Sal 86
86
SALMO 86
Lesl yic tzc'anx scolwal Dios
A jun tic slesl David
1Mamin Jehová scha cab' a c'ojl ab'n tas tzwala, yujto caw wal 'oltac in, til wal in cusc'ojlal.
2Coln 'el 'a yol sc'ab' jun tic, yujto yiclum in 'ayach. Mamin, coln an a checb' in tic, yujto ach tzach wa'ch yipc in c'ojol.
3Mamin Jehová, 'o'ch cab' wal a c'ojl 'ayin, yujto a 'aych tzwal in b'a 'a smasnil tiempo.
4'Ac' in tzaljc'ojlal an a checb' in tic, yujto cojn 'aych tzin leslwi.
5Ach tic caw wal wach' a nab'en. 'Ay a niwnc'ojlal, 'ay pax a chamc'ojlal 'a smasnil eb' tzyal sb'a 'ayach.
6Mamin Jehová, chaj wal in lesl tic, b'oyaj tas tzin c'an 'ayach.
7A yic 'ayn 'och 'a in yailal, tzwaln in b'a 'ayach, tzwilni to tzin a ta'wjn̈ej.
8Toc wal 'ay junc xo dios lajn 'icha ach tic. Toc wal 'ay junc xo tas tzlajb'tzej sb'a yet' tas tza b'o'o.
9Mamin, ach xa b'o smasnil eb' nacion̈, 'oj jawc eb' 'anma chi wul yac' 'ejm sb'a 'ayach, yic tzyi'n chan̈ eb' a b'i.
10Yujto cojn ach Dios ach; caw niwn el'chi, tza b'on tas caw satjub'tac yilxi.
11Mamin Jehová ch'ox wal a b'e 'ayin, sec yiclum tzin 'aj 'ayach. 'Ac' in te'nal, sec nab'ilchn̈ej wu'uj.
12Ach Wajlil, ach in Diosal, 'oj wal in wach' paxti 'aych yet' smasnil in c'ojol, 'a smasnil tiempo 'oj wi'chan̈ a b'i.
13Yujto yel xo wal niwn a chamc'ojlal 'ayin, yuj cha, ma'in a chaj 'ejm 'a yol sjul-l eb' chamnac.
14Ach in Diosal, 'ay wal jun b'uln̈ eb' 'anma tzyij chan̈ sb'a, tzmeltzj 'och eb' 'ajc'ojlal 'ayin. Tznib'j eb' tzin smila, caw may el'ch 'a sat eb'.
15Ach xo tic Mamin, caw wach' a nab'en. C'un yo'ch a c'ojol, man̈ comnoc tzcot owal. 'Ay a chamc'ojlal, yel pax tas tzala.
16'Ilt in wal coti, 'o'ch cab' wal a c'ojl 'ayin. Coln 'el an a checb' in tic, 'ac' wal wip.
17'Ac' wil a wach'c'ojlal 'a caw stojlal, sec 'oj yil eb' 'ajc'ojl yajch 'ayin, ax sq'uixw 'el eb'. Mamin colwjan̈ wet'oc, 'ac' pax sniwnal in c'ojol.
Currently Selected:
Sal 86: CSS
Highlight
Share
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.
Sal 86
86
SALMO 86
Lesl yic tzc'anx scolwal Dios
A jun tic slesl David
1Mamin Jehová scha cab' a c'ojl ab'n tas tzwala, yujto caw wal 'oltac in, til wal in cusc'ojlal.
2Coln 'el 'a yol sc'ab' jun tic, yujto yiclum in 'ayach. Mamin, coln an a checb' in tic, yujto ach tzach wa'ch yipc in c'ojol.
3Mamin Jehová, 'o'ch cab' wal a c'ojl 'ayin, yujto a 'aych tzwal in b'a 'a smasnil tiempo.
4'Ac' in tzaljc'ojlal an a checb' in tic, yujto cojn 'aych tzin leslwi.
5Ach tic caw wal wach' a nab'en. 'Ay a niwnc'ojlal, 'ay pax a chamc'ojlal 'a smasnil eb' tzyal sb'a 'ayach.
6Mamin Jehová, chaj wal in lesl tic, b'oyaj tas tzin c'an 'ayach.
7A yic 'ayn 'och 'a in yailal, tzwaln in b'a 'ayach, tzwilni to tzin a ta'wjn̈ej.
8Toc wal 'ay junc xo dios lajn 'icha ach tic. Toc wal 'ay junc xo tas tzlajb'tzej sb'a yet' tas tza b'o'o.
9Mamin, ach xa b'o smasnil eb' nacion̈, 'oj jawc eb' 'anma chi wul yac' 'ejm sb'a 'ayach, yic tzyi'n chan̈ eb' a b'i.
10Yujto cojn ach Dios ach; caw niwn el'chi, tza b'on tas caw satjub'tac yilxi.
11Mamin Jehová ch'ox wal a b'e 'ayin, sec yiclum tzin 'aj 'ayach. 'Ac' in te'nal, sec nab'ilchn̈ej wu'uj.
12Ach Wajlil, ach in Diosal, 'oj wal in wach' paxti 'aych yet' smasnil in c'ojol, 'a smasnil tiempo 'oj wi'chan̈ a b'i.
13Yujto yel xo wal niwn a chamc'ojlal 'ayin, yuj cha, ma'in a chaj 'ejm 'a yol sjul-l eb' chamnac.
14Ach in Diosal, 'ay wal jun b'uln̈ eb' 'anma tzyij chan̈ sb'a, tzmeltzj 'och eb' 'ajc'ojlal 'ayin. Tznib'j eb' tzin smila, caw may el'ch 'a sat eb'.
15Ach xo tic Mamin, caw wach' a nab'en. C'un yo'ch a c'ojol, man̈ comnoc tzcot owal. 'Ay a chamc'ojlal, yel pax tas tzala.
16'Ilt in wal coti, 'o'ch cab' wal a c'ojl 'ayin. Coln 'el an a checb' in tic, 'ac' wal wip.
17'Ac' wil a wach'c'ojlal 'a caw stojlal, sec 'oj yil eb' 'ajc'ojl yajch 'ayin, ax sq'uixw 'el eb'. Mamin colwjan̈ wet'oc, 'ac' pax sniwnal in c'ojol.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.