Sal 57
57
SALMO 57
Lesl yic tzc'anx scolwal Dios
(Sal 108.1-5)
Sb'it David jun tic yic 'ix 'at 'elc 'a Saúl, 'ix 'at tzc'ub'c 'el sb'a 'a yol q'uen n̈aq'ue'en. A jun b'it tic tzc'anlb'ej junc mach tzjucb'tzan b'it.
1Ach in Diosal, 'o'ch cab' a c'ojl 'ayin. A 'aych tzin col in b'a masnto tz'ec' jun yailal tic 'a wib'an̈. Tzin nib'j tzin col in b'a 'aych 'icha tzyutj scoln sb'a no yune caxtiln̈ 'a yaln̈ sc'axl snun.
2Ach in Diosal caw niwn el'chi, 'oj wal in b'a 'ayach, colwjan̈ wet' 'a smasnil tas.
3A yuj a chamc'ojlal yet' yuj tz'el'chn̈ej tas tzala, yuj cha, tza' cot colnb'il 'ayn 'a satcha'an̈, ax in a coln 'el 'a yol sc'ab' eb' tzin 'ixtni.
4Oyn 'och eb' 'ajc'ojl 'ayn 'icha no león tzchin eb' 'anma'. Lajn wal ye eb' 'icha q'uen lanza, lajn pax yet' jun tzo'n̈ jul-lab'; a spaxti eb', lajn yet' q'uen espada caw jay ye.
5Ach in Diosal, 'ijx cab' chan̈ a b'i 'a yib'n̈ satcha'an̈, ch'oxx cab' a tzictznil 'a smasnil yolyib'n̈q'uinl tic.
6A eb' 'ajc'ojl yajch 'ayin, xyac' 'ejm eb' ch'an̈ yal 'a wojltac, caw tztac in c'ojl yuj eb'. 'Ix sjoyn eb' jun jul 'a wojltac, palta mun a eb' xtelw can 'at 'a yojol.
7Ach in Diosal, caw tzchaj in c'ojl ach in b'itnani, caw tzin nib'j tzach in b'itnej.
8A yic 'oj sacb'c 'el 'a junx c'u, ax yel in wayan̈, 'oj ach in b'itnoc yet' arpa yet' pax salterio.
9Mamin, 'oj ach in b'itnoc 'a scal eb' chon̈ab', yet' 'a scal eb' niwc nacion̈.
10Yujto a 'a chamc'ojlal, caw tzc'och 'a satcha'an̈; ax a tojlal man̈x 'a slajub'.
11Ach in Diosal, 'ijx cab' chan̈ a b'i 'a yib'n̈ satcha'an̈, ch'oxx cab' a tzictznil 'a smasnil yolyib'n̈q'uinl tic.
Currently Selected:
Sal 57: CSS
Highlight
Share
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.
