Sal 60
60
SALMO 60
Lesl yic tzc'anx scolwal Dios
(Sal 108.6-13)
Sb'it David jun tic, cuynb'il paxi yic 'ix 'och owl yet' eb' sirio 'aj Mesopotamia yet' eb' 'aj Sobá. Xlajw cha 'ix 'at Joab 'ix smiln cham lajchwe mil eb' soldado 'aj Edom 'a lum span̈nil 'aj 'ay 'atz'am. A jun b'it tic tzc'anlb'ej junc mach tzjucb'tzan b'it.
1Ach qui Diosal on̈, yet' wal yowl a c'ojol on̈ actn cani, on̈ a'n 'ajxc ganar. Ax ticnec 'a'x quip jun 'ejm xo on̈.
2'Ix ac' 'ib'xoc lum lum tic, yuj cha, xjat lu'um, ax ticnec, macx can sjatlil lu'um, yujto xchoc'b' lu'um.
3An̈ a chon̈b' on̈ tic on̈, 'ix ac' quil niwc yailal, 'icha to 'ix ac' cuc' jun yal uva tzcot 'a qui jolm yu'uj.
4'Ix ac' jun senya 'a eb' to 'ay el'ch 'a sat, sec matz yamchj eb' yuj jun tzo'n̈ sjul-lab' eb' 'ajc'ojol.
5Ta'wan̈ 'ayn̈ on̈, coln̈ yet' a poder, col eb' 'anma tza chamc'ojlej.
6A Dios 'ix ta'w cot 'a scajnub', 'ix yaln 'ixtic: Caw tzaljc'ojlal 'oj in pojc' lum Siquem yet' lum span̈nil Sucot.
7A Galaad yet' Manasés an 'ay wico'; a Efraín 'icha to in q'uen xumpiln yaji, ax Judá lajn yet' jun in c'occh yic wopiso.
8A Moab 'icha in palagan yaji a 'aj tzin b'ic woc yet' in c'ab'. A 'a yib'n̈ Edom, ata tzwa'cn 'at in xan̈ab'. 'Oj 'el waw yuj tzaljc'ojlal 'a yic 'oj wa'noc ganar eb' filisteo, xchi.
9¿Mach wal 'oj qui'n 'at 'a jun chon̈b' oyn 'och smuroal? ¿Mach 'oj qui'n 'at 'a Edom?
10Ach qui Diosal on̈, 'in to on̈ a patquilj can 'eli; yuj cha, man̈xtoc ach colwj yet' eb' qui soldado on̈.
11Colwjan quet' on̈, sec matz on̈ yac' ganar eb' tzchichn 'och 'ayn̈ on̈, yujto may jac yel'ch scolwal eb' 'anma quet' on̈.
12A yet' Dios 'oj stac' ca'nec ganar owl cha, a 'oj te'noc can 'ejm eb' 'ajc'ojl yajch 'ayn̈ec.
Currently Selected:
Sal 60: CSS
Highlight
Share
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.
