Sal 8
8
SALMO 8
Niwn yel'ch sb'i Jehová
Sb'it David jun tic tzc'an junc mach tzjucb'tzan b'it yet' te arpa
1Mamin Jehová Cajlil ach on̈, cojxn̈ej ton a b'i niwn yel'ch 'a smasnil yolyib'n̈q'uinal tic. Niwn pax yel'ch a b'i 'a satcha'an̈.
2Tza c'anlb'an eb' 'unin yet' eb' tz'ulc 'unin, yic tzyaln eb' wach' paxti 'ayach, sec wach' sictac tz'aj eb' 'ajc'ojol yet' eb' tzchichn 'och 'ayach.
3A yic tzwiln q'ue satcha'an̈, tzin b'eyc'ojlani to ach b'ojnac; xa'n can 'och 'uj yet' smasnil c'anal 'a yet'ul.
4Yuj cha, tzwaln 'ixtic: ¿Tas quel'ch an̈ 'anman̈ tic on̈, yuj cha, tzon̈ a nan coti, tzach 'och 'il cuj on̈?
5'Ayt wal jab'x matz on̈ tzawni 'a eb' ángel on̈, 'ixta 'on̈ otj on̈ a b'oni. 'Ix aln cani to tzon̈ b'inax on̈, 'ay cab' pax quel'ch on̈.
6'Ix a'n can 'och copiso 'a yib'n̈ tas a b'ojnac, 'ix a'n can smasnil 'a yol qui c'ab' on̈:
7Atn no calnelu, no wacax, no calte'al noc';
8smasnil no ch'ic tz'ec' 'a satcha'an̈, smasnil no chay 'ay 'a yol a mar, yet' smasnil jun tzo'n̈ xo no noc' tz'ec' 'a yol a mar cha.
9Mamin Jehová Cajlil ach on̈, caw niwn yel'ch a b'i 'a smasnil yolyib'n̈q'uinl tic.
Currently Selected:
Sal 8: CSS
Highlight
Share
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.
