tz'ib'b'il yuj Jehová 'a yol slibro, 'a 'aj checl yaj sb'i eb' lum chon̈b' cha: A 'a Sión, ata 'elncta jun chon̈b' tic, xchi.
7Ax eb' tzb'itni yet' eb' tzsonni, 'oj yal eb' 'ixtic: A smasnil tas wach' 'ay 'ayn̈ec, ata tzcot 'a Sión, 'oj schic eb'.
Currently Selected:
Sal 87: CSS
Highlight
Share
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.
