Sal 26
26
SALMO 26
A slesl eb' wach' sb'eyb'al
Sb'it David jun tic
1Mamin Jehová alcn 'eli to may in mul, yujto wach'n̈j tas tzin b'o'o. Caw 'aych 'och yipc in c'ojol, may xon in chab'c'ojlal 'ayach.
2'Ilt in wal Mamin, 'a'lj in prowal. Say el in nab'en yet' in pixan.
3Yujto may 'aj tzwac' sat in c'ojl 'a a chamc'ojlal, caw yiclumn̈ej tzwutj in b'a 'ayach.
4May 'ajtil jun wec' yet' eb' 'ixtm 'anma', may pax 'ajtil jun wec' yet' eb' chab'satl yaji.
5Caw matz in nib'j wil syamnil eb' tzb'on maysch'olnil, may pax 'ajtil tzwa'ch in b'a yet' eb' tu sb'eyb'al.
6Mamin Jehová tzin b'icl in c'ab', yic tzin ch'oxn 'eli to may in mul, 'ixta to b'i'an ax in c'och 'a stz'ey yet'l a xajmb'al.
7Ax waln in wach' paxti 'aych yet' in b'it, tzwal-l yab'xil a munljel to satjub'tac yilxi.
8Mamin Jehová, tzin chamc'ojlej atut 'a 'ajtil cajn ach 'eq'ui, 'a 'ajtil tzb'inax a b'i.
9Man̈ junnjoc tzotj e'n 'ec' in q'uinl yet' eb' maysch'olnil sb'eyb'al. Man̈ in a mil cham yet' eb' milm cham 'anma'.
10Yujto 'aych smul eb' chi 'a 'a, c'un schan pax eb' q'uen c'ultac tumin.
11Aln pax jun, cojxn̈ej tas wach' tzin b'o'o. 'O'ch cab' wal a c'ojl 'ayin, coln 'eli.
12Mamin Jehová, te'n waji sec matz in 'ejm 'a tas 'ay smay; 'oj wal wach' paxti 'aych 'a yojltac eb' wit chon̈ab'.
Currently Selected:
Sal 26: CSS
Highlight
Share
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.
