Sal 65
65
SALMO 65
Smoj wal yalx wach' paxti 'a Dios
Sb'it David jun tic tzc'an junc mach tzjucb'tzan b'it
1Ach qui Diosal on̈, smoj wal yalx wach' paxti 'aych 'a Sión, caw smoj ca'n 'el'choc tas ta'wb'il cuj 'aych on̈.
2Smasnil 'anma tzjaw 'ayach, yujto tzab'n̈j slesl eb'.
3A wal qui maysch'olnilal on̈, a chi tzon̈ 'a'n telwc on̈, palta ach xo tzac' lajwc qui mul chi 'on̈.
4Caw wach' quic an̈ sic'b'iln̈ 'el oj tic on̈, tzon̈ e'n 'at cajn 'a a tz'ey 'a atut. Caw 'oj qui b'ut'j yuj tas wach' sc'uxx 'ay 'a atut cha, atn tas caw ecn̈ej yaji.
5Ach qui Diosal on̈, qui Colmal aji, ach tzon̈ a ta'wej, tzon̈ a b'onyaj yet' tas satjub'tac yilxi. Smasnil eb' 'anma cajn 'a sat lum lum tic, yet' eb' cajn 'a sc'axpil 'ec' a mar, 'oj ach ya'ch eb' yipc sc'ojol.
6Yuj a poder caw tzatz 'ix otj can lum niwc witz 'a yet'ul.
7Tza'n 'och wan yib'x sat a mar, tza'n pax 'och wan sb'uylji eb' niwc chon̈b' ya'n owal.
8An̈jtona eb' cajn 'a snajtil sat lum lum tic, 'oj 'ib'xoc chan̈ eb' yiln tas satjub'tac yilx tza b'o'o. O'oj 'ay 'aw yic tzaljc'ojlal 'a stojlal 'aj tzq'uel c'u masnto 'a 'aj tz'em c'u.
9Ach 'aych 'och eln sat lum lum tic, tza'n cot n̈ab' 'a yib'n̈ lu'um. Tza'n q'uib' tas 'ay 'a sat, yet' a a tz'el yoctac, atn a tz'a'n q'uib' 'ixm trigo. 'Ixta wal tzotj a b'on lum lum ach qui Diosal on̈.
10Ach tzac' yaxb'oc sat lu'um, tza tojlb'tzan smasnil sch'olquixtacl sat. Tza'n c'unb'oc lum yuj yaxn̈ab', tza'n a yaxilal 'a yib'n̈ tas tz'el 'a sat lu'um.
11Til wal sat 'awb'en tzyac' 'a junjn ab'il o'oj, ax 'asun a tz'och n̈ab'il.
12Yuj cha, caw tzyaxb' sc'ultcal lum cusltac lu'um, ax lum tzalctac, caw wach' yilx tz'aj lu'um.
13A 'a smasnil lum 'a'lic, ata tzb'ut'j 'ejm no calnelu; ax lum pan̈an, tzb'ut'j 'el lum yuj 'ixm trigo. Yuj cha, tzb'itn smasnil eb' 'anma 'ayach, tz'el pax yaw eb' yuj tzaljc'ojlal.
Currently Selected:
Sal 65: CSS
Highlight
Share
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.
