Sal 76
76
SALMO 76
A Dios tz'a'n ganar owal
Sb'it win Asaf jun tic tzc'anlb'ej junc mach tzjucb'tzan b'it
1'Ojcab'il Dios 'a Judá, caw niwn yel'ch sb'i 'a smasnil yol yic Israel.
2A 'a tzaln Sión#Sal 76.2 A jun versículo tic 'a hebreo, chab' paxti'al tzyala, tzyal cot yet'ul mto swaynub' junc no noc' caw 'ay smay. Yuj cha, 'ix ca'n 'och sb'i no león 'a tic, yic wach' matz satl jun nab'en cha. ata 'ay scajnub', 'a yol yic Jerusalén ata tzmacwji.
3Ata 'ix sma'cn wecchjoc jun tzo'n̈ yamc'ab' yic owal, atn jun tzo'n̈ q'uen jul-lab', q'uen espada, yet' q'uen tzmacn sat jun tzo'n̈ jul-lab' cha.
4Ach qui Diosal on̈, caw tzictzni elxi, yel xo caw niwn el'ch 'a yib'n̈ eb' lum niwc witz 'ayc' xon 'a pecti'.
5A eb' soldado caw jelan, 'ix 'ijx 'ec' sricoal eb'. Chamnc pax eb', man̈x 'a jac tas 'ix stac' yuj eb'.
6A wal yic x'el aw a xib'tn eb', caw wal man̈x 'ic stac' xon yib'x jac scaruaje eb', yet' pax schej eb'.
7Yel xo wal caw 'ay a may. ¿Toc 'ay mach 'oj stac' yoch lin̈n 'a ojltac, yic tox 'ix cot owal?
8A wal 'a satcha'an̈, ata xa ch'oxcn 'elt a b'eyc'ojlal, ax eb' 'anma 'ay 'a sat lum lu'um, caw sictac x'aj eb' yuj xiwlal.
9Ach qui Diosal on̈, a wal yic ach coti, 'ix a'n 'och b'eyc'ojlal, yic xa coln pax 'el eb' 'oltac yaj 'a yolyib'n̈q'uinl tic.
10A yowl sc'ojl eb' 'anma', 'oj 'a'nc niwtjoc a b'inab'il, ax jaywn̈ocx eb' ma'oj cham 'a owal, 'icha to 'oj 'och eb' elwnub'loc.
11Ca'c qui ti 'a Jehová qui Diosalec, palta tzca'n 'el'choc. E masnil ex nacion̈ oyn ex 'och 'a sla'nil schon̈ab', 'ijec cot eyofrenda 'a 'a, yujto smoj 'ay yel'ch 'a e sat.
12Yujto a tz'i'n 'ec' sq'uinl eb' yajal, caw tzxiw eb' rey yic yolyib'n̈q'uinl tic 'a 'a.
Currently Selected:
Sal 76: CSS
Highlight
Share
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.
