Sal 83
83
SALMO 83
Lesl yic tzc'anx scolwal Dios
A jun tic sb'it Asaf tzc'anlb'ej junc mach tzjucb'tzan b'it
1Ach in Diosal man̈ ach can 'a sictaquil, man̈ ach 'och wa'an.
2'Ilt eb' 'ajc'ojl yajch 'ayach, caw tzach syajl eb'. 'Ayc' eb' laj yac' somchjoc eb' a chon̈ab', tzlaj chichnc 'och eb' 'ayach.
3'Ix laj smol alc eb', to 'ay tas tu wan snan eb' 'a yib'n̈ eb' a chon̈b' tan̈b'il o'oj.
4Tox sna eb' to tzon̈ wul satl eb' on̈, sec man̈x 'a b'a'n̈ tzon̈ 'och niwc nacion̈al. Tznib'j eb' to man̈x 'a b'a'n̈ tzon̈ b'inax an̈ israel on̈ tic on̈.
5'Ix yac' eb' trato 'a a patquil, to junn̈j tzyutj sb'a eb' smasnil:
6Atn eb' 'aj Edom, eb' ismaelita yin̈tl can 'ix Agar, eb' 'aj Moab,
7eb' 'aj Gebal, eb' 'aj Amón, eb' yin̈tl Amalec, eb' filisteo, eb' 'aj Tiro,
8yet' pax eb' 'aj Asiria. 'Ix ya'ch sb'a eb' yet' eb' yin̈tl can Lot.
9'Icha 'ix otj eb' 'aj Madián, 'icha 'ix otj win Sísara yet' pax win Jabín 'a sti a Cisón, 'ixta cab' tz'aj eb' o'oj.
10Ata 'ix chamcn eb' 'a Endor, 'ix 'ochcn eb' syaxilc sat lum lu'um.
11'Icha 'ix otj Oreb, Zeeb, Zeba yet' Zalmuna, 'ixta tzotj eb' yajl yaj 'a scal eb' cha,
12yujto cob' xyal eb' 'ixtic: 'Oj 'och lum slum Dios quicooquec, xchi cob' eb'.
13Ach in Diosal, 'icha cab' tz'aj c'alem s'at yuj chacxuxm'ic', 'ixta tzotjcan eb', 'icha s'at junc tacn̈ xil te yuj 'ic', 'ixta cab' tz'aj eb'.
14'Icha s'at c'ac' 'a waymtac, c'uxn tzn̈us lum tzalctac, 'ixta cab' s'atcn eb'.
15'Icha cab' sb'ey chacxuxm 'ic', 'ixta cab' tzotj a pechn b'ey eb' yet' yowl a c'ojol.
16Mamin Jehová, 'ij 'el sq'uixwel eb', sec 'oj 'och tza'n eb' o'oj.
17Q'uixw cab' can 'el eb' 'a smasnil tiempo, cham cab' eb' 'a scal q'uixwc'ojlal,
18sec 'oj 'ojcaxc 'eli to cojn ach Jehová ach, to cojn ach niwn el'ch 'a yib'n̈ lum lum tic.
Currently Selected:
Sal 83: CSS
Highlight
Share
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.
Sal 83
83
SALMO 83
Lesl yic tzc'anx scolwal Dios
A jun tic sb'it Asaf tzc'anlb'ej junc mach tzjucb'tzan b'it
1Ach in Diosal man̈ ach can 'a sictaquil, man̈ ach 'och wa'an.
2'Ilt eb' 'ajc'ojl yajch 'ayach, caw tzach syajl eb'. 'Ayc' eb' laj yac' somchjoc eb' a chon̈ab', tzlaj chichnc 'och eb' 'ayach.
3'Ix laj smol alc eb', to 'ay tas tu wan snan eb' 'a yib'n̈ eb' a chon̈b' tan̈b'il o'oj.
4Tox sna eb' to tzon̈ wul satl eb' on̈, sec man̈x 'a b'a'n̈ tzon̈ 'och niwc nacion̈al. Tznib'j eb' to man̈x 'a b'a'n̈ tzon̈ b'inax an̈ israel on̈ tic on̈.
5'Ix yac' eb' trato 'a a patquil, to junn̈j tzyutj sb'a eb' smasnil:
6Atn eb' 'aj Edom, eb' ismaelita yin̈tl can 'ix Agar, eb' 'aj Moab,
7eb' 'aj Gebal, eb' 'aj Amón, eb' yin̈tl Amalec, eb' filisteo, eb' 'aj Tiro,
8yet' pax eb' 'aj Asiria. 'Ix ya'ch sb'a eb' yet' eb' yin̈tl can Lot.
9'Icha 'ix otj eb' 'aj Madián, 'icha 'ix otj win Sísara yet' pax win Jabín 'a sti a Cisón, 'ixta cab' tz'aj eb' o'oj.
10Ata 'ix chamcn eb' 'a Endor, 'ix 'ochcn eb' syaxilc sat lum lu'um.
11'Icha 'ix otj Oreb, Zeeb, Zeba yet' Zalmuna, 'ixta tzotj eb' yajl yaj 'a scal eb' cha,
12yujto cob' xyal eb' 'ixtic: 'Oj 'och lum slum Dios quicooquec, xchi cob' eb'.
13Ach in Diosal, 'icha cab' tz'aj c'alem s'at yuj chacxuxm'ic', 'ixta tzotjcan eb', 'icha s'at junc tacn̈ xil te yuj 'ic', 'ixta cab' tz'aj eb'.
14'Icha s'at c'ac' 'a waymtac, c'uxn tzn̈us lum tzalctac, 'ixta cab' s'atcn eb'.
15'Icha cab' sb'ey chacxuxm 'ic', 'ixta cab' tzotj a pechn b'ey eb' yet' yowl a c'ojol.
16Mamin Jehová, 'ij 'el sq'uixwel eb', sec 'oj 'och tza'n eb' o'oj.
17Q'uixw cab' can 'el eb' 'a smasnil tiempo, cham cab' eb' 'a scal q'uixwc'ojlal,
18sec 'oj 'ojcaxc 'eli to cojn ach Jehová ach, to cojn ach niwn el'ch 'a yib'n̈ lum lum tic.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.