Sal 77
77
SALMO 77
A tas satjub'tac b'ob'il yuj Dios
A jun tic sb'it win Asaf tzc'anlb'ej Jedutún
1Caw 'ip 'ix wal in b'a 'a Dios, sec tzyab' tas tzwala.
2A wal 'a yic 'ay in cusc'ojlal, tzwaln in b'a 'a Jehová, matz in 'och wan in mojn q'ue in c'ab', yic tzin leslwi 'a junjn 'ac'wal. Palta may 'aj tz'ilchj sniwnal in c'ojol.
3A yic tzin nan cot Dios caw tzin 'oq'ui, tzin yamn 'och in b'eyc'ojlan in b'a, ax tz'aji tzjaw chab'c'ojlal 'ayin.
4Mamin Jehová, may 'aj tzin a chaj wayoc, caw man̈x in 'anmac tzwab'i, man̈xtzac stac' in paxtini.
5Tzin na cot jun tzo'n̈ sc'ual, yet' yab'lilal tas 'e'nc 'a yaln̈taxi.
6Ax 'a 'ac'wal tzin nan coti chajtl in b'itn 'a yic pecti'. Tzin nan 'ixtic:
7¿Toc am wal an̈ja 'ayt cot yowl sc'ojl Jehová 'ayn̈ on̈? ¿Tom wal man̈x b'a'n̈ tzon̈ snib'j yet' swach'c'ojlal on̈?
8¿Tom wal 'ix lajw c'och schamc'ojlal 'ayon̈? ¿Tom 'ix lajw can c'och 'aj ya'jnac sti 'a jun 'ejmn̈ej?
9¿Tom 'ix sat sc'ojl Dios 'a swach'c'ojlal? ¿Yelc'ojlal am 'ay cot yowal, man̈xtzac am 'o'ch sc'ojl 'ayn̈ on̈? xin chi 'a in nab'en.
10A wal jun tas yel xo tzwab' syail, yujto tzin na'a, to a Dios yel xo niwn yel'chi, man̈xtzac on̈ snib'j tzon̈ scol yet' spoder 'icha 'a yic yaln̈taxi.
11'Oj in na cot jun tzo'n̈ tas satjub'tac yilx b'ob'il yuj Jehová 'a yictax pecti';
12'oj in na cot smasnil tas b'ob'il yuj yet' spoder.
13Ach in Diosal, caw wach'n̈j a b'eyb'al. ¿Toc 'ay junc xo dios niwn yel'ch 'oj slajb'tzoc sb'a et'oc?
14Ach tic Dios ach, ach b'ojnac jun tzo'n̈ tas satjub'tac yilxi. 'Ix ac' 'ojcaxc 'el a tojlal yuj jun tzo'n̈ nacion̈.
15A yet' 'a poder 'ix a coln can 'el eb' a chon̈ab', atn eb' yin̈tl Jacob yet' José.
16Ach in Diosal, a wal yic ach yiln 'och a mar, caw xiw a o'oj, c'uxn 'ix 'ib'x chan̈ a xab'l yich.
17A 'asun a 'ix yac' 'emt sn̈ab'il, xc'an̈ c'u 'a satcha'an̈, c'uxn 'ix q'ue wan letz'lom 'a smasnil lugar.
18'Ix 'ab'x sc'an̈ c'u 'a scal chacxuxm'ic', caw 'ix sacb'chan̈ yolyib'n̈q'uinl tic yuj letz'lo'om, 'ix 'ib'x pax lum lum tic yuj quixcab'.
19'Ix a jac a b'e 'a yol a mar, til wal a a 'aj 'ix ach 'eq'ui, palta may junc mach x'iln 'aj x'em oc.
20'Ix ej b'ey eb' a chon̈b' 'icha tzyac' no calnelu tz'ijx b'eyoc. A Moisés yet' Aarón a eb' xa c'anlb'ej.
Currently Selected:
Sal 77: CSS
Highlight
Share
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.
Sal 77
77
SALMO 77
A tas satjub'tac b'ob'il yuj Dios
A jun tic sb'it win Asaf tzc'anlb'ej Jedutún
1Caw 'ip 'ix wal in b'a 'a Dios, sec tzyab' tas tzwala.
2A wal 'a yic 'ay in cusc'ojlal, tzwaln in b'a 'a Jehová, matz in 'och wan in mojn q'ue in c'ab', yic tzin leslwi 'a junjn 'ac'wal. Palta may 'aj tz'ilchj sniwnal in c'ojol.
3A yic tzin nan cot Dios caw tzin 'oq'ui, tzin yamn 'och in b'eyc'ojlan in b'a, ax tz'aji tzjaw chab'c'ojlal 'ayin.
4Mamin Jehová, may 'aj tzin a chaj wayoc, caw man̈x in 'anmac tzwab'i, man̈xtzac stac' in paxtini.
5Tzin na cot jun tzo'n̈ sc'ual, yet' yab'lilal tas 'e'nc 'a yaln̈taxi.
6Ax 'a 'ac'wal tzin nan coti chajtl in b'itn 'a yic pecti'. Tzin nan 'ixtic:
7¿Toc am wal an̈ja 'ayt cot yowl sc'ojl Jehová 'ayn̈ on̈? ¿Tom wal man̈x b'a'n̈ tzon̈ snib'j yet' swach'c'ojlal on̈?
8¿Tom wal 'ix lajw c'och schamc'ojlal 'ayon̈? ¿Tom 'ix lajw can c'och 'aj ya'jnac sti 'a jun 'ejmn̈ej?
9¿Tom 'ix sat sc'ojl Dios 'a swach'c'ojlal? ¿Yelc'ojlal am 'ay cot yowal, man̈xtzac am 'o'ch sc'ojl 'ayn̈ on̈? xin chi 'a in nab'en.
10A wal jun tas yel xo tzwab' syail, yujto tzin na'a, to a Dios yel xo niwn yel'chi, man̈xtzac on̈ snib'j tzon̈ scol yet' spoder 'icha 'a yic yaln̈taxi.
11'Oj in na cot jun tzo'n̈ tas satjub'tac yilx b'ob'il yuj Jehová 'a yictax pecti';
12'oj in na cot smasnil tas b'ob'il yuj yet' spoder.
13Ach in Diosal, caw wach'n̈j a b'eyb'al. ¿Toc 'ay junc xo dios niwn yel'ch 'oj slajb'tzoc sb'a et'oc?
14Ach tic Dios ach, ach b'ojnac jun tzo'n̈ tas satjub'tac yilxi. 'Ix ac' 'ojcaxc 'el a tojlal yuj jun tzo'n̈ nacion̈.
15A yet' 'a poder 'ix a coln can 'el eb' a chon̈ab', atn eb' yin̈tl Jacob yet' José.
16Ach in Diosal, a wal yic ach yiln 'och a mar, caw xiw a o'oj, c'uxn 'ix 'ib'x chan̈ a xab'l yich.
17A 'asun a 'ix yac' 'emt sn̈ab'il, xc'an̈ c'u 'a satcha'an̈, c'uxn 'ix q'ue wan letz'lom 'a smasnil lugar.
18'Ix 'ab'x sc'an̈ c'u 'a scal chacxuxm'ic', caw 'ix sacb'chan̈ yolyib'n̈q'uinl tic yuj letz'lo'om, 'ix 'ib'x pax lum lum tic yuj quixcab'.
19'Ix a jac a b'e 'a yol a mar, til wal a a 'aj 'ix ach 'eq'ui, palta may junc mach x'iln 'aj x'em oc.
20'Ix ej b'ey eb' a chon̈b' 'icha tzyac' no calnelu tz'ijx b'eyoc. A Moisés yet' Aarón a eb' xa c'anlb'ej.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.