Sal 68
68
SALMO 68
B'it yic x'ajx ganar owal
Sb'it David jun tic tzc'an junc mach tzjucb'tzan b'it
1Toto a Dios tz'och 'a'j owal, caw sactzicnac s'atcn eb' 'ajc'ojl chi yu'uj. Ax eb' tzchichn 'och 'a 'a, tz'at eb' 'elc 'a yojltac.
2'Icha wal tz'aj satcn 'at tab' 'a scal 'ic', 'ixta tz'aj eb' satcn 'ati. Tz'ulb'x 'ejm eb' 'icha tz'aj yulb'x 'ejm no chab'ic' yuj c'ac'; 'ixta wal 'oj 'aj satcn 'el eb' maysch'olnil sb'eyb'al 'a yojltac Dios.
3Palta ax eb' wach' sb'eyb'al, caw 'oj tzaljoc eb' 'a yojltac Dios. 'Oj b'atjoc chan̈ eb' yuj tzaljc'ojlal.
4B'itn coyc 'a Dios, qui b'itquec b'it 'a sb'i. Calc wach' paxti 'a jun mach tz'ec' 'a yib'n̈ 'asun, atn Jehová. Tzalj coyc 'a sb'i. Caw tzalj coyc 'a yojltac.
5A Dios cajn 'ec' 'a yol scajnub', jun to yicn̈ej yaj sch'ocoj. A 'aych smamc eb' meb'a 'unn chamnc smam, scolmal pax eb' 'ix chamnc yichmil.
6A eb' tz'ec' sch'ocoj, a Dios tz'a'n 'aj wach' scan cajn eb'. Ax eb' tzyamchj can 'at 'icha presoal yuj owal, tzcolx 'elt eb' yu'uj, tzlajw cha, tzya'n q'ue'choc eb'. Palta ax eb' tu snab'en, a 'a lum tacn̈ lum 'oj can cajn eb'.
7Ach qui Diosal on̈, a wal yic ach 'elt 'a yojltac eb' a chon̈ab', 'ix a yamn 'och b'eyl yet' eb' 'a lum cusltac lu'um.
8A yic cha, caw x'ib'x lum lum o'oj, 'ix cot n̈ab' 'a satcha'an̈. X'ib'x lum tzaln Sinaí 'a ojltac ach qui Diosal an̈ israel on̈ tic on̈.
9Man̈x jantcoc n̈ab' 'ix a' coti, sec tzya'xb' pax sat lum tacn̈ lum jun 'ejm xo.
10Atn lum 'aj 'ix 'ec' cajn eb' a chon̈ab'. Yuj wal a wach'c'ojlal ach qui Diosal on̈, yuj cha, 'ix a'n tas tzc'ux eb' meb'a'.
11Ach Cajlil on̈, a yic 'ix alni to tz'ajx ganar eb' 'ajc'ojol, til wal eb' 'ix 'ix x'aln 'el 'ixtic:
12A eb' rey caw tz'at eb' 'elc yet' soldado, ax eb' 'ix 'ix xlaj can 'a yatut, wan spojn 'ec' eb' 'ix tas x'at to'xoc can 'ec' 'a eb' 'ajc'ojl cha,
13atn jun tzo'n̈ yechl no 'uch 'u'nc sc'axl yuj q'uen plata yet' q'uen oro. ¿Tas yuj 'ayx ma'ix eyactj eyiln no e calnelu yic tzex 'at eyac' owal? xchi eb' 'ix.
14Ach tic Dios ach, tztac' oj smasnil. A yic x'at eb' rey chi 'elc o'oj, 'ix pucb't eb' 'a sat lu'um, 'icha tz'aj yem q'uen chew 'a lum witz Salmón.
15Man̈x jantcoc schan̈il yajb't stel lum switzl Basán, man̈x jantcoc swach'l yilx swon̈quixtacl sjolm eb' lu'um.
16Ax cajn ex 'a eb' lum jolmctac witz cha, ¿tas wal yuj tzex cot q'ueln yet' e chichnc'ojlal 'a jun witz 'ix si'cn 'el Jehová Dios yico'oc, yic tzcan cajn 'a jun 'ejmn̈ej ta'?
17A Dios smiyon̈al xo sb'isl scaruaje yic owal; ata xcot 'a yol scaruaje 'a Sinaí, 'ix jaw 'a scajnub'.
18A Dios 'ix q'uecn 'a satcha'an̈, xyi'n 'at eb' 'icha preso yaji. Schan siylab' eb' 'anma', an̈jtona eb' tenmtac, xya' pax eb' yico'. A Jehová Dios 'oj can cajn ta'.
19Calc wach' paxti 'a Cajlil, atn qui Diosalec, qui Colmalec paxi; yujto 'a junjn c'u tzon̈ stan̈wniec 'a swach'ilal.
20A qui Diosalec, atn qui Colmalec paxi. A Jehová Cajlilec tic, tztac' on̈ scolnec 'el 'a yol sc'ab' chamel.
21A Dios 'oj ma'nc poj sjolm eb' 'ajc'ojl yajch 'a 'a, atn eb' an̈ja sb'on maysch'olnil.
22A Cajlilec a 'ix aln 'ixtic: A 'a lum Basán, ata 'oj wi'x cot eb' 'ajc'ojol, ax wi'n cot pax eb' 'a a mar caw xab' yich,
23sec 'oj e b'on̈ eyoc 'a schic'l eb' 'ajc'ojl cha, ax sle'n pax e no e tz'i schic'l eb' cha, xchi.
24Ach qui Diosal on̈, qui reyl ach on̈, caw 'oj a checlj 'el yuj smasnil eb' 'anma 'oj c'och secsnoc yic 'oj a c'och 'a a cajnub'.
25A eb' tzb'itni, a eb' b'ab'el. Ax eb' sonnum, a eb' tzac'an. Locn eb' 'ix cob'stac 'ix, xoj syucn eb' pandereta.
26E masnil ex yin̈tl Israel to yamn eyaj 'a tic, alc wach' paxti 'a Dios. Alc wach' paxti 'a Jehová.
27A 'a yojltac ata b'ab'l s'at eb' yin̈tl Benjamín, atn win tza'n 'unin. Til wal eb' syajlil yic Judá, eb' yic Zabulón, yet' eb' yic Neftalí, tza'n 'ochi.
28Ach qui Diosal on̈, 'icha wal otjnac a ch'oxn 'el a jelnal 'a yic pecti', 'ixta cab' tzotj a ch'oxn 'el 'ayn̈ ticnec on̈.
29A 'a atut chan̈ yajb't 'a Jerusalén, ata tzwul yac' eb' rey siylab' 'ayach.
30Tench wan jun b'uln̈ eb' 'anma 'et'jnac syamc'ab' yic owl tzcot 'a Egipto. Yujto lajn eb' 'icha jun tzo'n̈ no mam wacx caw ow, 'icha pax no quelmtac wacax. A jun tzo'n̈ chon̈b' cha, cojxn̈ej ricoal tznib'j eb', yujn̈ej snib'b'en eb' cha, tzya'n eb' owal. Sactzic cab' can 'at eb' 'anma tznib'j yac' owl cha.
31'Oj cot eb' 'aj Egipto wul yac' stojlb'al, ax eb' 'aj Etiopía caw 'oj smojq'ue eb' sc'ab' 'a 'aych ach qui Diosal on̈.
32Ex to yajl eyaj 'a eb' lum chon̈b' 'a sat lum lum tic, b'itnejc b'it 'a Dios. B'itnan̈c 'a Cajlil,
33atn jun tzb'eyc' 'a satcha'an̈, jun to 'ayc' xon 'a pecti'. 'Ab'c wal schan̈il yol sjaj. A yol sjaj cha, man̈x jantcoc spoder.
34Tzcham wal eyojcan 'el sjelnal Dios, 'ayc' yip 'a yib'n̈ chon̈b' Israel, a sjelnal tzq'ue'ch 'a satcha'an̈.
35Caw satjub'tac yilx yaj Dios 'a yol scajnub'. A qui Diosalec an̈ israel on̈ec tic, tzyac' qui jelnalec yet' quip.
¡Alx cab' wach' paxti 'a qui Diosalec!
Currently Selected:
Sal 68: CSS
Highlight
Share
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.
Sal 68
68
SALMO 68
B'it yic x'ajx ganar owal
Sb'it David jun tic tzc'an junc mach tzjucb'tzan b'it
1Toto a Dios tz'och 'a'j owal, caw sactzicnac s'atcn eb' 'ajc'ojl chi yu'uj. Ax eb' tzchichn 'och 'a 'a, tz'at eb' 'elc 'a yojltac.
2'Icha wal tz'aj satcn 'at tab' 'a scal 'ic', 'ixta tz'aj eb' satcn 'ati. Tz'ulb'x 'ejm eb' 'icha tz'aj yulb'x 'ejm no chab'ic' yuj c'ac'; 'ixta wal 'oj 'aj satcn 'el eb' maysch'olnil sb'eyb'al 'a yojltac Dios.
3Palta ax eb' wach' sb'eyb'al, caw 'oj tzaljoc eb' 'a yojltac Dios. 'Oj b'atjoc chan̈ eb' yuj tzaljc'ojlal.
4B'itn coyc 'a Dios, qui b'itquec b'it 'a sb'i. Calc wach' paxti 'a jun mach tz'ec' 'a yib'n̈ 'asun, atn Jehová. Tzalj coyc 'a sb'i. Caw tzalj coyc 'a yojltac.
5A Dios cajn 'ec' 'a yol scajnub', jun to yicn̈ej yaj sch'ocoj. A 'aych smamc eb' meb'a 'unn chamnc smam, scolmal pax eb' 'ix chamnc yichmil.
6A eb' tz'ec' sch'ocoj, a Dios tz'a'n 'aj wach' scan cajn eb'. Ax eb' tzyamchj can 'at 'icha presoal yuj owal, tzcolx 'elt eb' yu'uj, tzlajw cha, tzya'n q'ue'choc eb'. Palta ax eb' tu snab'en, a 'a lum tacn̈ lum 'oj can cajn eb'.
7Ach qui Diosal on̈, a wal yic ach 'elt 'a yojltac eb' a chon̈ab', 'ix a yamn 'och b'eyl yet' eb' 'a lum cusltac lu'um.
8A yic cha, caw x'ib'x lum lum o'oj, 'ix cot n̈ab' 'a satcha'an̈. X'ib'x lum tzaln Sinaí 'a ojltac ach qui Diosal an̈ israel on̈ tic on̈.
9Man̈x jantcoc n̈ab' 'ix a' coti, sec tzya'xb' pax sat lum tacn̈ lum jun 'ejm xo.
10Atn lum 'aj 'ix 'ec' cajn eb' a chon̈ab'. Yuj wal a wach'c'ojlal ach qui Diosal on̈, yuj cha, 'ix a'n tas tzc'ux eb' meb'a'.
11Ach Cajlil on̈, a yic 'ix alni to tz'ajx ganar eb' 'ajc'ojol, til wal eb' 'ix 'ix x'aln 'el 'ixtic:
12A eb' rey caw tz'at eb' 'elc yet' soldado, ax eb' 'ix 'ix xlaj can 'a yatut, wan spojn 'ec' eb' 'ix tas x'at to'xoc can 'ec' 'a eb' 'ajc'ojl cha,
13atn jun tzo'n̈ yechl no 'uch 'u'nc sc'axl yuj q'uen plata yet' q'uen oro. ¿Tas yuj 'ayx ma'ix eyactj eyiln no e calnelu yic tzex 'at eyac' owal? xchi eb' 'ix.
14Ach tic Dios ach, tztac' oj smasnil. A yic x'at eb' rey chi 'elc o'oj, 'ix pucb't eb' 'a sat lu'um, 'icha tz'aj yem q'uen chew 'a lum witz Salmón.
15Man̈x jantcoc schan̈il yajb't stel lum switzl Basán, man̈x jantcoc swach'l yilx swon̈quixtacl sjolm eb' lu'um.
16Ax cajn ex 'a eb' lum jolmctac witz cha, ¿tas wal yuj tzex cot q'ueln yet' e chichnc'ojlal 'a jun witz 'ix si'cn 'el Jehová Dios yico'oc, yic tzcan cajn 'a jun 'ejmn̈ej ta'?
17A Dios smiyon̈al xo sb'isl scaruaje yic owal; ata xcot 'a yol scaruaje 'a Sinaí, 'ix jaw 'a scajnub'.
18A Dios 'ix q'uecn 'a satcha'an̈, xyi'n 'at eb' 'icha preso yaji. Schan siylab' eb' 'anma', an̈jtona eb' tenmtac, xya' pax eb' yico'. A Jehová Dios 'oj can cajn ta'.
19Calc wach' paxti 'a Cajlil, atn qui Diosalec, qui Colmalec paxi; yujto 'a junjn c'u tzon̈ stan̈wniec 'a swach'ilal.
20A qui Diosalec, atn qui Colmalec paxi. A Jehová Cajlilec tic, tztac' on̈ scolnec 'el 'a yol sc'ab' chamel.
21A Dios 'oj ma'nc poj sjolm eb' 'ajc'ojl yajch 'a 'a, atn eb' an̈ja sb'on maysch'olnil.
22A Cajlilec a 'ix aln 'ixtic: A 'a lum Basán, ata 'oj wi'x cot eb' 'ajc'ojol, ax wi'n cot pax eb' 'a a mar caw xab' yich,
23sec 'oj e b'on̈ eyoc 'a schic'l eb' 'ajc'ojl cha, ax sle'n pax e no e tz'i schic'l eb' cha, xchi.
24Ach qui Diosal on̈, qui reyl ach on̈, caw 'oj a checlj 'el yuj smasnil eb' 'anma 'oj c'och secsnoc yic 'oj a c'och 'a a cajnub'.
25A eb' tzb'itni, a eb' b'ab'el. Ax eb' sonnum, a eb' tzac'an. Locn eb' 'ix cob'stac 'ix, xoj syucn eb' pandereta.
26E masnil ex yin̈tl Israel to yamn eyaj 'a tic, alc wach' paxti 'a Dios. Alc wach' paxti 'a Jehová.
27A 'a yojltac ata b'ab'l s'at eb' yin̈tl Benjamín, atn win tza'n 'unin. Til wal eb' syajlil yic Judá, eb' yic Zabulón, yet' eb' yic Neftalí, tza'n 'ochi.
28Ach qui Diosal on̈, 'icha wal otjnac a ch'oxn 'el a jelnal 'a yic pecti', 'ixta cab' tzotj a ch'oxn 'el 'ayn̈ ticnec on̈.
29A 'a atut chan̈ yajb't 'a Jerusalén, ata tzwul yac' eb' rey siylab' 'ayach.
30Tench wan jun b'uln̈ eb' 'anma 'et'jnac syamc'ab' yic owl tzcot 'a Egipto. Yujto lajn eb' 'icha jun tzo'n̈ no mam wacx caw ow, 'icha pax no quelmtac wacax. A jun tzo'n̈ chon̈b' cha, cojxn̈ej ricoal tznib'j eb', yujn̈ej snib'b'en eb' cha, tzya'n eb' owal. Sactzic cab' can 'at eb' 'anma tznib'j yac' owl cha.
31'Oj cot eb' 'aj Egipto wul yac' stojlb'al, ax eb' 'aj Etiopía caw 'oj smojq'ue eb' sc'ab' 'a 'aych ach qui Diosal on̈.
32Ex to yajl eyaj 'a eb' lum chon̈b' 'a sat lum lum tic, b'itnejc b'it 'a Dios. B'itnan̈c 'a Cajlil,
33atn jun tzb'eyc' 'a satcha'an̈, jun to 'ayc' xon 'a pecti'. 'Ab'c wal schan̈il yol sjaj. A yol sjaj cha, man̈x jantcoc spoder.
34Tzcham wal eyojcan 'el sjelnal Dios, 'ayc' yip 'a yib'n̈ chon̈b' Israel, a sjelnal tzq'ue'ch 'a satcha'an̈.
35Caw satjub'tac yilx yaj Dios 'a yol scajnub'. A qui Diosalec an̈ israel on̈ec tic, tzyac' qui jelnalec yet' quip.
¡Alx cab' wach' paxti 'a qui Diosalec!
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.