Sal 82
82
SALMO 82
A Dios a sat yaj 'a eb' juez
Sb'it win Asaf jun tic
1A Dios 'ayc' 'a scal syamnil eb' 'ay yopiso,#Sal 82.1 A jun paxti "dios" 'a tic, man̈ junn̈joc tas tzyal 'el'chi. 'Ay 'aj a eb' ángel tzyala, mto eb' niwc winc 'ay yopiso 'icha eb' juez. Tecn a eb' juez tzyal cot 'a tic. xb'eyc'ojlwi 'a scal eb'.
2Xyaln 'ixtc 'a eb': ¿B'a'n̈ to wal tzeyactj e coln eb' 'anma maysch'olnil tas tzb'o'o? 'In ata tzeya'ch e b'a yet' eb' maysch'olnil cha.
3Colc 'el eb' may yip yet' eb' meb'a 'unn chamnc smam. Wach' tzeyutj e b'onyaj eb' cusc'ojlal yaji, yet' eb' meb'a'.
4Colc 'el eb' may yip yet' eb' meb'a 'a yol sc'ab' eb' maysch'olnil snab'en cha.
5Palta ax tic, matz nachj 'el eyu'uj, caw may e nab'en; 'icha to a 'a q'uic'q'uinl tzex b'eyi. C'uxn tzsatl tojlal eyu'uj.
6'Ix wal 'ayex to ax tic dios ex, yujto wunnalx an Dios in tic, to Cojxn in Niwn Wel'chi.
7Palta ax ticnec, 'oj e cham 'icha tz'aj scham eb' 'anma smasnil, 'icha tz'aj slajw 'el jun tzo'n̈ xo eb' yajal, 'ixta 'oj eyaji, xchi Dios.
8Ach qui Diosal on̈, cotan̈ wul b'eyc'ojlej eb' 'anma cajn 'a sat lum lum tic, yujto ach 'ay ec smasnil nacion̈ 'ay 'a yolyib'n̈q'uinl tic.
Currently Selected:
Sal 82: CSS
Highlight
Share
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.
